منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > قسم التربية والتعليم > الفن الادب الشعر > القصص
تابعنا على الفيس بوك تابعنا على تويتراضفنا لقائمة ال RSS

بوابة نوكيا


قصة لحظات غريبة بين اثنين

قصص غريبه




ساهم بنشر الصفحة
رد
 
أدوات الموضوع
كل عام وانتم بخير

جيت على الوعد بقصة جديدة اسمها


لحظات غريبة بين اثنين ...خلقت الحب في قلبين

للكاتبة: سهر الليالي 84



ياااااااااااااارب تعجبكم


الحلقة الأولى
يلا يا بنتي نروح بيت خالج ..
دانة يمه ما أبي ..خالد كله يطقني ..
أم نايف يلا يا بنتي ..هذا ولد خالج .. يمون عليج ..
دانة يمه يعورني ..
ام نايف يلا يلعب وياج يالخبول .. يلا البسي نفنوفج وتعالي لغرفتي احط لج جحال وديرم ..
دانة يمه ..الناس مايحطون ديرم يحطون حمره بس ,,
ام نايف تعالي يالخبله تعالي ..

((دانة الفرد رقم 6 في عايلة بو نايف.. بينها وبين امها ثلاث وأربعين سنة..الكل يحمد الله ان دانة ما اطلعت منغوليه.. لان امها يابتها في عمر كبير.. كل اخوانها وخواتها كبار .. وهي تو عمرها ثمن سنوات .. اخوانها نايف وناصر وثامر وسعود ونوير..((
**************
ام خالد تعالي يالعنود سوي جاي ابوج بيجي الحين مع عمتج .
العنود يا ربي ..متى أتزوج وأرتاح ..مليت ..الجاي على عبير ..أنا سويته آخر وحده ..
ام خالد نادي عبير ..
العنود يمه انتي ناديها لانها بتصرخ علي ..
ام خالد عبييييييييييييييييييييييي يييير ..
عبير نعم يمه ..
ام خالد سوي جاي ..
عبير زين ..
خالد من بيجي اليوم؟؟
ام خالد عمتك وبنتها الدانة وبنتها نوير ..
خالد يهالدانة اللي باطة جبدي ..دلوعه ..
ام خالد شتبي من بنت عمتك ؟؟ شسوت لك كله حاط دوبك دوبها ؟؟
خالد تلوع جبدي من أشوفها ..ما أطيق شوفتها ..
ام خالد جوف لا تفشلني جدام عمتك .. مالك شغل فيها ..
خالد حاس بوزه ..وفي قلبه نية سوده للدانة ..
((خالد الولد الوحيد بين اربع بنات ..عمره خمس طعش سنه .. ((

*********

نوير تهقين ولد خالي بيكون موجود يالدانة؟؟
الدانه من؟؟ الخايس خالد؟
نوير لا تقولين عنه خايس..والله انه حبوب ..أبي أسولف معاه ..أبي أجرجره بالحجي عن عامر ولد خالتي مريم .
الدانه والله انه خايس..أنا أقولج عن عامر ..تراه يشرب سجاير ..شفته هذيك المره مع عبود الخايس ..ورى الميلس يدخنون ..
نوير لايكون علمتي حد؟
الدانه ماعلمت إلا بسمه رفيجتي ..
نوير لاتقولين لحد ..ياويلج ..
(نوير عمرها 18سنه وتركت المدرسه من كانت في صف رابع (
الدانه شلبس اليوم؟
نوير حيالله دراعه ..رايحين بيت خالي ..ومافي حد غريب ..
الدانه امي قالت لي البس نفنوف .وكانت تبي تحط لي جحل وديرم بس شردت وقلت لها اني بحط حمره مالتج ..
نوير عيب ..توج صغيره على الحمره ..ما أحط لج ..وأمي دامها قالت لج البسي جي ..في طلعه ثانية ..
**************
خالد دانه تعالي ..
دانه يمه لا تخلينه يطقني ..
ام نايف روحي ..لا تخافين مابيطقج ..
راحت الدانه غصب عنها ..
خذاها خالد للميلس وكانوا ربعه مناحي وفهد هناك ..
خالد يلا يادانه ..السؤال المعتاد ..من أحلى ؟؟ أنا ولا نايف أخوج ؟
دانه نايف أحلى ..
مناحي اتركها يا معود ملينا من هالفلم اللي تسوونه كل مره ..
خالد نايف أحلى ؟
ومسك يد دانه عورها ..صرخت دانه ..
دانه يالخايس اتركني ..
خالد مابترك يدج لين تقولين من الخايس؟؟
دانه انت الخايس ..
خالد مين ؟؟
وشد على يدها بقوة ..
دانه أنا خايسه عورتني آآآآآآآي ..
خالد والحين من أحلى ؟؟ أنا وولا نايف أخوج؟
دانه .....................
خالد وليش منطمه؟؟ ماتردين؟؟
دانه انت خااااااااااايس .,..ما أحبك أكرهك ..تخرع ..
خالد أحلى ..يعني لازم مثل كل مره ..عاد ..ترحمي على نفسك ..
مناحي اتركها حرام عليك ..
فهد خل يأدبها أحسن ..
دانه انت جب ..
مناحي ويييييييييييييييييييي ..تستاهل فهد ..محد قال لك تحرش .
فهد هالبنت ماتستحي خليني أطقها ..
خالد لا ..حشى .,.,محد بيمد يده عليها غيري ..حفرتي قبرج بيدج يالدانه ...تشهدي ..
دانه يمااااااااااااااااااااااا ااااااااااااااااااااااااا اااااااااااااااااااااااا

***************

بعد 10 سنوات ....
___________
تنهدت وماقدرت تمسح دموعها ..
نايف امسحيها في ويههي يالدانه ..منيره ماتقصد ..
(منيرة زوجه نايف وام بناته بدر البدور وقمر الزمان (
الدانه خلاص أخوي ..أنا بروح بيت أخوي ناصر ..
نايف ناسيه انج ثانويه.. وأنج تداومين مع بناتي في نفس المدرسه؟؟ وين رايحه لبيت ناصر , بيته بعيد ..
الدانه هانت ..كلها شهر ...وأخلص الامتحانات ..وبروح بيت ناصر..
نايف لا..بناتي تربوا معاج ..وأنتوا بتخلصون مع بعض ..الثانوية .. وبتظلين معاهم لين يجي نصيبج ..
الدانه ما أقدر نايف ... ما أقدر ...تعبت ..منور من سكنت هنا من سنتين وهي نازله تجريح فيني ...
نايف البيت بيتي ..
الدانه بس هي صاحبة البيت ..وهي حامل الحين وأكيد تبي الغرفه للبيبي اليديد ..
نايف لا ,,تدبرنا هالمسألة .. بدر وقمر بيصيرون في غرفة وحده ..
الدانه لا ...لا ..حرام عليك ..هم صج توم ..بس مايشبهون بعض..انطر شهر ..بس شهر خلها تتحملني شهر واحد ..
)من ماتت ام نايف .. والدانة متشحططة بين بيوت اخوانها .. بعد ماوزعوا الورث ..(
****
كل عام وانت بخير ..
خالد وانتي بخير يا حياتي ..تدرين انتي الوحيده اللي جبرت بخاطري ودقت تهنيني بيوم ميلادي ..
وأنا أقوى أنساك ..وين بنتقابل الليلة؟
خالد وين ماتبين ...بس ها يبي معاج الواجبات ...لان اليوم مارحت الكلية مثل منتي خابره ..
من عيوني ..
خالد تسلم عيونج ..يلا باي اشوفج الليلة في مكانا المعتاد؟
وحنا عندنا مكان غيره؟
*****************
الدانة انتي للحينج ماخلصتي من سالفة الاسم؟
بدر البدور أكيد ما ارتاح ..قمر مرتاحه بسمها لان لو نادوها بالاسم الاول بس بيكون عادي ..بس انا..اللي مايناديني بسمي كامل يناديني ببدر بس ...مليت يا عمتي ..
الدانة اسمج حلو ..
بدر البدور مدري شطرى على ابوي علشان يسميني هالاسم التعبان ..
الدانه والله انج بطرانه ...احمدي ربج ..أنا رايحه لغرفة قمور ..
بدر كالعادة ماتعجبج سوالفي فترورحين لقمر ..والله اني ما احب انطق اسمها عن لاتحسب اني امدحها ..
الدانة ردينا لموال قبل؟؟
بدر اييه ..وانتي بعد لاتنادينها قمر ناديها قهر ..
الدانة جب يا بدر ..
قمر هلا عمتي تعالي ..
دانة اتصلت فيني عبير ..تقول خلينا نمرها نسوي كيك معاها لحفلة اخوها اللي بيرد من السفر بعد يومين ..
قمر خالد؟؟
دانة ياني أكرهه ..أتذكر أيام قبل كله كان يطقني صج حمااااااار ..
****************
شيماء راح أشتاق لك ..
خالد أنا بسافر بكره الصبح ..مايمديني اوصل بسرعه للبيت .أبي أفاجأهم ..ولا ياحياتي كان بقيت معاج ..
شيماء اقول لك رح اشتاق لك تقول لي قصة حياتك؟
خالد لا تتبجحين ..تذكريني ببنت عمتي ..أكرهها ...والله اكرهها ..وما أطيق أشوف ويهها ..
شيماء صحيح انك قليل ذوق ..انا وين وانت وين ..قول لي راح أشتاق لج بعد ..شتخسر ..
خالد شيماء ..من تعرفت عليج ..قلت لج ..علاقتنا بتنتهي في اليوم اللي بسافر فيه لهلي..وأنا خلصت الجامعه وتخرجت من شهر ونص..بس نطرت اضبط اموري.. اليوم آخر يوم بيني وبينج..تقولين لي راح اشتاق لك؟؟
شيماء فكرت ..يمكن تكون وزنت الامور وانك تحبني ..
خالد اليوم عيد ميلادي وين هديتي؟
شيماء مثل عادتك ..كالعادة ...تغير الموضوع ..أنا بروح وانت هاذي هديتك ..باي.

انتهيت من البداية والتعريف..
خالد تخرج من كلية الطب.. وتم لين آخر لحظة يساعد شيماء في الواجبات.. وأخيرا بيرجع لبلاده..
ومن هنا ببدأ اللحظات بأسلوب مختلف 100%
___________________________________

غيرت ملابسها وفي قلبها غصة..كلام منيرة جرحها..للمرة لعاشرة من انتقلت لهنا ومنيرة تقط عليها نغزات كل وحده اقوى من الثانية..البست عباتها وشيلتها وطلعت.. تعبت من هالتشتت بين بيوت أخوانها ..الله يسامحكم ...ليش كان لازم تبيعون البيت وتتركوني ما أحس بأي أمان ولا انتماء ..
قمر عمتي ...شفيج؟؟ ...ساكته من طلعنا من البيت ..
ردت أفكر لو بدر يات معانا ..ماكان أحسن؟
قمر بدور ماتعرف تخبز الكيك ولا الحلويات بتقعد تزعجنا بس ..وبعدين عمتي نسيت آخر مرة لما تهاوشت مع عبير ؟؟ مسكينة عبير فوق ماهي متعنية وعازمة بدور تقوم الثانية وتهينها في بيتها ..
برايج ...
))خالد ..ما أقدر أشوفه ..أحس بجبل ثقيل على صدري ..((
رجعت بذاكرتها ليوم عرس صالحة من عشر سنوات ..لما صار اللي صار ....لكن ..
قمر عمتي ...اليوم انتي كله سرحانه ..عندنا اربع ساعات نساعد فيها عبير ..لان لازم ندرس في الليل ..

******

مع السلامة ..
شيماء مع السلامة ...
طلع خالد سلم الطيارة وهو محتار ..طبعا بعد ساعة وشي بيرجع لبيت أهله اللي ماشافهم من أربع سنوات..بس شلون استقبالهم بيكون له؟؟ بيفرحون بشهادته وانه دكتور وكل هذا بس في قلبه حسره بسبب الموقف اللي صار من اربع سنوات له ..بينسون الموقف ولا بيحاسبونه؟
في الطياره حاول انه يقطع الوقت بالقراءة ..لكنه مل.. طل من الدريشه وغابت أفكاره..تذكر الموقف السخيف اياه.. مايدري وين كان مخه لما خذ شيماء بيت أهله في أول اجازة..مايقدر ينسى النظرة اللي ارتسمت على وجوه اهله كأنها خيبة امل..شيماء لقيطة..عاشت طول عمرها في ملجأ..ولما خلصت الثانوية التحقت مثله بجامعة الاردن يدرسون الطب البشري ,,تولع في شيماء وايد ..لدرجة انه خذها لبيت اهله..طبعا بيت اهله ناس محافظين شيكون شعورهم لمايدخل عليهم ابنهم مع رفيجته؟؟؟

****

((الهموم مالها آخر ..واذا ظل الواحد يفكر فيها بيشيب راسه ..خلينا انسى واستانس بوقتي أحسن لي ..((
دندون ..تعالي شوفي الكيك استوى ولا لا؟
الحين بيي .. يبي لها عشر دقايق وتصير عجيبة ...جهزتي الكريمة والقشده؟
عبير جهزت كل شي ..
قمر عبير لحقي على الكيك كلته العنود ..
عبير عنوووووود ..
العنود شسوي ..مشتهية آكل كيك ..
عبير متى بترجعين بيت ريلج؟؟ لاعت جبدي ماصارت نساة ..
العنود جب جب ..هذي اول مرة أحمل ,,ولازم تقومين فيني ..
عبير انا وراي عرس بعد ست شهور ماني فاضيه لدلعج ..
قمر هو بيرجع بعد ست شهور؟
عبير عنده دورة في الصين.. والله يستر .اذا مالف على وحده ,,
قمر لا شكله ابن ناس ..
عبير شفيها عمتج؟
قمر اليوم امي قالت لها كلام مافهمته بس هي ازعلت ..
عبير شكلامه؟
قمر ما ادري ..مثل ما أذكره ..

***

تاكسي ,,
(الدوحة تغيرت وايد عن قبل ..اربع سنوات غربة ..بيتفاجأوون فيني لاني قلت لهم اني بوصل بكره..كلها نص ساعة ..وينتهي هالقلق اللي أمر فيه (

***

عبير في ايش سرحانة؟
دانة ولا شي ..
عبير شقالت لج ام قمر اليوم علشان تختبصين جي ؟
دانة ولا شي ..
(قمر الهبلة ...أكيد قالت لعبير شي) ..
عبير ماقلتي لي لقيتي مدرس انجليزي؟
دانة لاء ..خاص مالقيت واحد زين بس في المعاهد في حصص وأنا ما أبي حصص لان الي مافهمته شي معقد شوي..
عبير لا يا خالد أخليه يدرسج انتي وقمر وبدور ..
دانة كم مرة قلت لج اني ما اطيق اخوج هذا ؟؟
عبير اسكتي..امي من درت انه بيي ..حبست عمرها في الغرفة ..بعد سواد الويهه اللي سواه مو عارفين شلون بنقابله ..
دانه عادي كأن ماشي صاير ..
عبير عاد انتي من متى ماشفتيه؟؟
دانه من عشر سنوات لما يا آخر مرة لأمي في المستشفى ..الله يرحمها ..اذكر ضربني على راسي وصرخت مخترعة فضربني مرة ثانية فتميت أصيح ...أكرهه الحمار ..
عبير حمار ريلج ,,اتركي اخوي في حاله ..وأخيرا بكره بيي ..قلبي عاد يدق بقوة من زمان ماشفته ..الباب يطق اروح أشوفه ..
ارجعت دانة لهمومها .. الانجليزي ..الفصل الاول يابت كل الدرجات شبه كامله ماعدا لاانجليزي بينها وبين الرسوب نص درجة..
نايف قال بيدور لها على مدرس ..بس الحين موسم الامتحانات بدى ..والثانوية محد بيكون متفرغ ..

****

ربكة غريبة في الصالة ..
ليش ماينفتح الباب؟
فتحت عبير الباب ..عرفها عبير ..بطلت حلجها شكبر حس انها بتبلعه ..
مابتدخليني البيت؟؟
عبير خالد؟؟ ييت ..يماااااااااااااااااااه الحقي خالد يا ..

**

قمر دانة شالربكة اللي في البيت ؟؟
دانة مدري ..
قمر اطلعي شوفي ,,أنا براقب الفرن ..
دانة مالي خلق ...روحي انتي ..
دخلت العنود وبطنها العود يسبقها ..
اخوي خالد يا .
رفعت حواجبها قمر دهشة ودانة حاست بوزها معصبة ..
طلعوا اثنينهم للصالة ..

****

شالجمال اللي يشوفه وقف جدام عيونه؟؟ اول مرة يشوف وحده بهالجمال..من هذي ام العيون الناعسه والشعر الحرير اللي نازل على جبهتها ..خدودها التفاح ذاته ..قمر ..قمر ..مستحيل تكون اخته بشاير ولا اخته صالحه اللي هم في السعودية ؟؟...هذي لعنود وهذي عبير ...من هذي؟؟
سمع شهقة من وراه ..كانت امه ..بسرعه باس راسها وضمها لحضنه..وامه ما مسكت نفسها من الفرح الزغاريد شغالة .. ابنها الدكتور رجع أخييرا ..

***

عيونه تروح وتجي على للي لفتت نظره ...
عبير أخوي ..هذي بنت ابن عمتك ..قمر الزمان ..
خالد قمر ؟؟ ...سبحان الله اسم على مسمى ..
قمر ؟؟ وهي قمر .. قمر حست بنظراته فاستحت ..خالد كان وسيم ,,,رزه ..طويييييييييل ...وعيونه كبيره وحلوة ..
عبير وهذي طبعا مانسيتها دانة ..
التفت خالد لدانة في نفس اللحظة التفتت له ..
خالد شاف وحده يكرهها ما يقدر يطل في ويهها ..
دانة شافت واحد خايس متأكده أنها تكررهه وايد . نذل ..مدت بوزها ..وبنفس خايسه مبروك الشهاده ,,
خالد بطريقة مستفزة أكيد مبروك لي... حاصل لج تصيرين دكتورة ..
دانة مستغنية عن وجع الراس ..
دخلت المطبخ معصبة ..ودخلت قمر وراها ..
دانة دخلي شعرج كله طالع ..
قمر هذا ياعمتي اللي كنت تسبينه طول الوقت؟؟ حرام عليج يهبل ..يينن ...ماقدرت على نظرة منه ...
(دانة حست انه ماتطيق تسمع عنه شي وخصوصا المديح(
دانة قمور جب ...راسي يعورني ..هذي آخر كيكة ونرجع البيت عندي امتحانات لازم نخلصها ..
قمر ياعمتي ,,,علشاني خلينا نيلس ساعة وحده بس لين يي خالج ..
دانة خالي موموجود ..مابيرجع لين المغرب ..
قمر يا عمتي ..شوي بس شوي ..
دانة اوكي اخلص هالكيكة ,, واروح اتمدد في غرفة عبير ...صحيني بعد ساعة ..
قمر من عيوني ..

***

خالد كل قلبه وفكره مع قمر ..واو ..عجيبة ..جمال رباني خارق ..والجسم ولا منيكان ..

**

فتحت عيونها بثقل ..حست ان الغرفة غريبة عليها ... لحظات تذكرت انها في بيت خالها ..لكن ..مافي ضو نهار في الغرفة ..
الساعة كانت ثمان ونص ..
نزلت تحت وتفآجأت بالكل في جلسه سمر ..وبينهم قمر ..
غمزت لها علشان يروحون ...

***

في السيارة ..
انتي ماقلتي لي انج تبي ترجعين تدرسين؟؟ وأنا وصيتج تصحيني بعد ساعه ..أشوفج نسيتيني ثلاث ساعات نايمة ..
قمر عمتي ,,,يا خال ابوي ولزم علي أتعشى .. وبعدين راح الصلاة لو يدري انا ماتعشينا بيزعل ..
دانة الحين شقول لامج لادرت ان خالد رجع؟؟
قمر آآآآآآآآآآه ..خالد ..
دانة شفيج مسبلة عيونج؟؟
قمر يهبل ..يهبل ..أأي عمتي ..من كلامج كرهته صج ...لكن اليوم ..غييير ..
دانة ماشاءالله وحكمج هذا استنتجتيه في هالثلاث ساعات اللي قعدتيهم معاه؟؟
قمر عمتي ..انسان مثقف مهذب وسيم ..
دانة الحمدالله والشكر ...والله مافيه ولا شي من هالقلتيه ..انسان نذل واطي ..ماتعرفين شسوى قبل ..
قمر شسوى؟؟
دانة ماني متكلمة على الريال ..يمكن تغير ..ويمكن الله يكتبه من نصيبج ..ماني قايله ..
قمر ياعمتي فديتج .قولي ياعمتي ..
وتمت تحن لين ارضخت دانة ..

***

نزلت من السيارة وهي منصدمة ..
دانة ندمت انها قالت لها ..
قمر عمتي علشان جي كرهتيه كل هالمدة؟؟
دانة اييه ..بس انتي مالج علاقة في الموضووع ,..هالموضوع صار من زمان أكثر من عشر سنوات ..
قمر بس يا عمتي ..ليش كنتوا تطاققون دايما؟؟ قبل اللي صار ؟
دانة مرة صدته يغازل سحر رفيجة نوير وقلت لخالي ....
قمر هو يكرهج لهالسبب ؟؟؟؟
دانة لا ...هو يكرهني علشان العواقب اللي يات على راسه بعد هالسبب..مسكين أكل طق وبهدلة..وفوق هذا خالي حبسه في البيت شهر كامل ومدري شسوى بعد ..
قمر واللي صار من عشر سنوات ..لين الحين انتي حاقده عليه مع اني ماظن انه طق وايد .....
دانة هو كسر يدي من الطق..ولما شافته امي ياتها نوبة قلبية من الخرعة علي..صراحة ..هو ما غلط بحق امي..أمي قلبها تعبان ..وماتتحمل ...الله يرحمها ..
قمر الله يرحمها يدتي..أنا لو مكانج كان ذبحته..بس يدتي ماماتت الله ستر..وعاشت بعدها كم سنه..الله لطف فيه ولا الحين كان الكل يلومه ..
دانة ومن قال لج اني مالومه؟؟ النوبة اللي تعرضت لها امي كان لها مضاعفات ..لولا هالنوبة كان امي معانا الحين ..
قمر عمتي ..ماعرفت لج ساعة تلومينه وساعه لا ...بعدين هذا عمرها ومكتوب لها ..ومحد يقدر يغير اللي صار ..
دانة اسكتي خلاص ...خلينا نتصرف عادي وبعدين نخلص كلامنا ..
قمر عمتي ..أعتقد اني أحب ....خلاص ..أنا متأكده ..
دانة لا تستعجلين ..لاحقة على كل شي ..



