منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > قسم التربية والتعليم > الفن الادب الشعر > القصص
تابعنا على الفيس بوك تابعنا على تويتراضفنا لقائمة ال RSS

بوابة نوكيا


قصة لحظات غريبة بين اثنين

قصص غريبه




ساهم بنشر الصفحة
رد
 
أدوات الموضوع
كل عام وانتم بخير

جيت على الوعد بقصة جديدة اسمها


لحظات غريبة بين اثنين ...خلقت الحب في قلبين

للكاتبة: سهر الليالي 84



ياااااااااااااارب تعجبكم


الحلقة الأولى
يلا يا بنتي نروح بيت خالج ..
دانة يمه ما أبي ..خالد كله يطقني ..
أم نايف يلا يا بنتي ..هذا ولد خالج .. يمون عليج ..
دانة يمه يعورني ..
ام نايف يلا يلعب وياج يالخبول .. يلا البسي نفنوفج وتعالي لغرفتي احط لج جحال وديرم ..
دانة يمه ..الناس مايحطون ديرم يحطون حمره بس ,,
ام نايف تعالي يالخبله تعالي ..

((دانة الفرد رقم 6 في عايلة بو نايف.. بينها وبين امها ثلاث وأربعين سنة..الكل يحمد الله ان دانة ما اطلعت منغوليه.. لان امها يابتها في عمر كبير.. كل اخوانها وخواتها كبار .. وهي تو عمرها ثمن سنوات .. اخوانها نايف وناصر وثامر وسعود ونوير..((
**************
ام خالد تعالي يالعنود سوي جاي ابوج بيجي الحين مع عمتج .
العنود يا ربي ..متى أتزوج وأرتاح ..مليت ..الجاي على عبير ..أنا سويته آخر وحده ..
ام خالد نادي عبير ..
العنود يمه انتي ناديها لانها بتصرخ علي ..
ام خالد عبييييييييييييييييييييييي يييير ..
عبير نعم يمه ..
ام خالد سوي جاي ..
عبير زين ..
خالد من بيجي اليوم؟؟
ام خالد عمتك وبنتها الدانة وبنتها نوير ..
خالد يهالدانة اللي باطة جبدي ..دلوعه ..
ام خالد شتبي من بنت عمتك ؟؟ شسوت لك كله حاط دوبك دوبها ؟؟
خالد تلوع جبدي من أشوفها ..ما أطيق شوفتها ..
ام خالد جوف لا تفشلني جدام عمتك .. مالك شغل فيها ..
خالد حاس بوزه ..وفي قلبه نية سوده للدانة ..
((خالد الولد الوحيد بين اربع بنات ..عمره خمس طعش سنه .. ((

*********

نوير تهقين ولد خالي بيكون موجود يالدانة؟؟
الدانه من؟؟ الخايس خالد؟
نوير لا تقولين عنه خايس..والله انه حبوب ..أبي أسولف معاه ..أبي أجرجره بالحجي عن عامر ولد خالتي مريم .
الدانه والله انه خايس..أنا أقولج عن عامر ..تراه يشرب سجاير ..شفته هذيك المره مع عبود الخايس ..ورى الميلس يدخنون ..
نوير لايكون علمتي حد؟
الدانه ماعلمت إلا بسمه رفيجتي ..
نوير لاتقولين لحد ..ياويلج ..
(نوير عمرها 18سنه وتركت المدرسه من كانت في صف رابع (
الدانه شلبس اليوم؟
نوير حيالله دراعه ..رايحين بيت خالي ..ومافي حد غريب ..
الدانه امي قالت لي البس نفنوف .وكانت تبي تحط لي جحل وديرم بس شردت وقلت لها اني بحط حمره مالتج ..
نوير عيب ..توج صغيره على الحمره ..ما أحط لج ..وأمي دامها قالت لج البسي جي ..في طلعه ثانية ..
**************
خالد دانه تعالي ..
دانه يمه لا تخلينه يطقني ..
ام نايف روحي ..لا تخافين مابيطقج ..
راحت الدانه غصب عنها ..
خذاها خالد للميلس وكانوا ربعه مناحي وفهد هناك ..
خالد يلا يادانه ..السؤال المعتاد ..من أحلى ؟؟ أنا ولا نايف أخوج ؟
دانه نايف أحلى ..
مناحي اتركها يا معود ملينا من هالفلم اللي تسوونه كل مره ..
خالد نايف أحلى ؟
ومسك يد دانه عورها ..صرخت دانه ..
دانه يالخايس اتركني ..
خالد مابترك يدج لين تقولين من الخايس؟؟
دانه انت الخايس ..
خالد مين ؟؟
وشد على يدها بقوة ..
دانه أنا خايسه عورتني آآآآآآآي ..
خالد والحين من أحلى ؟؟ أنا وولا نايف أخوج؟
دانه .....................
خالد وليش منطمه؟؟ ماتردين؟؟
دانه انت خااااااااااايس .,..ما أحبك أكرهك ..تخرع ..
خالد أحلى ..يعني لازم مثل كل مره ..عاد ..ترحمي على نفسك ..
مناحي اتركها حرام عليك ..
فهد خل يأدبها أحسن ..
دانه انت جب ..
مناحي ويييييييييييييييييييي ..تستاهل فهد ..محد قال لك تحرش .
فهد هالبنت ماتستحي خليني أطقها ..
خالد لا ..حشى .,.,محد بيمد يده عليها غيري ..حفرتي قبرج بيدج يالدانه ...تشهدي ..
دانه يمااااااااااااااااااااااا ااااااااااااااااااااااااا اااااااااااااااااااااااا

***************

بعد 10 سنوات ....
___________
تنهدت وماقدرت تمسح دموعها ..
نايف امسحيها في ويههي يالدانه ..منيره ماتقصد ..
(منيرة زوجه نايف وام بناته بدر البدور وقمر الزمان (
الدانه خلاص أخوي ..أنا بروح بيت أخوي ناصر ..
نايف ناسيه انج ثانويه.. وأنج تداومين مع بناتي في نفس المدرسه؟؟ وين رايحه لبيت ناصر , بيته بعيد ..
الدانه هانت ..كلها شهر ...وأخلص الامتحانات ..وبروح بيت ناصر..
نايف لا..بناتي تربوا معاج ..وأنتوا بتخلصون مع بعض ..الثانوية .. وبتظلين معاهم لين يجي نصيبج ..
الدانه ما أقدر نايف ... ما أقدر ...تعبت ..منور من سكنت هنا من سنتين وهي نازله تجريح فيني ...
نايف البيت بيتي ..
الدانه بس هي صاحبة البيت ..وهي حامل الحين وأكيد تبي الغرفه للبيبي اليديد ..
نايف لا ,,تدبرنا هالمسألة .. بدر وقمر بيصيرون في غرفة وحده ..
الدانه لا ...لا ..حرام عليك ..هم صج توم ..بس مايشبهون بعض..انطر شهر ..بس شهر خلها تتحملني شهر واحد ..
)من ماتت ام نايف .. والدانة متشحططة بين بيوت اخوانها .. بعد ماوزعوا الورث ..(
****
كل عام وانت بخير ..
خالد وانتي بخير يا حياتي ..تدرين انتي الوحيده اللي جبرت بخاطري ودقت تهنيني بيوم ميلادي ..
وأنا أقوى أنساك ..وين بنتقابل الليلة؟
خالد وين ماتبين ...بس ها يبي معاج الواجبات ...لان اليوم مارحت الكلية مثل منتي خابره ..
من عيوني ..
خالد تسلم عيونج ..يلا باي اشوفج الليلة في مكانا المعتاد؟
وحنا عندنا مكان غيره؟
*****************
الدانة انتي للحينج ماخلصتي من سالفة الاسم؟
بدر البدور أكيد ما ارتاح ..قمر مرتاحه بسمها لان لو نادوها بالاسم الاول بس بيكون عادي ..بس انا..اللي مايناديني بسمي كامل يناديني ببدر بس ...مليت يا عمتي ..
الدانة اسمج حلو ..
بدر البدور مدري شطرى على ابوي علشان يسميني هالاسم التعبان ..
الدانه والله انج بطرانه ...احمدي ربج ..أنا رايحه لغرفة قمور ..
بدر كالعادة ماتعجبج سوالفي فترورحين لقمر ..والله اني ما احب انطق اسمها عن لاتحسب اني امدحها ..
الدانة ردينا لموال قبل؟؟
بدر اييه ..وانتي بعد لاتنادينها قمر ناديها قهر ..
الدانة جب يا بدر ..
قمر هلا عمتي تعالي ..
دانة اتصلت فيني عبير ..تقول خلينا نمرها نسوي كيك معاها لحفلة اخوها اللي بيرد من السفر بعد يومين ..
قمر خالد؟؟
دانة ياني أكرهه ..أتذكر أيام قبل كله كان يطقني صج حمااااااار ..
****************
شيماء راح أشتاق لك ..
خالد أنا بسافر بكره الصبح ..مايمديني اوصل بسرعه للبيت .أبي أفاجأهم ..ولا ياحياتي كان بقيت معاج ..
شيماء اقول لك رح اشتاق لك تقول لي قصة حياتك؟
خالد لا تتبجحين ..تذكريني ببنت عمتي ..أكرهها ...والله اكرهها ..وما أطيق أشوف ويهها ..
شيماء صحيح انك قليل ذوق ..انا وين وانت وين ..قول لي راح أشتاق لج بعد ..شتخسر ..
خالد شيماء ..من تعرفت عليج ..قلت لج ..علاقتنا بتنتهي في اليوم اللي بسافر فيه لهلي..وأنا خلصت الجامعه وتخرجت من شهر ونص..بس نطرت اضبط اموري.. اليوم آخر يوم بيني وبينج..تقولين لي راح اشتاق لك؟؟
شيماء فكرت ..يمكن تكون وزنت الامور وانك تحبني ..
خالد اليوم عيد ميلادي وين هديتي؟
شيماء مثل عادتك ..كالعادة ...تغير الموضوع ..أنا بروح وانت هاذي هديتك ..باي.

انتهيت من البداية والتعريف..
خالد تخرج من كلية الطب.. وتم لين آخر لحظة يساعد شيماء في الواجبات.. وأخيرا بيرجع لبلاده..
ومن هنا ببدأ اللحظات بأسلوب مختلف 100%
___________________________________

غيرت ملابسها وفي قلبها غصة..كلام منيرة جرحها..للمرة لعاشرة من انتقلت لهنا ومنيرة تقط عليها نغزات كل وحده اقوى من الثانية..البست عباتها وشيلتها وطلعت.. تعبت من هالتشتت بين بيوت أخوانها ..الله يسامحكم ...ليش كان لازم تبيعون البيت وتتركوني ما أحس بأي أمان ولا انتماء ..
قمر عمتي ...شفيج؟؟ ...ساكته من طلعنا من البيت ..
ردت أفكر لو بدر يات معانا ..ماكان أحسن؟
قمر بدور ماتعرف تخبز الكيك ولا الحلويات بتقعد تزعجنا بس ..وبعدين عمتي نسيت آخر مرة لما تهاوشت مع عبير ؟؟ مسكينة عبير فوق ماهي متعنية وعازمة بدور تقوم الثانية وتهينها في بيتها ..
برايج ...
))خالد ..ما أقدر أشوفه ..أحس بجبل ثقيل على صدري ..((
رجعت بذاكرتها ليوم عرس صالحة من عشر سنوات ..لما صار اللي صار ....لكن ..
قمر عمتي ...اليوم انتي كله سرحانه ..عندنا اربع ساعات نساعد فيها عبير ..لان لازم ندرس في الليل ..

