منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > قسم التربية والتعليم > الفن الادب الشعر > الشعر
تابعنا على الفيس بوك تابعنا على تويتراضفنا لقائمة ال RSS

بوابة نوكيا


بقلم العضو مجموعة اشعار للشاعر الصغير ( ماهر السفروت )

بقلم العضو




ساهم بنشر الصفحة
رد
 
أدوات الموضوع
السلام عليكم ورحمة الله وبركاته

اقدم لكم اليوم مجموعة اشعار وخواطر للشاعر الصغير ( ماهر السفروت )
maher_safroot@yahoo.com
صفحة الشاعر الصغير

وهى
انا زعلان
ضربات قوية
فيوم حكمنا خروف
ربك بيرزق
ليه يا مصر
قلبى موجوع
قلمى والاحزان
انسان مالوش احساس
طب ليه
سيرة ذاتية


كتبت هذه الاشعار والخواطر بقلم الشاعر الصغير ماهر السفروت
منها اصبحت اغانى مثل( قلبى موجوع - انسان مالوش احساس ) والعديد من اشعاره وهذه ليست جميع الاشعار هناك الكثير

اترككم لتستمتعوا بهذه الكلمات

نبداء بـ ( سيرة ذاتية )
حساس وقلبى من الماس ومن الاساس انا انسان ضعيف ظريف ودمى خفيف وماليش فى النكد والتأليف بحب الى بيحبنى مش بكره الى بيكرهنى لان مافيش حد بيكرهنى الحب بالنسبالى عمره ما جالى لانه دايما معايا وفى بالى وساكن فى قلبى وخيالى الحياة دايما جميلة بالحب والوفاء وبتكون اجمل بالادب والاخلاق انا العاشق الولهان القى كلماتى فى كل مكان فى قلبى الحب والحنان ومن الاخر انا انسان وحيد على مر الزمان فى الرومانسية استاذ ومعنديش اى انحياز للحزن وفى النهاية احب اقول عن قلبى انا المسؤل وهعيش سعيد على طول رغم كل الجراح..

( ربك بيرزق )
ربك بيرزق .........الغنى والفقير
ربك بيرزق........ القوى والضعيف

قوم يلا اسعى وشوف اللعب على المكشوف
رزقك اكيد هيجيلك واوعى تعيش بالخوف

ربك اكيد موجود رزقك ملوش حدود
ده بيرزق الغزلان فى حقل كله اسود
قوم يلا اسعى وشوف اللعب على المكشوف

انزل وشوف الحال اعمل وهد جبال
ده الرزق للى بيسعى وهيجيلك فى الحال
قوم يلا اسعى وشوف اللعب على المكشوف

ده معقل المجنون ومصلح اللي مال
سبحانه خالق الكون ومغير الاحوال
قوم يلا اسعى وشوف اللعب على المكشوف

اركب ولف بلاد عاشر وشوف امجاد
روحك كل ما بتسعى كل اما رزقك زاد
قوم يلا اسعى وشوف اللعب على المكشوف
رزقك اكيد هيجيلك واوعى تعيش بالخوف



(فيوم حكمنا خروف)

فيوم حكمنا خروف من جماعة الاخوان
بيتاجر باسم الدين ودمى ودمك هان
وعملنا ثورة عليه ونزلنا فى كل مكان
وسحبنا منه الشرعية بوقفتنا فى الميدان
فكرنى بقصة قصيرة السجين والسجان
سجين وغله فى قلبه وسجان مالهوش امان
سجان كان من الفلول وظالم ومش انسان
وسجينه كان اخوانى معروف على مر الزمان
هرب السجين فى ثورة خالية من الخرفان
قال علينا كفرة وقلبنا مليان ايمان
فى ظل حكمة عين اهل وعشيرة وجيران
وفيوم عرفنا حقيقته وعرفنا انه جبان
عايش طرطور لجماعته وللعدو كمان


( انا زعلان )
اعز ما ليا منصحنيش ... سبنى اتمادة فى غلطى واعيش
وجاى يقولى فى النهايا ... ايام وفاتت وماتبكيش

ايدى الى يامة مسحت دموعهم ... قلبى الى يامة داوى وجعهم
فجأة لقيتهم بيعاتبونى ... وكل الى انا عملته مافيش

انا زعلان ..كتير من نفسى ... انا يامه عشانهم..جيت على نفسى
وهم فى اقرب فرصة باعونى ... وسابونى اشكى جراحى لنفسى

جوايا عزاب.. وقلم ودموع ... بصرخ وصوتى ..مش مسموع
كفاية خلاص قلبى الموجوع ... انا اللى هداوى جرحه بنفسى

انسى ازاى جرح الاحباب ... انا تعبان وجوايا عزاب
اعمل ايه مع ناس خاينين ... قلبى خلاص من الجرح تاب

هاخد حقى وهكون انانى ... وانا مش هجرح قلبى تانى
هجرح فيهم وبكى عنيهم ... ومن النهاردة قفلت الباب