قصص غريبه
الحلقة العاشرة


قمر اوكي ..كلمت بدور واتفقنا على هالفكرة ..
دانه بتخبلون الناس..بس علشاان افرق بينكم انتي البسي اسوارة الالماس اللي عندج ..بدور ماعندها هالاسوارة ...
قمر زين يا دانه..قلبي يتقطع كل ماتقول لي بدور تعالي معاي السوق ..هي المسكينه تحاولي تيرني معاها ..بس أنا أتحجج دايم ..
دانه زين ...أحسن لج علاقتج فيها تكون سطحية لين تتزوجين ..وتنسين ..
قمر ما أقدر أنسى ..ما أقدر أنسى ..
(( أنا نسيت ..اللي عشت حلم كل هالسنين ..ماتنسين وانتي حلمج توه وليد؟؟ ))
دانه قمر ..شوفي العرس ماباقي له شي كلها أربعة أيام ..وصي على الفستان تيبه لج بنت خالتج دامها في بيروت ..
قمر انشاءالله ..بروح أكلمها ..هي تعرف المحل ..وشافت فستاني اللي يبته ..بوصيها تيب نسخه لبدور ..
اتفقت قمر وبدور انهم يلعبون دور الوصيفات في الزفة لعمتهم ..يلبسون نفس الشي ..ويظلون طول الوقت معاها ..
دانه الحين ييون الشباب من بره ..يلا توكلي ..
قمر طرده؟
دانه لا ..أصون لج كرامتج ..انتي ماشفتيهم ..شرسين ..انا أحاول أحيا بينهم .. اذا شافوج بيقطعونج من تعليقاتهم ..حتى صلوح ومشعل ...ماتسلمين من لسانهم .
قمر مو لها الدرجة ..بس أنا لازم أروح الحين ابوي كان يبي يطلع معاي السوق نيب شغلات لفهد..
ابتسمت دانه ..قبل هي اللي تطلع دايم مع اخوانها وتيب شغلات لعيالهم ..بس من اكبروا الاخيرين ..استغنوا عن خدماتها .هي موب زعلانه بالعكس ..مرتاحه ..
طلعت قمر ..وبعد خمس دقايق دخل حمد ..
دانه من كانت عندج؟
دانه رئيسة عصابة ..من يعني قمر ..
حمد طلعت متغشية؟
دانه وشالشي اللي يبهر في هالموضوع ؟؟ هي ..
كانت تبي تقول اذا تكشخت وتعدلت تشيل الغشوة ..واذا ويهها خالي من المكياج تحطها ...عكس خلق الله .بس تعرف حمد مايرضى ..
كملت هي تتغشى بعض الاحيان ..
حمد بس استغربت ..
دانه ما كأن استغراباتك زادت عن قمر؟
قرب حمد من دانه ولوى يدها اللي في مخج شيليه ..ماباقي الا هاذي الدلوووعه تصير حرمتي ..
دانه شلته شلته آآآآييييييييييييييييييي عورتني حمد ..أنا عمتك وراي عرس حرام عليك ..آآآي ناوي تخلي يدي زرقا؟
امسكت يدها اللي عورها حمد بقوة ..
دانه اوووووف عووووذه ...كليتني؟؟..وشفيها قمور؟
حمد ما أطيقها هالسبب كافي ولا تبين سبب ثاني ..
دانه خلاص ياخذها سلمان ولا حسن ولا خالد ..مو شرط انت ..
حمد حتى اخواني ما يبونها..يبون بنات خالتي نورة ..بنات مأدبات وحلوات ..وخاليات من الدلع ..
دانه حشى كليسترول ..موب دلع ...شوف عيني ..بنات أخوي ألف من يتمناهم ...وموب ناطرينكم تمشون نصيبهم ..هذي بدور بتعرس بعد شهرين وقمر خطبوها اربع لكن اخوي مارضى ..
حمد أرجوج .أسمائهم بس هي تطفش خلق الله ..قمر الزمان ؟؟ شالاسم التعبان .
دانه أبوهم وراضي ..وخلق الله لو ماراضية ما تقدمتا لهم ,..
حمد يلس على الكرسي ..ومسك الرموت ..
شغدانا؟
دانه أنا عرووس ..ما أطبخ ..
حمد زين يالعروس يالفالحه دامج ما تطبخين وخايفه على نفسج من ريحه الطباخ ما اتصلتي وقلتي لي ييب غداك معاك وانت راجع من دوامك؟
دانه ماهونت فيك حبيبي تروح مشاوير هالحزه ..خاصه انها هالحزه الكل طالع من دوامه أكيد زحمه ..قلت حرام ..
حمد حرام اتمشكل في الدوارات عشان أييب الغدا ومو حرام أموت جوع .. ؟؟
دانه خسى الجوع خسى ..في شوية اشياء بحطها لك ..شابورة وشاي وزيتون ..
حمد اذا انتي مسوية ريجيم ..أنا موب مسوي ..بقوم أنام و بطني تصوصو ..بس الشباب الحين ييون ..ويطبون فيج ..ولاتنادين حمود أنقذني ..خلي الشابورة تنقذج .
ابتسمت دانه ..دخل حمد غرفته وراحت دانه المطبخ ..كانت مسوي لهم الغدا كبسه لحم عجيبة ..ووصت البواب ييب الزبادي والشطة الحارة والبيبسي ..حطت الاكل وجهزته على طاولة الاكل ..
دخلت الشله اللي نصها كانت في المجمعات واللي في الجامعه واللي في شغله ..
دخلت تنادي حمد حمد ..الحق بيطقوني ..
حمد قلت لج مالي خص ..
دانه حمود يابو غدا ومايبون يعزمونك ..
حمد من سمع طاري الغدا نط ..المسكين كان يوعان ..
ويوم شاف الاكل طالع عمته ..
دانه كنت أغلس عليك يالفالح .
حسن طباخج عجيب ..دندون ..يا حظه ضاحي فيج ..
دانه وليش ..ضاحي ماخذني طباخه؟؟ لا عيوني اذا بطبخ بطبخ بمزاجي ..مو علشان حد ..
سلمان ويييييييييييييييييييو ..كلتك ..
خالد الا قشرتك ..
مشعل وحطتك في الثلاجة ..وييييييييييييييييو ....
صالح ها؟؟
حمد أيوا دانه ..بأقوى ما أتيت من قوة ..
مشعل أبطال الديجتال .
حسن خلي تجرب بس ..وتشوف شيصير لها ..
دانه حسونه ؟؟ وشتقدر عليه حضرتك؟
حسن أخليج تحضرين عرسج بعكازات ...
دانه يمه ..هذا حفلة العزوبية الي تبون تسوونها لي ؟؟ تكسير ريول؟
حسن اييه ..
خالد خف عن عمتك شوي ....دانه اليوم أنا وأنتي بنطلع نتمشى ..
الكل -- وحن؟
خالد مالي شغل دبروا راسكم ..أنا وعمتكم اليوم بنطلع ..بس ها .. مو تلعبون بالاغراض ولا تفتحون الباب لحد غريب ..
حسن زين بابا .
ابتسم خالد ...حست دانه ان فيه حزن ..بس كاتمه ..في سالفه تقرقع في قلبه ..
دانه واشربوا الحليب وناموا الساعه سبع ..
سلمان هذا اللي ناقص ..أنا عندي امتحان .أبي الشقة فاضيه ..
دانه ناموا علشان اخوكم الكبير يدرس ..
*********************
شفيك؟؟
خالد مافي شي ..
دانه خلود ..حبيبي ..صج اني أصغر منك بست سنوات ..بس أحسك أصغر مني بعشر..واحس أنك متضايق ..قلي شفيك ..
خالد انت الوحيده اللي حسيتي فيني ..
دانه شفيك يا عمري ..
خالد متضايق ..
دانه تحب؟
خالد لا ..بالعكس ..أنا مستغرب من نفسي لين الحين مالقيت وحده أعجب فيها ..
دانه قال لي حمد ان عيونكم على بنات خالتكم نوره ..
خالد بنات نوره ثلاث ..الكبار فيهم اصغر من حسن وسلمان ..والصغيرة في اول ابتدائي ..حسن وسلمان يبون الكبار ..وأنا مافكرت أبد فيهم ..
دانه عيل شاللي يضايقك؟؟
خالد .... أبيج تدورين لي على عروس ..
دانه بس ؟؟ هاللي يضايقك؟
خالد لا ..ماكان ودي اقولج ..بس بتنشغلين في العرس ..ومابقدر أقولج بعدها ..ادري انها بياخه أقولج .بس ..ومصاخه مني ..
دانه خالد شغلت بالي ...شاللي بياخه ..ومصاخه ..قول شفيك ..
خالد أنتي مستهمه علي؟
دانه أكيد ..أنت قطعه مني خالد ..والله احبكم اكثر من ما أحب أخواني ..قولي شفيك؟ ..أنا موب مرتاحه ..
خالد المصيبة ..ماعندي غيرج .. ..وما أقدر أقولج وعرسج بعد أيام ..
دانه اذا كان على العرس لاتخاف أنا خلقه موب فرحانه له ..قول ..شفيك ..
خالد كنت أحس بصداع الفتره اللي راحت ..ويوم رحت الطبيب ..وبعد التحاليل ..
دانه كانت كاتمه نفسها ..
خالد عندي ورم في المخ ..يبي له عمليه مستعجله.. وأنا ما أبي أموت قبل لا افرح اهلي في عرسي وعيالي ..
التفت للدانه اللي كانت ترتجف ودمع عيونه مغرق ويهها ..
كانت تبي تحضنه وتضمه حيل لها ..رغم انهم في مكان عام ..مسكت يده ..
.لا ... مستحيل ..خالد ..توك بأول عمرك ..لا ..
خالد دانه ..
دانه خالد ..شتقول ؟؟ لاء ..مستحيل ..
خالد دانه ..لاتخليني أندم أني قلت لج ..
دانه ياعمري ..فيني ولافيك ..يا حبيبي ..خلود ..
خالد دانه ..ايش خلود ؟؟ حنا وسط الناس ..بسج صياح ..
دانه ما أقدر أتخيل ..زين ..متى العملية ..ومتى ..السوالف كلها ..
خالد زين اهدي ..شفيج ترجفين ..المفروض هالشهر ..بس أنا بأجلها شهرين ..
دانه ليش التأجيل مو من صالحك ..
خالد قلت لج أبي أتزوج ..وهنا يي دورج ..أبيج تدورين لي على عروس ..تفهم وضعي وترضى تسافر معاي ..
دانه زين من متى كنت تدري بمرضك ..
خالد من فتره ..
دانه والحين تكلمت ؟؟؟؟؟؟؟؟ قلت لناصر؟؟ لهناء؟
خالد ولا راح أقول ..لين بعد العملية ..
دانه ماقدرت تمسك دموعها .. وكانت نفسيتها تعبانه ..الغالي ..يصير فيه جي.؟؟
خالد شتبين عشا؟
دانه ............ لاتتصرف ولا كأن شي صاير .ما أحب جي .
خالد دانه ..أنا ما قلت لج علشان تنكدين نفسج بالدموع ..أنت الوحيده اللي تعرفين ..وأنا مأأبي حد يعرف غيرج انتي وحمد ..بس حمد مابقول له الحين ..بقوله لما اسافر علشان يسافر معاي ..أنا قلت لج علشان تدورين لي عروس ترضى بظروفي وبسرية تامه ..وبحجة السفر لشهر العسل نسافر للعلاج ..واذا تغليني ..ما أبي أشوف دموعج ..
دانه ما أقدر ..دموعي هذي علشان اني اغليك ..ما اقدر أشوفك جي ..ما أقدر ..خالد ..يالله ..حرام ..توك صغير ..مستحييل ..
خالد ............................................وبع دين ؟
دانه عطني وقت أستوعب ..
خالد للحينج ما استوعبتي؟ ماخبرتج بطيئة فهم ..
ابتسمت دانه ودموعها زادت ..كانت في حاله من الحزن ..أسوأ حالاتها .
خالد من في بالج كعروس؟
دانه ...ما ادري في بنات حلال وايد..
خالد أبي وحده عقلها كبير ..بنت ناس وزينه ..ما أبيها مدللله ..
دانه قصدك ماتبي قمر ..بنت نايف ..
ابتسم خالد .. لا ..ما ابي وحده قريبه ..أبيها غريبة ..بس بنت اصل ..
أول وحده خطرت في بال دانه كانت ليلى ..صديقتها الصدوقه ..ليلى عاقله ..ومن عايله طيبه ..
دانه أعتقد في وحده في بالي ..
خالد عطيني عنوانها بكره أطرش أمي تخطبها ..
دانه وشفيك مستعجل ..انطر ..اسأل عنها .. شوف امك يمكن ما تعجبها ..
خالد ما يهمني ..كافي انها من طرفج ..وانتي تعرفينها زين ..
دانه زين خلني على الاقل أكلمك عنها ..
خالد ما يحتاج ..
دانه على الاقل أكلمها عنك ..ولاتبي تخطبها وهي ما تدري شالسالفه؟
خالد خلاص ..دبري لي هالموضوع الحين ..بكره الصبح تتصلين فيها وتكلمينها ..
دانه زين ...
كانت دانه زعلانه حيل وقلبها يقطعها على خالد ..
خالد أدري اني سخيف لاني خليتج تزعلين بهالخبر ..
دانه والله اني زعلانه بس مو لهاالسبب ..السبب انك خشيت عني ..وتأخرت في علاجك .
خالد شوفي دانه ..أبيج توعديني وعد ..
دانه كان ودها تسوي كل شي لخالد ..
أوعدك ..
خالد شفيج يائسه جي ..ما بموت لاتخافين ..الوعد ..انج ماتقولين لاي حد باللي سمعتيه اليوم ..أوعديني ..
دانه آآآآآآآه يا خالد ..ولمن بشتكي اللي في صدري من وجع؟
خالد اوعديني ..
دانه وعدتك قبل لا تذكر الشي اللي تبيه ..ما مسكت دموعها ..وانهارت ...
****************************
حمد دانه شفيج؟
دانه ماشي ..
حمد ايلسي معانا ..
دانه بصلي العشا ..
حمد بس انتي صليتيها قبل لاتطلعين ..
دانه ها ؟؟ هذيك المغرب ..
دخلت ..وتيددت ..قفلت الغرفه وصلت ..وفي كل ركعه دموعها على خدودها تطلب من الله انه يشفى خالد ..
هالليله صاحت بشكل أكبر من صياحها يوم وفاة امها ...
*********************
من الصبح كلمت دانه ليلى ..وقالت لها انها بتزورها ..
دانه هذا كل شي ..ما أبي رايج الحين ..هذي صور خالد ..وهذي شهاداته ..وكل شي عن مرضه قلته لج ..
ليلى بس أنا تقريبا مخطوبه ..
دانه من شخص ما يبيج ...
ليلى بس انا ابيه ..وأحبه ..
دانه ما بتكلم ..ارجوج ..اذا اتخذتي قرارج ..تعرفين تلفوني ..
ليلى هالسبب اللي خلى دموعج أربع اربع؟ مو قله ذوق منه انه يقولج هالخبر قبل عرسج بايام؟؟
دانه العرس ماهمني ..ولا كنت فرحانه له ..وانتي تعرفين السبب ..حاليا كل اللي يهمني خالد...أبي أعرف قرارج بسرعه ..علشان اذا ما وافقتي ..بدور له على بنت حلال . قبل لا اتزوج ..
ليلى وين تلقين عروس بهالسرعه ؟؟
دانه عمليته لازم هالشهر..وهو يأجل فيها ..علشان العرس .. بحط كل جهدي اني الاقيها له في اقل من اسبوع ..
ليلى شكلج زعلانه عليه ؟؟
دانه اييه ..توه باول عمره ..
ليلى بفكر ..والليله أرد لج خبر ..
دانه فكري زين .,,ادري اني اضغط عليج ..بس لاتفكرين لا فيني ولا في خالد ..فكري في نفسج ..وين تبين تكونين؟؟
استأذنت دانه وطلعت ...
************
أبي أسمع منك كلمة أحبج؟
خالد كم تدفعين؟؟
بدور اذا حبك بفلوس .. أشترية بفلوس الدنيا كلها ..
استغرب خالد الكلام الحلو اللي تقوله بدور ..
خالد واذا ما كفت الفلوس كم بتدفعين ؟
بدور يستاهل يكون بهالغلا ..وأكثر ..أدفع روحي وكل الذهب والالماس ..بس لعيونك الغالين ..
خالد هذا بيت نايف حسن؟
بدور ............................. ليش تسأل؟؟
خالد الظاهر اني مغلط ..أنا خالد زوج بدور ؟
بدور ههههههههههه ...تدري اني صدقت؟
خالد هه ..
كانت ضحكته بارده ..خالد ..يصنف تحت فئة الانانيين ..اللي يحتفظون بمشاعرهم لانفسهم بس ..
بدور وين غبت؟؟
خالد موجود ..بدور ..بقولج شي ..
بدور وش تقول الحين؟ ها ؟؟ بتجدم العرس شهر..
خالد لا ....
تردد خالد ..بس قال لها عن خطته في اكمال دراسته والتخصص في جراحه القلب والشرايين..وغمض عيونه ناطر عصبيتها وغضبها ..
بدور صج؟؟؟؟ ياااااااااااااااااااااااا ااااااااااي ...بنسافر أمريكا ؟؟
خالد اييه ..
بدور ونااااااااااسه ...أحب أمريكا أموت في امريكا أبوي ماكان يرضى اسافر لها ..
وتمت بدور تتكلم وخالد المسكين ويهه منصدم لانه كبر السالفه ..وكان ظنه ان بدور بتعصب وبتكسر الدنيا ..
**************
حمد ليش كله اليوم حاطه راسج في حضن خالد ..
خالد وانت شدخلك؟؟ تغار؟؟
حمد بس مستغرب طلعج مره وحده ورديتي بهالقرب منه ..أنا سافرت معاج ماسويتي جي معاي ..
تنهدت دانه .. كلكم غالين ..أغلى من روحي علي ..تدرون من زمان مالعبنا اتحداني بشعر ..
حمد اييه ..من سنه تقريبا ..من يبدأ ؟؟
مشعل بس دانه ..لاتشعرين ..مانقدر نرد عليج ..
دانه كل واحد يشعر يقول لمن هالشعر ..
حسن ببدأ أنا ..ببدأ بقول لخالد الفيصل ..احم ..
سلمان وش احم ذي انت بتقصد ولا تغني؟؟
حسن تغيب الا عن الخافق حبيبي ...... بعيد ..الا من افكاري قريبي ..
أهوجس بك وأسولف مع طيوفك .. وأروح لك طواريقي وأجيبي ..
ردت الدانه بدر عبدالمحسن يقول ..
يطري عليه الوله ..وأطري على باله ...يا مرحبا لاضوى خلي على بابي ..
هجيت حدب الضلوع ونوخ جماله ..لاجله بكت دمعتي ولاجله ضحك نابي ..
خالد ويقول الامير بدر
.يازين كأنك حزين ..فحالتي حاله ..يكفيك همك أنا بصبر على مابي ..
لو الشجر له نصيب فبارد ضلاله ..ماحرق القيظ جفني وأنت بأهدابي ...
حسن صح لسانكم ..حلو ..رديتو ..بشي حلو ..والحين من يبدأ ؟؟
سلمان عندي بيتين حافظهم لاسير الشوق ..
حمد سمعنا ..
سلمان احترقت الشوق والشوق احترقني ...من غدا كل عن الثاني غريب
للشقى حظي مشى فيني وسبقني ..آه يا ظلم الهوى وظلم النصيب .
دانه صج اني ما برقى لاسير الشوق ..بس بقول ...
دريت اللي صار بغاليي وذبحني ..ودريت أنه أمسى يدور حبيب..
سجنت حزني و دمعي فضحني ..وتعلقت بوعد في ذمتي صعيب ..
كانت الدانه سرحانه والوحيد اللي فهم كلامها كان خالد ..اللي رد ..
ترى العمر يا مالك الروح محدود ...لياك تنزع باقي الروح مني ..
لخالد الفيصل ..
حمد خالد ..ماهقيتك تعك في الرد جي ..اللي ردته الدانه كان حلو ..بس ردك ما يا في محله ..
ابتسم خالد ..
مشعل دوري ...لنايف الرشيدي ..بقول هالبيت ..
والله ما أخونك ..لو قست سود الايام ..
لو خالفت دنياي واقع حياتي ...
رد حمد
ياصاحبي لاتظاهر لي بحسناتك ...وأنت الخيانه تعشقك وأنت تعشقها ...
لمحمد مسفر العجمي
ضحك حسن وسلمان وابتسموا الباقيين .. ..
حسن فهد عافت ..
(أنا لولاي انت من تكونين؟؟ ...أقولها وأنا نعم فيك مغرور !)
طبعا الشباب ماردوا ..
دانه لمنادي بقول ..
هذا وقلبي معك خليتني ضدك ..من شاف ما يكرهه يعاف ما حبه ..
سلمان واو ..رد غريب .بالعاده تشتمين..
دانه هالمرة سماح .
صالح أنا ما احفظ القصيد مثلكم ..بس حافظ بيت واحد ..عندي كمسج في جوالي ..
ماعاد لي قلب حتى يآخذه غيرك ..أفنيت كل المشاعر يا معذبها ..
سلمان هالبيت اللي قلته كان لمتعب التركي ..برد أنا عليك ببيت لعذايب .. .
فيني مشاعر ..صعبة تصير ذكرى ...غربت عنها بالموادع واشرقت .
خالد دوري ... لضاوي بقول ..
كيف بعتذر من نظر عيني ومحبوبي ..وأنا حبيبه ومجنونه وولهانه؟؟
دانه لاتطلب هواني كل مافيني يعاني ..
وش يفيدك لو تشوف في عيوني المذله ...
(البيت لمحمد الفيصل ) ..
خالد لبدر الرويلي بقول ..
أعرفك زين ماتنسى ..ماهو طبعك النسيان...لو بينت غير اللي في قلبك ..فيك أنا أدرى ..
دانه لمتعب تركي اقول ..
لاتتعب اركابك ..شوف الللي يريحك ..ماتاقف الدنيا على فراق عشاق ..
ابتسم خالد ..هاذي دانه اللي ترادد في الشعر ..
خالد للعميريني بقول ..
وآخر كلامي باكتبه لك بعبرات ..أنا أحبك لاتقولين شلون ..
الدانه برد لك بشعري ..
ارحل ...وخذ معك كل الآهات ...ما أتحمل من يغدر و يخون ..
حمد دانه ..خذي هالبيت ..لسالم غضيف ..
من يوم جيتي عالمي صرت في وهم ..انتي خريف العمر ولا شبابه؟؟
دانه برد من شعري احم ..
الله بلاني وامتحني فيك يا عم ...شايب على آخر عمرك تصابى ...
خطوط وجهك اللي انحفرت بهم ...تستحي من شكواك الحب وعذابه ..
اضحكوا الشباب ..
حمد دانه ...أتغزل فيج ..تفشليني ؟؟ زين خذي هذي ..
عيرتني بالشيب وهو وقار ..ياليتها عيرتني بماهو عار ..
خالد حلووووووووووووو رديت عليها بقوة ..
حسن اييه ..
صالح النقاط ..دانه لحد الحين لها أكثر النقاط ..لانها تقريبا ردت على الكل ..والباقي بينهم فروقات بسيطه ..
سلمان بقول .. لخالد عبدالرحمن ..
ياظالمة غضي من الطرف تكفين ..لاتودعين النفس بيض الاكفان ..
الدانه حديث العين أجمل من كلام ذاب وسط الشفاه ...
ترى أجمل حكي نظرة وله في عينك وعيني ..
سلمان برد عليج للراسية ..
تضيع أحلى السواليف بالشفايف ...ونموت بصمت واحنا ما حكينا ,,,
الدانه غلبتني ..
حمد صح لسانكم ..كان أحلى تحدي ..الاخير ..
حسن بالعكس ..يوم ردت عليك شايب وتتصابى كان احلى ..
سلمان بالعكس كل التحديات اليوم حلوة ...
رن تلفون الدانه ..طالعت خالد واركضت داخل ..
حمد مو من عادتها تركض لتلفون ؟؟
**
كان رقم بدور ..تخيب أمل الدانه ..
دانه ألو ..
بدور وينج عمتي ..ماسمعتي شصار اليوم ..كانت عندي صديقتي ساره ..واتصل خالد ..وسارة كانت تتصنت وتعلمني شلون ارد عليه ..
طبعا بدور قالت كل اللي صار معاها لعمتها ..اللي كانت تطالع الساعه وهي قلقه ..كانت الساعه عشر في الليل ..ودانه كانت ناطره رد ليلى ...
****
دخل خالد الغرفة ..
دانه هذي بدور تكلمني عن خطيبها ..
خالد يمكن البنت ما تبي ..لاتضغطين عليها ..
دانه قالت لي بترد خبر الليله ..
ظلت دانه طول الليل تحاتي ..عرسها بعد يومين اذا ما حسبت اليوم ..كل شي قرب ..
الساعه 1 في الليل وصلها مسج ..وكان من ليلى ...
********
(( دانه .بعد تفكير عميق ..أنا موافقة ..))
ارتاحت دانه ..وطرشت المسج نفسه لخالد ..
ترددت ..تكلم خالد ؟؟ ولا تكلم ليلى ؟؟ تكلم ليلى ..واتصلت على جوالها ..
ليلى الحمدالله انج اتصلتي ..كنت ناطره اتصالج ..
دانه مع اني ما أشوف أن في كلام ينقال بعد هالمسج ..
ليلى بس انا ....
دانه أنا قلت لخالد انتي موافقة ..اذا تراجعتي عن قررارج قولي ..قبل لايطيح الفاس بالراس ..
ليلى بالعكس ..قراري هذا .بيوضح كل الامور ..
دانه اي أمور؟
ليلى اذا محمد يبيني ..بيعترض على الخطبة ..لان اهلي ما بيخطبوني لحد قبل لا يرخصوني ..واذا ما يبيني ..خالد انسان محترم وراقي ..ويمكن الله يكتب لي معاه حياة سعيده .. ايفر آفتر ..
دانه زين ما سويتي ...على لاقل أحسن ما تبقين معلقه سنين بأمل ..
ليلى .............بس خايفه ..
دانه ان محمد ما يبيج ؟
ليلى العكس ..اخاف انه يبيني ..لانه بيتزوجني عناد بس ,,

قصص غريبه
دانه شاللي يخليج تقولين جي؟
ليلى أمس ... قال كلمتين جدام اخوي ...ولاعبر اني موجوده ....بالاحرى ولا حترم وجودي ..كلام خارج نطاق الاخلاق ..انا قمت ..وقطيت عليه كلمتين من باب الغضب ..طالعني بعدم احترام ..رديت عليه بنفس النظرات ..وطلعت كانه مايعني لي شي ..
دانه ما قلتي لي هالكلام لي ..قلتي لي انج تبينه ..
ليلى اليوم فكرت ..شالفايده اعيش عمري أحب شخص ما يكن لي اي شعور ..ابدا حياتي مع شخص ..على الاقل ..شعوري نحوه صفر ..وشعوره نحوي صفر ..ولايكون شعوره نحوي تحت لسالب ..وأنا أعلى من الصفر ..
دانه بديتي تفلسفين ..بس فهمت وجهه نظرج ..
ليلى هه ..دانه .عرسج بعد يومين ...شمخططاتج؟
دانه أأأأأأأأأأأأأأأأأأأووووه ..لما نسيت رجعتي ذكرتيني؟؟ شكلي بحضر حفلة العزوبية على الشاليه ..
ليلى اي حفله؟
دانه عييال اخواني المحترمين ..وخالد من ضمنهم ..بيسوون لي حفله عزوبية قبل عرسي ..ما أدري شخططهم ..بس احس الدنيا ضايقة فيني ..
ليلى للحين ما انتهيتي من هالمشاعر؟
دانه ما نتهيت ..كل شي فيني خايف ...احس قلبي بيوقف ..أفكر شلون بيكون وضعي بعد بكره ..بعد اسبوع ...شلون بتكون حياتي؟
ليلى بتكونين قي شهر العسل ..
دانه ومن قال لج اني برضى اروح شهر عسل ..أنا ما ني متحركه من الدوحه ..
ليلى ليش؟؟؟
دانه وخالد؟؟ نسيتي خالد؟؟ شلون بعد اللي عرفته اتركه لحظه؟؟
ليلى ......................
دانه بقول لهناء تروح تخطبج بكره له .. خير البر عاجله ..
ليلى هناء؟
دانه امه ..لاتخافين ..هي في صوب وهم في صوب ..حتى لو درت انه بيعرس بتيلها جلطة بحجة انه صغير ...تموت ولا نبين للناس انها كبرت ..
ليلى كأنج بديتي تخوفيني منها .....
دانه ماعليج ..أول ما تتزوجون لاصار نصيب ..بيسافر بج شهر عسل ..
صكت دانه من عند ليلى ..واتصلت في خالد رنه ..
طق باب غرفتها ..ودخل ..
دانه هلا ..تفضل ..
خالد لج هالغرفة بروحج ..واحنا الشباب مكدسين في غرفتين وصاله ..
دنه ماشاءالله عليكم بس ست اشخاص ..ثلاثه في كل غرفه ..
خالد كنت بدخل من قبل شوي لما طرشتي المسج ..بس سمعتج تتكلمين ..
دانه كانت ليلى ..
خالد من ليلى ؟؟
دانه البنت اللي بخطبها لك ..طلبت منها بكره الصبح تروح الصالون علشان نتقابل هناك ...وبآخذ امك ..وبكلمها ..
خالد خططتي لكل شي معاها؟
دانه أكيد لاء ..هي ماتدري ان امك بتكون هناك ..
خالد زين ..
دانه وبرجع ونروح الحفله اللي قلتوا عنها ..لان عقب بكره بيكون عندي الحنا ..
خالد حاضر عمتي ..
دانه خلود ..
خالد ايش خلود ؟؟ اصغر عيالج؟
دانه اييه ..خلود ..خالد ..ادري اني ببين نفس الافلام الرومانسية ..بس اوعدني انك تهتم بنفسك؟
خالد بس؟؟ هالمقدمة كلها علشان هالوعد ..
دانه اوعدني ..
خالد اوعدج ..
دانه وانك ما تستسلم ..وتحاول تعيش مع ليلى اذا انكتب بينكم نصيب؟؟
خالد اوعدج ..
دانه ليلى انسانه ..نادر ما بتلقى نفسها ..اذا حبت ...تهدي كل شي بيدها للي تحبه ..أتمنى انك تحاول تخليها تحبك ..وماتغلط في حقها ..
خالد لا تستبقين الامور ...
دانه ما بستبقها ..بس ..انشاءاله اذا صار شي بينكم ..وانشغلت على الاقل هالوصية ما تظل في قلبي ..وأكون قلتها لك ..
**********************
كانت متضايقة وايد ..ومبين عليها منرفزة ..
خالد قولي ..شمضايقج؟؟
عبير شمضايقني؟؟ انت يا خي وبرودك ..عليك برود عجيب ..
خالد اييه ..وبعدين؟
عبير حرام عليك ..أمي في غرفتها متضايقه وايد ..
خالد مم ... والسبب؟
عبير السبب ...القنبلة اللي قطيتها وطلعت ..
خالد قصدج سفري؟؟ بالعكس بدور مستانسه ..
عبير بدور؟؟ ست الحسن هي اللي هامتك؟؟ بس امي لاء هب مستانسه ,,..امي سبع سنوات ما شبعت منك ..ييت كم شهر ..وبترجع كم سنه تكمل؟ حرام عليك ..بتزوج بعد فتره والبيت يخلى عليها..
خالد لا تصارخين .. ابوي موجود وين راح ؟؟ وانتي بتتزوجين هنا في الدوحه ..والعنود مثلج ..قريبة ...
عبير كالعاده ...ما اهتميت ..عرس دانه بعد يومين ..وأنت ولا ابديت أي أسف ولا تعب ولا ضيق ..
خالد البنت تبي تعرس ..أتضايق ليش؟؟
عبير لا ..ولا شي ..ليش تتضايق دكتور خالد ..أهم شي سلامتك وهدوء اعصابك ..
تركته عبير وراحت ..خالد كمل قراءة الكتاب اللي كان في يده ..وما اهتم لكلامها ....
****************
دانه شرايج؟
هناء البنت عسل ..حلوة ..أنا أعرف أهلها ..سامعه عنهم كل خير ..
دانه وخالد يبي يتزوج ...والبنت هاذي فرصه ..
هناء بعد زواجج..بفكر في الموضوع ..
دانه لا ..لوو أني منج بالعكس .. اروح بكره وأخطبها ..سمعت منها ان في ناس يبون يخطبونها الاسبوع الياي ..وأنا صراحه ..أخلاقها وجمالها وأدبها مافي مثله ..وأحسها بتطلع الزوجة المثالية لخالد .
هناء يعني أروح بكره؟
دانه اييه ..اخطبيها بكره ..وباقي التفاصيل بعدين ..
هناء بكلم ناصر الليله .. عطيني عنوانهم ..
عطتها دانه العنوان ..والمنطقه اللي ساكنه فيها كانت راقية ..
*************************
ابتسمت دانه لعيال اخوانها ..
دانه ..تعالي ارقصي معانا ..
دانه انا العروس نسيت؟
حسن لا ..مالبستي الفستان جدامنا ؟؟ ليش ؟؟
دانه بعد بكره تشوفونه ..
كان الجو ساحر ..البحر نسيمه دافي ..والشااليه اللي حجزوه وايد حلو ..البوفيه والدي جي اللي مشغل يقول انه في حفله عوده ..بس محد كان الا حمد وحسن وخالد ومشعل وسلمان وصالح بس ...وهي طبعا ..كانت لابسه تنوره جينز وشيرت وردي .. وما حطت أي مكياج لويهها ..لمت شعرها بربطه ..وكانت عادية جدا ..بس ما ارقصت كانت تبتسم لعيال اخوانها اللي يعرضون لها ..(وعيونهمم على البوفيه ) ...
وقف حسن عى الكرسي ..
اششششششش ..
سكتوا الكل يطالعونه ..
حسن قولوا وراي ..أحلى عرووسه ..
الشباب أحلى عرووسه ..
حسن وأجكر عمه ..
دانه انت الجيكر ..
حسن أحلى عمة ..لاتزعلين ..
الشباب أحلى عمه ..
أحلى حسن ..
محد رد ..حسن أحلى عيال أخوان ..
الشباب أحلى عيال اخوان ..
حسن وأحلى زغرووووووووووده كللللللللللللللوووووووووو ووووووووووووووووووووووووو ووووووووووووووووووووووووو ووووووووووووووووووووووووش ...
محد رد من الشباب اللي ضحكوا عليه ..
طلع سلمان من جيبة عشر ريال وحذفها على حسن ..اللي نط على سلمان يتهاوش معاه ..
وبعد ما فكت بينهم دانه ..كان يضحكون ..
حسن اتهمني في رجولتي ..اهئ اهئ ,,
وسوا عمره يصيح ..
دانه الليله انتوا ناوين تذبحون حد ..
حمد اييه ..انتي ..
مشعل ناوين نسلمج العروس المقطعه الى مائة قطعه ....حلو العنوان ..
دانه جربوا بس ..جربوا ..
خالد ما بناكل .تراني يوعان ..
دانه حشى ما تذوقون الاكل الحين ...ارقصوا لي اول ..ما رقصتوا لا مرتين او ثلاث ..
كان سلمان سجل هالجمله بالفيديو ..
سلمان ايوا عمتي ..انتي ارقصي ..
دانه هاهاها ..أهلي ماعلموني ارقص ..
سلمان اي اهل الله يخليج ..
دانه أجدادك ..
مشعل هم لحقوا يربونج ..
المشهد اللي صار ان دانه حذفت كعبها وصارت تطرد ورا مشعل ..اللي يركض باقوى ماعنده ...دانه كانت اضعف منه واسرع منه ...سلمان صور هاللقطة في الفيديو ..انفتح شعر دانه وصار يتناثر وراها ..وهي تركض خلف مشعل اللي رغم انه متين شوي بس كان سريع ..
لمده خمس دقايق ظلت تركض وراه ..بعدين استسلمت ..
..هه ..هه ..هه ..لح.. ..الحمار ...سري..يع ..
ظلت تلهث بصعوبه ..
مشعل وقف بعيد ...
دانه أراويك .
مشعل وهو يلهث عمتي ..امزح معاج ...
دانه براويك المزح مشعلوه ..
حمد أحبك ليه انا مدري ..وليه اهواك أنا مدري ..
سلمان حمد اليوم رايق ...دخل عرضي ..
دانه ابي ماي ..
سلمان عمتي البحر كاهو جدامج .
دانه لاتصور ..
سلمان اشربي ماي ..صوتج مبحوح .
ولحق بعدسته خطوات عمته ..وصورها وهي تشرب ماي ..
حمد منت رااااااااايق ..تارارا ..فيييييييييييك شي ومتضايق ..منت في طبعك ولاهذا مزاجك ..التفت لي شوي ..محتااااااااااااااااااااا اااج لدقايق ..أنا مااصدقت أشوفك ونتواجهه ..
صوره سلمان وهو مستطرب يغني ..وماكان منتبه لسلمان ..صوته كان حلو ..يعطي الكلمة قيمة ..كان مواجهه البحر ويغني ..وسلمان صوره وهو معطيه ظهره ..
دانه الاخ عاشق ؟؟
حمد ما انولدت اللي تعلقني بحبالها ...
دانه ماتدري ..يمكن انولدت ..
حمد مو أنا اللي يحب ..خالد ..سللووم حسووون ..موب أنا ..
سلمان أنا أحب كل البنات ..
حمد انت تصور؟؟ بند الكيمرا ولا كسرتها على راسك ..
سلمان حسن الحين بيرقص بروح اصوره ...
حسن هو بكيفك ولا بكيفك ارقص ؟؟ من قال لك اني راقوصه؟
دانه يقولون رقاصه ...موب راقوصه؟؟
حسن تشجعي على مشعلوه ..موب علينا ..
دانه لاتوصي حريص ..الحين بلحق وراه ..وأكفخه ..
سلمان ماتقدرين عليه ..مشعل يلعب كرة قدم ..يعني متعلم انه محد يجاريه في الركض .
خالد حرام ..المسكين ظل واقف بعيد ..خلاص اطلقي سراحه ...
ابتسمت دانه لخالد ..وماحبت ترد له طلب ..
خلاص مشعل ..اوعدك اني ما بكفخك ...قرب ..
مشعل اطلاق سراح مشروط ..
حسن ابجكشن ..
سلمان اوفر رولد ...
دانه حمد ..غني لنا ...
سلمان اييه .وحسن ..انت ارقص ..
حسن اوكي ..شبتغني يا مطربنا ؟؟
حمد أنا الحين مآجر الدي جي ..علشان اغنيلكم؟؟ روحوا شغلوه ووارقصوا ..
دانه أمااااانه حمااااااده ..غني ..
حمد صوتي عادي ماهو حلو ..
دانه ما يهم .غني ..
حمد ماما ..زمانها جايه جايه بعد شويهه ..
حسن هذي شلون أرقص عليها ..أرفع ثوبي والف؟
ضحكت دانه ..
حمد تذكرت دانه يوم طاحت ..صحت من النوم ..أبي أمي ...
خالد لاه ..ليش دوين؟
دانه ما ادري ..خبال ..
لف حسن حولها يه وضمها ...
خبال؟؟ أنت آخر وحده تتكلمين عن الخبال ..
حمد ليش يعني؟؟
حسن لاني قشيت كل الخبال اللي في عايلتنا ..اذا تدورون عليه تلاقونه عندي ..
ضحكوا عليه ..وكانوا مستغربين هالحركه منه ..
دانه حسنسن ...
حسن تدليع جديد..واو ..
دانه صدقت ...الخبال كله عندك .
حسن أنا يوعان ..نقوم نآكل؟؟
دانه نقوم ..
مشعل سباق ..
دانه اكيد بتفوز ..مافي لا امتن ولا اسرع منك ..
قطت الكعب ..ووقفوا كلهم صف واحد ..عند العد لاتنازلي تسابقوا ..بس اللي فاز هو صالح ..
سلمان كان يصور بس ..
بعد ساعه كامله من الاكل بس ..انسدحوا الكل على الارض مصابين بالتخمه ..
دانه هذا وأنا مسوية ريجيم .....آآآآآآآآآآآآآه بطني مايانه ..واصل الاكل لين هنا ..
وأشرت على رقبتها ..
حمد أنا مثلج ..
حسن بحياتي ما اكلت مثل اليوم ...