******

مع السلامة ..
شيماء مع السلامة ...
طلع خالد سلم الطيارة وهو محتار ..طبعا بعد ساعة وشي بيرجع لبيت أهله اللي ماشافهم من أربع سنوات..بس شلون استقبالهم بيكون له؟؟ بيفرحون بشهادته وانه دكتور وكل هذا بس في قلبه حسره بسبب الموقف اللي صار من اربع سنوات له ..بينسون الموقف ولا بيحاسبونه؟
في الطياره حاول انه يقطع الوقت بالقراءة ..لكنه مل.. طل من الدريشه وغابت أفكاره..تذكر الموقف السخيف اياه.. مايدري وين كان مخه لما خذ شيماء بيت أهله في أول اجازة..مايقدر ينسى النظرة اللي ارتسمت على وجوه اهله كأنها خيبة امل..شيماء لقيطة..عاشت طول عمرها في ملجأ..ولما خلصت الثانوية التحقت مثله بجامعة الاردن يدرسون الطب البشري ,,تولع في شيماء وايد ..لدرجة انه خذها لبيت اهله..طبعا بيت اهله ناس محافظين شيكون شعورهم لمايدخل عليهم ابنهم مع رفيجته؟؟؟

****

((الهموم مالها آخر ..واذا ظل الواحد يفكر فيها بيشيب راسه ..خلينا انسى واستانس بوقتي أحسن لي ..((
دندون ..تعالي شوفي الكيك استوى ولا لا؟
الحين بيي .. يبي لها عشر دقايق وتصير عجيبة ...جهزتي الكريمة والقشده؟
عبير جهزت كل شي ..
قمر عبير لحقي على الكيك كلته العنود ..
عبير عنوووووود ..
العنود شسوي ..مشتهية آكل كيك ..
عبير متى بترجعين بيت ريلج؟؟ لاعت جبدي ماصارت نساة ..
العنود جب جب ..هذي اول مرة أحمل ,,ولازم تقومين فيني ..
عبير انا وراي عرس بعد ست شهور ماني فاضيه لدلعج ..
قمر هو بيرجع بعد ست شهور؟
عبير عنده دورة في الصين.. والله يستر .اذا مالف على وحده ,,
قمر لا شكله ابن ناس ..
عبير شفيها عمتج؟
قمر اليوم امي قالت لها كلام مافهمته بس هي ازعلت ..
عبير شكلامه؟
قمر ما ادري ..مثل ما أذكره ..

***

تاكسي ,,
(الدوحة تغيرت وايد عن قبل ..اربع سنوات غربة ..بيتفاجأوون فيني لاني قلت لهم اني بوصل بكره..كلها نص ساعة ..وينتهي هالقلق اللي أمر فيه (

***

عبير في ايش سرحانة؟
دانة ولا شي ..
عبير شقالت لج ام قمر اليوم علشان تختبصين جي ؟
دانة ولا شي ..
(قمر الهبلة ...أكيد قالت لعبير شي) ..
عبير ماقلتي لي لقيتي مدرس انجليزي؟
دانة لاء ..خاص مالقيت واحد زين بس في المعاهد في حصص وأنا ما أبي حصص لان الي مافهمته شي معقد شوي..
عبير لا يا خالد أخليه يدرسج انتي وقمر وبدور ..
دانة كم مرة قلت لج اني ما اطيق اخوج هذا ؟؟
عبير اسكتي..امي من درت انه بيي ..حبست عمرها في الغرفة ..بعد سواد الويهه اللي سواه مو عارفين شلون بنقابله ..
دانه عادي كأن ماشي صاير ..
عبير عاد انتي من متى ماشفتيه؟؟
دانه من عشر سنوات لما يا آخر مرة لأمي في المستشفى ..الله يرحمها ..اذكر ضربني على راسي وصرخت مخترعة فضربني مرة ثانية فتميت أصيح ...أكرهه الحمار ..
عبير حمار ريلج ,,اتركي اخوي في حاله ..وأخيرا بكره بيي ..قلبي عاد يدق بقوة من زمان ماشفته ..الباب يطق اروح أشوفه ..
ارجعت دانة لهمومها .. الانجليزي ..الفصل الاول يابت كل الدرجات شبه كامله ماعدا لاانجليزي بينها وبين الرسوب نص درجة..
نايف قال بيدور لها على مدرس ..بس الحين موسم الامتحانات بدى ..والثانوية محد بيكون متفرغ ..

****

ربكة غريبة في الصالة ..
ليش ماينفتح الباب؟
فتحت عبير الباب ..عرفها عبير ..بطلت حلجها شكبر حس انها بتبلعه ..
مابتدخليني البيت؟؟
عبير خالد؟؟ ييت ..يماااااااااااااااااااه الحقي خالد يا ..

**

قمر دانة شالربكة اللي في البيت ؟؟
دانة مدري ..
قمر اطلعي شوفي ,,أنا براقب الفرن ..
دانة مالي خلق ...روحي انتي ..
دخلت العنود وبطنها العود يسبقها ..
اخوي خالد يا .
رفعت حواجبها قمر دهشة ودانة حاست بوزها معصبة ..
طلعوا اثنينهم للصالة ..

****

شالجمال اللي يشوفه وقف جدام عيونه؟؟ اول مرة يشوف وحده بهالجمال..من هذي ام العيون الناعسه والشعر الحرير اللي نازل على جبهتها ..خدودها التفاح ذاته ..قمر ..قمر ..مستحيل تكون اخته بشاير ولا اخته صالحه اللي هم في السعودية ؟؟...هذي لعنود وهذي عبير ...من هذي؟؟
سمع شهقة من وراه ..كانت امه ..بسرعه باس راسها وضمها لحضنه..وامه ما مسكت نفسها من الفرح الزغاريد شغالة .. ابنها الدكتور رجع أخييرا ..

***

عيونه تروح وتجي على للي لفتت نظره ...
عبير أخوي ..هذي بنت ابن عمتك ..قمر الزمان ..
خالد قمر ؟؟ ...سبحان الله اسم على مسمى ..
قمر ؟؟ وهي قمر .. قمر حست بنظراته فاستحت ..خالد كان وسيم ,,,رزه ..طويييييييييل ...وعيونه كبيره وحلوة ..
عبير وهذي طبعا مانسيتها دانة ..
التفت خالد لدانة في نفس اللحظة التفتت له ..
خالد شاف وحده يكرهها ما يقدر يطل في ويهها ..
دانة شافت واحد خايس متأكده أنها تكررهه وايد . نذل ..مدت بوزها ..وبنفس خايسه مبروك الشهاده ,,
خالد بطريقة مستفزة أكيد مبروك لي... حاصل لج تصيرين دكتورة ..
دانة مستغنية عن وجع الراس ..
دخلت المطبخ معصبة ..ودخلت قمر وراها ..
دانة دخلي شعرج كله طالع ..
قمر هذا ياعمتي اللي كنت تسبينه طول الوقت؟؟ حرام عليج يهبل ..يينن ...ماقدرت على نظرة منه ...
(دانة حست انه ماتطيق تسمع عنه شي وخصوصا المديح(
دانة قمور جب ...راسي يعورني ..هذي آخر كيكة ونرجع البيت عندي امتحانات لازم نخلصها ..
قمر ياعمتي ,,,علشاني خلينا نيلس ساعة وحده بس لين يي خالج ..
دانة خالي موموجود ..مابيرجع لين المغرب ..
قمر يا عمتي ..شوي بس شوي ..
دانة اوكي اخلص هالكيكة ,, واروح اتمدد في غرفة عبير ...صحيني بعد ساعة ..
قمر من عيوني ..

***

خالد كل قلبه وفكره مع قمر ..واو ..عجيبة ..جمال رباني خارق ..والجسم ولا منيكان ..

**

فتحت عيونها بثقل ..حست ان الغرفة غريبة عليها ... لحظات تذكرت انها في بيت خالها ..لكن ..مافي ضو نهار في الغرفة ..
الساعة كانت ثمان ونص ..
نزلت تحت وتفآجأت بالكل في جلسه سمر ..وبينهم قمر ..
غمزت لها علشان يروحون ...

***

في السيارة ..
انتي ماقلتي لي انج تبي ترجعين تدرسين؟؟ وأنا وصيتج تصحيني بعد ساعه ..أشوفج نسيتيني ثلاث ساعات نايمة ..
قمر عمتي ,,,يا خال ابوي ولزم علي أتعشى .. وبعدين راح الصلاة لو يدري انا ماتعشينا بيزعل ..
دانة الحين شقول لامج لادرت ان خالد رجع؟؟
قمر آآآآآآآآآآه ..خالد ..
دانة شفيج مسبلة عيونج؟؟
قمر يهبل ..يهبل ..أأي عمتي ..من كلامج كرهته صج ...لكن اليوم ..غييير ..
دانة ماشاءالله وحكمج هذا استنتجتيه في هالثلاث ساعات اللي قعدتيهم معاه؟؟
قمر عمتي ..انسان مثقف مهذب وسيم ..
دانة الحمدالله والشكر ...والله مافيه ولا شي من هالقلتيه ..انسان نذل واطي ..ماتعرفين شسوى قبل ..
قمر شسوى؟؟
دانة ماني متكلمة على الريال ..يمكن تغير ..ويمكن الله يكتبه من نصيبج ..ماني قايله ..
قمر ياعمتي فديتج .قولي ياعمتي ..
وتمت تحن لين ارضخت دانة ..

***

نزلت من السيارة وهي منصدمة ..
دانة ندمت انها قالت لها ..
قمر عمتي علشان جي كرهتيه كل هالمدة؟؟
دانة اييه ..بس انتي مالج علاقة في الموضووع ,..هالموضوع صار من زمان أكثر من عشر سنوات ..
قمر بس يا عمتي ..ليش كنتوا تطاققون دايما؟؟ قبل اللي صار ؟
دانة مرة صدته يغازل سحر رفيجة نوير وقلت لخالي ....
قمر هو يكرهج لهالسبب ؟؟؟؟
دانة لا ...هو يكرهني علشان العواقب اللي يات على راسه بعد هالسبب..مسكين أكل طق وبهدلة..وفوق هذا خالي حبسه في البيت شهر كامل ومدري شسوى بعد ..
قمر واللي صار من عشر سنوات ..لين الحين انتي حاقده عليه مع اني ماظن انه طق وايد .....
دانة هو كسر يدي من الطق..ولما شافته امي ياتها نوبة قلبية من الخرعة علي..صراحة ..هو ما غلط بحق امي..أمي قلبها تعبان ..وماتتحمل ...الله يرحمها ..
قمر الله يرحمها يدتي..أنا لو مكانج كان ذبحته..بس يدتي ماماتت الله ستر..وعاشت بعدها كم سنه..الله لطف فيه ولا الحين كان الكل يلومه ..
دانة ومن قال لج اني مالومه؟؟ النوبة اللي تعرضت لها امي كان لها مضاعفات ..لولا هالنوبة كان امي معانا الحين ..
قمر عمتي ..ماعرفت لج ساعة تلومينه وساعه لا ...بعدين هذا عمرها ومكتوب لها ..ومحد يقدر يغير اللي صار ..
دانة اسكتي خلاص ...خلينا نتصرف عادي وبعدين نخلص كلامنا ..
قمر عمتي ..أعتقد اني أحب ....خلاص ..أنا متأكده ..
دانة لا تستعجلين ..لاحقة على كل شي ..



