منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > قسم التربية والتعليم > الفن الادب الشعر > الشعر > جبر الخواطر
تابعنا على الفيس بوك تابعنا على تويتراضفنا لقائمة ال RSS

بوابة نوكيا


شفتك تمشي وي غيري و بجيت دموع




ساهم بنشر الصفحة
رد
 
أدوات الموضوع










شفتك تمشي وي غيري و بجيت دموع





شفتك تمشي وي غيري و بجيت دموع
و لان كلش اغار و واكع بحبك

هو الـ يحبك فرض هيج يغار
اكص جدمه اذا غيري مشه بدربك

دباوع لحظه ليه و حن علي فد يوم
رايد نظره منك ما ردت قلبك

حبيتك ذنب بس كلت اظل وياك
خل تحركني نارك قابل بذنبك

منك غارت النجمه و شمس الغروب
و يتمنى القمر لو يكعد بقربك

و بقى عطر الورد من ريحتك مسطور
لو يحجي الورد صدكني ليسبك

و تريد اني اقاوم هالجمال البيك
لك انت المؤذن يسكر بعطرك

يجي حتى يأذن بس يصيح الله
ينسه اكبر و يصيح (( الله يا حبك ))

تمشي و بخصرك تميل و نميل وياك
و اذا بحجاره تعثر ننكلب قبلك

تشيل اللفه تاكل .. بس تصل لشفاك
اثاري اللفه هي التاكل بشفتك

تعاملني بقساوه و تدري بيه اهواك
و اعاتب قلبي و اكوله السبب من عندك

و اذا مره حجيت .. و ما حجيت وياي
اكص لساني اكولن يمكن مزعلك

و صح قلبي يتسودن من يمر طاريك
و صح العقل يمك و الفكر يمك

بس خليني احذرك لا تتعده وياي
و لتكولي تذلني و اقبل بذلك

لان حبك معزتك ضحكتك ملكاك
تحت جدم الكرامه .. ليمهه ما رفعك

بس غير الكرامه شما تسوي يهون
و اطلعلك اعذار و اقبل بعذرك

و اذا تطلع فتاوي تكفر اليهواك
اول واحد اني .. الواكع بكفرك

و اذا حبك ثلج راضي احضنه بكانون
و بتموز قابل اكل بجمرك

دعيت الله تحبني و انت ليه تصير
و سهرت الليل اسجد و اركع لربك









رآئعه هى حروفك ورآقي هو خط قلمك
حروف نقشت بالذهبوكلمات أستوطنت بعمق الروح
سلمت يمناك وسلم لنا أحساسك الرآقي
دمت كما أنت فىتألق دآئم
ودمت بحفظ الرحمن
د. السيد عبد الله سالم
المنوفية - مصر

يعطيك العافيه
هههههههههههههههههه
زين اني احشي عراقي ولا شان مافهمت طاول
هههههههههههههههههههه
تعاملني بقساوه و تدري بيه اهواك
و اعاتب قلبي و اكوله السبب من عندك

طرح جميل سلمت يداك اخي الكريم

دمت سالماً