********************
انتهى الحنا ..رجعت الشقة ..
حسن ها ..أشوف يدج؟؟واو ..حلو ..وايد ..
دانه عيونك الحلوة ..عن اذنك ,,
حسن وين رايحه؟؟ الساعه توها سبع ..
دانه ما صليت العشا .. وظهري يعورني ..بمدد وأنام .
حسن أكيد ,,بكره وراج عرس ..
هزت راسها ..ودخلت الغرفة ..بعد الصلاه ..ارتجفت ..خلاص ما باقي شي ..ساعات ..
رن التلفون ..
دانه هلا قمر ..
قمر قلت أتصل اشوف وصلتي ..ولا لا ..
دانه وصل الموكب ....
قمر شلونج؟
دانه خايفه ..
قمر اهدي .أكيد بتخافين ..موب شي جديد ..
دانه ماكلمتيني ولا مرة شلون بيت خالج؟
قمر صج ..ما قلت لج ..اوكي ..انتي بتسكنين في قسم ..في الطابق الثاني ..يدتي ..اللي هي ام ريلج ما عليج منها لانها بتحضر العرس وترجع تسافر لبحرين ..المهم ..خالاتي ..طبعا خوات امي من امها وابوها كلهم متزوجات..لا تشيلين همهم ..
دانه عيل من في البيت؟
قمر خالي ضاحي ,,وخالي فيصل ..وخالي تركي ...وخالي سالم .وخالتي عايشه وخالتي ساره وخالتي هدى ومرت جدي منى ..
دانه ها؟؟
قمر شوفي ..خالي ضاحي وخالي سالم ..هم اخوان امي من امها وابوها ..عيال يدتي ..الباجي عيال منى مرت ابوهم..بس هي طيبه ..لاتخافين من امي ..امي متزاعله معاها وماتدخل البيت ..الا نادرا .اذا تبين تنادي منى ناديها ام فيصل ..خالاتي الباقيات (بنات منى ) صغار ..في الجامعه .
دانه زين ..
قمر كلهم زينين ..وحبوبين ..
دانه زين ..ويدج ؟
قمر نادرا ما بتشوفينه ..كله يسافر ..
دانه هو طلق يدتج؟
قمر يقولون ..ما ادري ..
دانه خلاص قمر أشوفج بكره ..
قمر اكيد بتشوفيني ..مع السلامة ..ومبروك .
دانه الله يبارك فيج .. باي ..
دخلت الحمام ..وخذت دوش طويل ...
********************************
فهد في ايش تفكر ...
خالد ولاشي ..
فهد أكيد في المدام ..
خالد لا والله ..المدام هاليومين مشغولة عني في عرس عمتها ..
فهد عمتها ؟؟
خالد اييه ..تذكرها ..اللي كنت أضربها دايم ..
فهد موب هذي المدام؟
خالد لا ..بنت أخوها المدام ..
فهد ......من بتآخذ؟؟
خالد ضاحي محمد ..
فهد .......................
خالد قول شتفكر فيه؟
فهد المفروض كنت انت تتزوجها .
خالد خلاص انا تزوجت بعد ما تزوجت هي ..
فهد يعني هي تزوج اول؟
خالد اييه ..
كذب خالد ..لو قال لفهد انه رخصها كان طاح من عين فهد ..ليش يطيح من عين فهد؟؟ أصلا هو نفسه حقد على نفسه بسبب اللي صار ..
----------
حست أنها بتنهار ... دخل حسن الغرفة بدون ما يطق الباب ..وتفاجأ بدموعها ..
حسن ليش دمموعج ..يمكن هالزواج بيكون خير لج ..
دانه حسن ..طلعني ..الحين .
حسن الحين ؟؟ الساعه وحده في الليل وبكره عرسج ....انتي صاحيه ..
دانه حسن .. ..أرجوك ؟؟
حسن وين تبي تروحين؟؟
الدانه ولا مكان ..نتمشى في الشوارع ..كافي علي ..
حسن زين ..يلا بدلي ملابسج ...
**
دانه صج يا حسن انك ما خلصت الا 16 ساعه بس ؟؟
حسن لا تكلميني عن الجامعه ..أنا موب مهتم ..
دانه ليش؟
حسن حاليا ..خليني أعيش حياتي ..
دانه ليش ؟ ما فهمت ؟؟ شالاستهتار ..
حسن دانه ..أنتي صغيره على هالسوالف ..لاتصدقين روحج عمتي ؟؟ أنا أكبر منج ..
دانه صج اني أصغر عنك بكم سنه ..بس ..أنا تهمني مصلحتك ..
حسن باجر عرسج ..فكر في شي ثاني احسن لج ..
.دانه هذا انا افكر فيك ..
حسن قصدت شي ثاني غيري ..
ابتسمت دانه ...تم حسن يلف فيها شوارع الدوحه لين الساعه اربع الفير ..ارجعت ..وصلت ..ونامت ...
******************
))تغير الحال ..خلاص ..دانه ..بتدخل عالم ثاني .بيت ثاني ....وخالد ..نفس الشي ..اللحظات اللي كانت بينهما ..ما اخلقت الحب في قلوبهم . تجاه بعضهم ..لكنها العبت بمشاعر وايد ...مشاعر دانه..ومشاعر قمر ..ومشاعر بدور ..والاخير مشاعر خالد نفسه ..اللي تاهت مشاعره فجأة ..وارتبط مصيره ببدور ..اللحظات ما انته ..للحظات ابتدت في هاللحظة ..دايما تفاجأنا وتبدأ من الاشيء ,,,بنكمل ..باسلوب مختلف ..بنضم اللحظات ..وبنكمل القصة ..وبنشوف القدر ايش دوره في حياتنا ,,((

قصص غريبه
الحلقة الحادية عشر


ما شاء الله ..ماشاء الله ..
حطت ليلى يدها على حلجها كاتمه صرخة اعجاب بصديقتها الدانه ,,الفستان كان روعه ..ودانه بمكياجها وتسريحتها ورقتها وجمالها وعذوبتها ..كانت رائعه ..
دانه خلاص ؟؟ ..
المزينه ماشاء الله عليك ..بتجنني ..سبحان الله اللي خلقك ...
دانه خلاص ..
ليلى اي خلاص ..
دانه أبي قلاس ماي ..ليلى ..ماعليج أمر ..
ليلى الحين أييبه لج ..وين المطبخ؟؟
أشرت لها الدانه وين المطبخ ..
طلعت ليلى اللي كانت بكل أناقتها وجمالها ..
قمر وبدور راحوا لصالون ثاني ..بس اتفقوا مع الدانه انهم يتلاقون عند باب الفندق ..دانه ..من الصبح اول ما صحت حست انها في صدمة ...وماقدرت تطلع من الشقة فالكوافيره والمزينه اللي اتفقت معاهم ..يوا الشقة ..

خذت الكوب وطلعت من المطبخ وانصدمت ..كان في شخص عند الباب يطالعها بانبهار ..اركضت داخل المطبخ من الحيا ..
ويهها صار احمر من الاحراج ..
خالد طلع ..
فدخلت هي منحرجة ..
دانه شفيج؟
ليلى أعتقد اني طلعت جدام خالد بهالشكل ..
دانه وشدراج انه خالد؟؟
دانه عطيتيني صورته ..نسيتي؟؟
ابتسمت دانه ..
بعد ربع ساعه ..استأذنت ليلى ..وسبقت الدانه للعرس ..الساعه كانت عشر ..واتفقت مع عيال اخوانها انهم يزفونها الساعه عشر ونص ..
دخل خالد من هذي المزيونه اللي كانت عندج؟
الدانه هذي خطيبة المستقبل ..
خالد هذي هي؟؟
الدانه هي ..شرايك؟
خالد مزيونه ..
طالعت دانه خالد اللي سرح شوي ..شكلها اعجبته ..
دخت الشلة ..والكل يمدح فيها ويصور معاها صورة ..الكل منبهر في شكلها ..ماهان عليها تتركهم ..ونزلت دمعتها ..
حمد القطيها ..لا ..لا تطيح ..انتي عروس ...
دانه انا ؟؟
حمد لا حسن ..اي انتي ..
حسن حتى أنا عروس .
دانه بس عن الطنازة البايخه ..هاذا وانا بفارقكم ..شلون أهون عليكم ؟؟
مشعل لو عندي سيارة كان شردت معاج ..بس ماعندي ..اشتري لي وأنا اشرد معاج هاللحظه .
صالح انا بعد ما عندي سياره ..والا شردت معاج ..
دانه الحين تكلمتوا؟؟ ماقلتوا من زمان يالحمير ؟؟
سلمان دانه ..طالعيني ...
دانه انت تصور؟؟
سلمان لا أرقص ...اي اصور ..طالعيني ..
دانه ارجوك ...سلمان ...لا تصور ..
حسن آآه يا عمتي الوحيده ..
دانه انا موب عمتك الوحيده .بكره تتزوج ..وتصير لك عمه ..
حسن تفي من بؤك ...فال الله ولا فالك ...آآآلت اييه أتجوز ..بش بش بش الشر برا وبعيد بش بش ..
ضحكت الدانه غصب عنها ....
سلمان اييه .هالضحكه بتكون لقطة نادرة ..
دانه عيال اخواني ..المحترمين ..قبل كل .شي ..أشكركم ..هالشهرين اللي راحوا ..كانوا ..الافضل ..
حسن تحلين كلمات متقاطعه ؟؟
دانه لا ..بس احاول اخنق هالعبره ؟؟
اضحكت شوي وشوي بدت الصياح ..
اللي فاجأها ..ان حسن هو من ضمها .. دانه ..ماتبين المكياج يسيح صح؟؟
مسحت دانه اثر الدموع ..وابتسمت وهي في حضن حسن ..
حسن لو ما تبين العرس الحين افركش كل شي ..ولايهمني حد ..
دانه ..............................
حسن والله يالدانه ..لو ماتبين العرس الحين اكنسل كل شي واتصل بضاحي واقوله ماعندنا بنات للزواج ...
حست الدانه ان حسن يتكلم بجدية ..وهالدور موب لايق له ..
دانه مو لايق لك الجد ..
حسن انا من جدي ما امزح ..
حمد كلام حسن أنا معاه ..
خالد وأنا ..
الدانه فديتكم ..ابطال اللحظة الاخيره ..خلاص ..يلا نروح القاعه؟
الكل كانوا يطالعونها بحزن ..يحسون انها خلاص بتروح عنهم ..عمتهم هي الشخص الوحيد اللي كانوا يشكون له ..واللي كانت معاهم القلب الحنون ..
سحبها حمد من حضن خالد ..وحضنها بقوة .. وبالدور كل واحد فيهم حضنها وسلموا عليها وباركوا لها ..
في السيارة فتحوا المسجل اغاني كلها فرح ..لراشد الماجد ..وربع الشباب مسوين زفة السيارة يدقون عالهرن ..وصار الشارع كله يزفها ..حتى اللي ما يعرفونهما يدقون لهم الهرن .
..
دانه شكلي مضبوط؟
خالد تجننين ..
دانه يوم طالعت خالد..ما قدرت تمسك دمعتها ..
خالد آفا ..ليش يالعمة؟
دانه دموع حزن وعتاب وفراق ....دموع مظلوم باجر لكم يشتاق ..
دموع انكتمت سنين باوراق ...واليوم توسعت لها كل الآفاق ..
خالد بنزفج بدموع ترى ..كاتمين دموعنا ..
دانه عمري يفداكم كلكم ..خالد ..دير بالك على نفسك ..أرجووك ...
حسن وليش توصينه على نفسه شفيه؟ مثل الحصان مافيه شي ..
دانه وانت حسنسن ..
حسن بشتاق لها الاسم وايد حتى راجو المسكين ..مابغى يخليني اسوق ..يبي يزفج بنفسه ..مسكين ..حتى هو تأثر ..تعالي ما سألتج ....شبتدلعين ريلج؟؟ ضحضح؟؟
ضحك سلمان وخالد وحمد ..وابتسمت دانه ..
بدلعه ضحضوح ..أو داحي ..
ماتوا عليها من الضحك ..
ابتسمت ..
خالد وصلنا ..
نزل خالد وسلمان ..وكان حسن هو اللي يسوق السيارة مثل ما وعد ..
مسك يدها حمد ..ومعاه خالد وسلمان يصور ..المسكينه كانت ترجف ..وخطوواتها بطيئه ..علق حسن ..
امشي بسرعه يالسلحفا ..
دانه الفستان ثقيل ..
طلعت لها المصورة وخرعتها ..وصورتها والشباب وهم يزفونها ..وصلوها لين باب القاعه ..
خالد بنروح الحين ..
دانه لا ..
(كانت خايفة وايد) ..
حمد دندون ..بنرجع بزفة المعرس مع اخوانج ..لاتخافين ..
دانه حسن ..سلمان ..
حمد هذي مريم وهذي امي يو يرتبونج ..يلا ..حنا طولنا ..بنروح خيمة الرياييل ...
حست دانه بالوحده .. يوم راحو ..يات بدور وقمر ..
وكانوا نسخة من بعض ..يجننون..انه وين قمر..خصوصا انهم لابسين نفس اللبس .. وماسكين سلال الورد والشمام والفل ..بيرمونها عليها .
عمتي تهبلين ...تهبلين ..قمر ..
دانه مشكورة بدور .
قمر صج دانه تهبلين ..تهبلين ..الحين بنرميج بالورد لما تدخلين القاعه اوكي ؟
دانه بتذبحيني تفلعيني بهالورد ..
قمر لا ..الورد كله ورق ..الله على الريحه ..غاويه ..يرميني بسهام الغدر ..بورود الوفا ارميه ....
وقفت قمر على يمينها وبدر على اليسار .. تذكرت دانه خالد ..ابن خالها ..ماتدري ليش ..بس طرى على بالها ...وبعدين حست انها وحيده ..لام ولا اخت ..صج عيال وبنات اخوانها ماقصروا .بس محد يحل محل الام ولا محل الاخت ..
قمر دانه يلا قربي ..الناس تنتظر والشموع شبوها .. وطفوا الثريات والضوا كله .
حست ان ريولها ما بتشيلها ..فجأة لقت يد تمسك يدها ..التفت لقتها وحده ما شافتها من زمان ..وتذكرتها بالغصب ..
ارتجفت عمتي زينب ؟؟
زينب (كانت عيوز كبيره ..ستينية متزوجة في السعودية من اربعين سنه..ومايات الدوحه الا اربع مرات ولا خمس ..بعد الزواج ..(
زينب اتصل فيني نايف ..وقال ..وحلفت محد يزفج الا انا ...
حست دانه بالعبرة تخنقها ..ومسكت بيد عمتها ..دخلت قمر وبدور ..ووراهم دانه ..وعمتها..قمر وبدور كانوا يرشونهم بالورد ..ودانه منزل راسها مستحية ..وميته خوف ..ووجود عمتها ..ساعدها وايد ...البخور والاغاني ....والحريم اللي منبهره فيها سووا لها توتر قوي ..هذي اللحظة هي اقسى لحظة على العروس ..وتبي فيها سند ..رتبت لها قمر وبدور مكانها ...وجلسوها ..
بعد ربع ساعه ..صعدت ليلى وسلمت عليها ..
ليلى تدرين أن الحريم منبهرين فيج؟؟ يقولون من هاذي القمر ..الظاهر انج ما تطلعين لهم دايم ..
دانه صراحه أنا ما احضر مناسبات عائليه ..نادر ..من عرس نويروانا ما احتك في الناس ..
زينب الله يرحمها ..
دانه الله يرحمها ..حتى عزا الوالده ما حضرته ..كنت في المستشفى ..
زينب خلاص ..لاتقلبين الاحزان ..أنا ماصدقت يوم قال لي نايف انج بتعرسين ..تخيلتج صغيره مثل ماشفتج من عشر سنوات ..بس ما شاء الله غديتي حرمه ما احلاج لا عنج ولا دونج ..
ليلى كلام العمة صحيح ..الحريم هنا كلهم منصدمين هالعروس وين كانت عنهم؟
دانه خلاص تمدح فيني ....
ليلى عبير يات ..وبتمرج بعد شوي ..بس تسلم على الحريم ..
دانه اوكي ..
تذكرت دانه خالد ولد خالها ليش طرا في بالها ؟؟حست قلبها يدق بقوة ....قمر وبدور ماشاء الله عليهم يرقصون ويهبلون ..ومنيرة مب مقصرة بالنقوط والتصفيق لهم ..وهي شايله فهد الصغير ..استجابت للمصورة ..وهي تحس انها بتختنق ..حاولت المصورة تخليها تبتسم ..بس محاولاتها كلها فشلت ..
عبير فستانج وايد حلو.. والمسكه رووووعه ..شكلج كله روعه ..
دانه عبير ..خلاص .جي استحي ..
عبير أحلى مستحى ..بصور معاج ..
دانه فستانج وايد حلو ..أول مرة أدري ان الازرق ينور عليج جي ..
عبير بس انتي نجمة الحفل ..لايعلى عليج حد ..
دانه بس عاد ..والله انج طالعه كوول ..
قربت قمر ..وهمست للدانه هذي خالاتي ..يبون يصورون معاج ..
دانه ما يحتاج بطاقة دعوة ..خلي يصورون على راحتهم ..
....
الساعه 11:20 دقيقة ..
قمر خالي بيدخل خلال ربع ساعه .
.دانه اوكي..
***************
شفيك مو طبيعي ؟؟
احس اني ناسي شي ..
عبد الرحمن مثل ايش؟
خالد ما ادري ...شوف ..دكتورة مها عيونها عليك..
عبدالرحمن لا ولله ؟
خالد ليش مشمئز ؟؟
عبدالرحمن لا حبيبي ..هي حاطتني الورقة الاحتياطيه ..
خالد .؟؟؟؟
عبدالرحمن أول شي كانت حاطه في بالها فارس ..فارس وتزوج ..حطت في بالها انت ..وانت ما طولت ..وتزوجت والحين ترسم علي؟؟ تلعب على جميع الجهات حضرتها ؟؟
خالد انت شتقول؟ انت متأكد انك طبيب باطنية ولا طبيب نفسي ..؟ المسكينه كانت محترمة معاي وايد..ولا صار من هالكلام اللي قلته..
عبدالرحمن اي متأكد ..نظراتها حولك ما كانت شريفة ..
خالد تعوذ من ابليس ....ولا تتبلى على البنت ..
عبدالرحمن أنا ما أتبلى عليها..أنا اقول شي شفته ..أنا شفتها شلون كانت متجاهلتني ..وكانت كله عيونها على فارس.. وبعدين حولت عليك ...
خالد ليش تتجاهلك ..بالعكس ..انت رجل تلتفت له النساء دايم .
********************
قمر رفعي الرداء ..راحوا خوالي ..بقى بس عمامي وعيال عمي والمعرس ..
كانت منزله راسها يوم الكل كان يرقص حولها وترتجف ..بس شافت يد تمسكها ..كانت يد حمد ..تعرفها من الساعه الرولكس اللي لابسها ..
قمر بيرفعه خالي الحين ..
ارتبكت دانه ..
رفعه ضاحي عن ويهها .. وباس راسها ..بس ما حسته طالع لها ..
لانها كانت منزلة راسها بقوة .. رفعت قمر الرداء كله ..وانصدمت من ان قمر قاطه الشيله عن راسها ..
دانه لبسي شيلتج ..عيال عمامج ..
قمر زين ..
كانت بدور نفس الحركه واقفه عند خالها ..
دانه قولي لختج ..
قمر لوت بوزها زيين ..
ضبطوا شيلهم ..قربوا الشباب..مشعل وصالح اعرضوا ..وحسن دخل معاهم..خالد وحمد وقفوا عندها سولفوا معاها شوي ..وسلمان كان واقف يصور ..ووقفوا جنبها ناصر ونايف ..وصوروا ..
قمر وبدور وقفوا بعيد بعد نظرة حاده من امهم ..
نقطها ناصر بالالاف.. ونايف نفس الشي ..والعيال نفس الشي..ابتسمت لهم ..ارفعت عيونها ولقت ضاحي يطالعها باستغراب ..كانه مذهول ...نزلت راسها ..
طبعا شكله يختلف عن الشخص اللي شافته في المستشفى ..كان مرتب لحيته ..وشوي ملامحه ..مألوفه ..ماكان بهالسوء ..اللي شافته فيه اول مره .
طلعوا اخوانها والشباب وهم يوصوون ضاحي فيها خير ..
ماتدري شلون انتهت جلسة التصوير مع ضاحي ..خصوصا مع اللقطات اللي كانت تطلبها المصورة ..
وأخيرا ..
الساعه 1 في الليل ..
منيرة يلا الدانه ..ضاحي يقول يلا ..
انخطف لون الدانه ..واخترعت ..وصارت ترجف ..كان وجودهم حولها هو اللي مصبرها ..
زينب لاتخافين ..يلا ..أنا بسندج ..
منيرة يسندها ريلها ..
دانه مسكت يد عمتها وهي خايفه ..
مسكتها عمتها ..ووصلتها مع ريلها للباب ..وباستها ..ونزلت ردائها عليها ..
صعدوا للجناح اللي مأجره ضاحي ..
ماتدري شلون ريولها شالتها ووصلت لين الغرفة ..جلست ترتاح .. ضاحي المصيبة ما تكلم ولا حرف .. دخل الحمام ..
وهي ظلت متيبسه ..مددت راسها على الكرسيي ..وغمضت عيونها ..
(خلاص؟؟ ..يالله ..شلون بكون بعد يومين؟؟ زوجه سعيده ..ولا تعيسه ؟؟ ...العرس كتعب والفستان كان متعب ..ودي بدش بااااارد ....اريح فيه عضلاتي ..وأنعنش .تعباااااانه ..(
**********
دخل خالد البيت .. كانت الساعه ثلاث الصبح ..
دخلت عبير بعده بلحظات ..
التفت لها وهو مستغرب وين كنتي هالحزة؟؟ وليش متكشخه؟؟
قطت عبير عباتها ..وكانت لابسه فستان ..
كنت في عرس ..
خالد اي عرس هذا اللي رايحه له بروحج لهالحزه؟؟
كان خالد هادي لانها ما كانت خايفه ..ولا متنرفزة ..وهو يعرف أخلاقها ..فما تسرع بالحكم عليها ..
عبير عرس بنت عمتي ..
انصدم خالد .. عرس دانه ؟
عبير ليش عندك بنت عمه غيرها؟؟
سكت خالد ..عبير اطلعت فوق ..
التفت أمي ما قدرت تروح ..بس ابوي راح ..وصدقني لو شافك الحين كان ذبحك ..
انبهت خالد وتأثر بقوة .. هذا الشي لالي كان ناسيه اليوم ..العرس ..كلمته عنه بدور بس ما تكلمت وايد ..دخل الغرفة ..اتصل في بدور ..
ألو ..
خالد شلون كان العرس اليوم؟؟
بدور راااااااائع ..عمتي طلعت رائعه ..تهبل..غطت على الكل ..والخال كان مربوش المسكين..ما شفنا منه اي رده فعل.
كالعاده بدور استلمت دفه الكلام ..وصارت تتكلم ..وخالد يعلق ببساطه ..اييه ولا ..صك من عندها ..بدور حتى ما سألته شخبارك ..ولا حضرت العرس لا لا ..كانت تقول له كل اللي صار معاها ..من الطقطق للسلام عليكو ..
تذكر دانه ..تذكر الشهر اللي يلست فيه هنا..تذكر اهتمامها كل ليله لما يرجع..الحين حس انه كان في فرق كبير بين بدور ..وعمتها ..
فتح الدرج ..طلع الملف..حطاه قدامه ..رجعه للدرج ..خذ دوش ..وحط راسه ونام ..
*******************
فتحت عيونها ..من الصدمه ..تذكرت هي وين .. طالعت الساعه كانت ست الصبح ..
كانت على نفس جلستها امس ..باستثناء ان المسكه انشالت من يدها ..وتغطت بطانية ..ودبابيس شعرها في حد شالها ..
(فضيحه !! نمت ؟؟ شيقول عني؟ ؟؟ يالله ..انا في حلم ولا واقع؟؟ ...معقول؟؟ (
قامت وطالعت ويهها .. طلعت من شنطتها مناديل جونسون اللي تشيل الميكياج ..وشالته كله ..نزلت طرحتها ..
ورتبت شعرها ..طالعت فستانها اللي عليها ..وضحكت ..كان الفستان عليها جنان ..وهي من غير الطرحه والمكياج حست انها ياهل ..خصوصا بعد ما افتحت شعرها الطويل..التفت كان ضاحي يطالع لها ونظرة غريبه في عيونه..ما افهمتها..بس ويهها انصبغ من الاحراج ..
دانه آسفه نمت ..كنت تعبانه ..
ضاحي بنسافر ..
دانه وين ؟
ضاحي تايلند .. مضطر اسافر ..تروحين معاي؟
دانه ترددت ..تذكرت خالد ..خالد ..ماتقدر تخليه ...تبي تظل معاه كل الوقت ..
ضاحي بتروحين ..
دانه لا ...ما اقدر ..
نزلت راسها مستحية ..
ضاحي الساعه سبع ونص طيارتي ..وأنا توقعت انج ما بتروحين ..هالمهمة اسبوعين بالكثير وتخلص .. بيمرج حمد.. أشوفج بعد اسبوعين ..
باس راسها وطلع بسرعه ..
حست دانه انه موب طايقها ...احساسها انه يبي يبعد عنها هو الاصح ..
اسبوعين؟؟؟ زين ..فرصه تتأقلم ..بس هو ما بيكون موجود ..يمكن تكون فرصه افضل ..أنها تآخذ على هله ..وماتكون مشغوله فيه ..
راحت الحمام وخذت حمام ريحت فيه جسمها ..
بعد ما خلصت ..ياتها المزينه اللي اتفقت معاها وسوت لها شعرها وحطت لها ميك آب ..لبست بدله .واتصلت في حمد ..
******************
دانه جب ..
حمد قولي ..قولي ..
دانه جب ..جب ..
ضحك حمد .. حليلج عرووس ..
دانه حمود ان ما سكت أقول لهناء تزوجك بنت منيرة ..
مسك بريك قوي بغى ينصدم راسها بالزجاج ..
حمار ناوي تذبحني ؟؟
حمد ان يبت هالسيرة مرة ثانية ..اييه..
شرايكم؟؟ شلون بتتأقلم دانه؟؟ الحياه الجديده شلون بتكون؟؟ وخالد شلون بيكمل مع بدور.. وهو كل يوم يلقى فيها عيب؟؟