قصص غريبه
الحلقة الحادية والعشرون

اذا كانت في وكالة أنباء أسرع من رويترز فهي ........هناء ..
دانه احبست نفسها في غرفة حمد وسط دموعها متجاهله الوفود اللي ذبحها الفضول تبي تعرف شصار ..
مريم روقي يالدانه .. هو اللي خسر ضيعج من يده .. صدقيني بكره يتقدم لج أحسن منه وأحلى منه ..
هناء اييه يالدانه .. ناصر معصب .. بس هو اللي خسران ,, بكره الله يعوضج بواحد أحسن منه . مايستاهلج .. ما تصدقين أن الخطاطيب طقوا باب ناصر يخطبونج .
دانه زادت في الصياح .. وحست أنها بتنهار ..
مريم والله مايسوى تصيحين عليه هالردي .. خل يولي .. الله يقلعه في ستين داهية .
دانه لاتدعين يا مريم لاتدعين ..
محد فاهم سبب دموعها .. محد فاهم ان هالدموع سببها حب كبير في قلب دانه لضاحي ,, أن فكرة أنها ابتعدت عنه تقطعها مية قطعه .. محد بيفهم أن سبب هالدموع الحب .. محد بيفهم ..
مريم الله يهده . .. والله طرف ظفر يده ماتسوى دمعه من دموعج .. خليه يذلف .. الله فكج منه ومايبتي له ظنى ..
هناء اييه والله .. تدرين ام ظبيه قالت لي ان لما تنتهي العدة تبي دانه لسلوم ولدها ..
مريم تدرين ثامر شقال لي ؟ قال لي ان فيصل اخو ضاحي تقدم لها تخيلي ؟؟
هناء قال لي ناصر انه رده .. وانه مايبي من ريحتهم أحد .
مريم منيرة ما طلت أكيد مالها ويهه .. بعد سواه اخوها الردي ..
هناء اييه مايندرى ..
**
رن جرس الباب .. وانتظر ..
سيلينا افتحي الباب .. سيلينا .. صج حماره .. يعني أنا أفتحه ؟؟
فتحت الباب بعصبية ..
خالد بدور ..انتي بخير ..
ارتبكت .. ونزلت عيونها ..
بدور في غرفتها ؟؟
خالد شلونها هي بخير ..
قمر في غرفتها ..
أشرت له لغرفة فوق .. كانت لابسه عباتها وشكلها تبي تطلع ..
خالد وين رايحه ؟؟
قمر أشوف الانسانه اللي دمرت حياتها ,
خالد من تقصدين ؟؟ دانه ؟
قمر الظاهر قائمتك مليانه .. ناسي مين ..
خالد شفيها دانه؟؟
قمر تطلقت .. والبركه فيك وفي مرتك ..
صكت الباب بقوة وراها ..
طالع خالد بيت بدور .. أشرت له قمر على غرفة ..راح لها بسرعه .. خوفه على بدور خلاه ينسى كل شي .. ويقص تذكره ويرجع الدوحه ..
دخل الغرفة .. كانت البدور ممده . ويهها خال من أي لون . وعيونها في السقف ..
بدور .. بدور ..
قرب منها ومسك يدها من الخرعه .. لفت ويهها عنه ..
بدور .. والله مابيني وبين الدانه أي شي ..
بدور .. ردي علي شفيج ؟؟
كانت ماتبي تطالع له . تنهد .. طالع الادوية اللي على الطاولة اللي عند راسها .. كانت مهدئات ,,
دخلت منيرة ..
شتسوي هنا ..
خالد زوجتي شفيها ؟
منيرة شفيها ؟؟ ما أدري . الدكتور يقول انهيار عصبي .. وهي مانطقت كلمة من يومين . ولا تآكل حتى الأدوية ترفضها .. شسويت في بنتي يا خالد شسويت ؟
خالد ماسويت شي .. الملف موب حقي ولاكان بيني وبين الدانه أي شي .. بالعكس هي حلفتني اني ما اتزوجها علشان مايرغمونها اهلها .. والملف وجوده كان بين اعراضي بالصدفة .. بعدين دريت من قمر ان الدانه تطلقت ؟؟ ليش ؟؟ ليش ؟
منيرة أنا ماتهمني الزفته دانه .. أنا تهمني بنتي .. بنتي شفيها ؟؟ انطفى نورها شفيييييييييييييها ..
بدت منيرة تصيح وقلبها يتقطع على بنتها اللي ماتتكلم ولا تسوي أي شي يدل على الحياه ..
لفت بدور في هالحظة لخالد ,,
يمه أبي أكلم خالد على انفراد ..
احضنت منيرة بنتها اللي انطقت أخيرا .. وتركتها وطلعت ..
خالد بدور .. زين ..
بدور بسألك سؤال ..
خالد ؟؟؟؟
بدور يوم ييت تخطب من ابوي .. ييت تخطب بدر البدور نايف ؟؟؟
ارتبك خالد وتفاجأ .. وبدى يتأتأ ..
خالد ييت أخطب منه بنته . وهو زوجني اياج.
بدور طالعت له بخيبه أمل ..
يعني صج ..
خالد شاللي صج ..
بدور كنت ياي تخطب قمر ..
كأن حد حذفه في بركه من الماي المثلج .. وتركه بلا عوامه ..
شيقول ؟؟ شلون يبرر لها ؟؟ الاحرف تجمدت على لسانه .. كان في موقف ماتوقع ابد أنه يكون فيه ..
بدور خلاص خالد انتهى اللي بينا .
خالد شتخرفين ؟
بدور خلاص خالد .. ما أقدر أتم معاك دقيقة زياده وأنا أعرف انه اللي هواها قلبك واللي حبيتها كانت أختي ..
خالد بس . بس .. لا .. بدور انت شتقولين ؟؟ أنا أعجبني جمال قمر وأنتي وهي نفس الشي ..
بدور لاياخالد .. موب نفس الشي .. كم مرة شفتها قبل قرار الخطبه ؟؟
خالد كذا مرة بس هذا مايعني أنه ..
بدور خالد .. ما أقدر أكمل معاك دقيقة .. وأنا أعرف أنك تفكر في أختي ..
خالد قمر انتهت من حياتي في اللحظة اللي دخلت فيها انتي ..
بدور لاء .. بالعكس .. أنا نسخة القمر .. يعني ماانتهت من حياتك .. كل مابتشوفني بتشوفها ..هي القمر وأنا البدر . حتى في الاسم .. حتى في الاسم
لفت ويهها عنه ..
خالد بدور .. أنا أحبج أنتي .. أنا عشت معاج أنتي ..
بدور للاسف .. كلام ماله أي معنى .. كلام في الوقت الضايع.. الحين فهمت سبب حيرتك وتوترك لما قلت لك عن خطبتها .ز ياني غبية شلون مالاحظت شلون ؟ أختي اللي تهربت مني من تزوجت لدرجة انها ماحضرت عرسي.. .. خلاص خالد .. انتهى كل شي بيننا ..
خالد والمعنى ؟؟
بدور ناطرة ورقتي ..
ما كان يبي يستسلم .. لكن بدور كانت مكابره حيل .. كانت قوية . طول عمرها قوية ..
خالد بس أنا ما أبي أتركج ..
بدور لاتعذبني زياده .. لاتعذبني .. يكفيني ماياني منك حد الآن .. ما تقدر تمتلكني .. أنا بدور موب قمر .
خالد انا ابيج انتي .
بدور انتهى النقاش يا خالد ..أنا النسخة المزورة .. وبتم .. اذا ظليت على ذمتك .. آسفة .. أنا أكبر من تزويرك .. ناطرة ورقتي منك ..
********
قمر لازم تواجهين خالي . لازم ..
دانه أواجهه ؟
قمر اييه .. اذا كنت بريئة لازم تواجهينه ..
دانه ..................................
قمر صدقيني يا عمتي .. صدقيني ...
دانه تبيني أروح له البيت ؟؟
قمر اييه.. بحجة أنج بتآخذين أغراضج.. بس لازم تعرفين شاللي خلاه يشك فيج.. وأنا متأكده أنج أكبر من شكوكه ..
((المصيبه يا قمر اللي ماتعرفينه أن هذي ثاني مرة .. موب الأولى .. يعني ضاحي من الاساس ماعنده ثقة فيني ((
دانه انشاءالله ..
قمر ماتصدقين من شفت اليوم..
دانه من ؟
قمر خالد ..
طالعت دانه قمر .. هذ قمر نفسها اللي تتكلم عن خالد.؟؟؟ وين اللهفة والعيون المسبلة والتنهيدات ؟؟
دانه خالد؟؟
قمر اييه .. يالي لبدور بعد ما صار فيها انهيار عصبي .. لاتخافين .. حالها احسن من حالج ..
دانه قلت لج لاتقولين لها ..
قمر ما احس بالذنب .. ما ادري ليش ..
دانه ...........أفهم أنج ارتحتي ؟؟
قمر اييه .. ارتحت ان حاجز بيني وبين اختي انهدم . صج نبنى عشرة غيرة . بس المهم . انها عرفت احساسي ..والحقيقة ..
دانه اشم ريحة أنانية ..
قمر بالعكس .. كأن كان جبل ياثم على صدري .. وانزاح ..
