منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > مملكة الطبيعه > عالم البحار
تابعنا على الفيس بوك تابعنا على تويتراضفنا لقائمة ال RSS

بوابة نوكيا


سمك البوري




ساهم بنشر الصفحة
رد
 
أدوات الموضوع
!! السلام عليكم ورحمة الله وبركاته !!


المغرب

تقع المملكة م2 المغربية على الساحل الشمالي الغربي لقارة أفريقيا، وتحدها الجزائر شرقاً، وموريتانيا جنوباً، والمحيط الأطلسي غرباً والبحر المتوسط شمالاً ويبلغ طول سواحلها 1835كلم، وتبلغ مساحة المملكة المغربية 446.550 ألف كم2السكان.كانها 32.725.847 مليون نسمة ويشكل المسلمون نسبة 98.7% من عدد السكان.
الثروة السمكية المغربية
بلغ انتاج المملكة المغربية من الأسماك نحو 1000 طن سنويًا بقيمة تجاوز 7 مليار درهم ، ويساهم الصيد الساحلي بنسبة 82% من الانتاج المحلي ، وشهدت الصناعات السمكية في المملكة انفتاحًا كبيرًا على الأسواق الأوروبية و اليابانية وقد وصلت صادرات المملكة من الأسماك والصناعات السمكية الى 50% من قيمة الصادرات الزراعية والغذائية للمملكة المغربية

البورى من انوع السمك التى تعيش فى مجموعات كبيرة و يطلق بعض الصيادين على البورى حسب حجمة اسماء منها البوري
الصغير: جران المتوسط: بوري الكبير: كمبوت
غير طبعا اسماء كتير زى جعبوب – طوباره – اصفر ودن
و ينتسب له 10 اجناس و حوالى 100 نوع سمك
يتواجد البورى عادة في المياة متوسطة العمق يعني من 3 ل 6 متر تقريبا و بيعيش فى المياه المالحه و العذبه
موسم صيد البوري : يتواجد البورى طوال العام و لكنة بيقل جدا في الصيف والشتاء يعني لما المية تسخن قوي ولما تبرد قوي

طرق صيد البوري


البوري عادة بنصطاده بالبوصة العادية وده بيكون بطريقتين
1- الصيد بالفلة
البورى من الاسماك الحساسة جدا علشان كده لازم نختار وقت الصيد وعدة الصيد المناسبة صيد البوري يكون بهدوء شديد ولو بتصطاد بالنهار لازم تختار مكان لا ينعكس الظل المترتب عن خيالك على المية يعني لا تجعل الشمس في ضهرك علشان ظلك مايجيش على المية
الشعر الاساسي مش اكتر من 25
شعرالارمه من 12 ل 20
السلاح 10-11-12
صيد البوري بالفلة يكون طعمك عجينة ومش اي عجينة لازم تكون طرية .
بالنسبة لشعرالارمه بيكون قصير يعني فرع 25 سم والتاني 20 سم
العمق اللي بتصطاد علية يكون نص عمق المية
اطعم العجينة وارمي.. خطاء يرتكبة جميع الصيدين احنا قلنا ان البوري حساس جدا لاي حركة غريبه لو انت رميت زي ما بترمي يبقى مش حتلاقي ولاسمكة بورى في المية يبقى احنا لازم ننزل الفلة بالراحة في المية و توكل على الله .
البوري مش بياكل زي باقي السمك البوري فيه ناس بيقولو انه بيلحس الطعم وده طبعا مش صحيح لانه بياكل ولكن لان بقه فتحته لفوق وبقه صغير جدا فبيسحب من الطعم حتت صغيرة جدا وعلشان كده لما بياكل بنلاقي ان الفلة مش بتغمز
بنلاقي ان الفلة بتتحرك حركة بسيطة احنا بنقول انه بيخنق الفلة لما السمكة تاكل معاك اوعى ترد فيها جامد وده لسببين اولا لاننا قلنا ان اي حركة غريبة حتخلي السمكة تفزع وثانيا لان بق البوري ضعيف لو اديتة واحدة جامده شوية حتلاقي بقة بس هو اللي طالع وطبعا لو السمكه كبيره حيتقطع الشعر علشان بنستخدم شعر رفيع .
2- صيد البوري بالربع (المشنقة)
شعر اساسي 25
شعر الارمه 15 ل 20
الصيد بدون فلة
الشعر الاساسي طولة نص عمق المية
السلاح كبير شوية يعني 6 او 5
وبيكون عدد من 5 ل 7 سنانير بنعمل 3 طولهم حوالي 10 سم والباقي طولهم حوالي 5 سم , ونحط رصاص شريط حوالين مكان توصيل السنانير ,الصيد بيكون بعجينة ناشفة , بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية في الطريقة دي البوري هو الي بيوقع نفسة وعلشان كده سموها المشنقة. وممكن نستخدم طعم تاني مع الطريقة دي وهو السردين تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة .
صيد البوري بالبوصة والماكينة (السندويتش)
الشعر الاساسي 40
شعر الارمه 30 او 35 وده لازم لان السمك اللي بيضرب عليك سمك تقيل
السلاح بيكون حوالي 6 او 7
بنربط 10 او 15 سناره كلها متواليه فى شعر حوالى متر و نصف وبتكون الرصاصه متوسطه الوزن و حره يعنى مش بنثبتها ونجيب قطعة فل حوالى 15 سم فى 10 سم و عيش بلدى بس نقلب الرغيف بحيث يكون الجزء الداخلى هو اللى بره ونلف العيش على الفله ونلف الشعر بالسنار على العيش بحيث يكون السنار موزع على جميع اجزاء العيش ونجيب استيك عادي من بتاع الفلوس علشان يثبتهم كلهم مع بعض .
لما بترمى بالماكينه علشان الرصاصه حره بتنزل و تثبت على الارض و يطفو العيش على سطح و ما يتحركش مع تيار المياه و لما السمك بيحاول ياكل العيش بيشبك نفسه فى السنار .

!!الـــــنــــهـــــايـــــ ــــة!!

مواضيعك رائعه

جزاك الله خير

بارك الله فيك
الساعة الآن 07:15 PM.