قصص غريبه
الحلقة الثانيه عشر


حست دانه انه موب طايقها ...احساسها انه يبي يبعد عنها هو الاصح ..
اسبوعين؟؟؟؟ زين ..فرصه تتأقلم ..بس هو ما بيكون موجود ..يمكن تكون فرصه افضل ..أنها تآخذ على هله وما تكون مشغوله فيه ..
راحت الحمام وخذت حمام ريحت فيه جسمها ..
بعد ما خلصت ..ياتها المزينه اللي اتفقت معاها ..وسوت لها شعرها وحطت لها ميك آب ..لبست بدله .واتصلت في حمد ..
******************
دانه جب ..
حمد قولي ..قولي ..
دانه جب ..جب ..
ضحك حمد .. حليلج عرووس ..
دانه حمود ان ما سكت أقول لهناء تزوجك بنت منيرة ..
مسك بريك قوي بغى ينصدم راسها بالزجاج ..
حمار ناوي تذبحني ؟؟ ..
حمد ان يبت هالسيرة مرة ثانية ..اييه..
دانه صج حمار ...
حمد قولي لي ..شسويت أمس ؟
دانه مالك شغل !
حمد يالله قولي .. أكيد فارق العمر بينكم سوى توتر.
دانه هو الحمد الله ..مو كبير وايد أكبر مني بسبع سنوات بس ..
حمد كم؟
دانه عمره اربع وعشرين صح؟
حمد من قص عليج؟؟ الريال عمره ثمان وعشرين ..
سكتت دانه ..
حمد شفيج منصدمه ؟
دانه ناصر قال ان عمره اربع وعشرين؟
حمد اييه من اربع سنوات كان عمره اربع وعشرين .
دانه يمكن تكون مغلط؟
حمد لا ..أنا أكبر منج بثلاث سنوات صح؟
دانه اييه ؟؟
حمد هو أكبر مني بثمان !
دانه حست بخيبه ..
كملت ..أكبر مني بحدعش سنه ..
ضحك حمد ..
دانه ليش تضحك ..
حمد كنت أجذب عليج!!!هو عمره ست وعشرين موب اربع وعشرين ..
دانه يعني افرقت سنتين؟
حمد اييه ..يمكن ..ما ادري !
دانه موب مشكل ..
حمد مشكل؟ سافرت لبنان اسبوعين موب اربعين يوم!
دانه شمعنى اربعين يوم؟؟ يعني من عاشر القوم ؟
حمد اييه يالعروس ..شفيج اليوم متضايقه؟؟ ليش علشان المعرس سافر؟
دانه لاء ..بس ما ادري ..عمتي زينب وين؟
حمد في بيت اهل ريلج ..بتظل يومين وبعدين بتسافر ..شكلج ما نمت امس!
دانه حمد ..جب !! نمت مانمت مو شغلك؟ على بالك تقص علي تجرجرني!!!
ضحك حمد صج منتي هينه!! ما قلتي لي عريس الغفلة وين سافر؟
دانه ما قال لي ..لا ..لحظه!.. قال لي جنه تايلند أو كليفلاند ..
حمد كليفلاند؟؟
دانه تايلند .. انسى كليفلاند .
حمد كليفلاند هاذي وين؟
دانه ما ادري ..يمكن في امريكا !
حمد الظاهر ما نمتي عدل علشان جي ما ركزتي وين راح ..
دانه بالعكس شبعت نوم ............................حم د ..
حمد ههههههههههههههههههههههههه ه ..وصلنا ..
طالعت دانه بيت أهل ضاحي ..كانت فيلا عوده ..وفي سيارات وايد جدام البيت .
حمد يلا انزلي .
دانه اوكي ..مرني موب تقطع.
حمد الشقة بنطلع منها بكره .بترجع البيت ..تعالي بين فتره وفتره ..اوكي؟
دانه يعني ما بتمروني؟
حمد ما أعتقد ..مثل ما فهمت البيت فيه بنات ..وانتي تزوجتي الحين موب حلوة كلب يوم مزعجينج ..
دانه شالسالفه ..أنتوا تزعجوني؟ بالعكس احس اني انا مصدر الازعاج لكم .
حمد بالعكس ..بس مابيكون عندنا ذوق اذا رزينا الفيس طول الوقت ..تعالي انتي ..وأنا بين فتره وفتره بمر آخذج من هنا ونتمشى .
ابتسمت مع السلامه ..
باسته ..
حمد هييه انتي صاحيه؟؟ وسط خلق الله ؟
دانه من شايفنا ؟؟ وبعدين خل يتكلمون بس ..وأنا أراويهم .
انزلت دانه ودخلت البيت ..وكانت قمر في ويهها ..
قمر الله ما قدر يتركج الا ببوسه؟؟ وينه خالي ؟؟
دانه خالج مسافر ..
قمر عيل من هذا اللي بستيه في السياره؟
دانه حمود ولد أخوي ناصر نسيتيه؟
قمر قطيعه !
كانت عايشه وهدى وساره واقفين يضحكون على قمر ..
قمر عمتي ..عهذي عايشه ..تراها مشكلجيه وخري عنها ..
عايشه ومرض ..ويهج المشكلجي ..
كانت عايشه أقصر من دانه.. وشعرها أسود ..وبيضا عكس اللي واقفه جنبها اللي شعرها كستنائي وسمره ..
قمر وهذي خالتي ساره..حبوبه ..مصرقعه ..
ساره مصرقع ريلج..
قمر وهذي خالتي هدى ...مينونه بس عبقرينو ..
كانت تلبس نظاره وشعرها اسود فحمي ناعم ..بس سمره شوي وأطول من دانه ..
هدى قمور أرويج يالخايسه .
سلمت عليهم دانه كلهم ..السبب اللي ما خلا دانه تعرفهم من قبل..انهم عيال منى مرت ابو منيرة ..وماكانوا يطبون بيتها .بس البنات قمر وبدر دايم يروحون لهم ..
عايشه ضاحي سافر؟؟
دانه اييه اليوم الصبح ..
عايشه هو دايم جي .. ماتصدقين انه كان يسافر ليله العيد..ولا يقول لحد انه سافر ..وبعض الاحيان نشوفه الصبح والعصر يكون مسافر ..شغله وما يقدر يرفض لانه يبي يترقى ..بس ما توقعنا يسافر صباحيه عرسه ..
دانه عادي ..مافي مشكله كلها اسبوعين ويرد ..
الكل -- اسبوعين؟؟؟
دانه هو طلب مني اسافر معاه ..بس انا رفضت .
الكل-- ليش؟
دانه ما كنت مستعده . ..
***************
عجبها قسمها ..كان حلو وعلى ذوقها ..
هذا اليوم الثالث لها ..
زينب جوفي يا بنتي ..ما بوصيج ..كوني مره سنعه .
دانه مايحتاي توصيه عمتي ...انشاءالله أسوي اللي اقدر عليه ..
زينب هذي ام ريلج وسافرت عنج .. ..وحموواتج معاج لا تخافين ,,
دانه حطي بالج على نفسج ..
زينب ماتوصين حريص ..ابني صار جد وآنه اسم الله علي فيني روح اطرد وراه ..
دانه الله يطول عمرج عمتي ..
ودعت عمتها بدموع ..وشكرت لها وجودها ..
*
قمر عمتي ..
التفت لقمر اللي كانت نايمه معاها في الغرفة ..
نعم ؟
قمر قولي شعر ..
دانه شعر ؟
قمر شي حافظته ..ولا شي مألفته ؟؟
دانه قمر ..أنا مضيعه ملف فيه كتاباتي ...وينه جفتيه؟
قمر لاء ..بس بسأل بدور ..قولي شعر ..
دانه ما فيني مزاج ..لا أقول ولا أسمع ..
قمر عمتي .. شالسالفه بنام هالليله بهدوء؟
دانه شلون تنامين كل ليله؟؟
قمر على ضجة التلفزيون ...أنتي تلفزيونج ممل ..كله أخبار مافي قنوات أفلام ولافيه قنوات أغاني ..
دانه أنا ما أحب أطالع تلفزيون ..
قمر خل نطلع الصاله العوده ....يمكن خالاتي صاحيات ..
دانه اوكي دقيقه بس أعدل هالشيله وأحط شي على ويههي ما يصير عروس ويههي تعبان وهالات سود تحت عيوني .
طلعت الدانه مع قمر ..وكانت ساره ومنى في الصاله .
منى تعالوا ..دامكم سهرانين ..خلي نسهر معاكم ..
دانه قمر متململه مني يا ام فيصل .. ما تبي تنام بهدوء ..
منى حنا نطالع فيلم مصري ..ايلسوا معانا ..
ساره يمه ..ممل !
منى أنا أحب افلام صباح ..ما تبين تشوفين كيفج روحي غرفتج .
ساره الشيخه عايشه تطالع حفله ايهاب توفيق ..وع .
بعد عشر دقايق ..
قمر وين خالي تركي؟
ساره وين يعني ؟ في غرفته ..
دانه ما شافت حد من خوال قمر غير سالم ..اللي سلم عليها بسرعه وطلع .
قمر تعالي ..
طقت الباب ...
ادخل .
قمر هاي اونكل .
تركي هلا تعالي .
قمر موب بروحي معاي العمه .
تركي ها؟؟ خليها تدخل ..
انتبهت دانه انه ضبط شعره .. ورتب الاغراض اللي جدامه ..
شبت الليت ..
انصدمت دانه..كانت غرفة عوده ..فيها تلفزيونين وأكثر من ريسيفر وأكثر من فيديو ..وفيه كمبيووتيرين ولاب توب ..كان جالس جدامهم ..تركي كان وسيم ..بس صغير ..عمره ما يزيد عن سبعطعش ..
قمر عمي ..مشرف في ثلاثة أرباع المنتديات للي في النت وصاحب أكثر من موقع للشات .. هو مشرف فيها .
استغربت دانه انه ما وقف لها ..
لكن استغرابها انحل لما شافت الويل تشير( كرسي بوعجلات .(
كان متفاجأ ...أول مره يشوف دانه ..وشكله انبهر فيها ..
دانه شخبارك؟؟
تركي الحمدالله ..تفضلي ..
خلال ساعه كامله راقبته دانه بهدوء وهو يعلم قمر بعض الاشياء بالكمبيوتر ..
ولما طلعوا من الغرفه ..
دانه من متى ؟
قمر من سبع سنوات ..حادث سياره وخطأ طبي أعدم فرصته في المشي ..يدي ما قصر ..ما خلى مكان ما سافر له للعلاج..لين السنتين الاخيرتين ..تركي نفسه تعب ..وطلب من يدي ينسى سالفة العلاج ..فقد الامل ..بس لقى له عالم هو قادر انه يمشي نفسه فيه..عالم النت ..يدي ما خلى شي في خاطره ..وما اكذب عليج اذا قلتلج انه ما طلع من غرفته من يومين؟ (plus today),,,,
دانه ما قد مره قلتي لي.. ليش؟
قمر موب كل شي ينقال ..وبعدين من سبع سنوات انا وانتي كنا يهال ..وكانت يدتي كله هواش مع امي ..ما كنا بنت وعمتها الا من اربع سنوات بس..

قصص غريبه
دانه خل نتمشى في الحديقة ..
قمر أمانه ..اشعري ..
دانه مافيني مزاج .
قمر أمانه دوين .
دانه قمر ..صار لي ثلاثه أيام ما نمت ..
قمر أدري ..ماتقدرين تنامين في مكان غريب ..بس هذا صار بيتج ..ولامانمت شوق للغائب؟؟
دانه خالج ما عرفته لين الحين علشان اشتاق له ..
قمر ممكن ..ما بتقصدين ؟
دانه انتي مصممه؟
قمر اييه ..
دانه اوكي ..عطيني ثواني افكر في شي ..ما في شي أقدر أفكر فيه .
قمر تكلمي عن الحب ..
دانه الحب؟؟
قمر اييه ..
دانه زين ..بس بقول خاطره ..
((حب؟؟
شالكلمة الصغيره؟؟
حب؟؟ ...
من أي بلد؟؟ ومن أي زاوية؟؟ من أي ديره؟؟ ((
دانه كافي ..مافيني أقول شي زياده لاني موب مركزه في شي ..
قمر قولي لي بيتين ..بس بيتين ..وتكلمي فيها عن الحزن والحب والقدر ..والجروح ..
طالعت دانه قمر ..اللي كانت سرحانه ..واستنتجت انها تفكر في خالد ..
دانه مافيني . ..ما اقدر ..خلي نروح ننام ..
قمر هذا خالي فيصل ..
شافته دانه ..كان صج وسيم ..وطويل طول ضاحي ..نزلت راسها ..
فيصل السلام عليكم ..
قمر هلا خالي ..
فيصل هلا ..
وأشر لها من هاذي؟؟
قمر عمتي ..هذا خالي فيصل ووخالي ..هذي عمتي الدانه ..زوجه خالي ضاحي ..
فيصل ضاحي تزوج؟
قمر كنت مسافر صح؟
فيصل اييه ..كنت في دبي ..اليوم العصر رجعت ..
كانت عيونه على دانه ..اللي رفعت راسها بهدوء ووابتسمت بخفيف ..
فيصل .....................زوجه ضاحي؟؟؟
ما ارتاحت دانه لنظراته ..
قمر سرينا يا عمتي؟
دانه سرينا ..
بعد ما وصلت الغرفة .. معقوله ما يدري بعرس اخوه؟؟
قمر عمتي ...خوالي ما يكلمون بعض ..نادرا ..خالي ضاحي كله مسافر ..والوحيد اللي يكلمه في البيت هو تركي ..وخالاتي بعض الاحيان .
***************
مابقى شي ..العرس بعد شهر وشي ..وهالشهر بيمر بسرعه ..مرور الكرام ..لازم يرتب كل شي بيرفكت ..هو الابن الوحيد ولازم عرسه يكون كبير تتكلم عنه الدوحه كلها ..الامكانيات المادية متوفرة ...والحمدالله ...
ام خالد خالد يا ولدي ..ما بتيوز عن قرار السفر؟
خالد يمه ...أنا ندمت أني ما كملت على طول ...بس هالكم شهر ما بيأثرون وايد ..بسافر أمريكا ..ولاتخافين علي بكون مع زوجتي مو بروحي .
ام خالد كيفك يا ولدي ..
تنهدت وطلعت لغرفتها ..
عبير ...............................عاجبك؟
خالد صرخ فيها جاااب ...موب كل مره بسكتلج ..كيفي فهمتي؟؟ لا تفلسفين على راسي ..يلا اذلفي غرفتج ..
قامت عبير وهي كاتمه خوفها ..أول مره يصارخ خالد فيها ..
قام خالد ..كان مواعد بدور يمر عليها ..
ليش يظنون أنه أناني؟؟ ليش دايم عى بالهم أنه مايحس؟؟ كل شخص له همومه ..وكل شخص له طريقته في التعامل معاها ..
((يعني أنا ..سبع سنوت ضغطت على نفسي ..وكل سنه كنت أنجح بطلعة الروح ..المهم ما أعيد ..ولما لقيت الانسانه اللي تكملني رفضوها اأهلي..شيماء كانت تفهمني..كانت تفهمني وتقراني مثل كتاب مفتوح ..ولما رجعت ..انصدمت بكابوس دانه ..ما يكفيها اني السبب في وفاة امها ؟؟ يبوني أتزوجها علشان اشيل هالذنب للابد؟؟ ((
تذكر دانه يوم طلبت منه انه ما يتزوجها ....بس تذكر لما كان يدرسها ..لما كانت تنتظره في الليل ..هو موب غبي يفهم ..لا ...شيفهم ..دانه اقتنعت بفكرة انها تكون زوجته ..موب حب ..
بس ..
((أنا اللي الحين حاير ..محد بيفهمني ..أنا نفسي موب فاهم اللي في قلبي ..أنا أحب دانه..أكيد أحبها ..البنت تزوجت شالكلام الماصخ؟؟ وشالحب اللي اكتشفته متأخر؟؟ .. ..آآآآآآآآآآآآآآآآآآه ..لو يرد الزمن .. .. ((
لبس غترته ..ورش من عطره ..وطلع .
((يمه هالسفر ..والدراسه ..شي ..بيرفعني فوووق فووق ..وماراح أسمح لحد يوقف في طريق طموحي ..مهما كان ..((
***********************
قمر صباح خير ..
دانه صباح النور ..
قمر ما نمتي هالليله صح ؟
دانه شدراج؟؟
قمر ما خليتيني أنام ..كله تتقلبين ...
دانه صحيح ..ما ارتحت ....ليمالحين ما ألفت المكان ..
قمر كم الساعه ؟
دانه ثمان ونص ..نمنا متأخ وصحينا مبجر ..
قمر بروح البيت ..
دانه ليش؟؟؟
قمر اليوم خالد بيي ..
دانه ؟؟؟؟
قمر اليوم خالد يي ..لبدر .
دانه ما فهمت ..خالد ياي لبدور ..انتي ليش رازة ويهج؟؟
نزلت قمر راسها ..
ما شفته من زمان ..
دانه أقول ...اركزي بس ..وتمي تغدي معاي ..لاتقطين ويهج ..خل عندج كرامه .
سكتت قمر ...
دانه لاتزعلين ....بس..بعد اليوم ..حاولي تبعدين عن بدور ..وعن خالد بالاخص !
قمر قالت لي بدور انهم بيسافرون ..أمريكا ..خالد يبي يكمل دراسته ..السالفه بتآخذ سنين ....يعني ما ...
دانه جب ..جب ..انسيه صار ريل بدور ..صار زوج وحده ثانيه ..
قمر .............أحبه ..
دانه شحبين؟؟ من وين تعرفينه علشان تحبينه ؟؟ شفتيه مرتين وصار حب ؟؟
قمر عمتي أشوفه كل يوم في احلامي ..أكلمه ويكلمني هنا ...
وأشرت على قلبها ..
دانه قومي يالخبله ..قومي ..نتريق ...
تمت تصيح قمر دانه طالعت لها بشفقة ..ومسكتها من يدها وخذتها تغسل ويهها ,
*************
بدور بشتري فستاني من باريس ..
خالد باريس؟
اييه ..بروح مع امي وبنات خالتي شوبنق ..
خالد من باريس؟ كم بتظلين هناك؟
يعني ..ممم ..شهر ..
خالد العرس بعد شهر ..
بدور اييييييه ...وناسه صح؟
خالد بس شهر وايد ..روحي اسبوعين ..
بدور لاء ..أنا مو أقل من بنات خالتي ..كان يروحون شهر شوبنق ..
خالد .................
بدور لا تزعل خالد ..أنا بطلع بأحلى طله ..أحلى من عمتي يوم عرسها ..ما تصدق ..الحريم انهبلوا عليها وقالوا وين كانت مختفيه؟؟
خالد ........................,,
بدور أرجوك خالد ...بعدين بدور شي لونه ازرق ..
خالد ازرق ؟
بدور مم ..أو نحاسي ..علشان المكياج ..
خالد ؟؟؟؟؟؟؟؟؟؟؟؟
بدور لون الباقه المسكه من لون المكياج ..بخليها زرقا ..بوصي عليها من فرنس ..
خالد فرنس؟
بدور باريس ..شفيك خالد مقفل ..
خالد ولا شي ..دانه سمعي مني ..خذ فستانج من دوله قريبه ..أو وصي عليه من الكاتلوج ..شفيج تطالعيني جيه؟؟
بدور بعصبية اذا نسيت أذكرك ..أنا اسمي بدور موب دانه ..وأيا كانت دانه هذي ..أحسن لك تنهيها من حياتك قبل زواجنا ..ولا ما بيكون في عرس .
قامت بدور ..وهي معصبه ..وقالت بسافر باريس الاسبوع الياي ..وما يهمني رايك ..
سكت خالد .. والالوان شردت من ويهه ..قال دانه ؟؟ معقول زل لسانه؟؟ وبدور؟؟ انتبهت ؟؟ والمصيبه انه على بالها دانه وحده ثانية موب عمتها !!!!!!!!اكان يبي ينطق يبي يوقفها ..يشرح لها لكنها ما اعطته فرصه ..
اتصل برقمها ...حاول ..بس هي ماترد ..هذا بالضبط اللي ناقصه !!!!
طرش لها مسج ردي علي ضروري ..ما ردت ..
أكثر شي صدمه قواة بدور ..وشلون تكلمت ...وطلبت منه ينهيها من حياته ؟!
طلع من البيت ..وما شاف طريقه ...
********************
حمد تعالي هنا ..شسالفة الخطبة ..
ابتسمت دانه خالد خطب رفيجتي ..ووافقت ..!!
حمد وحنا آخر من يعلم ؟؟
تنهدت دانه ..لو يدري حمد بحال خالد شبيقول؟
حمد ليش هالتنهيده ..؟؟
دانه لان أنا مثلك ..تو اتصل فيني خلود وقال لي ان أنه خطب واهل العروس وافقوا ..وأنا لين الحين ما كلمت رفيجتي ...وشاء القدر انك تمرني ..
حمد وينها بنت اخوج؟؟ ما تطلع؟؟
دانه الحين تطلع ..اصبر شوي ...
كانت دانه في السياره جدام جنب حمد ناطره قمر ..بعد ما طلبت منها انها توصلها لبيتهم .
حمد ما عندها خوات هذي رفيجتج؟
دانه عندها ..وحلوييين يهبلون ...
حمد اخطبي لي وحده منهم ..
دانه انطر 12سنه ...
حمد ليش؟؟؟
دانه لانهم كتاكيت ..صغار وايد !!وحده عمرها ست والثانيه خمس !!
ضحكت دانه ..وحمد عصب !
دخلت قمر السلام عليكم ..
دانه وعليكم السلام ..
حمد وعليكم..
وصل مسج لدنه ..كان من قمر اللي جالسه ورى (( استخسر فيني هالسبال كلمة سلام؟؟؟ شدعوه ولد اخوج ششايفني كافره؟؟ ((
ضحكت دانه ..
حمد ليش تضحكين؟
دانه كيفي ..
حمد هاتي الجوال ..
دانه مالك شغل..
حمد بند السياره وأخذ الجوال من يدها بعد معركه شرسه ...حاولت دانه ما تعطيه اياه ..
طبعا دانه كاتمه ضحكه هيووج..التفت لقمر اللي ويهها صاير طماطه ..والدمعه انحكرت في عيونها ..
حذف حمد التلفون عي حضن دانه اللي كتمت ضحكه ...وشغل السياره وكمل الطريق ..طول الطريق وهو ساكت ..دانه طرشت مسج ..لقمر
((تستاهلين ما ياج بسبة طول لسانج !!((
ردت قمر (( شششش ..لاتكلميني لساني بلعته من الاحراااااااااج!!!((
ضحكت دانه مرة ثانية التفت لها حمد ....دانه توقعته ما ياخذ التلفون على اساس انه تاب ! لكنه مد يده وخذ التلفون..
دانه اعنبوك استح البنت ورا !!!!
حمد ما رد بس ابتسم ورجع الجوال لدانه ..
طول الطريق كان حمد فاتح اذاعه سوا ...ومحد تكلم .لين ما وصلوا بيت قمر .. نزلت قمر وودعتها دانه ..
أول ما حرك السياره بنت اخوج هذي من أخطاء الدنيا السبع !!
دانه أي اخطاء سبع؟؟ كافي الاحراج اللي سببته لها ..اسكت بس ..
ضحك حمد .. ما قدرت اقول ولا كلمه ..حسيت باحراج ..
دانه انا مت من الاحراج ! شلون بقمور المسجينه .. !!
حمد تستاهل ...عيل انا سبال ؟؟ والله مصدقه عمرها حضرتها ..
ابتسمت دانه ..
حمد ليش تبتسمين؟
دانه ولا شي ...حرام ابتسم؟؟؟؟
حمد اييه ...ليش شاجه الحلج حضرتج ..شاللي في خاطرج ؟؟
دانه أشوف شرارة ..
حمد دانه ...تذكرين آخر مرة تكلمتي في هالموضوع شسويت لج؟؟
دانه خلاص ..تووووووووبه ..
رن تلفون دانه ..كانت ليلى ..
دانه الو ..هلا ..
ليلى ما اعترض ووافق ..
دانه ولش انتي متضايقة؟
ليلى ما ادري ..ما تضايقت ..بالعكس انا اعجبني خالد وايد ..بس ..تمنيت ان تكون لي قيمه..على الاقل يفكر فيني ك ...مدري شقول ..بس البنت تفرح لما تكتشف ان الناس تبيها..وهالكلام ..!!!!
دانه الغبي ..
حمد من تكلمين ؟؟
دانه أكلم رفيجتي ..
حمد أشك .
ليلى من الغبي ؟
دانه هو غبي ..ضيعج من يده .. المهم..أنت راضيه الحين؟
ليلى اييه..مستانسه ...بس هالشي اللي تكلمت عنه من قبل شوي كدرني .بس تمي فرحانه وابوي مستانس وايد ..عاجبينه الخطاب .
دنه تستاهلين يا عمري ..
ليلى احم .
دانه الجو غيم عندكم ؟؟
ليلى اييه ..غيم أسود ..
دانه حتى أنا ..أكلمج في الليل ..أنا الحين رايحه بيت اخوي ..ولدهم خطب اليوم ..
ليلى اوكي .. اللي يفرحني اكثر شي ..هو انج في السالفه ..
دانه بسكر قبل لاا تمطر ..مع السلامه .
ليلى مع السلامه .
ابتسمت دانه ...الشفره بينها وبين ليلى ومعناها ما اقدر اكلمج الحين ..بس مفهومه ..صارت مكشوفه .
رن الجوال مرة ثانية طالعت الرقم ..كان رقم بدور .
بدور عمتي ليش ما ييتي؟؟
دانه وعليكم السلام ..شفيج؟؟
بدور شفيني؟؟ اكتشفت ان زوج المستقبل على علاقه بوحده اسمها دانه .
دانه ايش.......................؟؟؟؟؟؟؟؟؟؟ ؟؟؟؟؟
بدور اللي سمعتيه ..
دانه لا تكدرين خاطرج ..معقول؟؟ ما اصدق شدراج؟
بدور اليوم وهو يكلمني ....بدل اليقول اسمي قال اسمها..
دانه شدراج يمكن انا ؟
بدور عمتي الله يهداج لاتزيدينها !!
دانه هو شقالج؟؟
بدور ليش ؟؟ له ويهه يقول شي ؟؟ اصلا انا ما اكلمه ..
دانه حبيبتي ..شوفي ..طرشي لي الرقم ..وأنا ادبرها ..
بدور لا تكلمينه هاالخاين .
دانه عمري..بس طرشي الرقم ..وأنا اتدبر السالفه ..وهدي عمرج ..يمكن ما في شي جايد هو بس سوى الشي اللي قلتي عنه ؟
بدور اييه ...ومارضى اسافر باريس ..
دانه هذي سهله طرشي الرقم وانا اتدبرها ..وباجر بمركم ..اليوم ببات في بيت ناصر .
بدور زين ..مع السلامه .
دانه الله معاج .
حمد شالسالفه؟
دانه بطل عن اللقافه ..مالك خص .
حمد بمن بتتصلين ؟؟ وعن مين كنتي تتكلمين؟
حست دانه السالفه فيها غيره .
هذا الخياط ...خرب فستان بدور ..
حمد من بدور؟
دانه اخت قمر .
حمد اذكر اسمها بدر . اي فستان العرس؟
دانه لا عيوني ..فستان عادي ليوم الحنا .. بكلمه بعد شوي واتفاهم معاه .
حمد وانتي وشو مديرة اعمالها ؟؟
وصل مسج لدانه .
دانه لا ...بس عمتها ...وهالسوالف العمات هم المسؤولين فيها .
حمد ما اشوفها اهتمت فيج بعرسج؟
دانه حرام عليك..كافي انها اعطتني كورسات فن وضع الميكياج ..واشترت مكياجي كله ..وأشياء وايد ..ما قصرت ..
طرشت دانه لخالد (( السلام انا دانه .العمة .شسويت لبدور؟((
اتصل خالد على طول في دانه لكنها صكته في ويهه .
وطرشت مسج ((بالمسجات ما اقدر اتكلم الحين ((
خالد (( زل لساني وقلت اسم غلط ..حرام؟((
دانه (( حبيبتك؟؟))
خالد (( لاء ... ما ادري طريت في بالي وزل لساني وقلت اسمج .((
دانه (( بس؟ ما صار شي ..بعد عشر دقايق .. دق على بدور .((
طرشت دانه مسج لبدور (( كلمي الريال ..خلط بيني وبينج ..وقال اسمي ..لاتخافين انا آخر وحده يخونج معاها ((
طرشت بدور (( ما اصدق ((
دانه (( لا صدقي وسمعي مني انا عمتج ..((
بدور ( بحاول .((
دانه (( لاتكلمينه الحين ..لما يدق هو عليج ((
بدور (( زين ((
طرشت دانه لخالد (( يا خي حاذر في كلامك بدور ملاحظتها قوية وكبرياءها اقوى ((
خالد (( والله ما قصدي شي ...نسيت ..مبروك الزواج ((
دانه (( الله يبارك فيك ..وراضها ..سو الي تبيه ((
خالد ( شكرا (
دانه (( ماله داعي هاذي الغاليه ((
صكت دانه جوالها ..حمد من كنت تراسلين؟
دانه رفيجتي ..
وصلوا ..وأول ما شافت خالد ..على طول اركضت واحضنته .. وباركت له ..
خالد هلا في اللي عافها ريلها من اول ليله ..
دانه جب يالحمار ..ما عافني بس سافر مضطر .
خالد الكل يتطنزون عليج حتى صلوح ..
دانه انا اراويهم الحمير ..
****************************
طول الاسبوع اللي مر ..دانه كانت مشغوله في التفكير..ليش زل خالد بسمها؟؟ ليش كان يفكر فيها ؟؟ وشلون؟؟ سافرت البدور بعد ما راضاها خالد بموافقته ..وبنفس الوقت .. تعرفت على اهل ضاحي ..الكل تقريبا ما يتكلمون عنه ..وما عجبها فيصل بنظراته ..
واللي صج ما عجبها انه ضاحي ما رفع التلفون وسأل فيها ...
***********
دانه تركش ...أرجوك ..لا ..
تركي انا المدير في هالمنتدى ..وأقدر اطردج أو أوقفج ايام ..لاتتحرشين ..
دانه تركش بلييز ....
هدى صج تركي ..لا تطردها ..الكل يحبها هنا ..
تركي تستاهل ..تطاولت على المدير ...نادته تركش .
دانه حرام عليك ..اسمك جي في الانجليزي ..
تركي اادري ما يبتي شي من عندج ..
دانه خلاص أنا أراويك الحين ..
تركي دانه ....شتسوين؟؟
دانه ولا شي ....
تركي نشوف ..
بعد عشر دقايق ..
تركي ليش فصلتي النت ؟؟ مالي خلق اشبك من جديد ..
دانه عادي .
أول ما شبك تركي ..
تركي ليش اسمي ما ..ليش في خطأ؟؟
دانه تركش روح القسم العام ..الحق ..
تركي ايييييييييييييييييييييييي ييييييش؟ المدير العام يعتذر من العضوة النمر الوردي؟؟؟؟؟؟؟ سرقتي باسووردي ؟؟
دانه اييه..أمس انا وهدى لقينا الطريقه..سهله ما تحتاج هكرز..وها ..علشان تستخف فيني..هذا هو المنتدى صار بكره تحت اشرافي ..
تركي الحين ارجعه ..وموب صعبه الطريقه وشوفي شبسوي فيج ..
دخل فيصل في هاللحظة للغرفة ..
فيصل .........شتسووون؟
هدى عالنت ..
فيصل باين بس شتسوون ؟
هدى ولا شي ..
فيصل ماتدرون متى يرجع ضاحي؟
دانه ما ردت ..
هدى يقول بعد اربع ايام .
فيصل لما تكلمونه خل يتصل فيني..
كان واضح ان فيصل يوجهه كلامه لدانه..اللي بس هزت راسها بأوكيه .
هدى متى كلمج ضاحي آخر مرة؟؟
دانه من زمان ..ماعندي رقمه ..
دانه ما كان عندها رقم ضاحي ..وماكلمته من يوم العرس ..
دانه بروح غرفتي الحين عن اذنكم .
تركي اذنج معاج ..شتبين في اذونا؟
ابتسمت وطلعت ..دخلت غرفتها ..طالعت صورة ضاحي..ماكان قبيح مثل أول مرة شافته ..يعني..صورته بدت تتحسن في نظرها ..رمت الشيلة وفتحت شعرها ومشطته..تركته مفتوح ..تمددت على السرير ..الفراغ اللي تحس فيه كبير ..قبل عيال اخوانها معاها وكانت تآخذ راحتها ..الحين المكان الوحيد اللي تطلع له هو غرفة تركي مع هدى أو ساره ..
مسكت جوالها ..اتصلت في حسن ..
حسن هلا و غلا ..ما بغيتي تتصلين؟؟؟
دانه انت الحمار الوحيد اللي ماشفته من يوم عرسي ..
حسن على جيه كم حمار شفتي؟؟ أنا صراحه رحت سيلين مع الربع ..قلت ما اخرب عليج ..عروس ..لين ما شفت خالد ..وقال لي ان ريلج مسافر من ليله العرس ..ههههههههههههههههههه...مسر ما عافج ..
دانه جب يالخايس ...راح عنده شغل وكان يبيني اروح معاه بس مارحت ..بكييييفي ..موب عايفني ..
حسن ومتى بيرد؟؟
دانه بعد اربع أيام .
حسن خلاص بمرج الحين نطلع مع بعض ..
دانه صج؟؟ والله كنت متملله وضايقه ..
حسن الحين أمرج ..
دانه الحين ألبس ..
تعدلت دانه والبست ..البست شيلتها وطلعت والبرقع في يدها ..
دانه ساره ...ساره ..
ساره هلا ..
دانه بطلع مع ولد أخوي ..اذا اي حد سأل عنني اتصلي ..ممكن ؟
ساره اوكي ..مع السلامة .
اول ما طلعت كان حسن عند الباب ..
اركبت معاه على طول ..
حسن بآخذج معاي للمدينة الالعاب ..
دانه مدينة الالعاب؟؟؟ ونااااسه ...
حسن بس أخاف تكونين حامل ..
دانه لا ..لا تخاف ..هالفكرة مأجلتها عشر سنوات .
حسن اوكي .لننطلق لمدينه الالعاب ..
دانه 3..2..1 ..انطلق !!!
حسن والله هذا ضاحي ماخذ له ياهل ..
دانه امانه حسنسن ..خذني ..
*********************
خالد .شسويتي اليوم؟
بدور ولا شي ..أنا وأمي رحنا الصالون سوينا بديكير ومنكير ..مثل كل شهر ..
خالد وقمر؟
بدور اييه ..انت ولا مرة شفت قمور ..كل ما تجي تكون برا البيت ..زين خالد ..ما بتقول لي كلام حلو؟
خالد ردينا؟
بدور أرجوك خالد ..قولي مثل الافلام ..اي مس يو ..اي لوف يو ..يو آر ماي فلانتاين!
خالد لوف يو بالعربي ما تمشي ؟
بدور شوف خالد أنا زوجتك .لي متى بتم كاتم هالكلام الحلو؟؟
خالد لاحقة عليه بعد أقل من شهر .
بدور زين أبي أعيش فترة الخطوبة ..
خالد بدور رئيسي في الشغل الحين يدخل بأي لحظة ويوجهه لي ملاحظة أن استراحتي زادت عن نص ساعه !!
بدور بل ..صار لنا نص ساعه نتكلم .. مستحيل ..انا من شوي رجعت من الصالون ..
خالد ربع ساعه ضيعتها أحاول أتصل فيج ..يلا باي عمري .
بدور وهاذا انت كل مرة تتهرب من الموضوع ..ماني مكلمتك لين العرس !
خالد لاتنسين ارجعي بعد ثلاثة أسابيع بس !!
بدور شلون بنسى وأنت اللي حجزت التذكرة ؟؟
خالد بكلمج بعدين .
بدور مدام اليوم ما بترجع الا الفجر ..هذا يعني اني ما بقدر أكلمك ..لاني لازم أريح بشرتي وأنام 12 ساعه ..
خالد بشرتج؟؟؟ باي.. باي بدر ..
بدور لاتناديني بدر !!
خالد اوكي ..باي يالبدر .
بدور اي جي ..باي ,,يا حبيبي ..
خالد باي ..
بدور اسحبها زين!! ما تستاهلها ..أي واحد في الشارع بقوله حبيبي !!
خالد كيفج ..شوفي وين تلقين هاللي يفهم عرب ..باي هني .
بدور حلوة هني ..حلوة ..امسك فيها .باي ..
خالد باي ..
صكر من عندها ..وقام صب لعمره كوب نسكافيه ..عندي ربع ساعه بريك!! يريح فيه شوي ..
مسك جواله ..وقلب المسجات اللي فيه ..
((حبيبتك؟؟((
كان المسج الوحيد اللي وقف عنده ...رقم دانه ....حبيبتك ..غمض عيونه ((.تزوجت ..تزوجت ...وانت تزوجت ..انت اللي فرطت فيها ما كانت عاجبتك ..انت اللي رخصتها ..لاتنسى انت تكرهها ...وهي ما تبيك ! اهم شي ..((
استغرب من نفسه تفكيره في الدانه صار غير طبيعي في الفترة الاخيرة ..غير طبيعي ..
دخل دكتور فارس ..
أشوفك نايم...
خالد لا ..بس كنت مغمض عيوني شوي ..أريح مخي ..
فارس ...أنا ييت أشرب عندك نسكافيه ..
خالد تفضل ..
عطاه كوب ..
فارس العرس قرب؟
خالد أقل من شهر..
فارس على البركه ,,حجزت .
خالد اييه ,, بعد طلعة الروووووح .. مالقيت حجز بسهولة ...
فارس مع أنك على آخر الصيف بتعرس .
خالد بس في الوقت الضائع . ..
*********
من عيوني ..
دانه تسلم عيونك .. بس أبي شريط لطلال مداح ..
حسن آفا عليج ..فتحي الدرج ..وتلاقين كل اللي تبين ..
دانه وينه ..ما أشوف لطلولي أي شريط !!
حسن طلولج؟؟ هذا اللي ناقص ..
دانه عاد ..لا تغير الريال الله يرحمه .
حسن زين ..وصلنا ..
دانه تشكر يا عمري على هالترفيه اللي صج رووووعه ..
وباست حسن ..
حسن هيه ..يا حماره ..
دانه ما حماره الا زوجتك ..هههه ... عاد كثر منها ..
حسن شاللي بكثر منها ؟؟
دانه هالمرور وهالطلعات ..باي يا عمري ..
نزلت دانه وراح حسن ..
دانه في حفظ الله ...
دخلت البيت ..وصدمها وقوف فيصل ..
من هذا؟
دانه ما ردت ..ما عرفت ترد عليها بإجابه ولا ترد بسؤال انت شدخلك؟
فيصل ما يعني أن أخوي يغيب تلعبين بذيلج من وراه ..
وتحولت نظراته نارية لما رفعت دانه حواجبها استنكار ..
فيصل هذا حسن ..أكبر مغازلجي في الدوحه!! وطالع مع مين مع زوجة أخوووي المصوون؟؟ ولا بكل وقاحه تبوسينه جدام الخلق كلهم؟؟
كان يصارخ بأقوى صوت ممكن ..اجتمع البيت كله على صياحه ..دانه سكتت ..بس ما نزلت راسها ..علشان ما يعتبرها مذنبة ..سكتت ناطرته يهدى شوي علشان ترد عليه ..
وقط له كم كلمة جارحه ..دانه انطرته وكانت تواجهه بقوة ..
فيصل ما ترديين؟؟
حست دانه انه هدى شوي ..
بختصر هالكلام الجارح ..وهالاتهامات الباطله اللي أنا بريئة منها وهالتدخل من طرفك لشي مالك خص فيه بجملة وحده بس..أنا اسمي الدانه حسن,,وهاللي كان واقف بره اسمه حسن ناصر حسن ...ويكون ولد أخوي ..أعتقد هاللبس انحل هالحين ...عن اذنك ..
بكبرياء راحت دانه غرفتها ..وانصبغ ويه فيصل بألوان قوس قزح من الاحراج ..الكل يطالعونه بنظرة عتب..