دانه ................................................
قمر هذي غرفته؟؟
دانه ، من ؟؟
قمر زوج المستقبل ..
دانه اييه..
بدت تدور فيها وتقلب بين أشياءه .. وعطورته ..
قمر عطورته تلوع الجبد مير خايسه .
دانه كلها بوس وهوغو وشانيل ..
قمر موب عاجبيني.. مكتبتها كلها كتب شعر ..
دانه ماتحبين الشعر ؟؟
قمر بالعكس .. أحب الشعر ,..بس شوفي . كله صحراء وبدو .. مافي شي بسيط ينفهم .
دانه مم .. في طلال الرشيد .. وفي خالد الفيصل ..
قمر اييه .. يمكن .
حست دانه أن قمر مهتمة في حمد .. تقلب بين اغراضه باهتمام ..
دانه شفيج عفستي اغراض الريال ؟؟
قمر ما ادري .. ما اجذب عليج لو قلت لج أني محتاجه لفته من حمد ولا ابتسامه علشان أبني آمال على هالزواج .. حمد المتعقد اكرهه ويكرهني .. على الاقل في شي مشترك بينا .
ابتسمت دانه .
بيأذن بعد شوي .
قمر أدري .. طبعا آخر شي أبيه أفطر هنا .
دانه ليش ؟؟
قمر عمي ناصر سوى هالحركه فيني خلاني ايلس بين الشباب هه .. طبعا لما كنت ياهل شوي ..بروح الحين ..
شالت شنطتها والبست شيلتها .. كانت قمر لاول مرة بدون ربع طن من المكياج على ويهها .. كانت مكتفية بكحل بسيط .
قمر بروح الحين .. لاتنسين .. المواجهه ..
دانه بروح اليوم .. بعد صلاة التراويح ..
***********
ماكان له أي رغبه يروح بيت أبوه .. حجز له في فندق .. وحبس نفسه طول اليوم .. بكره من الصبح يخلص اجراءات طلاق البدور ويرجع يسافر .. مايدري ليش انه موب نادم على الطلاق .. ماينكر أنه في قلبه شعور لبدور .. ماينكر أنه توهم ماصار لهم كم شهر متزوجين .. بس لسبب مجهول طابت نفسه منها .. يمكن لقوتها وكبرياءها ؟ أنها ماذرفت دمعه وهي تطلب الطلاق ؟؟ بدور ما ينخاف عليها .. تعرف تآخذ حقها ..
لازم يسافر بكره .. كل شي ولا دراسته ..
*********************************
طلعت من المسيد للسيارة ..
راجو .. بيت ضاحي ..
شغل السيارة واتجه لبيت ضاحي ... اللي بعيد وايد عن بيت ناصر .. طول الطريق وهي محتارة شتقول له ؟؟ طول الطريق وهي تعد نفسها لمواجهته .. دموعها ماقصرت .. مع كل فكره كانت تنزل ..
اوصلت للبيت .. وتمت عشر دقايق تنتظر في السيارة ..
خذت نفس وانزلت . فتحت الباب بمفاتيحها ..
انصدمت ,,,
بدور شتسوين هنا ؟؟
تعرف انه بدور من شامة صغيرة تحت حاجبها موب عند قمر ..
نايف شلونج يالدانه ؟؟
دانه هلا أخوي ..
نايف مابتسلمين علي ؟؟
سلمت على نايف ..
التفت لبدور .. اللي بحركه مفاجئة حضنتها ..
استغربت دانه ..آخر مرة شافت البدور تفاجأت بكف على ويهها.. واليوم تآخذها بالاحضان ؟؟
نايف بدور بسبقج وأروح السيارة ..
بدور زين يبه ..
تفاجأت دانه ببدور .. كانت .. غير .. حتى نظراتها كانت غير .. كانت كله توطي راسها ..
بدور عمتي , أنا آسفة ..
سكتت دانه ..
بدور عمتي سامحيني ..أنا دمرت حياتج .. اليوم اييت أوضح لضاحي أن اللي ..اللي تبين له موب صحيح .. وأبوي يا معاي ..
ما علقت الدانه ..
بدور عمتي .. والله اني ندمانه أني .. مديت يدي عليج .. أنا آسفة ..
دموع البدور كانت الكرت الأخير اللي رضت فيه الدانه .. حضنتها .. ومسحت على راسها ..
لان الذنب موب كله عليها .. ضاحي نفسه كانت عنده شكوك .. هو نفسه ماصدق خبر وصدق اللي انقال ..
بدور بروح .. طولت على أبوي .
مسحت دموعها .. وطلعت بسرعه ..
طالعت الدانه الدري .. هذي خطوة صعبه ,, المهم ...ان الحقيقة تبان ..
خذت نفس قبل لاتركب الدري .. وطلعت ...
في الصالة اللي فوق .. كان حاط راسه بين ركبتيه .. وهو ينفخ ..
جرت نفسها غصب.. انقبض قلبها بقوة لما شافته . ماتصورت انها تحبه هالكثر ..
ضاحي ..
رفع راسه بسرعه ..
وقف على حيله أسرع ..
دانه ييت أخذ أغراضي وأسألكم كم سؤال ..
ضاحي دانه ..
دانه بس سؤالين .. متى سمعتني أكلم خالد ؟؟
سكت ضاحي ..
دانه متى ؟؟
ضاحي دانه أنتي كنتي تحلمين فيه دايم .. وفي ليله كلمتيه .. أنا متأكد .
دانه أحلم فيه؟؟ ضاحي أنا كنت أرفضه من كان عمري عشر سنوات .. أمي ماتت وهي غاضبه علي لاني ماتزوجته!
ضاحي الا دانه .. نسيتي ؟؟ لما حلمتي أنه مات ؟؟ نسيتي ..
شهقت فجأة .. فجأة اتضح لها كل شي ..
هذا هذا .. كاااان .. كان ..
ضاحي تنكرين ؟؟
صرخت دانه كان خالد ولد أخوي .. ولد أخوي .. كان في لندن علشان يستأصلون ورم في راسه .. وكنت أحاتيه .. أحاتيه.. هو اللي كلمته .. وقلت له أني اشتقت له لاني ماسمعت صوته من أسابيع ,,
انهارت دانه بالدموع وضاحي انصدم ..
وعلى أقرب كرسي جلس ..
قامت الدانه للغرفة .. وطلعت الشنط اللي يات فيهم .. وبدت تحط فيها أغراضها .. وهي تصيح . ..
دخل ضاحي الغرفة ..
دانه .. أنا آسف .. آسف ..
دانه آسف ؟؟ هذي المرة الثانية ضاحي المرة الثانية ..
ضاحي والله أنا نادم ..
دانه وهالندم من أي بنك أصرفه ..
ضاحي دانه .. أرجوج .. أنا محتاج لج ..
دانه ما أقدر ياضاحي .. ما أقدر .. هالشي أقوى مني .. كرامتي أكبر من احتياجك .. للحظات ظنيت أني خلاص.. انتهيت من حالة الضيااع اللي كنت فيه .. للحظات . . وللأسف .. كانت ظنوني كلها غلط .
ضاحي دانه .. ماتصدقين شكبر فرحتي اليوم .. أنه اللي كنت أشك فيه طلع غلط.. واحساس الندم الفظيع أني أسأت لج ..
دانه ضاحي .. أرجوك .. جرحك كبير في قلبي .. كبير .. ماينسى في لحظة .. اتهامك.. كان .. الجرح الثاني لي ..
حذفت ملابسها وطلعت من الغرفة ..
طلع ضاحي وراها ..
دانه ..
وقفت .. بس مالفت ويهها له ..
ضاحي شالسؤال الثاني ..
دانه أي سؤال ..
ضاحي كنت تبين تسأليني سؤالين ..
دانه ...................................
تحركت لين افتحت الباب ..
كنت بسألك اذا تحبني ولا لاء ..
طلعت قبل لا تسمع الجواب .. كانت تبي تسأله هالسؤال من واجهها فيصل .. لكنه حست انه ماله معنى ..
************
ما بتحضر عرسي ؟؟
خالد لا يا عبير .. عندي امتحانات ..
عبير بس انت قلت لي أنه اجازة الكريسماس .. صح ولا لاء ؟؟
خالد الطيران كله محجوز.. وبعدين امتحاناتي صعبه وطول الاجازة بحبس نفسي .. ماعندي وقت أبد .
عبير خالد .. شفت بدور أمس ..
خالد وين ؟
عبير في بيت ناصر ولد عمتي .. كان عندهم عشا لرجوعهم من العمرة ..
خالد شلونها ؟؟
عبير غير .. اللي محيرني انها سلمت على امي عادي ولا كأنها طليقتك ..
خالد .......................... والدانه شلونها ؟؟
عبير ما ادري يا خوي .. من تطلقت تغيرت حالتها .
خالد مارجعت لريلها ؟؟
عبير لا ....
خالد وقمر ؟؟
عبير خالد .. أنت من صجك تسأل ؟؟
خالد ايه ..
عبير حفلة ملجتهم ثاني أيام العيد .. يعني بعد بكره ..
خالد كلميها عبير
عبير no way أنت مينون ؟؟؟؟؟؟؟؟؟؟؟