انا زعلان ..كتير من نفسى ... انا يامه عشانهم..جيت على نفسى
وهم فى اقرب فرصة باعونى ... وسابونى اشكى جراحى لنفسى

جوايا عزاب.. وقلم ودموع ... بصرخ وصوتى ..مش مسموع
كفاية خلاص قلبى الموجوع ... انا اللى هداوى جرحه بنفسى



( ليه يا مصر )
ليه يا مصر يا أم البلاد
ليه كل اللي فيكى فساد
ليه بقينا عبيد وأسياد

ليه بيكى الخير قل
ليه فيكى الشر زاد
ليه ضاع الأمن والأمان
ليه ضاعت حقوق الإنسان
ليه بقينا في زمان
ابنك فيكى مالوش مكان

ليه يا مصر يا أم البلاد
ليه كل اللي فيكى فساد
ليه بقينا عبيد وأسياد

ليه كل اللي فيكى بهايم
ليه كل مسئول نايم
وأنا اللي في بحرك عايم
ومكنش فيكى غير أمجاد

ليه يا مصر يا أم البلاد
ليه كل اللي فيكى فساد
ليه بقينا عبيد وأسياد


( قلبى موجوع )
راجع من جديد
اعيش حياتى وحيد
قلبى يا ناس موجوع
كفاية اهات ودموع

حبيبى الغالى خدعنى
سابنى لوحدى وباعنى

حبيته ياناس من قلبى
مقدرتش يوم انا اخبى
فجأة لقيته لغيرى
ولا عايز يوم يسمعنى

عيشت حياتى ليه
حبيت الدنيا بيه

نفسى اشوفك ثانية
يا اجمل شئ فى الدنيا

راجع من جديد
اعيش حياتى وحيد
قلبى يا ناس موجوع
كفاية اهات ودموع



( ضربات قوية )
فى كل دقة فى قلبي بتألم
وكل لحظة فى عمرى بتعلم
سكينته فى ظهرك وهو ايده بتسلم

من اقرب ناس وجت ضربات قوية
والزمان لف ودار بيا
الحزن ساكن قلبى والفرحة منسية

مشفتش فحياتى غير عزاب
عرفت مين بجد حبيب
وعرفت مين خاين كداب

من اقرب ناس وجت ضربات قوية
والزمان لف ودار بيا
الحزن ساكن قلبى والفرحة منسية

العمر خلاص ضاع منى بقاسى من صغر سنى
ومفيش رحمة فقلوبهم ولا حتى حاسين بيا
من اقرب ناس وجت ضربات قوية
والزمان لف ودار بيا
الحزن ساكن قلبى والفرحة منسية

( طب ليه )
راجعة تانى تقول بهواك
ومن النهاردة انا مش هنساك
خلاص عرفت بجد حقيقتك
بعد ماكنت فاكرك ملاك

طب ليه اعيش حياتى
طب ليه كترت اهاتى
عيشت عمرى كله فى حزن
معشتش يوم فرح فى حياتى

قلبى المفتوح ليكى قفلته
جرحى معاكى انا استحملته
عايزانى ليه علشانك انتى
متحركش واقف مكانى
طب ليه راجعة تانى
طب ليه قولتى انسانى

وازاى ارجع تانى
لواحد خاين انانى
كنت زمان انا بترجاك
جاى دلوقتى بتترجانى


( انسان مالوش احساس )
عمري ضاع منى وأنا راضى دايما بالمكتوب
وازاى هغير واقع أنا دا لمكتوب مكتوب
ومين هيتحمل جرحين جرح الصاحب والمحبوب

انسان مالوش إحساس وضاع منه الأمل
بيضحك في وش الناس وحياته لا تحتمل
مش عارف أداوى جروحي ولا عارف إيه العمل

عايش عمري مستني لحظة وحدة تفرحني
والضربة جت من أغلى ماليا واقرب ناس بيجرحنى
ياما اديت لأعز حبيب وهو بأيده دبحنى

انسان مالوش إحساس وضاع منه الأمل
بيضحك في وش الناس وحياته لا تحتمل
مش عارف أداوى جروحي ولا عارف إيه العمل

( قلمى والاحزان )
لقد فرغ الحبر من قلمى فى كتابة الاحزان فمتى سوف اكتب يوم عن فرحى الذى قد فان سجلت جرحى فى اوراق وقد نفذت الاوراق ومازلت اشكى المى للخلاق ربى اسألك فرح لقلبى وغفران لزنبى فانى قد نسيت الفرح من سنين واشكى عزابى وجرحى لمين ربى انت عالم بحالى الزمان اخذ منى فرحتى وحبيبى الغالى ربى اسألك دخول جنتك فاكتبهالى


شكرا لمتابعتكم ارجو ان تنال الكلمات اعجبتكم
انتظر ردودكم




الساعة الآن 06:56 AM.