قصص غريبه
الحلقة الثالثه عشر


الدانه بأي حق يكلمني جي؟؟
هدى ما عليج منه .. هذا فيصل ..محد يقرب منه ..تراه عقرب ..
الدانه ماتوصل لها الدناءة وقلة الادب ...
هدى بس موقفج كان قوي ..ورديتي عليه بأسلوووب روعه ..برودج وثقتج في نفسج بعد هالكلام القاسي ..كانت في محلها ..
دانه خل نروح لتركي .. نشوف آخر أخبار المنتدى ..
طلعت لتركي هي وهدى ...وتكلموا عن آخر المستجدات ..
تركي أدري فيصلوه مصخها معاج ..
دانه لا ..عادي ...شو تركي تكلمت مع حسن ورضى يآخذك معاه سيلين ..ويقول الشرط لوحيد انك تجي بروحك ..لانها جمعة شباب ..
تركي بس يالدانه أنا متردد ...أنا من زمان ما طلعت من البيت . ما أروح إلا مواعيد في العياده ..بس ...حتى المدرسة ما اروح لها ..
دانه لاتخاف ...حسون أنا واثقة منه ..أكيد بيدبر لك رحلة عجيبه ..
تركي اوكي .
دانه اوكي ..شوف تركش ...ترى حسن بيمر الخميس يآخذك في الليل ..وذا ما عجبك الوضع كلمني على طوول ..
تركي اوكي ..بس لاتناديني تركش ..
دانه لاتزعل مني ..بس وصيت حسنسن يناديك تركش ..هههههه
تركي أنا براويج .. الحين شيضمن لي ان ولد اخوج ما بيشيع هالتدليع بين ربعه ..
دانه ولا شي ..لانه شاعه اوريدي ..ههههههههههه
تركي الحين اسوي لج بانديد ..هالحين ,,
دانه ما سويت شي يخليك تمنعي ..
تركي لاتنسين أنا المدير لهالمنتدى ..اوكي ...
دانه ترى والله العظيم ياويلك .. حرام عليك .. أنا أكثر وحده تعاقبها في هالمنتدى ..
تركي تستاهلين ..
****************
حمدالله على السلامة ..
الله يسلمج ..
دخل لغرفة كانت مقفولة طول الوقت ..
استغربت الدانه ..كان تبي تروح ورا طالعت نفسها ..طالعت شعرها اللي فتحته..والمكياج الخفيف اللي حاطته ..والبدله اللي كانت لابستها ..ما كلف نفسه وطالع لها نظرة ..مو كافي اسبوعين ولا مفتكر فيها؟؟
لمت شعرها ..سوت اللي عليها ..اتصلت في قمر ..
قمر هلا عميمة .
دانه هلا ..شفيج ؟ أحسج مكتئبة؟
قمر في هالبيت بروحي ..ما تبيني أكتئب ؟؟
دانه خالج يا ,..تعالي مري ..
قمر ما اقدر اليوم ..ام الليل تبي تمرني ..
دانه ليلى؟؟ الحمارة من ملجت ولا فتكرت فيني ..
قمر ما أدري شفيها ..العرس بعد اسبوعين وهي متضايقة ..قلت أستدعيها وأشوف السبب ..ونفتح محضر ونشوف من المذنب و من البرئ ..
دانه تدرين ...هالحين بيي ..انطري شوي ,,
قمر خالي توه رجع من السفر ..
دانه هو نايم هالحين ولا بيطلع .. مسافة الطريق وأكون عندج .
صكرت دانه من قمر..كل شي عندها ولا خالد وليلى..أولوياتها تقتصر فيهم هم بس..ودام ام الليل متضايقة لازم تنفرد فيها ..وتحاول تهديها ..
قربت من غرفة ضاحي ..ورفعت يدها تبي تطق الباب لكنها صوته كان وايد عالي ..
))لا يا حبيبتي ...لاتخافين ..بعد بكره برجع أسافر بنغلاديش يومين وبمر لج اسبوع ....((
انصدمت دانه ...تيبست من الصدمة ..حبيبتي ؟؟ يومين وامرج اسبوع ؟؟ يمكن يكلم أمه ؟؟ أمه في البحرين..صج هو ما يهمها ..وشلون ما يهمها وهو زوجها خلاص؟؟ ارتبكت ..خذت نفس ...وطقت الباب ..
حست بربكة داخل ..
فتح الباب ..
نعم..
دانه بروح لقمر اذا ما عندك مانع ..
ما عندي ..
صكر الباب في ويهها ..انصدمت ..ارتجفت يدها ..السالفة فيها إن ...
التفت تبي تروح الغرفة تبدل ..طلع من بياخذج ؟؟
دانه الدريول ..مصطفى .
رد صكر الباب..انصدمت دانه.. هل هي متأكده أنها متزوجة هالشخص؟؟ اللي زين منه يطل في ويهها ؟؟ دخلت غيرت ملابسها ..وطلعت ..
******************
انتهى خالد من كل اوراقه ...وتأشيرات وأوراق الدراسه...بس بقى العرس ..اللي تقريبا انتهى من الحجوزات ولاشراف..حس أنه تعبااان ..أسبوعين ويخلص كل شي ...صج لاهم مثل هم العرس ولا وجع مثل وجع الضرس .
عبير ..بو وليد ..
خالد هلا ..
عبير متى تييب العمال يسوون لك الغرفة والطابق اللي فوق ؟
خالد مأجل الفكره ...انا وبدور ليله العرس بنسافر ..وبنيليس ست شهور قبل لا نرجع . زيارة اسبوع بعدين نرجع نسافر ..
عبير واذا حملت بدور؟
خالد فكرة الحمل مؤجله ثلاث سنوات ..يمكن أكثر ..
عبير حرام عليك خالد ...
خالد شفيج؟
عبير أمي تبي تشوف ظناك ..
خالد بعد ثلاث سنوات ..
عبير ما أقساك يا أخي .ما أقول الا مسكينه هالبدور ..
خالد جب ..جب ..
عبير اييه ..ويا حريمكم ما أحلاكم ..وويا خواتكم شياطين مسلطة ..أنا قايمة لغرفتي ..
خالد أحسن ..تريحيني افتك من وجع الراس .
حس خالد أنه قسا على عبير.. عبير كلها اسابيع وتنزف لبيت ريلها .وبيفضى البيت على امه وأبوه ...ما يقدر يترك بدور هنا..توه متزوج ..وهي نفسها موب مالت واجبات ومايضمن انها تشيل امه وابوه في غيابه وتراعيهم ...
***************
فكرت دانه تتصل في خالد ..وتكلمة تسأله عن صحته ..وعن ليلى ..
مسكت جوالها .....وطلعت اسمه واتصلت فيه .
****************************
رن جوال خالد ...انصدم بالرقم ..كانت دانه ..دانه متصل فيه؟؟ عسى ما شر؟؟
الو ..
دانه هلا خلود ..حبيبي ...شخبارك؟؟ ألو خلود ..وينك يالغالي؟؟ خالد ...ألو ..خالد ووجع ..
طبعا خالد من الصدمة ..ماقدر يرد ولا يتكلم ...
دانه ..خلود ..عمري ..ليش ماترد؟..ألووو ..ألوو ..
خالد هلا دانه ...
طبعا دانه أول ما اسمعت صوت ثاني غير صوت خالد ...اسكتت ..حست بربكه..
خالد ولد ناصر؟؟
خالد لا ..أنا ولد خالج ...
دانه اوه...السموحه ولد الخال ...أزعجتك ..كنت أبي خالد ولد أخوي ..ما أطول عليك ..
خالد معقول ؟؟ لاسلام ولاسؤال عن الحال؟؟
دانه وهي بالعة احراجها غصب .. اوه ...اعذرني والله من الربكة والاحراج ...شلونك؟؟ شخبار البدور؟؟ متى انشاءالله ترجع من السفر؟
خالد قريب انشاءالله ..بتحضرين العرس؟
دانه شي أكيد ..مع أني سمعت من البدور انك ماييت عرسي ..
خالد معليش يا بنت عمتي اعذريني ...والله ماكنت فاضي ..
دانه عذرك معاك يا بو وليد ..عن اذنك ..الحين ..
خالد دانه..
دانه لبيه ...
خالد شلون ضاحي معاج؟؟
دانه الحمدالله يعزني ويكرمني ولا بنت شيوخ ..
خالد وأنتي بنت شيوخ .. اذا تعدى حدوده معاج ..أو ..
دانه لا ..ما توصل يا ولد خالي لهالمواصيل ..لي أخوان أسند فيهم ظهري ..بس تسلم ...
خالد صدقيني يالدانه..أنا موجود ..اذا تبين أي شي ..
دانه تسلم ..والله يوفقك مع البدور ..تراها بنت طيوبه ..عن اذنك ..
خالد اذنج معاج ..حياج الله ..
صكر من عندها ..وهو حاس بفراغ داخله ..دانه حسسته بهالفراغ ..حس أنه ضيع فرصة من يده ..صوت دانه شلون خلاه مو على بعضه ..وكلامها المتزن ..طبعا في البداية ما هو الا لبس ..
أما بالنسبة لدانه ..كانت غارقة بدموعها ...وتصيح بقوة..
شالمشاعر الغلط اللي داخلها ؟؟ وليش الحين موب قبل؟؟
(كلامة كان حلو وايد ..حسيت فيه لهفة ..حسيت ؟أن فيه ..أستغفر الله يا ربي ..أنا على ذمة ريال وأفكر في غيره ؟؟ أستغفر الله ..كل السبب منك يا ضاحي ..أنت اللي خليتني أفتح الدفاتر ..أنت اللي خليتني أنتقم لكرامتي بدون شعور ..(
وصلها مسج ..زاد دموعها بزياده ..
(مدري رجا مدري وفا مدري احساس ..
أنطرك أدري قلت لي منت راجع (
ومثل ما توقعت كانت من خالد . ...حذفت رقمه من الجوال ... وكتبت مسوده في جوالها ..
(خبرتك انسان ذكي فاهم وواعي ..انسان يعرف قراره ماهمه وداعي ..
فلا تتمنى وترجى وتحاول خداعي ..ولاتذل نفسك ترى ماله داعي (
اتصلت في خالد ولد ناصر .
ألو ..
خالد هلا ..دانه شخبارج؟
حست دانه أن خالد تعبان ..
شفيك خالد صوتك موب طبيعي؟
خالد لا ..بس اليوم كنت في دوامي ..وطحت عليهم ..
دانه شلون ؟؟؟عسى ما شي جايد؟؟
خالد ما شي جايد .. ما كنت مآخذ الدوا الصبح ..تضايقت أنهم قالوا لأبوي ..
دانه قالوا لناصر؟؟ وشقال لك؟
خالد كان يبيني أسوي فحوصات بس رفضت وقلت له انه انخفاض بضغط ادم ..من كثر ما كنت مشغول للعرس ..ما صدق ..
دانه زين ..وأنت الحين؟
خالد خذيت الدوا موب مشكله ..الطيحه مازادت عن عشر دقايق بس ..وقدرت أسند طولي لين ما وصلت البيت ..بس أخوج ..موب مقتنع .
دانه يا عمري يا خالد ..يا عمري ..راعي نفسك ..ما نبي نخسرك ..
خالد أدري .. بس كنت مستعجل ..يوم قلت ليلى ..تضايقت وبدت تصيح ..ندمت أني قلت لها ..
دانه حرام عليك ..
خالد أدري ..دانه أنا الحين عند الإشاره ..وبتحول خضرا في أي وقت ..وأنا مشتت ..
دانه اوكي ..حط بالك على نفسك ..مع السلامة .
صكت من عنده ..وكان سبب كافي تنزل دموعها ...وانهارت تصيح بقوة ..بعدين هدت نفسها .. دقايق وتوصل بيت أخوها نايف ..
دخلت بيت نايف ..كانت قمر ناطره ..ومعاها ليلى ..
دانه السلام وعليكم السلام ..
قمر زين ييتي .. خذي ليلى وطلعوا غرفتي ..بسرعه ..
دانه ليش ؟
قمر بتييني اليوم يدتي ..من البحرين راح أبوي ييبها من المطار..
دانه شلون؟
قمر تو أبوي اتصل فيني وقال لي أنها تهاوشت مع خالتي ..ويات بتسكن هنا ..خصوصا بعد ما اكتشفت ان يدي مطلقها ..
دانه شلوون ؟؟
ليلى هاي ..
دانه أنا بريحج مني الدريول برا ..تعالي ليلى نروح مكان عام .بكره بزورها أنا ..لأن ضاحي ما يدري ....ولا تدرين ..اليوم انشاءالله في الليل بنيي ..
قمر بيكون أحسن .
طلعت دانه مع ليلى ..واتصلت في ضاحي
دانه هلا ضاحي ,,ضاحي ترى ما رحت لقمر ..اتصلت فيني خطيبة خالد وطلبت نطلع مع بعض اذا ما عندك مانع ..
ضاحي زين .
وصك التلفون ..اتصلت في قمر قمر ..محد يدري أني أدري أن عمتي موجوده ..أوكي؟
قمر ليش ؟
دانه بس جي ..اليوم المسا بزوركم مع ضاحي اوكي ؟
قمر اوكي ..باي .
التفت لليلى ..
اتصلت في خالد ..وقال لي شصار معاه اليوم ..
ليلى ما مسكت نفسها ..وانزلت دموعها ..
حرام ..والله خالد ما يستاهل ..
دانه أم اللول ..بس ..بتقلبينها نكد؟؟
ليلى المصيبة أني حبيته ..
دانه صحيح ؟ في هالاسبوعين ؟؟
ليلى ما تشوفينه يوم يكلمني ..غير ...انسان راقي مثقف ..محترم ..
دانه أنتي متأكده تتكلمين عن خالد ولد ناصر؟؟
ليلى اييه ..ليش شي قلته غلط ؟
دانه لا .. حاشاج ..بس دايم ..الرياييل لهم ويهه ثاني مع حريمهم ..ما تعرفينه .
ليلى يعني موب صحيح؟؟
دانه لاء صحيح ..بس كنت شوي بخرعج ..
ليلى اييه زين .. صج ضاحي رجع ؟
دانه اييه . تدرين لو اللي في بالي صحيح .. والله العظيم ماني عايشه معاه دقيقة وحده ..
ليلى وشو الي في بالج ؟
دانه شي ..
ليلى شكله جايد .
دانه أييه .
ليلى قولي لي ..
دانه اوكي ..بس ننزل ..مصطفى ..خذنا البخاري ..
ليلى بس أنا تغديت ..
دانه أنا لاء ,,
فتحت ليلى حلجها على كبره بعد اللي قالته لها الدانه عن حياتها ..
دانه طبعا هالكلام بيني وبينج وإن وصل لخالد بيكون آخر يوم في عمرج ..واييه .صكري حلجج لوزج طلعت لبرا .
ليلى الحين تقولين لي أن ..
دانه اييه ..
ليلى وهذا فيصل؟؟
دانه ما أدري ..بس موب مرتاحة له ..
ليلى وخالد؟
دانه ............................ ما أدري ..بس هو صار ريل البدور ..
ليلى بس ..من كلامه ..
دانه خالد ...مستحيل ..مو بس لأنه ريل البدور ..والسبب الثاني ..أنه ناصر قال له بتتزوجها ولا لا ..قال لاء ..يعني رفضني .هذا غير ان قمر تموت بترابه !!!!
ليلى مسكينه قمر ..أتخيل موقفها لما عرفت بزواج خالد وبدور ...زين ..شبتسووين لو اللي تفكرين فيه صحيح؟
دانه انت ..شرايج ..تكتشفين أن زوجج ..قضى أول اسبوعين من حياتكم مع بعض مع وحده ثانية ؟ هل بترضى كرامتج تكملين ثانية معاه ؟؟
ليلى أنا واثقة في خالد ..
دانه ليلى ..
ليلى كنت أمزح ..بس انشاء الله ما تكون شكوكج صحيحه ..
دانه شسوي الحين؟
ليلى حاول تهدين ..وبكره الستار ينكشف ..
دانه زين شفيني ما يخليه يقرب لي؟؟
ليلى يمكن الليله الأولى ..لما ..نمتي؟
دانه والله ما كنت أدري ..موب قاصده ..معقول يآخذ مني موقف لها السبب ؟؟
ليلى يا عمري يا دوين ...
دانه الظاهر خالد يحش فيني دايم جدامج ..والا من وين يبتي دوين؟
ليلى مرة ولا مرتين ..يتكلم أنج السبب في انه تزوجني ..ويشكر الله ..
دانه ...متى عرسكم بالضبط ؟
ليلى بعد عرس البدور بأسبوع وأربعة أيام .
دانه قرب ..وفستان العرس؟
ليلى مشى الحال واشتريته من دبي .
دانه ما راويتيني اياه يالنذله .
ليلى تعالي البيت أراويج اياه ..بس طلي ..موب مثل خالد ..مارضى حتى أنه يزورني .بس شوفي البرايت سايد ..
دانه ها؟
ليلى شوف الناحية الزينه ..هو قال وأقصد بهو ضاحي ..قال يومين في بنغلاديش وأسبوعين معاج ..يعني أسبوعين ويومين. ..وأنتي قلتي لي أنه غاب بالضبط بس أسبوعين ..!!!!!!!!
دانه والله أنج ..مهسترة ..شتقولين ويا ويهج؟؟ ذي بالنسبة للمرة الياية اللي يسافر فيها ويا ويهج !!
ليلى ما تدرين ..
دانه قومي قومي ,,,تراني شبعت ...
ليلى كيفج ..بس حاولي تتفائلين دايم ..وتذكري ..
دانه شتذكر ؟؟
ليلى لازم زواجج ينجح ..والا بتظلين بعدين متشحططة بين بيوت أخوانج ...ما بتلاقين أي بيت يضمج ..خصوصا بعد الطلاق ..
نزلت دانه راسها .
لي متى بيظل محكوم علي بالتشتت ؟؟
ليلى تذكري ..هالقرار في يدج ..
دانه ............... ما أدري .. في يدي ..أو في يد مين ..إذا الشخص اللي تزوجته ما يطل في ويههي حتى ..ليلى ..أحس أني ضايعه ..مالي مكان ..سواء كنت متزوجة ..ولا لاء ..
ليلى دانه ..دانه ..أرجوج ..لاتصعبين الأمور وتهولينها لي هالدرجة ..
دانه أحس أن حياتي ضاعت .. طول عمري أنا وأمي الله يرحمها كنا عايشين متطمنين ..ما همنا حد ..من توفت وأنا حياتي ضاعت ..صرت المربية الرسمية لعيال احواني وبناتهم ..انا موب معصبة من هالشي ..بالعكس ..على الأقل ..عيال اخواني رغم أنهم أكبر مني يحبوني وأنا أموت بترابهم ..والبنات نفس الشي ..لكن ..أنا اللي ضعت . دايم ..من مكان لمكان شايله هالشنطه ...لاهم راضين يرحموني ..ولاراضين رحمة الله تنزل ..ندمت على قرارت وايد ما اتخذتها ..لو أني متزوجة عامر؟؟ لو أني رضيت بخالد أيام ما كانت أمي تحن علي بالزواج منه ؟ يمكن كان أحسن لي من هالضياع اللي أنا فيه الحين ؟
*****************************
فهد خالد ..شفيك ؟
خالد لا ..ما في شي ..شلون الزواج معاك ؟
فهد لو أدري ..كان أجلته أربع سنوات ولا خمس ...الالتزام صعب ..
خالد كلكم تقولون جي ..لكن لو رد بكم الزمان كان تزوجتوا بنفس العمر ..
فهد خلص غداك ... لي متى بتظل تطالع في هالجوال ؟
خالد ناطر مسج .
فهد عذرا للتطفل ..من مين ؟
خالد من المدام ..
فهد آه ..المدام اللي في باغي ؟
خالد في باريس ..وي .
فهد وشاللي يخليك متأكد أنها هالحين في باغي مع هالوجوه السنعه والمناظر السنعه ..تفكر تطرش لج مسج؟
خالد شافت أشياء حلوة ..أكيد بتتذكرني ..
فهد يا غرورك يا خي ..مصدق نفسك .
خالد تنكر أني أجمل منك ؟؟ وأوسم وأحلى ولو شافتني مرتك تتحسر على زواجها منك ؟؟
فهد بس بس ..
خالد ناهيك لو عرفت أني دكتور ..
فهد خلاص ..فهمت !!! وصلت الفكرة ..
خالد ما أبي أمدح نفسي ..
فهد للحينك ما مدحت نفسك ؟؟ شباقي بعد تمدحه ..
خالد وايد ..ما بمدحلك شعري وعيوني ولا ملابسي ولا أخلاقي ..ولا سيارتي ..
فهد باااااااااااااااااااس ..يا أخي والله فهمنا ... وصل الحجي ..بس ..اكرمنا بسكوتك ..الله يهني مدامتتك فيك ..
طبعا خالد كان ناطر المسج من دانة ...موب من بدور ..
فهد خالد . .. ادفع الحساب .
خالد كالعاده ماتغير فيك هالطبع الشين .
فهد شسوي ..مفلس .وآخر الشهر بعيد .
خالد ارحمني يا أخي وراي عرس بيكسر ظهري من مصاريفه ..وكافي دافع مهر ميتين ألف للمدام .
فهد الله ,....ميتين ألف ؟؟ ششاري فيلا ؟؟
خالد لا ولا حتى بيت شعبي ....الفلل هاليومين بمليون وطالع...
فهد يا بني ..ماذا فعلت بك الأيام ليرتسم الحزن على ملامحك بقسوة؟ ؟
خالد فعلت ما فعلت ..لين الحين تتذكر المسرحيات ؟
فهد وأنا أقدر أنسى .. يمكن أشتغل ممثل ..