قصص غريبه
خالد بس جسي النبض ..
عبير ما ادري .. تكلمت وايد عنك جدامها .. ولا مهتمة ..بس اسألتني مرة وحد اذا حمد من النوع اللي يلين راسه مع الحنه والرنه ..
صك التلفون خالد في ويهه عبير .. ما عجبه كلامها .. طبعا بعد شقة العائلات العربية انتقل لسكن شباب .. للاسف ما يعجبه ولا واحد فيهم .. كان فيه واحد اسمه دين(أمريكي ) وواحد اسمه خورشيد (باكستاني ) ,, وواحد اسمه دونالد .(أمريكي .. (
كلهم طلاب في نفس الجامعه اللي هو فيها .. ولقى اعلان مطلوب رووم ميد . لان اللي كان في الغرفة اللي هو فيها ارتحل .. (انتحر) ..
رن تلفون ..
يس ..
اتس مي كايت .. أم آوت ..
جست أمينت ..
كانت علاقته بكاثرين قوية .. طول اليوم معاها .. ويتجولون ويدرسون مع بعض ... ويرجع في الليل معاه أكل يتفطر مع خورشيد بدون ماينطقون كلمة .
كاثرين آر يو ستل فاست ؟؟
اسألته عن الصيام ..
يس .. تودي از ذا لاست داي .. توومورو وي ويل سيليبريت ..
كاثرين سيلبريت ؟؟ واي ؟؟
شرح لها خالد عيد الفطر . وكان مزعوج وايد لان امه ما رضت تكلمه .. ولا ابوه .. بعد ماعرفوا انه يا الدووحه وما مرهم ..
************
تغيرت بدور .. بدور اعتذرت من قمر .. واشرحت لها انها تتمنى انها تسامحها لانها كانت لئيمة معاها .. تغيرت البدور من تطلقت .. شخصيتها تغيرت وايد .. لكنها ما احضرت حفلة ملجة قمر .. رغم أن قمر أصرت لكن بدور اشرحت لها أنها مستحيل تخرب عليها الحفلة ..
ليلى مابترقصين ؟
دانه لاء .. أنا تعبانه مافيني على الرقص .. بس بتم جنب قمر ..
ليلى يلا .. أنا وأنتي نرقص بنعومه انتي تعبانه وأنا حامل ..
دانه ما أخيبج ..
رقصوا خفيف وويلسوا بعدين ..
قمر ماكانت راضية لين اللحظة الاخيرة عن حمد .. بس بعد اللي صار لبدور ودانه .. غيرت رايها ..
المصيبة على الناحية الثانية.. في الميلس حمد المينون وجلسة الاونس اللي مسوينها له أخوانه الميانين . حمد اللي كان معصب .. كان بيده يفركش هالزيجه بس عناد في هالبقر قمر .. رضى .
قمر عمتي ..
دانه هلا .. الي يسمعج تقولين عمي يقول بينا خمسين سنه ..
قمر ههه . زين دانه .. خذي ..
دانه ؟؟؟
قمر خالي ضاحي سافر اليوم .. ويبي حد مع مايا .. رديها معاج لبيته وتمي هناك ليما يرد ..
استنكرت دانه طلب قمر ..
قمر سافر دوره .. أربع أشهر .. مدري وين قال لي اسم الدولة بس نسيت .. يدة مايا ارجعت تشتغل وهو مايبي يردها.. أمي موب فاضيه تيلس مع منايا .. أنا اقترحت عليه أنج انتي تمين .. (خصوصا بردة هناء من العمرة بيرد الموال القديم) ..
شلون ما فكرت دانه ؟؟ نست العذاب النفسي اللي ذاقته على يد هناء ؟؟
دانه بعدين وين أروح لما يرجع ..
قمر لا تنسي عرسي بابن اخوج بعد ثلاثة أشهر .. صدقيني محتاجينج حكم بينا .. صدقيني ..
ضحكت دانه ..
قمر أبوي أعطى حمد بيت في مدينة خليفة يقول هدية زواج .. ولج فيه غرفة .. غرفة والله لج غرفتين .. بس أرجوج .. مايا هالمسكينه وش ذنبها ؟؟؟
دانه انتي متأكده خالج مسافر لمدة أربعة أشهر؟
قمر اييه سافر .. حتى ابوي وصله .. ومايا معاي من العصر من سافر ..
رضت دانه بهالخياركحل مؤقت ... لانها كرهت بيت ناصر .. وماعندها أي طاقة حتى تتحمل هناء ..
صورت قمر .. اللي كانت بأحلى حلة لها .. دخل حمد مع نايف وناصر .. وصوروا .. طبعا كانت دانه تبي تموت من الضحك .. كان ويهه قمر لليمين ويهه حمد لليسار .
ونايف وناصر بينهم ..............صورت معاهم .. حضنوها نايف ووناصر. وسطهم .. بعد اقناعات قوية من دانه رضى حمد يمسك يد قمر (بالاحرى اصبع قمر لان الاخيرة ما اعطته يدها كنها تقول له اظفر قمر وايد عليك ..(
دانه كأن بينكم ثار .. شالسالفة حمد ابتسم .. افرد هالويهه .. وأنتي قمر لاتييبين الحجي لعمرج عطيني ضحكة شقاقية .. وريني ضروسج ..
ابتسمت قمر .. وابتسم حمد شوي ..
دانه خلي مايا عندج الليلة .. بكره بمرج وآخذها ..
قمر زين ..
رجعت دانه مع حمد اللي كان ساكت ..
دانه شفيك ..
حمد ما اصدق أني غبي لهالدرجة علشان اتزوج هال..
دانه هههههه انت للحينك ؟؟ حمد .. قمر والله زينه .. ما بتندم على هالزواج .. صدقني ..
حمد أحسها شايفة عمرها علي .. شفتي شلون رافعه خشمها ؟
دانه شي طبيعي ترفعه .. هذي بنت عمك من لحمك ودمك ..
حمد أنتي شتخرفين ؟؟ شوفي اختها تطلقت بسرعه .. اكيد شينه ..
دانه وأنا عمتك تطلقت بسرعه ..يعني أنا شينه ؟؟
حمد لا لاتفهميني غلط . والله ماقصدي انتي زينه المزايين .. ولاحد يقدر يقول عليج كلمة يابنت حسن ..
دانه وبدور بعد .. بنت ولد حسن .. بنت عمك .. مايصير تتكلم عنها جي .. هذا عرضك ..
حمد اسحب كلامي يالعمة ..
دانه خذ ..
حمد شنو ذي ؟
دانه رقم قمر .. دق عليها غلس اليوم في الليل ..
حمد انتي من صجج ؟؟ مستحيل ..
دانه واذا قلت لك علشان خاطري .
حمد بس أنا ما أطيقها ..
دانه حمد .. خلاص .. تزوجتها .. تطيقها ما تطيقها .. عيب هالحجي .. أقلم نفسك لايسمعونك أخوانك الخبول ..
حمد اسكتي أنا اليوم أشك طق لي عرج من عيال اخوج هالحمير .. خاصه حسون زوجيه وفكيني منه ..
دانه من أزوجه ؟؟
حمد أي فلبينية ولاسيريلانكيه علشان أستلمه عدل ..
دانه ههههههههههه .. شسوى لك هالاهبل ؟؟
حمد طول الوقت في الميلس يتمصخر علي انا اراويه هالقرد التعبان .
ددانه ليش ؟؟
حمد حيوان .. أنا أراويه .. اليوم الا اقنع ابوي يزوجه ..
***************
حسن هلا بحمد هلا .. هلا ..
حمد ابعد عني ..
حسن ليييه؟؟ يا خوي شفيك ؟؟ هذا وأنت تزوجت القمر مكتئب .. عيل لو أخذت وحده عادية شبتسوي ؟؟
حمد فارج ..
دخل حمد لغرفته وسلمان وحسن ميتين ضحك عليه ..
هناء سكتوا عن أخوكم يامال العافيه ..
دانه وين خالد ؟؟
هناء في قسمه مع زوجته .. الظاهر انه تعب فدخل ينام .خنت حيلي .. من الدوا اللي ياكله ..
سلمان وين هالبزران نوره ومريم ؟؟
هناء ناموا .. خذتهم الخدامه داخل ..
دانه شخبار الجامعه يا حسن ؟؟
حسن ليش ما قالوا لج ؟
دانه لا ما قالوا . شفي ؟؟
حسن يسلمون عليج ..
دانه بايخه ...
سلمان انفصل عن الجامعه أخييرا .. بعد أربع سنوات خطوبة ..
ضحكت دانه لكن حسن ماضحك ..
شفيك نادم ؟؟
حسن
موب أنا اللي اتحسف على وحده اهجرتني .. اللي عاوزني يجيلي يجيلي أنا مابروحش لحد ..
ضحكت دانه على حسن ..
وانا على بالي صج متحسف ..
هناء هذا هو .. كله سفر مع ربعه . وكله مطيح في هالشاليهات .. والجامعه وتركها ..
سلمان لايمه .. هي تركته...
هناء خوز عن اخوك ..
دانه هناء خلي سلمان ينتقم لحمد .. حسن طول اليوم غلس على راسه .