قصص غريبه
خالد ممثل ؟
فهد عندي الموهبة ...وبعدين..المربح أكثر .
خالد خل نقوم .. برجع البيت أضبط أموري .
فهد يالله ..
دفع فهد الحساب وعصب يوم خالد طلع بوكه ..وقال له انه ما كان يقصد إلا انه يمزح .
*****************
كانت دانه في غرفتها ..مرت غرفة تركي .. لكنه كان طالع ..ابتسمت ..أخيرا تركي شوي خفف من عزلته . من عرف شلة حسن وهو كل يوم معاهم ..
البنات طالعات للسيتي سنتر .. حست بضيج ..طلعت من غرفتها وتمت في الصالة تقلب في قنوات الريسيفر ..
طالعت الغرفة اللي حبس فيها ضاحي نفسه .. حست بضيج أكثر . .بعد شوي تروح مع ضاحي لأمه .. ياترى شبتقول لها ؟؟ واذا سئلتها عن الحياة هنا شبتقول ؟؟
في ايش سرحانه ؟؟
التفت ..وعدلت شيلتها ..
أنا زوجج ..تعدلين شيلتج مني ؟
دانه .......
نزلت راسها الدانه ..
لها الدرجة ما تبين تطلين في ويههي ؟
دانه لا ..موب القصد .. بس ..
ضاحي اتصلت فيني قمر ..وقالت لي أن أمي يات . وطلبت مني أييبج معاي ..اوكي ؟
دانه أوكي ..
ضاحي وشفيج بالقطارة تتكلمين ؟؟
دانه مافي شي ..
ضاحي زين قومي بدلي ثيابج ..بنروح الحين .
دانه الحين ؟
ضاحي عيل متى ؟؟ الساعة خمس ونص ..
دانه زين ..
طبعا كلماته خاليا من أي لون أو مشاعر ..كان يكلمها مثل ما يكلم قمر ولا هدى ..ماحست أنه ملتزم ناحيتها بشي ..
قفلت باب القسم .. وظل ضاحي برا ..وكانت تبي تروح غرفتها ..لكنها لقت الغرفة اللي كانت دايم مقفولة مفتوحة .. ما قاومت فضولها ..ودخلت .
طبعا ..غرفة ما فيها أي لمسات ..جرداء .. سرير واحد..كبير مع شرشف أبيض ..ومكتب كبير عليه أوراق وايد كثيرة ..الشي الوحيد اللي حست فيه حياة كان قلاس ماي فيه وردة فل وحده ..حتى الوردة مسودة شوي ..وريحتها شوي خفيفه ...ليش كان قافلها ؟؟ مافيها أي شي ..حتى خزانه مافيها !!طالعت الأوراق اللي على المكتب .. كانت معاملات .. بس ..أو مسودات ..يعني شغله .. والادراج مافيها شي غير أوراق ..عصبت ..مافي في الغرفة غير كرسي .. واحد ..غرفته تقريبا لاتكلمت فيها ..شو تكلمت ..لا تنفست بقوة بتسمع صدى نفسها..الأرض سراميك مشجر ..لونه باهت .وماعليه إلا قطعه سجاد صغيرة ..
حتى الستارة .. كانت بيضا باهته ..
طالعت الأرض .. كانت شنطته على الأرض ..ما منعت نفسها من أنها تفتحها ..بس ما كان فيها شي . غرفة فاضية باهته .. ليش يقفلها ؟؟
شالسر يا ضاحي ؟ كان في تلفون وفاكس على المكتب .. ولاب توب .. اللاب توب موصول بالنت ..
فتحته بشويش .. وشيكت الإيميلات المفتوحة .. ماكان فيها شي .. كلها من أشخاص .. أجانب . وكلها دعوات وأمور رسمية . عصبت .. شالسر ؟
صكت اللاب توب . رمت بجسمها على السرير .. ومسكت المخده وحظنتها بقوة ..
حست بقهر .. خل تطلع ..لايرجع ضاحي .. أول ماكانت تبي ترجع المخده ..انصدمت ....
كانت صور وايد تحت المخده .. ما مسكت دمعتها .. كان ضاحي مع وحده .. بسيطة .. باهته .. جمالها بسيط موب اللي يشد .. وشعر بني .. بس الصور تبين شي ثاني .ضاحي يضحك .. معاها .. وله صورة شايلها .. وصورة ياكلون مع بعض سندويتشات .. ويده كله على خصرها .. وصور لها وهي تضحك .. وهي تصارخ .. شي واحد كانت متأكده منه الدانه .. أنه ضاحي هذا اللي في الصور ..موب نفسه ضاحي اللي برا !!
الللي في الصور ..انسان ..ملامح ويهه تنطق أنه سعيد .. وفرحان .. مافيها أي قبح .. وهالانسانه اللي معاه ..فرحانه أكثر منه .. وهذا يعني أنهم يحبون بعض.. طالعت الصور وخلفيتها .. ما كان مكتوب شي .. طالعت ملامح ضاحي .. كان شخص وسيم في هالصور.. أول مرة تشوفه وهو يضحك .. موب معصب . ولا عاقد حواجبه بطريقة مزعجة.. ولا نظراته نارية مثل ماهي هالحين.. رجعت الصور مكانها .. ورتبت المخده مثل ما كانت وطلعت برا الغرفة ورجعت الباب مثل ما كان . فتحت باب القسم .. ودخلت غرفتها .. وقفلت الباب .. دخلت الحمام .
((مستحيل .. مستحيل .. شالحظ الردي .. شالحياة التعيسة ؟؟ حتى في زواجي ماني موفقة .. آآآآآآآآه يايمه .. ليش دعيتي علي ؟؟ ليش متي وأنتي موب راضية عني .. ليش يا يمه ليش ؟؟؟؟ ((
دخلت تحت الدش وفرغت كل الي في قلبها من دموع ..
*************
في السيارة شتبين أحط لج أغاني ؟
دانه ما أبي شي ..
(حتى راعي المطعم أو البقالة يكلمني بطريقة محترمة أكثر منه ,,(
كانت دانه مكثره من هالمكياج وضاحي كان كل مرة يطالعها مستغرب ..
ضاحي شالحمار اللي في ويهج ؟؟
دانه أسمه بلاشر ..أحمر خدود ..
ضاحي وليش مكثر منه ؟
دانه أنا حاطته بشكل عادي لاني مكثرة ولاشي ..
ضاحي زين ليش معصبة جي ؟
دانه موب معصبة .
ضاحي شيلي منه .. تراج مبالغه وايد ..
دانه حاضر .. طلعت البودرة وخففت شوي ..
ضاحي مع أنه يبي له تخفيف .. بس جي أهون ..
(شيبني ؟؟ أشبه ذي اللي معاه في الصور ؟ أكون شاحبه وباهته ؟؟ (
كانت دانه لأول مرة تحط مكياج وايد كثير .. والروج غمجته وايد .. (كان أحمر فاقع . مطلعها وايد أكبر من عمرها مع أنه وايد حلو .. (
مر محل حلويات .. وشل معاه صحنين بقلاوة وبسبوسه .. وكنافة ..
كان طول الطريج ساكت .. وهي بس تطالع من الدريشة . كاتمه غضبها وعصبيتها ..
وصلت البيت .. سلمت على أم ضاحي ,.,
أم ضاحي هلا بأم سبسب .
دانه .................... ؟ هلا فيج ..
(الدانه على بالها أن عمتها تسبها .. وما حبت تكون قليلة أدب وترد ..(
قمر يدتي .. شاللي قلتيه لعمتي ؟؟ مسبة ؟؟
ضاحي كان منزل راسه .. ودانه ما طالعت له ...ناطره الإجابة من عمتها أم ريلها ..
أم ضاحي كان أمها الله يرحمها تناديها جيه .. وهي صغيرة ..
قمر وشيعني أم سبب ؟؟
؟أم ضاحي والله أنكم بنات هاليومين ماتعرفون شي .. أم سبسب ..موب أم سبب .. و ينادون به البنات اللي شعرهم ناعم ..
ابتسمت دانه ..
قمر يعني أنا أم سبسب بعد ..
أم ضاحي لا يا يده ..أنتي الخوص ..
قمر what ?
أم ضاحي وطوطج الدهر .. أم سبسب اللي شعرها ناعم وايد .. والخوص اللي شعرها ناعم بس عادي .
قمر يدتي المفروض تشتغلين في شركة شامبو .. علشان تحددين أنواع الشعر لهم,,
ضحكووا الكل على قمر ..
ضاحي يوزي يا قمر عن يدتج ..
قمر يا خالي .. المفروض أنك تزوجت المفروض تفج من هالعقدة ..
ضاحي أي عقده ؟
قمر اللي بين حواجبك ..
ابتسمت دانه لما ضحك شوي ..
قمر عمتي ..تعالي معاي المطبخ .. أشوف الطباخ شسوى .
البست الدانه شيلتها .. وكانت لابسة دراعة من اليشمك ..لونها أحمر غامج.. وايد حلو والشك اللي عليها وايد حلو ..
في المطبخ ..
قمر اووووه.. شالكشخه عمه . .. ماعهدناج تكثرين مكياج ..
دانه تزووجنا . وتغيرنا ..
وصل للدانه مسج ..
((أقول دانه .. مريني بكره )) حمد .
دانه طرشت ( وعليكم السلام وين أمرك ؟؟ في بيت ناصر ؟ (
وصل مسج ثاني (( عيل وين ؟؟ ((
حست دانه أن حمد . شوي معصب .. أو في شي مضايقة .. ماطرشت له مسج .. ردت لقمر ..
شالعشا اليوم ؟
قمر طابخ أشياء عادية .. بس قلت له يسوي لي دجاج ايطالي .. لي ولج ..
دانه اوكي .. العرس قرب .. خلص فستانج ..
قمر ليش أنا ما قلت لج ؟
دانه لا .. ما قلت .. ايش ؟؟
قمر يعني قلت لليلى .. مممممم .. ما راح أحضر العرس ..
دانه شلون ؟؟
قمر ما أقدر أحضر .. إذا حضرته بموت ..
دانه لكن .. هذي أختج !!!الوحيده .. التوأم .. مابتحضرين عرسها ؟؟
قمر عرسها بيكون جنازتي ... ما بقدر أحضر ..noo way !
دانه قمر .. تخيلي البدور .. تخيليها واقفة هناك تبي أقرب الناس لها .. واللي هي أنت تكون بقربها .. يوم عرسها ..
قمر أنتي وعبير تكفن وتوفون .. وبعدين ..البدور أصلا ما تبيني أحضر عرسها على كل حال ..
دانه هي قالت لج جي ؟
قمر لا .. بس من فترة موب قريبة .. قالت لي يوم عرسها .. أنا بخرب عليها .. لأن بنكون نشبه بعض وايد .. فما في مجال . .. وأنا بسوي نفسي مريضة ..أو أي شي ثاني ..
دانه قمر .. ما ..
قمر دانه ...بدور أي سبب انشاءالله أحذف نفسي على الدري وأكسر ريولي .. ولا أحضره ..
وصل مسج لدانه ..
((تعال .. اليوم .. أنتي وين أيي آخذج ((
طرشت دانه ((في بيت نايف .. معزومة ..ما أقدر أيي بكره أشوفك ((
وصل مسج ثاني (بمر بيت عمي خلال خمس دقايق أبي أشوفج))
دانه (( حمد .ما أقدر ام ضاحي وضاحي رجعوا من السفر ((
حمد (( مو مشكله بكلم ضاحي وبقوله جهزي عباتج ((
دانة شفيه هذا ؟؟
قمر من ؟؟
دانه حمد .. ما أدري شفيه متحرقص .. يبي يي ويآخذني ..
قمر كلميه في التلفون ..
دانه صج والله .. ليش ما أكلمه .
دقت عليه .. لكن ما رد ..
دانه لين ما يي .. يصير خير .. قمر .. نرجع .. لازم تحضرين .
قمر دانه لاتحاولين . ماني حاضرة العرس .. وأحسن شي أنهم بيسافرون لمدة ست شهور ..
دانه ست شهور ؟؟
قمر اييه .. خالد يبي يكمل دراسته ويتخصص جراحة قلب .. في أمريكا .. وبدور وايد مستانسه .. أميركا .. her dream,
دانه زين ما فكرت .. بعدين ؟؟ لما يرجعون من أمريكا .. زوج أختج .. لازم تكلمينه .. تسلمين عليه ..
قمر دانه ,, لاتنسين .. الغلطة غلطته ..موب غلطتي ..وأنا بتصرف كأن ولا شي كان .
دانة أتمنى تتحسن الأمور .. والقلوب تصفى .
دخل ضاحي شايل بيده عباة وشنطة دانه ،،
حمد ينطرج برا ..
انصدمت دانه .. ياب شنطتها وعباتها لين عندها ؟؟
دانه زين .
ضاحي أنا بروح البيت بعد العشا .. .. خلي يوصلج لين هناك ..
دانه انشاءالله ..
راح ضاحي للمجلس .
قمر شفيكم تتكلمون جي كأن بينكم ثار ؟
دانه مافي شي ..
ودخلت الدانه للصالة .. وكانت أم ضاحي موجوده ..
دانه عمتي .. والله ما ودي أتركج بروحج ..بس ولد أخوي يبيني في موضوع .. بحاول ما بتأخر .. بس برجع لين هنا ..
أم ضاحي الحين بنتي تيي .. ما بظل بروحي .. لاتخافين علي يا يمه .. روحي .. بحفظ الله ..
البست عباتها وطلعت ..
دخلت السيارة ما بتنزل تسلم ؟
حمد مشي هالمكياج من على ويهج يلا ..
دانه انزل سلم على عمك وريل عمتك ..
حمد لاحق .. الأيام جدامي وايد ..
طلعت دانه منديل مزيل للمكياج .. ومشت الروج والبلاشر وشوي من مكياج العيون .. ورتبته ببودر خفيف . وحطت غشوتها على وجهها ..
حرك حمد .. وطلع من البيت بسرعه ..
دانه شوي شوي حمد .. ليش طاير ؟؟؟
حمد ولد أخوج ..
دانه عاد أي واحد ماشاء الله ما أكثرهم ..
حمد من غيره ؟؟
حست دانه أنه يتكلم عن خالد ..
دانه خالد ؟
التفت لها معصب .. بس تحس أن في زعل وايد في عيونه ..
دانه قال لك ؟؟
حمد اييه ..
سكتت .. لكنها ما قدرت تمسك دموعها ..
حمد ليش ما قال من أول ؟
دانه شتبيه يقول ؟ أنا مريض وأبي أموت ؟؟ شتبيه يقول ؟؟ وهو نفسه مو قادر يستوعب هالفكرة .
حمد ........................ .. الغبي .. سألت الدكتور .. ويقول كل يوم .. يمر يمكن يشكل خطر عليه إذا ما تعالج ..
دانه أدري .. قال لي موب زين له اذا تأخر . لكنه .. يبي يفرح أهله فيه .. ويتزوج ..
حمد يا شين العذر ويا ويهه ... لما يطيب يرجع يتزوج ..
دانه امل نجاح العملية .. 50% بس .. يعني يا إي .. يا لاء ..
حمد ما أقدر أنطر أسبوعين .. خلي يسافر هالحين ..
دانه حمد ..
حمد شذنب خطيبته تترمل امبجر ؟؟
دانه اسم الله على عمره فال الله ولا فالك ...يا حمار ..
حمد ليش يخدعها ؟
دانه هو ما خدعها .. هي رضت بكامل ارادتها .. هو قبل لا يتقدم لها .. طلب مني أسألها .. وهي وافقت ..
حمد بس ..
دانه حمد .. خالد ما قال لك .. إلا وهو محتاج مساعدتك .. أرجوك حمد .. نفذ له كل الي يبيه ..أرجوك ..
رجعت في الليل .. ودخلت غرفتها وقفلت الباب .. مطنشه ضاحي .. اللي كان بره .. يقرأ جريده ..
اليوم الثاني صحت من النوم .. ويوم طلعت من الغرفة .. لقت ورقة نوته على بابها ..
(سافرت بنغلاديش .. عندي شغل (
دانه وايد عليك ..
دخلت الغرفة وصكت الباب قوة ..
******************
دانه بخمسة وعشرين ألف دولار ؟؟ هذا ؟؟
بدور اييه .. من شانيل ..
دانه هذا ؟؟؟؟؟؟؟؟؟؟؟
كان فستان بدور ناااااااااعم .. تقريبا التطريز اللي فيه بسيط ..وجيبونه بسيط شوي .. والطرحة غريبه من الدانتيل الفرنسي .. تقريبا .. من النوعية اللي تلبسها الاميريكيات .. ظهره في اكسات بسيطة .. الكتفين مطرزين بدانتيل بسييييييييييط .. كان حلو.. بس ناعم واااايد .. .موب فستان عرس ... فستان سهرة وايد عليه ..
دانه وايد حلو ,,
بدور اخترته .. علشان بعد عشرين سنة تلبسه بنتي ..
ليلى الظاهر يالبدور تشوفين أفلام أجنبية وايد .. نشوف بنتج إذا رضت تلبسه ولا لاء ..
عبير ما تدرين .. يمكن بنتها تشوفه متكلف وايد .. وتشتري واحد أبسط منه بخمسين ألف دولار ...
ابتسموا البنات ...
البدور كيفها .. تبي تلبسه ولا لاء .. بس أنا متأكده أني بلبسه كل شهر لخالد ..
دانه ها يا عبير .. جهزتي الدخلة ..
عبير اييه ... ييت أناديكم ..
بدور أخيرا ..
دانه شالموسيقى الغريبة اللي مختارتها ؟؟
بدور موسيقى أحبها .. بس ها عبير .. لما يدخل خالد أغنية تونايت مالت ويست لايف اوكي ؟؟
عبير انشاء الله ....
ضبطت نفسها البدور .. ووقفت عند الباب ..
دانه تبين أساعدج ؟؟
بدور أبي هاللحظة كاملة لي .. أنا بس .. الكاميرا تركز بس علي ..
ضاحي ما اتصل ولا قال متى يرجع.. دانه كانت لابسة فستان مشمشي .. وكان متداخل معاه ألوان وايد .. كان شكلها طالع وايد حلو وفاتحة شعرها على طولة.. ومنيرة راجعة شباب .. عشر سنوات أصغر .. الظاهر مسوية عمليات شد ومد ,,
قمر طلعت لها حجة غريبة علشان ما تحضر العرس ..
((اسهال شديد ..جرثومة ..!!!!!!!!! ((
بدور ما اعترضت .. حست الدانه أن بدور استانست وايد .. أن قمر ما تحضر .. ومحد يقدر يلوم أي وحده منهم ..
ليلى كانت واقفة حزينة.. لابسة فستان أسود ناعم .. وشعرها مرول .. وميكب بسيط ..
دانه شفيج ؟؟
ليلى الأسبوع اللي ياي أنا بكون بمكانها ..
دانه وهالشي يخليج مكتئبه ؟؟
ليلى بالعكس .. يخوفني .. شوفي البدور شلون واثقة من نفسها .. حتى ما أسألت أحد شكلي حلو ولا لاء .. لو أنا بمكانها .. كان شلت منظرة في يدي بس علشان أتأكد أن الكحل ما ساح من الدمع ..
دانه لا تستعجلين على رزقج .. قريب بتعرفين ..
مر العرس هادي ... منيرة نقطت بنتها وهي فرحانة .. ولا كأن بنتها بتسافر بعد ساعات لمكان بعيد لمده بعيده ..ودانه .. شايل همها اكثر منها ...
*****************
خالد يبتسم لربعه .. اللي يتكلمون معاه وينكتون عليه ... أنه معرس ..
فارس اي خالد .. بعد الليلة مابنشوفك لين ست شهور .. ؟ هذا أطول شهر عسل سمعت فيه صراحه ..
خالد أحب أكون سباق للأمور ... الموضة اللي يايه شهر العسل برا البلاد لست شهور ..
حمد الله يخليك .. تونا ما تزوجنا .. لاتروج لهالفكرة ..
فارس يمكن هذا السبب الوحيد اللي يخليني أحمد الله أني تزوجت مبجر .. ولا .. أميركا ست شهور بتخليني مديون لين عشرين سنة جدام ..
خالد عقبال الباقي ..
حمد وحسن لا أرجوك ..شوف النسيب ..
خالد أي نسيب ؟؟
حمد ضاحي .. أبوه يا من زمان ..
خالد ما قدر يمنع نفسه من التنهد.. كان انسان واثق من نفسه .. ويهه فيه وسامة بسيطة .. بس موب مثل أول مرة شافه خالد .. كان مسنع العارض.. قبل كانت لحيته أطول وشواربه مسنعها ..
يا وسلم على خالد .. وعلى الشباب بعدين راح ويلس عند أبوه .. وسولف معاه شوي ..
بهرته بدور .. كانت طالعه حلوة وايد .. ببساطة ..
بعد ما قصوا الكيك .. وصوروا مع بعض .. اطلعوا للسويت اللي حاجزه نايف لبنته ..
الدانة ودعت البدور .. بعيد عن خالد .. خصوصا بعد آخر مسج منه ..
..
هدى دانه ,,, ضاحي اتصل فيني وقال لي أنه ناطرج برا .. أنا بروح مع أمي ..
دانه ضاحي رد من السفر ؟
هدى اييه ..
طالعت دانه ليلى ..
ليلى ............... روحي ..
دانه بس .. ما ..
ليلى أنا بروح مع الدريول .. ما عليج مني .. روحي لريلج ..
دانه ............ ما أدري شلون بواجهه ؟؟
المعت دمعة في عيون الدانه ..
تواجهين من ؟؟
كانت عبير تسأل دانه ..
دانه ابتسمت محد .. كنا نتكلم عن خالد .. خطيب ليلى ..
عبير دانه شفيج زعلانه ؟
دانه ما في شي .. عن اذنكم ضاحي ينطر برا ..
اتصلت دانه بقمر ..
قمر هلا .. خلص العرس ؟؟
دانه تقريبا .. شلون الاسهال معاج ؟؟
قمر قوي ..ههههههه...
حست الدانه أن قمر تصيح ..
دانه زين .. بكلمج في الليل ..
قمر ليش ؟؟
دانه ضاحي ينطرني ..
قمر متى يا من السفر ؟؟
دانه ما أدري .. قبل العرس ماكان موجود .. متى ..
حست دانه أنها لو تكلمت ع ضاحي كأنه ما تعرف شي عنه ( وهي ما تعرف شي عنه (بتشك قمر .
دانه كلمته أمس .. وقال لي ما بيرجع لين أسبوع .. باي ..
قمر باي .
دخلت السيارة وصكت الباب بعصبية ..
ضاحي وعليكم السلام .
لفت ويهها بعيد عنه ..
ضاحي برنسيسه ديانا .. ليش معصبة .
قالها بطريقة احتقار وسخرية ..
لفت له الدانه .. وكانت عيونها مليانه دموع .. طالعت له بكره .. ولفت ويهها مرة ثانية .. وقالت ..
بسببك.. صرت طول اليوم بس أكذب.. صرت أتنفس كذب بسببك.. كل اللي يسألني .. أكذب.. كل ما أتكلم أكذب ..حرام عليك .. حرام عليك ..
حطت غشوتها على ويهها ولفت ويهها ..ولا سمعت كلمة منه لين اوصلوا البيت نزلت بسرعه.. وراحت غرفتها وصكت الباب.. حذفت عباتها وارتمت على السرير.. ودموعها على ويهها أربع أربع .. فجأة تراكمت عليها الأحزان والهموم .. .. فتح الباب ..
ضاحي دانه ..
رفعت نفسها الدانه .. وحاولت تمسح دموعها .. تلخطت يدينها بالكحل والشادو .. رجعت شعرها لورى ,,
دانه ضاحي .. طلقني .. أرجوك .. الواضح أني ما أعجبك .. وأنا .. ما أقدر أتجمل زياده .. طلقني.. لو سمحت .. أنا تعبت .. تعبت ..
كانت نظرات ضاحي لها .. غريبة .. انهارت دانه في هالليلة ..
ضاحي خلاص
انقبض قلب الدانه .. وطالعت له بخوف ورعب ..
*********************
خالد بدور .. شفيج ؟؟
بدور الكلبة الحمارة ..
خالد من ؟؟
بدور الكوافيرة حرقت لي شعري .. الحقيرة ..
خالد ها ؟؟؟
بدور خالد .. لحين تروح وتيب لي حمام زيت .. فاشكول .
خالد ايش ؟؟ هي يا ميينونه .. من وين أييب لج حمام زيت الساعة وحده الصبح ..
بدور مالي شغل .. ماني طالعة من هنا لين تيب لي حمام زيت فاشكول .. شعري صار جاف وايد ..
خالد موب مشكلة .. بكرة آخذج للصالون .... بس يلا .. لاتحبسين نفسج داخل ..
بدور والله ماني طالعة من هنا لين تيب لي فاشكول ..
خالد انبوج من وين أييبه لج ؟؟
بدور في صيدلية ولا كارفور ..
خالد أنتي من صجج تبيني أروح كارفور ؟؟
بدور فديتك يا خالد .. يا خالد .. شعري بيحترق اذا خليته جي الكلبة الكوافيرة ..
خالد زين ..
نزل خالد وهو معصب من الفندق .. وهو يلعن اليوم اللي فكر فيه بالزواج يعني لازم تتسبح ؟؟ لازم ويا ويهها ؟؟
ومن أقرب صيدلية .. اشترى له واحد ..
خذي ..
بدور بس هذا موب فاشكول ..
خالد بعصبية بدووووووور ..
بدور خلاص ..يكفي ويوفي .. تسلم يا عمري ..
بعد ربع ساعة .. طلعت . وكان شكلها روعة .. شعرها كان مبلل .. نازل على ويهها نساه كل تعبه .. وعصبيته ,,

قصص غريبه
الحلقه الرابعه عشر


دانه يعني ما صدقت تبي تطلقني ؟؟ خلاص ..
ضاحي صرخ فيها أنت شتبين بالضبط ؟؟ أنا ما فهمت .. تبين الطلاق ؟ ولا ما تبينه ؟؟
دانه أبي حل .. سواء كان بالطلاق ولاغيره ..
ضاحي صفق الباب وراه وطلع ..
ارجعت دانه وحذفت نفسها على السرير ..
((قلوبنا ما اجتمعت يوم حتى نزعل .. من عرفنا بعض عرفنا الفراق
حياتي وشبابي وأيام عمري تذبل .. وما بتضرنا زياده كلمة طلاق .. ((
ما بتترك السالفة تمر مرور الكرام .. طلعت من الغرفة يوم اوصلت الغرفة ..
((حبيبتي . .. (( وضحك ,,
احتبست الدموع أكثر في عيون الدانه .. ودخلت لغرفتها وصكت الباب بقوة.. رسالة منها لضاحي .. أنها اسمعته.. وانهارت تبجي لين نامت بدموعها ..
صحت الصبح .. وهي دايخة .. ما تدري شصاير لها ..
خذت ثواني يلا تذكرت ..بس هي ما نامت بهالوضعية.. من غطاها ؟؟ والدنيا حر موب برد؟؟ لحظة من فتح التكييف؟؟
طلعت برا الغرفة بعد ما تأكدت أن شكلها مضبوط مع ان الكحل .. ملطخ ويهها ويدينها ..
ما كان ضاحي موجود .. رجعت الغرفة خذت لها دش سريع .
(حرام عليه .. حرام عليه.. يالله انهرت خلال شهر من زواجي مع أني ما شفته إلا يومين بس!!ان ما كانوا ثلاث من يوم تزوجته لين اليوم .. (
**
(صباح الخير (
قالت له البدور وهي تبتسم .
خالد- صباح النور .
كانت كشخت لبست بدله وايد حلوة وسوت شعرها تسريحه ناعمه وويه طالع منور .
خالد – طالعه تهبلين شالحلاة كلها؟
بدور – عيونك الحلوة يلا بدل ملابسك علشان نروح بيتكم.
خالد-ليش كم الساعه؟
بدور – عشر ونص ....
خالد- كنا تاخرنا؟
بدور – امي اتصلت فيني من ساعه وقالت تعالوا قبل آذان الظهر .
قام خالد وهو يطالع بدور بحب كانت صج روعه والاحلى انها ماصحته من النوم ولا حس فيها مع ان نومه خفيف..
خالد – زين يالبدر ماقلتي لي تريقتي ولا لا؟
البدور – شلون اتريق بدونك يا عيوني ؟
خالد – تسلم عيونج... شكلج وايد روعة ..
البدور عجبتك صج؟
خالد تهبلين ..
البدور وصيت على الريوق .. وورد ..
انصدم خالد من البدور .. ماكانت سيئة بالمرة.. بالعكس .. حس أنها راقية .. رغم أنها مدللة ولا تعرف شيء غير السوق وهالخرابيط ..
البدور حبيبي لاتنسى أنك نمت أمس بلا عشا ..
تذكر خالد سالفة حمام الزيت عقد حواجبه .. ضحكت بدور .. وفهمت اللي في باله ..
بدور مستحيل في أول ليله بينا أطلع لك بشعر جاف متقصف ومحترق .. ارجوك خالد .. لاتمسكها علي حجة ..
ضحك خالد ..
خلاص .. بنسى ..
وصل الريوق ووصل الورد .. انتعش خالد بدش سريع .. وبريحة الورد ومنظره .. كان الورد لونه مشمشي وفيه ورد الربيع الأبيض .. .. يمشي لونه مع بدلة البدور المشمشية والأنيقة ..
********
البست بدلة خضرا غامجه.. وحطت مكياج خفيف وأخذت الشيله الدانتيل البيضا .. من بيآخذها لقمر؟؟
طلعت مرة ثانية .. وما كان ضاحي موجود .. اطلعت للبنات .. مالقتهم في غرفتهم ..
دونا دونا ..
يات الخدامة الفلبينيه ..
دونا يس مدام؟
وين البنات؟
دونا قو ..لييف..
دانه زين ... في حد من السواقين هنا؟؟ راجو ؟؟ عبدالرزاق ؟؟كومارور ؟؟ شوفير ؟؟
دونا مافي مدام ..يروح يجيب أغراض ..ليف اوي ..
البست دانه عباتها وطلعت عند السيارات مالقت إلا سيارة وحده وهي سيارة فيصل .. اكتئبت .. اتصلت بضاحي لكنه مصكر جواله .. رجعت للطابق الثاني وتمت تنطر ..
*************
خالد يلا ؟
بدور حاضر.. طلعت البدور وهي لابسة عبايتها وحاطة الشيلة بطريقة مستهترة على كتوفها ..
خالد بتطلعين جي؟
بدور ايي .. ليه ؟؟
خالد البسي شيلتج عدل ورديها على ويهج ..
بدور لا خالد لاتقول لي انك منهم .. حرام عليك ..
خالد بدور .. من من ؟؟
بدور أنا حلوة مافي شي يخليك تستحي أني أمشي جنبك؟
خالد بدور .. السالفة موب سالفة مستحى منج.. أنا ما أحب الشباب ولا الناس يشوفون ويهه زوجتي .. وأنا أخواتي كلهم يتغطون .. وأبي زوجتي تتغطى ..
بدور انزين .. ردت الشيلة على ويهها بعد ما ضبطت الشيلة ..
طلعوا من الفندق ..
بدور متى بنسافر؟
خالد اليوم المغرب انشاء الله . أسبوعين شهر عسل وبعدين ببدأ دوامي .
بدور يعني مابدخل لا جامعه ولا معهد ؟؟
خالد تقريبا ..
بدور موب مشكله المهم راحتك انت .. وخليني أشبع من أمريكا .. خلصت تأشيرتنا وجوازاتنا؟
خالد اييه ؟؟ أنا وأنت ابكرة نكون في امريكا .
بدور لاتنسى سيلينا ..
خالد من سيلينا؟
بدور خدامتي .. لاتقول أنك نسيت تسوي لها تأشيره .
خالد أصلا ما أدري أنها بتروح معانا !
بدور لاياخالد .. ما أقدر أستغني عن سيلينا .. هي الخدامة الوحيده اللي صج تريحني ..
خالد لارحت هناك بيب لج خدامة ..
بدور .......
خالد خلاص .. بنوصل بعد عشر دقايق لبيت أهلي .. تبين بداييتها تكون زعل ونكد ؟
بدور خلاص .. مابزعل .. حط شي اغنية أو ..أي شي ؟؟
حط خالد اغنية لراشد الماجد ...استانست عليها البدور ..
*************
بعد نص ساعة من النطرة ملت ... وتعبت . اتصلت في حمد ولقته في شغله.. واتصلت في حسن ولقته في الجامعه هو وسلمان ..وخالد في شغله .. تمت في حيره .. أخوانها هالحين أكيد في بيت ناصر .. بيت خالهم ..
شتسوين هنا؟
التفت الدانه لفيصل ..آخر شخص تبي تشوفه في هالبيت ..
دانه ناطره حد من السواقين يآخذني ..
فيصل وين ؟
دانه بيت نايف أخوي .
اكتمت دانه نفسها .. تحاول تخفف اضطرابها وخوفها من هالانسان السوق اللي حتىما اعتذر من آخر موقف صار بينهم ..
فيصل
أوصلج؟
حست دانه بشعر جسمها وقف .. فيصل يوصلني؟؟ وشفيها حماي .. بس .. لا . يمكن .. طالعت له الدانه مضطربه وخايفه اوكي ..
كانت تبي تيلس ورى .. لكنه فتح الباب اللي جدام بس ..
فيصل صراحه .. ماتوقعت ضاحي يرضى يتزوج.. بس لما شفتج ,, صراحه عذرته ,,
ماعرفت الدانه شتقول . فظلت ساكته ..
فيصل بتمرين قمر ؟
دانه اييه ..
فيصل زين .. هذي أول مرة تركبين معاي ما بتشربين فيها عصير جاي ؟؟
دانه ليش داخله بيتك ولا سيارتك ؟
فيصل لا بس القصد نعزمج على شي .. نمر مندرين نشرب عصير؟
دانه مندرين بعيد وأنا ما أشتهي شي ..بس مشكور على كل حال .. ليش سرعتك ثمانين ؟؟ أنا مستعيله لازم أروح بيت خالي بعد ما أطلع من قمر .
فيصل تبين أوصلج؟
دانه لا مشكور . بروح مع قمر ..
حط فيصل أغاني مو طبيعيه .. ما عجبت دانه نصها ريمكسات أجنبية مزعجه تدوخ .. ونصها آغاني لخالد وايد رومانسية.. ما أعجبتها ..
فجأة الصقت دانه على الباب مثل زيهوي .. مد فيصل يده وكان يبي يفتح الدرج اللي جدامها بحجة يدور شي .
فيصل ليش خايفه مني ؟
دانه لا .. بس .. جفلت .
أخذ فيصل عطره من الدرج .. ورش على ثيابه بطريقه عشوائية .. وحاش الدانه من عطره اللي كان صج مركز .. ويخنق ..
فيصل تبين عطر ؟
دانه( اوريدي ترستني عطر ) لا..
وكانت لازقة في الباب .. بعيد عنه.. وهي موب مرتاحه بالمرة .. راجو سواقها من يوديه في مطاريش بدون ما تدري ؟؟ وليش ؟
فيصل وصلنا بيت قمر ..
نزلت دانه بسرعه من السياره وقالت شكرا .. أول ما ادخلت شافت قمر في الصاله ..
دانه اسلام ..
قمر هلا عمة ..
وسلمت عليها وكانت شايله بيدها قلاس نسكافيه ورافعه شعرها بطريقه مبهدله .نصه منسدل ونصه مرتفع بدون تسريح.. ولابسه بجامة بيضا واسعه عليها .. ما تعودت دانه تشوف قمر بهالبهدله .. تعودت عليها في قمة بهدلتها تكون مسرحه شعرها ولابسه بيجامه حرير حلوه ..
قمر عمتي ؟؟ شالعطر الرجالي المركز؟؟ أكيد خالي ضاحي سلفج اياه ...هههه
دانه لا والله .. هذا خالج فيصل اليوم وصلني ورش لعمره عطر وحاشني طشار منه ..
قمر العطر مركز ..
دانه أدري .. يخنق .. وين خدامتج..
قمر في المطبخ ليش؟
دانه تآخذ عباتي وشيلتي وتغسلهم من هالعطر .. على ما تجهزين .
قمر أجهز؟
دانه بنروح نودع البدور وخالد .. وهشش .وبدون كلام ..
قمر أنا قلت لمي اني تعبانه .. وماني رايحه ..
دانه يالخبول .. عرس أختج الوحيده وفوتيه ..
قمر وهي مستانسه .. خلاص .
دانه نادي خدامتج..
قمر سيلينا .. سيلينا ..
يات الخدامه من المطبخ .. وقالت لها دانه تغسل عباتها وشيلتها وتكويهم ..
قمر أسلفج عباة من عندي ..
دانه يستحب صراحه .. عطر خالج يدوخ الراس .. وموب عاجبني ..
قمر زين .. ألبس أحسن ماعندي وأكشخ؟
دانه .. تصرفي مثل طبيعتج .. أنت الصبح تحطين مكياج خفيف مع بدله بسيطه .. أو أنيقة ..
قمر عمتي .. شسوي لا شفته ؟؟
ضحكت دانه ..
قمر ليش تضحكين؟
دانه أنتي من صجج؟؟ كم مرة شفتيه مرة ؟؟ مرتين ؟؟ وهو أصلا مايفرق بينج وبين أختج ؟؟ سلمي عليه عادي .. وكأن مافي شي .. لاتدمرين كرامتج بنظراتج الذايبة وكلامج المعسول ..
قمر آآآآآه ياعمتي .. صج ماشفته إلا مرتين .. بس كنت أفكر فيه كل ليله .. كل ليله . كل لحظة .. كل ثانية ...
دانه من هاللحظة .. اعتبري أن ماشي صاير .. ببساطة .. انسي ..
طالعت قمر عمتها.. وهزت راسها موافقة ..
*****************
نايف خالد ..يالنسيب .. ما أوصيك على بنتي ..
خالد مايحتاج توصيه ..
ضاحي وين هي البدور ؟؟ بكلمها ..
خالد داخل ..خل دانه تسووي لك درب ..
ضاحي دانه مايات.. يمكن تيي بعد شوي .
خالد انتبه لارتباك ضاحي .. وقال الحين اناديها لك ..
استغرب خالد.. ليش دانه ما يات؟؟ وطلع من الديوانية دخل الصالة وكان متأكد أن محد موجود وأن الحريم في صالة الحريم .. دخلت دانه وقمر الصاله ..
دانه السلام عليكم .
خالد وعليكم السلام..
طالع خالد قمر .. اللي ماكانت مغطية ويهها .. واشتبه لحظة بإنها بدور .. بس تذكر أن بدور داخل ..
قمر شلونك خالد؟
طبعا خالد كان شوي مرتبك من الشبه بين البنتين .. طالع اللي مغطية ويها .. بخير ..
نزلت دانه غشوتها عن ويهها ..وفي هللحظة رف قلب خالد .. ونزل راسه على طول .
شخبارج يالدانه؟
دانه الحمدالله .. شخبارك أنت ؟؟
خالد الحمدالله .. داانه.. ريلج يبي يشوف بدور ويسلم عليها .. ناديها لين هنا .. ماعليج أمر ..
اضطربت دانه .. ضاحي هنا؟؟
دانه انزين .. يلا قمر ..
سحبت دانه قمر بطريقه خفيفه .. وسحبتها لين الممر ودخلوا صالة الحريم .. سلموا على الكل .. ومالقوا بدور ..
دانه وين بدور ؟؟
عايشه في غرفتها تستريح ..
مسكت دانه قمر وسحبتها فوق لازم تسلم على بدور ..
دانه امسكي نفسج ..
قمر زين ..
كان ويهه قمر مخطوف .. وباين أنها مرتبكه ..
دانه تشييز ..
قمر تشييز ..
دخلوا لبدور بعد ما طقوا الباب ..
بثواني كنها سنين .. سلمت قمر على بدور وباركت لها وطلعت بحجة انها تعبانه ومريضه ..
طلعت دانه وراها على طول ..
دانه وين رايحه ؟
قمر دام خالي ضاحي هنا أنا برجع البيت .. بحجة أني مريضه .. مع السلامة .
كان واضح هروب قمر للدانه .. اللي ماخلت دانه حتى ترد عليها .
رجعت دانه لبدور ..
دانه ها .. شلون خالد معاج ؟
بدور عجيب .. واو . صج فارس الأحلام .. الوسامه واللباقه والرزة والمنصب ..وأمريكا .. وين قمر ؟
دانه راحت البيت .
بدور توقعت .. ما أدري ليش تكرهني ..
دانه لا .. قمر ماتكرهج هذي أختج .
بدور الا .. من الثانوية وهي باطه جبدي .. تبي تستقل عني قالت ايش ما تحب طريقتي وستايلي .. ويوم اشتريت فستاني طالعتني باشمئزاز ولا علقت ,,
دانه بدور .. لاتحطين هالفكرة في مخج .. قمر تموت عليج .. والدليل أنها مرضت لانج بتبتعدين عنها .. وبتصير بروحها ..
بدور تهقين ؟؟
هزت دانه راسها وهي تبارك حق عمرها لموهبة التمثيل الفظيعه اللي صارت تتقنها وهالكذب اللي صار سهل على لسانها مع أنها ماكانت تكذب في حياتها !!
بدور عمتي رغم أنج كنت دايم ترددين أنج تكرهين خالد .. بس كرهج هذا ماله داعي .. خالد وايد حبوب ..
دانه صج؟؟ اووه .. نسيت ..
بدور شنسيتي؟
دانه ضاحي يبي يشوفج تحت في الصاله العوده .. وخذي ..
عطتها دانه علبة مجوهرات فيها اسوارة من الذهب الأبيض والياقوت .. اشترتها كهدية زواج لبدور من أسبوعين ..
بدور تينن .. روعه .. عمتي ليش كلفتي على عمرج ؟؟
دانه تستاهلين .. والحين يلا خالج ناطرج تحت ..
بدور تعالي معاي .. بستحي ..منه ..
ضحكت دانه ..
بدور ليش تضحكين؟
دانه توني أدري أن للحين فيج شوي مستحى ..
بدور لاتخافين هذي نقطه أحتفظ فيها لوقت اللزوم .. يلا .. تعالي ,,
كانت الدانه محتارة شتقول لضاحي ؟؟ بعد ليلة أمس السخيفة ..
*************************
كان خالد مختبص وهو جالس بين ربعه وهله .. صورة دانه خلته يرتجف .. ماحس بشي تجاه قمر .. لكن ليش قلبه قبض لما شاف الدانه ؟؟
ضاحي من رجعت لين هالحين ماتكلمت .. ها .. فضيت الدرب ؟؟
خالد بتناديها دانه ..
ضاحي دانه ؟؟ هي يات ؟
خالد اييه ..تو دخلت مع قمر .
سكت ضاحي شوي ..
رن تلفون خالد .. ورد ..
بدور حبيبي وين خالي ؟
خالد الحين بيدخل ..مع السلامة .
صكر من بدور والتفت لضاحي ..
روح للصالة اللي داخل على طول ..
حس خالد أن ضاحي متردد .. لكن احساسه خيبه لان ضاحي قام على طول ودخل الصاله .
طبعا دانه اضطربت لما دخل ضاحي وسلم وكان طبيعي ..
ضاحي شلونج يالبدور شحالج ؟؟
بدور بخير يا خالي .. وأنت شخبارك ؟؟
ضاحي الحمدالله .