حسن دانه .. دامج بعباتج قومي نطلع ..
دانه وين أطلع وأنا بهالكشخه ؟؟
كانت دانه لابسه فستان وحاطه ميك آب ..
هناء وين رايحين في هالليل ؟؟
حسن اليوم عيد .. والناس صاحيه لين الصبح .. قومي دانه غيري ثيابج وتعالي ناطرج في الصالة ..
سلمان زين عزموني .. خلوا لي حشمه وجلاله ..
حسن أنت روح لكتبك وادرس يالمصري ..
سلمان كوني شاطر ومجتهد هذي موب عياره ولا مسبه ..
حسن زين .. آسفين يالشيخ .. تفضل معانا لو تحب ..
سلمان طابت نفسي من الطلعه معاكم ..
دانه يلاسلوم .. حتى أنا مصريه .. لاتزعل من هالخبل ..
حسن من تقصدين بالخبل؟؟
دانه من غيرك؟؟
حسن ما خبل الا ريلج . لا تدرين . ما أعتبره خبل .. كان عنده وجهه نظر يوم عافج ..
انصدمت دانه من كلام حسن ... سحبت نفسها غصب من الصالة .. وطلعت لبرا ..
حسن؟؟ حسن يقول لها كذا ؟؟ حسن ؟؟ كانت الصدمة من مصدر الكلام أكثر من الكلام نفسه .. حسن اللي في لحظة من اللحظات حسته ولدها هي ؟؟ من كثر معزته وحبه لها ..
وقفت عند السيارة .. كانت في صدمه أكثر من أي شي ثاني ..
طلع سلمان ..
دانه ..
دانه ما قدت تمسك عبرتها أكثر . .
أنا رايحه بيت ..
مابتطلعين من هنا في هالليل ..
ماكانت دانه تبي تراويه دموعها .. دارت ويهها عنه ..
سلمان مابتطلعين ارجعي ولايهمج كلامه ..
طلع حسن من اللي ولايهمها كلامه ؟؟
سلمان أنت .. من غيرك ..
خلال ثواني الامور بينهم زادت .حده .. زاد النقاش وزاد الكلام الماصخ حاولت دانه أنها تفرق بينهم.. لكن حسن عنيد .. وسلمان أعند ..
في دقايق استوت خناقه بينهم . وتعالت أصواتهم .. طلعت هناء للحوش .. وطلع خالد وحاول يفرق بينهم.. مسك حسن سلمان واطرحه على الارض ونزل فيه طق وسلمان احتراما لخوه الاكبر منه ما مد يده بس حاول يتصدى لضربه وحاول انه يوقف على حيله .. طلع حمد وحاول يفرق بينهم بعد مافشل خالد اللي كان ماعنده أي طاقه ..
حتى الواقفين طلعوا على الصوت وصاروا يتفرجون .. دانه كانت بس تصيح .. تبيهم يوقفون عن هاالهواش ..
ولما امسكوا حسن عن سلمان طلع ناصر .. وكان موقف تمنت دانه أن الأرض تبلعها ولا تم واقفه ..
ببرود ادخلوا داخل البيت ..
دخل حسن بعدين سلمان .. وكان واضح أن سلمان وحسن هم اللي كانوا يتهاوشون من أشكالهم .
ليلى كانت واقفه عند السلم .. أشر لها خالد روح الغرفه فدخلت ..
خذ ناصر نفس عميق.. وبلحظات نزلت يده على ويه سلمان .. وفي نفس اللحظة على ويهه حسن.. جمدت الصدمه دانه .. وهناء حالت بين ناصر وبين عيالها .. اللي نزلوا راسهم في الارض .. موب هينه أبد في هالعمر ويمد أبوهم يده عليه ..
ناصر هذا لانهم ما احترموا البيت اللي هم عايشين فيه ..
دخل ناصر لغرفته .. طلع حسن برا البيت .. وطلع سلمان لغرفته خذ مفاتيحه .. وطلع هو الثاني بسيارته .. حاولت هناء أنها توقفهم لكنها ما اقدرت.. كان خالد واقف وهو منصدم وحمد ماتكلم ..
حمد شصار ؟؟ شصار بينهم ؟؟
خالد شسبب الخلاف ؟؟
هناؤء طالعت دانه كله منج أني يا ويهه النحس كل ما تيين بيتنا تصيير لنا مصيبه كله بسبتج كله بسبتج .. ما ألوم ريلج اذا طلقج .. أكيد ويه نحس عليه كنتي ..
كانت هناء تصرخ بقوة.. ودانه مابقى فيها أي صبر .. طلعت برا البيت وحاول حمد يمسكها لكنها طلعت .. ركبت السيارة وأشرت لراجو.. اللي شغل السيارة و طلع من البيت ..
ذبحت عمرها من الصياح ..
بيت ضاحي ..
ما تقدر تروح بيت منيرة .. وماتقدر ترجع لبيت ناصر .. ولابيت ثامر ولا بيت سعود .. خلاص .. مافيها صبر على المذله ..
وصلت البيت وفتحته بمفاتيحها .. راحت للغرفة على طول .. حذفت عمرها على السرير ..وانهارت صياح وبجي ....
**********
تجاهلت اليوم الثاني اتصالات حمد .. كانت حابسه عمرها في الغرفه طول اليوم .. وعيونها اجحظت من كثر الصياح .. طلعت من الحمام بعد ما تسبحت ..
لقت مايا في الغرفة ..
شالتها وحبتها ..
مايا أنتي وين رحتي ؟؟
دانه أنا موجوده .. كنت أتسبح ..
لقت قمر في الصالة اللي برا ..
قمر اتصل فيني حمد يدور عليج .. حرام طيرتي له عقله من كثر ما يدورج ..
دانه شخبارج ؟؟
سلمت عليها ببرود ..
قمر انتي سمعتي شقلت لج ؟؟ وبعدين من أعطى حمد رقمي ؟؟
دانه هو كلمج ؟؟
قمر أنتي سمعتي شقلت لج ؟؟ أقولج دق يسأل عليج وهو مثل المينون .. طمنته وقلت له أكيد أنج هنا .. وسألني السبب وقلت له عن سفر خالي ..
دانه بس هذا اللي تكلمتوا يه ؟؟
قمر دانه انتي انهبلتي ؟؟ وشفيه عيونج جي ؟
دانه ما فيها الا العافيه .. شوفي انا قررت اذا خلصت عدتي يعني بعد شهرين وشي .. اتزوج ..
حطت قمر يدها على راس عمتها تشوفها مصخنه ولا لا ..
موب مصخنه ..تتزوجين من ؟؟
دانه راجو ....
ضحكت قمر ...
دانه انا من صجي ...ما امزح معاج..
قمر حلال عليج بس ما فكرتي انه كافر وان مايصير زواجكم؟؟؟
هنا دانه اضحكت ..
قمر ليش تضحكين ...
دانه عادي أخلي مهري أنه يسلم ..
قامت دانه وخذت مايا للغرفه حضنتها حيل وحطتها على السرير .. ونامت بقربها ..
دخلت قمر شفيج ؟؟ .. انت مو على بعضج ..
دانه مو على بعضك حبيبي .. وين سمعت هالجمله ؟؟
قمر دنه شفيج ؟؟
دانه مافيني شي ..
قمر براحتج .. أنا بروح الحين.
حضنت دانه مايا بقوة وماقدرت تكتم دمعتها .. لانها شمت فيها ريحة ضااحي ..
مايا ليه بتبكي؟؟
دانه قلبي يعورني ..
مايا روحي الدكتور ..
دانه زين .. بروح ..
مايا روحي الحين ..
دانه بعد شوي .. لما نصحى من النوم ..
مايا بنام ؟؟
دانه اييه ..
*************
مرت الايام بطيئه على الدانه .. مرت مليانه تعب نفسي ومعنوي وجسدي ..
الغرور عصير ليمون ؟؟ بدون سكر ؟؟ لييش ناويه تنتحرين ؟؟
دانه لا ..
الغرور دانه ويهج متغير .. موب طبيعي بالمره ..
دانه من هموم الدراسه ..
الغرور زين بعزمج على الغدا ..
دانه لا .. ما اشتهي .. برووح الين .. مافيني شده على المحاضرات اللي باقي ..
الغرور أنتي موب طبيعه اليوم ..
دانه أدري .
كان صج اللي زاعج دانه انها في الاسبوعين الاخيرين ما شافت سلمان ولا حسن..
شافت حمد وتهربت منه . وشافت خالد لكنها ماكلمته ..
في السيارة ..
رن تلفونها ..
ألو ..
عبير هلا .. وغلا ..
دانه هلا بالعروس..
عبير لا عاد جي استحي ... مر علي اسبوع . وخلصت من سالفة العرس ...انتي وينج هالحين ؟؟
دانه على طريق الجامعه .. لييش ؟
عبير مري امي .. ما كلمتها اليوم وأنا شايله همها .. .. ما أدري موب مرتاحه ..
دانه أمرج وآخذج معاي ؟؟
عبير لا أنا بعيده . أنتي أقرب .. مريها ..
دانه تآمرين أمر ما طلبتي شي ..
عبير ما يامر عليج عدو تسلمين لي ..

قصص غريبه
الحلقة الثانية والعشرون ....



والأخيره ..






وهو بين أوراقه في عز انشغاله .. رن التلفون .. قام بتكاسل وهو يتأفف ,,
يس .
ألو ,,, خالد . ألو ..
خالد ألو .. انا خالد من معاي ؟؟
أنا سعود ولد عمتك ..
خالد هلا سعود هلا .. شخبارك يا ريال ؟؟
سعود خالد .. .. يا أخي خل ايمانك بالله قوي ..
خالد شفيك سعود ؟؟ شصاير ..
سعود أمك يا خالد .. عطتك عمرها ..
*************
غرقت عيونه بالدموع .. طالع هالاوراق اللي جدامه . .. قطعها كلها .. كلها .. . ويلس في زاوية الغرفة ..
شريط حياته مر جدامه .شاف خمس سنوات من الجفا .. شاف أمه وهي تبجي يوم رجع من السفر .. يوم تبجي لما سافر .. للمرة الثانية .. شاف جهنم جدامه .. شاف جهنم .. وهو يعرف أمه توفت وهي موب راضيه عليه ..
قطع كل الاوراق كل الكتب .. كل شي .. وهو في نوبه استنكار ..
ماتت أمه .. ماتت الغاليه .. ماتت وهي شايله عليه .. ماتت وهي زعلانه منه .. ماتت ..
***************
اقتنعت دانه أنها ويهه نحس .. ويهه نحس .. تحاشت نظرات هناء .. وتمت بقرب عبير .. اللي انهارت بالصياح .. ونفس الشي خواتها العنود وصالحه .. وبشاير ...كان خالها متماسك .. متماسك بطريقة ما اعتادتها منه .
قمر وبدور ومنيرة ومريم وليلى تقريبا كل العايله مجتمعه .
هذا يوم العزا الثالث .. وخالد مابين.. رغم أن سعود أكد أنه اتصل فيه .. الكل انتقد خالد اللي غاب في عزا امه ..
بوخالد بشاير .. يبه ولدج نام قومي شيليه .. حطيه في غرفتج ..
قامت بشاير وهي شايله ولدها اللي ماتعدى الشهرين ..
دانه خالي .. روح أنت ريح .. .
بو خالد لا .. أنا ماعلي شر ..
هناء أي يا بوخالد .. قوم وارتاح ..
قام بوخالد .. في نفس اللحظة اللي دخل فيها خالد البيت . كان خالد غير .. شكله ممبهدل ولحيته الظاهر ماحلقها .. لانها كانت مبهدله ..
السلام عليكم ..
وعليكم السلام ..
طنشه بو خالد ودخل لغرفته ..
سلمت عليه العنود واحضنته عبير بقوة وهي ميته صياح .. ونفس الشي صالحه ..
الكل عزا خالد وسلم عليه باليد .. حتى بدور .. ولما يا دور الدانه ..
عظم الله أجرك ...
أحسن الله سعيك ..
بس كانت ببساطه .. ونزلت يدها بسرعه واستأذنت ..
طلعت من البيت ورجعت البيت ..
*********
دخل خالد لبوه .. ونزل وحب يده وهو يبجي .. سحب أبو خالد يده ..
خواتك يوا من السعوده في نفس اليوم اللي سمعوا فيه الخبر .. لكنك أربعة أيام ما ييت ..
سكت خالد .. ..
بو خالد ماتنطق .. شأخرك ؟
خالد كنت ... كنت .. ..
بو خالد اطلع برا ..
خالد بس يبه ..
أمك ماتت .. واللي موتها هو انت بقسوتك وعقوقك .. اطلع برا بيتي .. لانه يتعذرك ..
خالد يبه .. يبه أنا آسف .. أنا كنت أدرس .. كنت أبي أخليكم فخورين فيني ..
بو خالد ليتك عامل نظافه وواصل رحمك أحسن من دكتور قاطع وصله .. أمك يا خالد .. أمك .. ماتت من قهرها منك.. اطلع .. ما أبي أشوف ويهك .. بعد اليوم .
قام خالد والدنيا مسوده في ويهه ..
بوخالد شي أخيير .. أمك ما ماتت غاضبه عليك ..
كأنه ناقص احساس بالذنب علشان يزيد عليه أبوه بآلالامه ..
طلع خالد .
تنهد بو خالد .. خالد من يومه .. من يومه انسان قاسي .. اول شي عمته اللي طاحت بسببه .. واليوم امه .. طبعا ما ينسى أنه السبب في تشتت الدانه وطلاقها .. وكافي فشله جدام نايف ولد أخته .. يوم طلق بنته وزواجهم ما كمل شهرين .. هذا غير سواد الويهه اللي من وراه .. البنت اللقيطه ..ووواوات وايد .. صج أنه طلع دكتور .. بس للاسف ماينرفع فيه الراس .. خصوصا هله واللي يعرفون مصايبه ..
******************
*******************
مرت الايام .. ودانه كانت متعلقه وايد في مايا .. اللي كانت تناديها ماما .. طبعا دانه ماكانت تبي هالشي .. لكن الخدامات ينادونها ماما ومايا تقلدهم
مر شهر كامل .. ودانه ما قدرت تدخل بيت ناصر .... كان حمد يمرها بين فتره وثانيه . وخالد وليلى .. لكنهم ما كانوا يتطرقون لموضوع حسن وسلمان ..
خذت مايا معاها بيت خالها تشوفه ..خصوصا أن بيت ضاحي قريب منه شوي ..
دخلت البيت وطلبت من الصبي انه يناديه .. تفاجأت لما شافت خالد موجود ..
دانه ..
......................
خالد دانه ..أنا آس....
دانه ماله داعي .. كل شي قسمه ونصيب ..
خالد بس .. أعتقد أني كنت السبب .
دانه .........................
خالد أنا آسف . ..
سكتت الدانه ..
خالد متغيره ..
دانه ها؟؟
خالد متغيره .. ويهج مافيه دم .. شفايفج بيض .. والهالات حول عيونج .. ما راجعتي طبيب ؟؟
دانه مافيني شي ..
خالد أنا طبيب ..
دانه صج مافيني شي ..
خالد . ....... .. دانه .. بدون مقدمات .. تتزوجيني ؟؟
*************
خالد من شاف دانه رف قلبه .. كانت متغيره متغيره .. الحين مافي شي يمنعه من زواجه منها.. هو مطلق وهي مطلقه .. هو أمه كانت تبيه يتزوجها .. وهي أمها كانت تبيها تتزوجه .. وأكيد أبوه بيرضى عليه ..وقبل كل شي .. هذي دانه .. اللي ضيعها من يده مرة بغباءه .. وحبه للتحرر من قيودأهله .. طبعا عرضه للزواج منها كان المناسب في نظره .. هو يحبها .. هالشي تاكد منه .. تأكد منه ..
****************
لكن دانه .. كتمت شهقة عميقه . من اسمعت عرضه
((طبعا .. يبي يأكد شكوك الكل من حولي .. يبي يسبب لي مصيبه يديده .. بس .. أمي كانت تبي تزوجني اياه.. وأمه كانت تبيني له .. يمكن يكون خلاصي من هالحياة اللي أنا فيها .. يمكن .. بس لحظة . لحظة يالدانه .. نسيتي ؟؟ هاللي عافج .. هذا اللي بكل كره واشمئزاز قال انه مايتخيلج زوجه له .. هذا الانسان اللي حطم حياتج ؟؟ شتقول الناس لما تتزوجينه ؟ شيقول ضاحي ؟؟ضاحي ؟؟ ’آآآآآآآآآآآآآآآآآآآآآآآ آآآآآآآآآآآآآآآآآآآه’ضاح ي .. بتتأكد كل شكوكه حولي لحظه .. أنا ما أبي خالد .. وين كرامتي ؟؟؟؟ وينها ؟؟ ليكون نسيتها اليوم في البيت ؟ وينج يا الكرامه وينج . وينك يالكبرياء . وينك ؟؟ وينك ؟؟ ((
دانه لاء يا خالد .. لاء ..
خالد لييش ؟؟ هذا موب رغبه أمج ؟؟
دانه أدري .. ورغبه أمك الله يرحمها ..
خالد زين ؟؟
دانه آسفه يا خالد .. زواجك مني ما بيغير شي ..
خالد شتقصدين ؟؟
دانه اللي أقصده .. أنه بتم حقيقة أن أمي وأمك .. ماتوا وهم علينا موب راضيين .. تعالي مايا ..
مسكت دانه مايا .. وخذتها لي السيارة .. خذتها .. وهي هالمرة اللي رفضت خالد .. هي اللي قالت له لاء .
**********************
مر الشهر الثاني .. مرت الايام بروتينها المعتاد .. الجامعه الامتحانات .. مايا . الشي الوحيد اللي صج دانه كانت موب مرتاحه له هو قمر وحمد .. كانت قمر ما تعوت على حمد .. وحمد مايكلمها الا للضرورة القصوى ..
والله يغث ..
دانه اصبري عليه ..
قمر شصبر الله يخليج .. اتصل فيني يقول لي ما أبي فستان عرسج عاري وصك في ويههي ...
دانه ههه .. والله انكم نكته الموسم ..
قمر تضحكين ؟؟ والله ولد أخوج يرفع ضغطي ..
دانه زين .. لاتلبسين عاري ..
قمر بس هذي ليله عرسي ماله حق ..
دانه شكنتي ناوية تلبسين ؟؟
قمر عجبني فستان كوكتيل مع ظهر مفتوح ..
دانه شنو ؟؟؟؟؟؟؟؟؟؟؟؟؟؟؟؟؟؟؟؟؟؟
قمر شفيج ؟؟
دانه ظهر مفتوح لي وين؟؟
قمر لي هنا ..
وأشرت لآخر ظهرها ..
دانه يا بنتي جي أنتي متفصخه .. استحي حمد ريال محافظ مايحب هالاشياء .. شيلي على الاقل فتحة الظهر ..
قمر أشيلها ؟؟
دانه او البسي تحته شيرت ههههههههههههههههه ...
قمر شيرت ؟؟؟ تطمنزين؟؟ .. زين . تاريخ عرسي 14\4..متى ألحق أدور في الكاتالوجات عن فستان؟؟
دانه جدامج شهرين ..
قمر أقل من شهرين لاتنسين الجامعه .. بعدين تاريخ عرسي يصادف فترة امتحانات .. أظن ..
دانه والحل ؟؟
قمر ما أدري .. .. فستان عرس ومحتشم ؟؟ وين ألاقيه ؟؟ يمكن في أفغانستان ..
دانه طرحتهم روعه في أفغانستان شفافه بس العيون . تبين حتى ضبابيه .. هههههههههه .. أعتقد بترضي حمد هالمتشدد..
قمر فكيني من ابن اخوج .. أقنعيه بلييييييييز ..
دانه بحاول ..
*************
حمد لاتخليني أروح الحين وأفركش كل شي وأنضم لجماعه الجهاد والتوحيد ..
دانه الله يهداك حمد .. شفيك .. البنت موب كل يوم تعرس .. وشمعنى اللي قلته .. ؟؟
حمد جماعه الجهاد في الاسلام .. الي يطلعون في التلفزيون في الاخبار اللي يمسكون خلق الله ويذبحونهم مثل ال..
دانه بس بس عرفتهم هالمجرمين .. اذا ذبح الابرياء عندكم جهاد لا والله ماشميتوا ريحة الجنه .. خلنا من هالتشدد.. خف على البنت .. وبعدين يا أخي .. كلمها باحترام شوي شنو هي ترفع السماعه وتصكها في ويهها بدون كلمه سنعه؟؟ خدامتكم ؟؟
حمد أنت شفتيها شلون ترد على التلفون ؟؟
حط حمد التلفون على الاسبيكر ودق رقمها ..
ردت قمر بنفس خايسه آلو ..
كان صوتها حاد شوي ..
صك حمد في ويهها التلفون ..
ضحكت دانه .. زين داق على البنت .. ماعرفت تسلم على الاقل تصك في ويهها التلفون ؟؟ شتسوي تعطيها رنه يعني ؟؟
ضحك حمد ..
تستاهل ..
دانه ارجوك حمد .. خف على البنت .. وبتلبس شي معتدل ..
حمد زين . بس موب عاري ؟؟ سمعتي ؟؟
دانه انشاء لله ..
وتراني بس أهدد بالكلام اللي قلته عن جماعه الجهاد .. أنا أصلا أستنكر فعلهم .. لاتنسين أني رجل أمن . وهالشي يعني العدل قبل كل شي .
دانه أدري .. ..
حمد شفيج هاليومين ؟؟ أحس أنج زدتي ؟؟ خصوصا بطنج ..
دانه أفرغ في الأكل بس ..
حمد حسن في غرفته .. وسلمان بعد .. دامج تشجعتي وييتي بيتنا (مع أن أمي موب هنا .. يلا .. روحي لهم .(
دانه بروح لسلمان .. لاني حطيته في موقف سخيف ..
حمد وحسن ؟؟
دانه ................ انشاء الله ..
حمد زين .. قبل لايأذن العشا .. علشان نروح كلنا للمسيد .
دانه أشكره تقول لي خلصي بسرعه .
حمد أشكره أقولج اشردي بذيلج قبل لاتيي امي ..
دانه c u
طلعت دانه لغرفة سلمان .. طقت الباب ..
ادخل ..
ادخلت ..
السلام عليكم ..

قصص غريبه
وعليكم السلام ..
بعكس ماتوقعت .. ابتسم لها .. راحت له واحضنته ..
سلوووم .. حبيبي .. آسفه .. لانك بسببي صار لك اللي صار .
سلمان أنتي مالج دعوه .. .. وأنا ماشايل عليج ..
دانه عيل ليش زعلان مني وماتمرني؟ شهرين يالظالم ولاكلمة منك؟؟
سلمان نسيتي أن امتحانات؟؟ وأنا مصري ؟؟
دانه ههههههه .. بس ما يعني انك ماتمر ..
سلمان استحيت ازورج بعد ماقال لي حمد اللي سوته امي فيج ..
دانه عادي . موب أول مره .. بس ماقالت شي غلط .. أنا كنت السبب .
سلمان لاء .. ماكنتي أنت.. حسن هو اللي كان السبب .. أنا ما أرضى عليج مهما يكون ..
دانه تسلم لي .. الله يحفظك ويوفقك يا سلمان ولد ناصر ..
سلمان ما أحلاها من دعوه ..
دانه من بيحج السنه انشاء الله؟؟
سلمان سمعت من أبوي أنه خالي ..
دانه بروحه؟؟
سلمان لاء . معاه حمد ..
دانه الله يوفقهم .. ماقال لي حمد ..
سلمان يمكن نسى ..
دانه تعال معاي ..
سلمان وين؟؟
دانه تعال بس ..
مسكت يده لين وقف جدام غرفة حسن ..
سلمان مستحيل ..
دانه تدري .. ما انقبلت أعمالكم من اليوم اللي تهاوشتوا فيه .. شلون تبي الله يبارك لك في دراستك وأنت مخاصم أخوك ومتزاعل معاه؟؟
سلمان يعني بتسامحينه ؟؟
دانه ...أنا سامحته .. الباقي عليك ..
دخلت الدانه الغرفة بدون ماتطق الباب .. كان حسن يطالع التلفزيون ومن شافها وقف .. صج أنها أصغر منه بوايد .. لكن .. دانه تحس أنهم عيالها .. ..وماتقدر تزعل منه . كل هالمده وايد عليها ..
دانه يينا نستسمح منك . أنا وسلمان .. أنت الكبير وحنا غلطنا عليك ..
سلمان ماتكلم ..
لكن حسن باس راس عمته ..
أنا آسف .... يالدانه .. كلامي كان .. جارح .. وأنا ماكنت أقصده ..
باس راسها مرة ثانية ..
دانه أصلا أنا كنت أمزح معاك .. ونفس الشي سلمان .. ما أخذنا أي شي على طابع شخصي . .. السموحه منك..
حسن لحظة .. صج أني دخلت الجامعه أربع سنوات بس كل الي فهمته مايي أربع محاضرات .. فالكلام الي تقولينه وايد كبير .. ما أفهمه .. شنو طابع وشنو شخصي ؟؟
ضحكت دانه هههه .. كأنك ماتعرف .. يلا .. سلمان ..
مد سلمان يده وتصافحوا . كان واضح أنهم يكابرون ..
مستحين من بعض ..
حسن آسف .
سلمان لا .. أنا آسف أنا غلطت عليك .. ,, السموحه منك يا أخوي ..
***************************
خورشيد there is girl wait for you ..
استغرب خالد الساعه 3 الصبح من يبيه في هالحزه؟؟ طلع وكانت كاثرين واقف في البرد عند الباب .. طلب منها أنها تدخل لكنها ما رضت .. marry me ,,,
كان طلب كاثرين أكبر من أن يفهمه خالد ..
-I am sorry …what??
- marry me .. I fall in love with you ..
- I cant .Iam sorry..
-because I am not a muslim??
- may be ..may be I am not in love with you ..
- but ..
- there is no but.. I cant marry you ..because you ..you..
-fool??
- no .you are my friend..not my girl friend..yet !!
-thanks a lot for your kindness… but I don’t think that I can wait for it ..
- for what??
- being your girl friend I don’t want that ..
- you who asking me to marry you ..
- forget it too…
كان واضح أن كاثرين سكرانه .. وضوح الشمس .. لانه كانت تتمايل يمين ويار .. استغرب خالد .. لانه ولامرة لمح لها أنه يحبها .. وحتى لما كانوا يرووحون وييون كانوا بس يدرسون ..
دخل لغرفته .. ومسك التلفون ..
ألو ..
ألو ..
خالد شيماء ؟؟
شيماء هه . خالد ؟؟؟
شخبارج؟؟
شيماء اتصالك في غير وقته ..
خالد ؟؟؟ ليش؟؟؟؟
شيماء أنا بترك هالشقة اليوم .. فهالرقم خلاص انساه .
خالد ليش ؟؟
شيماء لأني أنا وسامر كتبنا كتابنا .. ملجنا .لاني انتهيت منك يا خالد .. انتهيت من أنانيتك ..
انصدم خالد .. وصك التلفون في ويهه شيماء .. .. ليش الحظ معاه بدا يسوء؟؟ ليش ؟؟ ؟؟
*********************
مريم شيلي مايا .. البنت ماتت من التعب ..
طالعت مريم مايا الي تعبت من اللعب .. كانت اتفقت مع مريم يطلعون مع بعض لجنغل زوون يلعبون الاطفال..
مريم شيليها المسكينه انهد حيلها ..
دانه البنت ثقيله .. مأأقدر لها .. الحين نوصل السيارة ..
مريم ششالسالفه توج من فتره كنت تشيلينها .. متى اثقل.....
شهقت مريم ..
طالعت دانه عيون مريم وحلجها اللي تحول من o إلى ابتسامه ..
دانه مريم لاتقولين لحد الله يخليج ..
مريم بس ..
أرجوج ؟؟؟؟؟؟؟؟؟؟؟
مريم أحاول ..
دخلت السيارة .. ونامت مايا في حضنها ..
شغل راجو الراديو ..
كان عبادي الجوهر .. (ليه العطر وأنتي أنفاسك دخون؟؟ (
ادمعت دانه .. تذكرت ضاحي .. ما قدرت تمسك دموعها أكثر ..
)ياللي كل أفراح قلبي الحزن في المسافة بين فرقاك ووصالك؟؟ .. ليه يالقلب الحنون تآخذك فيني الظنون؟؟؟ ضيعت عقلك .. هو فيه مثلك .؟؟ أنتي ماغيرك عيون .. وأنا أحبك .. أحبك .. أحبك وأنتي أنفاسك دخون .. (
ما قدرت دانه تمسك دموعها عند هالمقطع .. ..
طبعا مريم .. رويترز 2 ما التزمت بكلمتها .. وفجاة بدت الاتصالات على الدانه .. قمر وحمد وخالد وليلى وناصر .. حتى هناء .. كأن ماصار شي بينهم دقت تبارك لها .. ناصر نايف سعود ثامر .. حتى بدور ..
أخييرا دقت مريم ..
هذا وأنا قلت لج لاتقولين لحد ؟؟
ضحكت مريم من فرحتي والله .. من فرحتي .. عاد ماتصدقين الكل يقول دانه حامل التعبير على وجوهم يموت من الضحك .. صراحه كان خبر الموسم ..هذا الخبر اللي صدق يصدم .. محد توقع حمالج .. الكل شافوا تغييرج الفسيلوجي .. بس محد منهم توقع أنج كنت حامل .
دانه ما علقت ..
مريم كم صار لج؟؟
دانه تقريبا ثلاث أشهر وشي..
مريم يعني من طلقج ضاحي كنتي ؟؟
دانه كنت مشككه .. بس تحليل الدم أكد لي ..
مريم وليش ماتكلمتي؟؟ ليش ما قلتي ..
اسكتت دانه وماقالت شي لمريم ..
مريم على العموم .. ألف مبرووك .. ألف مبرووك ..
صكرت التلفون دانه ..
ابتسمت .. طالعت بطنها .. طالعت له .. وهي تبتسم .. بتصير أم .. لي متى بتخبي عنهم ؟؟ .. بس لسبب تجهله.. كانت تبي سالفة الحمال سريه محد يدري عنها .. يمكن لانها ماكانت تبي حد يشفق عليها ؟؟
**********
بيسافر ؟؟ الحج؟؟
دانه اييه .. اتصلي فيه .. وادعي له بالسلامه ..
مسكت قمر التلفون .. واتصلت فيه ..
الزقت فيها دانه ..
قمر السلام ..
حمد وعليكم ..
قمر ...................
حمد قمر بغيتي شي ؟؟
قمر تروح وترجع بالسلامه ..
حمد بس فستان العرس بيظل محتشم وماتلبسين عاري ..
قمر عصبت والله العظيم أنك .. سافاج ..
حمد زين يالمتحضره .. لا تفلسفين على راسي .. أنتي السوقيه ..
قمر الشره موب عليك الشره على الغبيه اللي داقه عليك تدعيلك بالسلامه ..
حمد صج .. والله في هذي ما جذبتي .
قمر شقصدك؟؟ أنا غبيه؟؟
حمد أنا ماقلت شي .. أنتي اللي وصفت نفسج هالوصف الدقيق .. المهم .. فستان عرس .. يكون محتشم سمعتي ؟؟
قمر واذا قلت لك مافي عرس ؟؟
حمد توفرين علي المصاريف .. عادي أنتي زوجتي أخذج بثوبج اللي عليج ولافارقه معاي ..
عصبت قمر اااااااااااااااااااااي .. لاء .. ماصدقت ماتبي تسوي عرس .. في عرس .. وفي فستان عرس ..
حمد محتشم ؟؟
قمر محتشم ..
عصبت حيل ..
دانه هاتي ..
خذت التلفون منها وهي تضحك ..طلعت قمر برا الغرفه وهي معصبه ..
ألو حمد . استح على ويهك شوي ..
حمد على بالها غبي تمشي علي سواليفها ؟؟
دانه والله من درت بسفرك ويهها تغير .. واتصلت عليك بسرعه بدون تردد .. البنت شكلها تحبك ..
حمد لاتقولين..
دانه والله .. أصلا هي من فتره بدت تسألني عن اللي تحبه واللي ماتحبه شكلها لانت .. لاترجع تقسيها ..
حمد هههههههه .. خلاص أعطيني اياها ..
دانه أنا بطلع عنكم .. بس ها .. عطها كم كلمة حلوين تذكرك فيها ..
حمد أعطيني اياها ..
طلعت قمر وأعطت قمر التلفون . ودخلت تشوف مايا ..
طالعت مايا وهي تبتسم .. مسحت على راسها ..
دخلت قمر .. ويهها متورد لاول مرة والسبب مايكون المكياج ..
دانه شفيج متشققه ..
قمر ,,,,,,,,,,,,,,, حمد ..
دانه شفيه ..
قمر أحبه
ضحكت دانه وناسه شسوى علشان غيرتي رايج ..
قمر حط لي الأغنية الرومانسية الاولى في الخليج العربي ..
دانه أي أغنية ؟؟
قمر تدري أني موت أحبك ؟؟ وأن مالي غير حبك؟؟ واللي ينبض في ضلوعي .. ماهو قلبي هذا قلبك ..حطها لي .. حمد .. حط لي هالاغنية .. حمد ..حمد .. حمد .. حمد ... أأأأأأأأأأأأأأأأأأأأأأأأأ أأأأ أأأأأأأأأأأأأأأأأأأأأأأه ..
دانه لاحظت أن قمر تغيرت من أيام الملجه .. لاحظتها .. وعرفت أنها حبت حمد غصب عنها .. وأن خالد كان مجرد .. حب مراهقه تافه .. ماله أي معنى ..
عرفت دانه أنها خلاص .. انتهت بينهم حركات اليهال .. خلاص .. ..
دانه وفستان العرس ؟؟
قمر بلبسه محتشم .. ولو طلب مني ألبس عباه بدل الفستان مابيكون عندي مانع ..
ابتسمت دانه .. كانت قمر خلاص ذايبه في هواه ..
**
والسبب أغنية ؟؟
******************
تجول في هالبلد .. هو الحين وحيد .. وحيد حتى اشعار آخر....
لانه في المستقبل بيرجع ويطلب بدور .. مستحيل بدور تنسى اللي بينهم من عشرة .. مستحيل . وان نست .. .. ما يبي يحط أي خيارات .. ان نست .. فلكل حادث حديث ..
******************
فتحت الباب.. التفت لها .. انصدمت بوجوده .. كان ناصر ونايف موجودين .. البست شيلتها .. ماتوقعت ضاحي يي؟؟ قالت لها قمر أربعه أشهر ..
ناصر دانه .. ضاحي يبي يردج ..
اسكتت دانه ..
(ضاحي يبي يردني ؟؟ زين؟؟ واللي صار ؟؟ أمحيه ؟؟ بس.. مستحيل .. كرامتي وكبريائي أكبر من ضاحي .. . بس اللي في بطني ؟؟ وحقيقة أني متشردة .. وأنا بروحي .. لكن لو صار لي هالياهل ؟؟ من بيتحملنا ؟ من ؟؟ وبعدين أنا أحب ضاحي.. أي كرامه وأي كبرياء ؟؟ وضاحي اعتذر ؟؟ ؟ظ أي كرامه وكبرياء بيظلون عندي اذا قلت لاء؟؟ أخواني وزوجاتهم مابيترددون في اذلالي .. مابيترددون في توجيه الكلام لي .. أنا بروحي ماكانوا يطيقون مسؤليتي ؟؟ ومع ياهل ؟؟ ضاحي أبو ممتاز.. والدليل علاقته ببنته مايا .. وأناأحبه .. بغلط في حق نفسي اذا رفضت الرجوع له .. في حق اللي في بطني .. أعتقد هالمده كانت كافيه لرد الاعتبار .. بس قبل كل شي .. شرط شرط .. ((
رفعت راسها ..
ناصر ها دانه ؟؟
دانه بس بشرط ..
ضاحي أنا موافق على كل الشروط ..
ناصر مابنسمع شرط الدانه أول قبل لاتوافق ؟؟ ششرطج يا دانه ..
دانه يكتب هالبيت باسمي ..
انصدم ناصر ونايف ..
لا يالدانه .. هذا شقى عمره ..
ضاحي أنا موافق ....
انصدم ناصر ونايف .. وكان ضاحي واقف بثبات وقناعه ..
ناصر بس ..
ضاحي ماعندي مشكله .. أنا بكره انشاء الله بروح وأسجل البيت بسمج ..
اسكتت دانه , تمت طوال الليل وهي محتارة .. ضاحي راح لفندق وين حط أغراضه .. كانت خايفه يكرهها ضاحي.. يكرهها بسبب شرطها .. مانامت .. وهي تحوس في السرير .. وشايل هم .. اتصلت في ليلى .. وقالت لها كل شي صار ..
ليلى ليش شرطتي هالشرط؟؟
دانه لانه .. ما أدري يمكن يتكرر اللي صار .. ما أبي أتشتت . أبي ..
ليلى لاتفاولين انشاء اله الامور بينكم تصطلح .. بس .. الرياييل مايحبون الحريم تتحكم فيهم ..
دانه ليلى أنا أحاتي طول الليل .. طول الليل .. ماتصدقين شقد .. تعبت .. من الضيااع .. أبي أحس أن لي أرض لي بيت ..
ليلى بس أنتي رجعتي لضاحي ..
اللي افترقت عنه في المرة الاولى ..مهما صار ..كان لازم أأمن نفسي .. واللي في بطني ..
*****************
انفرد فيها أخييرا ..
نزلت دانه راسها ..
ضاحي رفع راسها .
لا تنزلين راسج أبد ..
دانه ضاحي اأنت سجلت البيت باسمي ؟؟
ضااحي أاييه ..
دانه انت تكرهني ؟؟
ضاحي لوأكرهج أرجع لج ؟؟؟
دانه بس ...
حست دانه أن كل همها انزاح لما حضنها ضاحي .. ما مسكت دموعها ..وتمت تبجي في حضنه بقوة ..
ضاحي خلاص .. خلاص .. انتهت الدموع ..
دانه ليش سجلت البيت بسمي؟؟
ضاحي لاني ما بضيعج من يدي مهما كان بعد اللي صار .. ظلمتج مرتين .. وأوعدج مابظلمج بعد اليوم.. دانه.. كانوا شهرين من العذاب بالنسبة لي .. ما أدري شلون ابتعدت عنج .. دانه .. أنتي دانه .. مابضيعج من يدي أبد أبد .. واعذريني لغيرتي العميا .. اللي .. سببت لنا هالمشاكل .
دانه ما تصورت حياتي بدونك..
ضاحي ليش ما قلت لي أنج حامل ؟؟
دانه أنت عرفت ؟؟
ضاحي قالت لي قمر أمس ..
دانه ....... كنت محتاجه وقت ..
ضاحي دانه .. نسيت أجاوبج على سؤالج ..
دانه أي سؤال ؟؟
ضاحي بس بجاوبج .......... أحبج ..............................
ابتسمت دانه.. اضحكت بصووت عالي .. كانت لحظات غريبه .. غريبه .. هذا ضاحي اللي يعترف لها بحبه.. ماتقدر الا تحبه أكثر.. أكثر .. وأكثر . وأخييرا .. حست بأمان .. أخييرا ..


The End

انتهت .. اللحظات .. انتهت وهي غريبه وايد .. انتهت بحب ماله حدود .. بحب ماله نهايه .. ببداية حياة لدانه .. وضاحي ..



تحياتي لكل من تابع القصة

ولن اقول وداعا بل الى احلى لقاء في قصة جديدة

قصص غريبه
تسلمي ياغالية

قصص غريبه