قصص غريبه
حست الدانه أنه بدور لايقة لخالد تماما .. الإثنين من الصنف الأناني .. اللي ما يفكر إلا في مصلحته . وما يهمه إلا نفسه .. طالعتها وهي تتكلم مع ضاحي .. صدمها أن بدور وضاحي علاقتهم ممتازة مع بعض .. تذكرت عيال أخوانها وابتسمت .. تذكرتهم واشتاقت لهم .. تذكرت أياام عرسها .. يوم عرضوا عليها مساعداتهم ..
(صج حمير اشتقت لهم .. ما يسألون الحمير .(
بدور خالي .. كافي عمتي أهدتني هديه ليه كلف على عمرك؟؟
ضاحي لا .. أي تكليف .. بنت أختي وتستاهلين .. وموب كليوم تعرسين .
التفت دانه لضاحي اللي قال لها ..
يلا دانه نروح ؟؟
بدور وين رايحيين عمتي وين رايحين خالي ؟؟ أنا محتاجه لعمتي اليوم .. تعال وخذها المغرب بكون سافرت ..
دانه وريلج يالفالحه وين بتحطينه بينحرج من وجودي ..
بدور موب ذيك المرة ظليتي شهر هنا ؟؟ ما أشوفه انحرج ؟؟
ماحبت الدانه نظرات ضاحي ..
ماكان في البيت .. كان في الشغل لين آخر الليل وأنا في المدرسة طول اليوم.. الوضع غير .. بعدين توكم عرسان ..
قامت دانه وخذت شنطتها ..
ضاحي موب مشكله .. دانه خلج هنا برجع بعد ساعتين وآخذج ..
ماحبت دانه نبرة ضاحي ..
بدور تسلم لي يا خالي ..
وباسته على خده بقوة ..
طلع ضاحي ودانه كانت معصبه ..
بدور شفيج ؟؟
دانه ولا شي .. نروح نيلس ويا الحريم ؟؟
بدور وش نسوي مع العياييز ؟؟ تعالي غرفتي ..
طول ساعه ودانه تسمع هذرة البدور عن العرس وكأنها موب موجوده وعن خالد الجنتلمان ووالوسيم ..
بدور عمتي تدرين الكوافيره الحماره ليش حرقت شعري ؟
دانه يمكن لأنج أمس كنت صج لئيمة معاها ..
بدور حماره ما تفهم شسوي لها ؟؟
دانه في أسلوب للتعامل .. حتى لو كانت فلبينيه حمارة مثل سيلينا .
بدور حتى أنتي تقولين عن سيلينا حمارة .. فشرايج في هذيك الكوافيرة السخيفة ؟؟
دانه والله أنا وأنتي مال يندرى نهايتنا شلون .. أمهات المستقبل ..
بدور وناسه .. تزوجنا مبجر أنا وأنتي ومايفصلنا أقل من شهر .. وبتتزوج ليلى من خالد .. بعد أقل من أسبوع .. خسارة ما بحضر عرسها .
دانه المفروض تجي اليوم . ما أدري ليش أبطت ..
**************************
رجعت الدانه مع منى وبناتها .. مع الدريول .. بعد ما نساها ضاحي أكثر من أربع ساعات .. ودعت فيهم البدور ..
عايشه وناسه خوات خالد .. العنود وعبير .. صج حبوبات ..
هدى حسافه أن عبير بتتزوج .. وإلا خطبناها لفيصلوه علشان تسنعه ..
منى بس يا بنات .. عن هالكلام الفاضي اللي لايودي ولا ييب ..
هدى دانه .. بتسافرين مع ضاحي ؟
دانه لاء .. من قال ؟؟
هدى سمعت ضاحي يقول كلام ..
دانه بس أنا عندي دوام في الجامعه .. ولا نسيتوا ..
عايشه غريبه .. مع أن ضاحي اليوم الصبح ذكر شي عن سفركم ..
لا ياربي .. آخر شي أبيه .. مشكله جديده مع ضاحي ..
دخلت البيت على طول .. وعلى طول لغرفتها ..
فتحت الباب وكان ضاحي يالس يقرأ جريده ..
دانه السلام عليكم .
وعليكم ..
دانه وين بنسافر ؟
..................
دانه أنا بدخل الجامعة . ما بقدر أسافر ..
ضاحي (يتأفف ) شوفي دانه أنا مليت من هالحال ..
دانه أنا الي مليت من هالحال .. كله بره ومسافر ..
ضاحي بعصبية ..
شقصدج ؟؟ أنت لين هالحين مصرة على الطلاق ؟؟
دانه بتعب ..
ما عرفت صراحه.. ضاحي دامك ما تبيني ليش تزوجتني ؟؟ ليش عايش في هالمسرحية السخيفة ؟؟ دامني ما أعجبك طلقني ..
ضاحي ومن قال أنج .................
دانه بعصبية زين ليش عايفني ؟؟ ليش ؟؟
ضاحي ما أدري من اللي عايف من .. ما أدري من اللي نام يوم العرس .. وما أدري من اللي يقفل باب غرفته كل ليله ..
دانه حرام عليك أنا ما شفتك إلا ثلاث أيام؟ أنت حتى كلمة طيبة ما تكلمني.. أصحى الصبح وألاقي نوته على الباب.. كأنك ملزوم فيني غصب ..
دخلت دانه غرفتها وهي غرقانه بدموعها .. ملت من شعور المنبوذ اللي تمر فيه .. قطت شيلتها على السرير ومسحت المكياج اللي على ويهها .. ودخلت تتسبح.. على الأقل في تقدم .. في مصارحه ..
وبعد ساعتين, كسرت كل شيء لقته جدامها .. وطالعت النوته اللي في يدها (( بسافر برجع بعد شهر ((
كرهت هالحياة اللي عايشتها .. وحلفت أول ما يي بتطلب منه الطلاق .
************************
كانت فرحانه صج .. كانت صج مستانسه .. شافها وهي تناقز يمين وشمال .. في المجمعات ..وتشتري كل شي يعجبها ولا هامها هالفلوس اللي تعب فيهاا ..
خالد بدور .. خل نطلع من هالمولات قبل لا أفلس ..
بدور حرام خالد .. خل نستانس ..
خالد عمري .. صار لنا أسبوع هنا .. وأكثر شي سويناه هو الحواطه في المولات .. ماتعبتي ؟؟ جدامنا ست شهور .. لا تملين بسرعه ..
بدور أميركا تنمل وبسرعه ؟؟ مستحييييل أغرب الأشياء موجوده هنا .. تعال نتمشى ..
خالد تعبت من جو المدينه .. وقبل لاتبدأ دراستي . خل نتمشى في الأرياف وعلى البحر ..
بدور نترك هالحضارة ونروح للمستنقعات .؟؟ نو واي ..
خالد زين أنا ريولي تعبت .. نروح ندور لنا مطعم نآكل فيه ..
بدور زين .. بس نرجع بعدين ..
خالد امشي .. وليش ما تلبسين الحجاب ؟؟ ليسه مخليته كنه شال ؟
بدور خالد .. إذا لبسته الكل يبحلق فيني .. أنا حاطته على راسي .. وهذا كافي ..
عصب خالد .. بدور الظاهر ما عندها أي التزام .. بس كان يحبها .. أي يحب البدور .. كانت تسليه وايد وتضحك دايم معاه .. وتفهمه بسرعه مايحتاج مدرسين علشان يشرح لها موقفه .. (والا كانت تتظاهر أنها تفهم وهي ماتعرف شالسالفه .. بس هالشي بعد حلو (
خالد وين غبتي ؟؟
بدور كنت أتفرج على هالبوت .. عاجبني وايد ..
خالد تعالي أعتقد اشتريتي ثلاث منه .. امشي المطعم موب بعيد ..
تمشوا في الشوارع الزحمة ...كانت ماسكه يده وتبتسم ..
خالد شمناسبة هالابتسامة ؟؟
بدور بس .. مستانسه ..كان حلم حياتي أيي هنا أامريكا .. وأتمشى فيها وأنا فرحانه ..
خالد زين .. على الأقل أنج مستانسه ..
بدور ما كنت أتخيل أني أتزوج بهالسرعة ..
خالد صحيح ؟؟
بدور خالد لاتسكت ...أرجوك .. ما تلاحظ أني أنا كله أتكلم؟
خالد شتبيني أقول ..
بدور تكلم عن كل شي .. كل شي .. شيعجبك من مايعجبك ششعورك ؟؟ شتفكر فيه ؟؟ شودك تسوي ؟؟ لاتسكت ..
خالد حاليا ريولي تعورني والمطعم بعيد ..
بدور شرايك نروح مكدونالد؟
خالد ما أحب أكل مكدونالد ..
بدور بيتزا .. في بيتزا للنباتيين .. وأنا أحبها ..
خالد وين هاذي؟
بدور ما أدري .. ههههههههههه ..
خالد قربنا من المطعم .. امشي نآكل ..
بدور اعجبتك ملابسي؟
خالد وايد حلوة ,,حبيت الجاكيتات اللي اشتريتيها ..
بدور صج؟ توقعتك تكرهها ..
طالع خالد بدور اللي كانت مطلعه شي من شعرها على ويهها وصابغته بلون فاتح وايد .. ولابسه جاكيت طويل بيج تحته تنورة طويله وبوت بني ..ولابسه نظارة بيجيه ..
خالد شفيج على البيج كل شي لابسته بيج؟
بدور احب هاللون .. حلو علي ...
كان حلو عليها خصوصا ان بشرتها قمحيه ...وماشيه مع اللون ..
***********
رن التلفون عند رآسها ..
ألو ..
قمر هاي ..
دانه أهلين ..
قمر عمتي بتروحين الليلة ليلة الحنا ؟؟
دانه اييه ..
قمر أمرج .
دانه لا ..
قمر اوكي ..
ليلى االليلة بتتحنى ,, حست الدانه بضيج ..لانها ماطلعت من غرفتها طول هالاسبوع الا لحظات بسيطه ..
شافت ويهها في المنظرة ..هالهالات السود حول عيونها وهالتعب اللي مبين في ويهها ..
حطت شوي باودر .. وشوي كحل .. وطلعت لابسه عباتها من الغرفة .. لبيت ليلى .. .تذكرت خالد ولد اخوها.. لما شافتها آخر مرة يوم العرس .. كان صج شكله تعبان .. هانت ... بكره يسافرون برا .. ويكمل علاجه ..
رن تلفونها ..
حمد عمتي .
دانه هلا حمد ..
حمد وين أنتي الحين ؟
دانه انا في الهلتون .. وين يعني بروح ليلة الحنا ..
حمد زين أنا متضايق .. وين أروح ؟؟
دانه حمد .. حبيبي .. اطلع وتمشا .. حط بالك على عمرك . .. هذا عرس أخوك ..
حمد دانه .. شقول لبوي ؟؟ عن سفري بكره ؟
دانه لاتسافر بكره .. سافر اللي بعده..
حمد أنا ما حجزت لين هالحين .. شكلي بروح بعدهم بيومين ..
دانه حل مناسب .. شخبارك؟
حمد توني قلت لج كل شي .. تبيني أعيد ؟؟
دانه وحسن وينه ؟؟ وصالح ومشعل وسلمان ؟؟ وين هالشيوخ ؟
حمد قبل كانت الشقة هي اللي تجمعنا .. الحين .. كل واحد مادري عن الثاني ..
دانه وبوك شخباره ؟
حمد يسأل عنج .. يقول أسبوعين ما شافج ..
دانه انشاء الله أشوفه باجر . تآمر على شي ؟؟
حمد لاسلامتج . مع السلامة .
حست الدانه بضيق حمد.. وزاد ضيقها زياده .. هالأسبوع ..بالنسبة لها كان حجيم من المعاناة النفسية .. كانت شايله هم خالد وليلى .. وشايله هم ضاحي وهي ..وتتهرب من أسئلة قمر الكثيرة .. وزادها هالحين المسكين حمد .. المسكين .. شكله ضايق صج..
******************
بدور الأكل عجيب .........
خالد أول مرة يعجبج الأكل .. ماعجبج أول الأيام ..
بدور شوف هالبنت .. تقريبا موب لابسه ثوب ..
خالد ما أحب أتفرج ..
بدور اييه .. حبيبي .. كون جي دايم .. لاتناظر البنات .. وأنا كنت أقص عليك .. مافي أي بنت جيه ..
خالد أدري .. لأن هالمطعم راقي .. ومايدخل إلا ببدله رسمية وملابس محترمة لليدي ..
ضحكت بدور ..
والله أنك موب هين ..
خالد متى بنطلع من الفندق ؟؟
بدور متى ما تبي ..
خالد شي واحد يخليني متعاجز .. شنطج الكثيرة ..
ضحكت بدور حنا هنا لست شهور موب ليومين .. هذي الأشياء كلها بحتاجها ..
خالد بس أنا بلتزم بدراستي .. وبننحبس في البيت طول الوقت .
بدور حشى مصري ..
خالد صدقيني يا بدور .. أنا من النوع اللي لامسكت وركزت في كتاب ما أهده لو انطبقت الدنيا على الأرض ..ولا شلون برايج صرت طبيب ؟؟
بدور لاتقول .. بننحبس في البيت ؟؟
خالد لا .. مو دايم . أوعدج أني أحاول أفضى لج دايم ..
بدور بكره ..بكره هو ؟؟ أييه بكره عرس ولد عمي خالد ..
خالد ولد ناصر ؟
بدور اييه.. كان ودي أحضر أشوف زوجته .. كانت معانا في المدرسة .. تصدق أنا وعمتي وولد عمي في نفس السنة تزوجنا ؟؟ وووووووناسه ..
خالد اييه ..
بدور خالد .. متى بتقول لي كلام حب ؟؟
خالد لما أتعلمه وأحفظه .. هههههههههه ..
ماعجب بدور هالكلام ما أدري ليش يتخيل لي دايم أني أرمي نفسي عليك .. أحس أني .. جليلة حيا ..
ابتسم خالد واي أنتي .. ههههههههههه
ابتسمت بدور ..
***********************
ليلى يا عمري .. يالدانه ..
الدانه يعني أتخيله هالحين وأنا في قمة أحزاني مع حبيبته ولا زوجته يستانس عندها وحاذفني هنا ولا كرسي قديم .. ولا طاوله مالها داعي ..
ليلى هدي يالدانه .. هدي أعصابج .
دانه ما أقدر .. خلاص كل شي تراكم كل شي صار أسود.. ما أقدر أتنفس .. قلبي مهموم بخالد .. وعمليته.. وأفكاري ..كلها لو رجع ضاحي وطلقني.. وين أروح؟ بيت مين ؟؟ بيت تايف مستحيل .. أنا طالعه من هناك مطروده.. واذا طلقني اخوها بتزيد الكراهيه .. بيت ناصر .. ناصر بس يسمع كلمة طلاق يشوتني برا ويتبرى مني .. سعود ولا ثامر ؟؟ اذا وجودهم في حياتي عدم .. شلون بكون في حياتهم ؟؟
انهارت الدانه بدموعها ..
ليلى حضنتها .. وحاولت تهديها ..
ليلى آآآآآآه يالدانه . ..يا قلبي .. شكثر تعانين ولاحد حاس فيج ..
دانه أدري أن هذا ليله الحنا .. بس ماقدرت يا ليلى أكتم اللي في قلبي ..
ليلى أي ليله حنا الله يهداج ..أنا وأنتي نعرف زين اللي في القلوب .. نعرف بالضبط اللي بنواجهه بكره من مصايب ..ومشاكل .. بس انتي حافظي على دعائج لله .. ان تنفرج كل هالمآسي ..
ماقدرت دانه تمسك دموعها أكثر .. وانهارت في حضن ليلىة الي كانت ماسكه عمرها .. بس انهارتن هي الثانية .. وتموا يبجون خوف من امستقبل مظلم جدامهم .
كانت ليلى محتاجة تفرغ اللي في قلبها من دموع علشان ما تتراكم وراها دموع أقوى ..
رجعت دانه للبيت بعد ليلة الحنا وهي مهمومة .. وكملت دموعها .. على مخدتها .. ما قدرت تكتم .. طول الليل تبجي .. قامت وتوضت وصلت ركعتين وتمت تدعي الله أن يفرج كربتها ويقوم خالد بالسلامة ..
تقريبا الليل كله كانت تدعي وتصيح ..
******************
كانت لابسه فستان أسود .. ومكياج خفيف .. ورفعت شعرها في تسريحه بسيطه ..
كانت الأغاني تدور .. والبنات مسوين عروض تحدي بين بعض ..
ما يات ليلى لين هالحين .. كانت دانه يالسه على الطاولة المخصصة للأهل وهي تنتظر .. كان ودها تشوف خالد.. لكنه طلع من الصبح .. كانت قمر بأحلى طلة ..وبنات ناصر الصغار ماشاء الله عليهم لهم نصيب في الجمال .. كانت دانه ماسكة بيدها قلاس عصير وتتفرج.. وكالعادة منيرة آخر صرعه.. لابسه فستان فوشي.. وطالعه كنها أخت قمر موب أمها ..
هناء في عرس ولدها البست ثوب من الشك اليدوي المذهب الغالي.. والبست الشيله والبطولة .. وكحلت عيونها .. كان الجو وايد حلو .. والطقاقات والنقوط كان صج متعوب عليه ..
منيرة ماتقومين ترقصين يالدانه ؟
دانه ماقدر .. تعبانه شوي ..
منيرة لايكون حامل ؟؟
دانه لا .. تو الناس .. مأجل هالفكرة شوي ..
منيرة عيل قومي ارقصي .. وشاللون اللي لابسته ؟؟ شنو ماعندج فلوس تشترين فستان راهي ؟؟
دانه عندي .. بس أنا حبيت هالفستان ..
منيرة ماعندج سالفة ..
حست دانه صج أن ماعندها سالفة .. لو شافها خالد بيزعل أنها لابسة هالفستان..
ركضت لقمر ..
قمر هلا عمة .
دانه يبتي فستانج الثاني ..
قمر اييه يبته على الفاضي .. .. قلت أبدل .. بس الكوافيره حماره مارضت تضبل علشان تغير اللوك ..
دانه خلاص .. عطيني اياه ألبسه .. شلونه؟
قمر بتغطين علي يا عمتي .. لونه أحمر لون دم الغزال .. ماشي مع مكياجج .. بساعدج في لبسه ..
دخلت لغرفة التبديل وبدلت الفستان . اللي كان ملبيان أشرطة .. بس شكله صج راهي ..
قمر نزلي شعرج ...
دانه ........ اوكي نزليه ..
فتحت دانه شعرها .. وكان مرتب وايد .. وطلعت فله ..
ضبطت لها قمر شوي لمسات .. وطلعوا للناس .. اللي انبهروا بشكل دانه .. قمر كانت لابسه فستان كوكتيل فيروزي وايد راهي وحلو ..وقصير شوي من جدام .. والمكياج مطلعها حلوة وايد ..
منيرة اييه .. جيبه .. على الأقل الناس تقول مرت ضاحي حلوة شوي ولو بثوب قمر ..
قمر يمه عمتي ماشاءالله تهبل .. و هي اللي محليه الثوب موب الثوب محليها ..
كان الأحمر طالع صارخ بالنسبة لبشرتها الببضا ..ومخليها جنان .. دانه بينها وبين نفسها كانت تهدي نفسها .. وتحاول أنها ترقص .. علشان خالد وليلى.. وكانت فكرة غلط يوم البست اللون الأسود الساده ..
ارقصت خفيف مع قمر .. وشوي شوي رقصة تجر رقصة .. خصوصا أن معظم رفيجاتهم موجودات .. وكانوا يموتون على ليلى .. وناطرينها على نار .. وارقصوا بنات وايد ..
رن جوال الدانه .. كانت أم ليلى تقول لها أن ليلى وصلت .. طالعت دانه الساعة كانت عشر ونص ..
وعلى موسيقى هاديه
اخطي بخطوة غالية يالليل الهادي ..
اخطي بقلوب الناس وغلاهم لج وفرحهم ..
اخطي بحفظ ربي يا روعة أعيادي ..
يا أحلى عروس يا أجمل وأحلى وردهم ..
يحفظج ربي يالزين عن عين الحساد..
يحفظج يا غالية دوم بسلامة وسط قلبهم ..
ياليلى يالعذبة ياساكنة بالقلب والفؤاد ...
ربي يسعدج في ظل خالد بعيد عن عينهم .
كانت ليلى تدخل بهدوء وشكلها كان صج روعة فستانها كان وايد حلو كوكتيل مع شرايط على اليدين .. وكانت منزلة راسها شوي.. ومع الشعر.. كان دخولها صج رومنسي .. والورد اللي يحذفونه خزاتها جدامها .. استانست الدانه .. مهما كان اللي يخبيه بكره .. مالازم نخليه يسيطر على فرحتنا اليوم ..
كانت هناء صج مستانسة .. لان شكل ليلى كان وايد روعه ..
بعد ما اوصلت ليلى لكرسيها وارتاحت من بحلقة الحريم فيها .. ابتدت منافسة الرقص .. وكل البنات من بينهم قمر كانوا كله يباركون لليلى ويرقصون لها ..
طلعت دانه .. تبارك لليلى ..
ليلى بغيت أصيح لما شفت مفاجئتج ..
دانه محاولة فاشلة .. أتمنى تكون أعجبتج؟؟
ليلى الشعر يجنن .. يجنن .. وكانت الموسيقى اللي معاه واللي يلقيه صج مسوين جو ..
دانه هذا مشروع من زمان فكرت فيه .. أتمنى أعجبتج هديتي ..
ليلى لا تمنين علي فيها .. بس خذي لاشريط وعطيه أمي تحطه بين أغراضي.. كانت أحلى هدية أهداني اياها حد .
دانه عن الجذب .. موب كانت القلادة اللي اعطاج اياها خالد أحلى هدية ..
اكتبت دانه هالأبيات تهديها لليلى .. حبت تكون دخلتها غير .. شي يليق بها .. لقت وايد أشعار للزفات بسم ليلى .. بس حبتها تكون خاصة بليلى بس .. فألفت لها هالأبيات البسيطة . .. رقصت دانه مع البنات ..
وبعد ساعة وربع دخلوا الرياييل .. كانوا أهل ليلى وناصر وخالد وكل خوانه طلعوا أهل ليلى .. فصعدت دانه وسلمت على خالد .. وهي كاتمة دمعتها غصب ..كان ويهه شاحب شوي .. ماقدرت تضمه حيل ..
خالد فضحتيني يالحمارة ..
دانه خلودي .. لاتنسى شسويت يوم عرسي .
خالد شكلج وايد حلو ..
حذفت دانه العباة .. وحطت الشيلة على كتوفها ورقصت مع الشباب عيال أخوانها ..
حسن ماشاء الله يا دانه .. تطيحين القمر من السما ..
دانه استح ..
حسن أيووه يالأحمر ..
كان الوحيد اللي وقف مكتئب هو حمد .. راحت له الدانه ..وهمست في أذنه ..
))موب كل يوم يعرس خالد ..افرد هالويهه ((
ابتسم حمد .. لما رقصت دانه جنبه ..
وهمست مرة ثانية )) البنات كلهم يطالعونك ..يقووولون من هالشي الحليوه))
حمد لا ..احذفيني من القائمة .. مافي زواج .
دانه متأكد ؟؟
طلعوا الشباب .. وتم خالد مع زوجته يصورون .. صورت معاهم الدانه ..
قمر شكنت تقولين لحمد ؟
دانه ماكان لها خلق لأسئلة قمر قلت له متى تخطب قمر؟؟
عصبت قمر وراحت بعيد عن دانه ..
ما قدرت تمسح دموعها وهي تودع خالد وليلى اللي طيارتهم الفجر ..
لاول مرة تكسر خاطرها هناء .. المسكينه الفرحانه وهي ماتدري شالسالفة .. بس هذا كان أحسن الحلول ..بدل ما يعيش خالد هله في حيرة ووألم .خلى السالفة بكتمان .. علشان محد يشيل همه . وهناء وناصر رغم مساوؤهم .. بس عندهم أولادهم بالدنيا .. ومرة بغى ناصر يروح فيها علشان حادث صار لحمد ..طلع منه الأخير بسلامة .
****************************
رجعت الفجر .. وكانت صج في حالة هلاك من الصياح والبجي .. وصلتها منيرة وراحت ..
وخشمها وايد أحمر وعيونها بعد .. طلعت على طول للطابق الثاني ..
طلع من غرفة ..
امم ريحة البخور غاوية ..
وقفت دانه وهي تحاول تمسك أنفاسها ..
الله على الأحمر .. جنان .
حاولت دانه تغطي فستانها بعباتها .. وحست أن شعرها طلع من ربكتها فدخلته ..
فيصل تبي شي ؟؟
فيصل قلاس جاي ..
دانه الخدامة يت معاي .. وهي تحت اطلب منها .. عن اذنك ..
بسألج سؤال ..
دانه نعم ؟
فيصل قرب منها وهي حاولت تبعد عنه ..
فيصل شيعجبج في ضاحي ؟؟؟
ابعدت دانه أكثر ..
ما أعتقد يخصك ..
فيصل الأحمر يينن عليج .. طالعه ..
دانه عن اذنك ..
كملت دانه طريجها لغرفتها واستغربت أن الباب مفتوح ..
وانصدمت لما لقت ضاحي واقف .. وشافت نظرات غضب مو طبيعيه في عيونه ..
دانه ييت متى ؟؟
ضاحي أكيد قبلج بوايد ..
صكرت دانه الباب وقطت العباة على الكرسي .. وفردت شعرها ودخلت غرفتها ولحقها ضاحي ..
ولج عين ..
دانه ما ردت .. مسكت المشط ومشطت فيه شعرها ..
ضاحي ردي علي .. شتسوين؟؟
دانه ماتشوفني أمشط شعري ؟؟
عصب ضاحي عليها وحست دانه بعصبيته وقررت تتجاهله ...
لكنها تفاجئت بيد تمسك شعرها بقوة و.............
هزتها الصدمة لما شافت شعرها بين يدينه .. رفعت يدها تمسكه .. ماكان موجود..حذف شعرها على الأرض .. تناثر شعرها الطويل على الأرض .. أخرستها الصدمة .. ودموعها جرت على خدودها بدون رادع ..
حاولت تنطق .. بس ماقدرت ..
ضاحي ايش كنتي تسوين ويا فيصل ؟؟؟
دانه نطقت بعد جهد وهي ترجف ..
طلب مني جاي .. بس .. وقلت ...له ..الخدامه تحت ..
نزلت على ركبها ودموعها تساقط على الأرض تجمع شعرها الي نثره في كل مكان ..
وكل ذره في جسمها مجروحه ومصدومة .. حذف المقص الكبير الحديد على الأرض .. بقوة .. وصرخ فيها ما تطلعين من غرفتج سمعتي ؟؟
وأخذ المفتاح وطلع وقفل الباب .. دانه ماقدرت إلا تبجي .. وتبجي ..
دقايق إلا سمعت صراخ بره .. قامت لين عند الباب .. وسمعت ..
تركي ليش تصارخ جي؟
ضاحي قلت لك شتبي في الدانه ؟؟
تركي مو أنا أبيها .. يبيها حمد ..
ضاحي حمد ؟؟ ومنو هذا بعد ؟؟ اكملت.. على الكل ..فيصل وأنت وحمد .. متزوج مارلين مونرو.. وأنا ما أدري ..
ارتجفت دانه من كلام ضاحي .. وحست بخناجر تطعنها ..
صرخ تركي هييه.. شالكلام الماصخ ؟؟ حمد ولد أخوها يبي يكلمها تحت.. شفيك موب صاحي ؟؟ ودانه أكبر من هالكلام السخيف اللي تقوله .. بقوله أنها نايمه ..
طلت دانه من فتحة الباب.. وشافت تركي يطلع وهو يدز كرسيه غصب.. انهارت .. خلاص .. دموعها اليوم مابتوقف.. العنت اللحظة اللي تزوجت فيها .. والعنت خالد ونايف وفيصل وناصر . وحظها الخايس ومنيرة وهناء.. دقايق .. وتسمع صوت ربكه بره وتدافع ..
ردت تطل من الفتحة .. كان ضاحي وباين أنه حاكر حد يكلمه بعصبية ..
حطت اذونها على الباب تتسمع ..
كل الي طلبته منها قلاس جاي ..
ضاحي سمعت كل كلامك الماصخ .. لاتنكر ..
فيصل هدني الحين والا أفضحك عدل جدام مرتك وأطلع كل المتخبي وبلاويك..
ضاحي أنت تهددني ؟؟ أنت ؟؟ من قال لك أني خايف منك ؟؟ ومن قال أنك هزيت شعرة مني ؟؟ اسمع يا فيصل.. كلمة ورد غطاها .. ابعد عن مرتي .. سمعت ؟؟ وانقل غرفتك الطابق اللي تحت ولاعاد توطوط هنا مرة ثانية ..
حذف فيصل بره وصك الباب بقوة في ويهه.. وراح للغرفة مالته ..طالعت دانه شعرها . اللي تناثر على الأرض .. وظلت تجمعه وترتبه .. ودموعها مع كل شعره تمسكها تنزل.. لفت الشعر بحجاب.. وحطته في درج وحطت راسها على المخده .. اللي غرقت بدموع القهر والظلم ..

قصص غريبه
الحلقة الخامسه عشر


ما انتهت هالليله .. دانه ماقدرت انها تظل في هالبيت اليوم ..
اتصلت في حمد ..
حمد هلا عمتي .. قالوا لي نايمه ..
دانه حمد .. تعال وخذني من هنا بسرعه ..
وبدت تبجي بقوة ..
حمد دانه شفيج .؟؟؟ دانه .. حد مد يده عليج ؟؟
دانه تعال حمد .. وخل تركي يوصلك لغرفتي بهدوء بدون ضجة ..
صكت التلفون وهي تصيح .. قامت وحطت ملابسها في شنطه كبيرة .
مستحيل تم عنده بعد اليوم مستحيل ..
كانت الساعه خمس ونص الصبح ..الحين الكل نايم عدا تركي اللي يسهر على النت طوال الليل ..
ردت وطالعت شعرها في المنظرة ..قصه كله مره وحده ماخلى شي منه ...شالوحشيه؟؟ ليش ؟؟ شسويت له ؟؟
البست عباتها ...وتمت عند باب الغرفة المقفول عليها ..هالمرة هي اللي بتحط له نوته ..هي اللي بتختفي وتتركه ..مسكت ورقه وقلم وبصابع ترتجف كتبت ..
غيابك هجرك كذبك وخداعك.... خنجر طعن قلبي لكن اخونك؟؟
لالا يالغالي لاتتهمني بطباعك....أنا بنت أصل وأكبر من ظنونك
نطرت دانه لين جوالها دق ...
حمد عمتي كلمت تركي ودخلت البيت ..
دانه حمد اكيد ضاحي نسى باب قسمي مفتوح ادخل وتلاقي في العلبه اللي على الطاوله سبير المفاتيح افتح الغرفة اللي على اليمين بهدوء بدون ضجة الله يخليك...
دقايق وفتح الباب حمد وهو منصدم ..
ليش قفل الباب عليج؟؟
دانه موب وقته ..خل نطلع من هنا بسرعه ..
كانت دانه لابسه شيلتها دخل حمد يشيل الشنطه ..
طلعت لتركي اللي كان عند الباب ..ابتسمت ..
تركش مشكور ..لاتقول لحد انك شفتني طالعه..
تركي ما بترجعين؟؟
دانه تركي .. اللي صار اليوم اكبر من طاقتي ...مع السلامة .
نزلت دانه تحت لسيارة حمد ..اللي بعد دقايق..
ليش ويهج جي ؟؟ ليش تصيحين ؟؟
دانه مافي شي ..
حمد عيل ليش متصله هالحزه فيني؟؟
دانه ابيك توصلني بيت خالي ..وارجوك لاتقول لحد انك خذتني زين؟؟
تمت ساكته طول الطريق...
حمد زين يمكن نايمين..
دانه خالي الصبح يصحى يروح المسيد ,,,
حمد ما بتقولين لي شصار ؟؟
ماتكلمت الدانه.. الحمدالله ان خالد مسافر .. وان مافي في البيت الا عبير وخالها وزوجه خالها ام خالد اللي كانت طيبه وايد معاها .
نزلت من السيارة ونزل حمد ونزل لها الشنطه ..
دانه خلها في الحوش .. وروح الله معاك
كان خالها واقف عند الباب توه راجع من المسيد .. سلم عليه حمد وطلع .. سلمت عليه الدانه ..
ابو خالد دانه ؟؟ شيابج هالحزه ؟؟ وليش يايبه شنطتج معاج ؟
ماقدرت دانه تكتم دموعها .. حضنها خالها .. وهو حاس انها انظلمت.. يعرف الدانه مربيها..وما تنهار الا للشديد القوي ..
دخلها للبيت .. وخذها لغرفة العنود .. وصك الباب .. وتم حاضنها ..
حست دانه انها لقت الحضن اللي تستند عليه .. حست انها هنا بامان مابعده أمان ...
******************
بدور الشقة وايد صغيره ..
خالد صغيره ؟ فيها غرفتين وحمام وصاله صغيره وفي موقف سياره وديكورها وايد حلو ..
بدور تدري غرفتي انا وقمر مع بعض اكبر منها ..
خالد يايبه بيتكم الكبير لهالشقة الصغيره ؟ يالله على قدنا .. بس مالج شغل في جيراننا تراهم ناس يحبون العزله ..
بدور اكيد في بينهم وحده او اثنين عرب ..
خالد في البيت اللي تحت من باكستان .. واللي في الطابق اللي فوق من تونس ..
بدور مافي خليجين ؟؟
خالد فيه في المبنى اللي جنبنا . من الامارات وفي من السعوديه .. بس مثلي طلاب .. عزاب .. يعني خلج بعيده ..
بدور الاثاث مب شي ..
خالد بالعكس .. عاجبني ..
بدور ما احب اللون العنابي ..
خالد يمشي حاله ..
بدور يعني هذا معتقلي الخاص ؟؟
خالد اسمه بيتنا.. وهذا أول بيت بنعيش فيه .. بلا تذمر وزعل .. المسكين هالبواب ..ابتلش في شنطج الكثيره ..
بدور وين بنحط الخدامه ؟؟
خالد الخدامه هنا ماتسكن معانا .. تيي تنظف البيت وتسوي الاكل وتروح أخر النهار لبيتها ..
بدور شأصلها؟؟
خالد مكسيكيه .. فكيني من أسئلتج ..
بدور حلوة ؟؟
خالد وايد . بتشوفينها بعد شوي العصر ..
بدور ياويلك ان كانت حلوة ..
خالد تنهد ودخل الغرف..غرفه منهم مكتب والغرفه الثانية غرفه النوم .. وفي الصاله كان طقم الجلوس مع تلفزيون كبير .. والمطبخ صغير .. بس بدور مابتدخله فماكان له أي داعي . ..
حط ملابسه في خزانته .. وهو يطالع شنط البدور .. وين بتحط ثيابها ؟؟ الغرفه صغيره والخزانه عباره عن غرفه صغيره مترين في متر .. فيها منظرة كبيره على الباب ..
دخلت ..
خالد بتكفي الغرفة لثيابج ؟؟
بدور في غرفتين خزاين .. لاتحط ملابسك هنا حطها في غرفة المكتب .
خالد المكتب فيه غرفه ثياب؟
دانه اييه .. المفروض غرفتين نوم بس انت قلبته مكتب .. ودام المكتب بيكون لك خذ الخزانه ..
نقل خالد ملابسه للخزانه الثانية اللي كانت اصغر من لاولى ...وهو يرتب ملابسه مرته بدور ......
بدور خالد في حد يبيك على الباب ..
خالد طلعتي له جيه ؟؟
كانت البدور لابسه قميص وبنطلون بس من غير حجاب ..
بدور عادي .. حنا في أمريكا .
عصب خالد مره ثانية تلبسين حجابج يامدام ..وماتعدي ريلج هالشقة من غير حجاب .. سمعتي ؟؟
بدور لاتصارخ علي جي .. أنا أبوي اللي هو أبوي عمره ماصرخ علي ..
دخلت للغرفة معصبة .. طلع خالد للي اللي عند الباب .. وكان ريال ياي يركب التلفون.. وحمدالله خالد انه أمريكي .. ومافهم الصراخ اللي كان ..
طالع الغرفة اللي فيها بدور .. نطر العامل لين خلص توصيلات وعطاه رقم التلفون .. وطلع .. دخل خالد وهو متوقع يلاقي البدور تصيح ..
لكنه انصدم لقاها ترتب ملابسها ولا على ملامح ويهها أي تعبير زعل أو غضب .. أأو حتى ندم ..
( الظاهر بدور قوية .. ... أكره هاللحظات .. ماأعرف شقول .. )
وتم ساكت .. واقف عند الباب مايعرف شيقول .. على الاقل لو كانت تصيح كان هون عليها وفهمها الموضوع ببساطه.. لكنها يالسه كن ماشي صاير .. كرامته ماتسمح له يتكلم حرف .. لانها صج صج خلته يعصب ..
بدور خالد بليز شل الشنط للمخزن ..
طبعا هالتصرف خل خالد يبهت .. بس ماقدر الا يشيل الشنط وينسى أن شي صار .. مثل ماتبي بدور .. وخلال دقايق تكلموا عادي كأنه ماشي صار .. ارتاح خالد شوي والتوتر اللي كان بينهم راح .. بس ياترى هل بتنفذ أوامره وتلتزم بالحجاب ؟؟
********************
فتحت عيونها .. طالعة الساعه .. كانت وحده ونص .. تذكرت كل اللي صار وانهارت بالصياح ..
البست شيلتها وراحت الحمام اللي في الممر تغسل ويهها ..شافتها عبير وعرفت انها صاحت اركضت واحضنتها حيل..
لان الدانه غالية عليها وااايد ....وايد ..
عبير ليش ويهج جي .. انصدمت لمنا قال لي ابوي انج هنا من الفير ..
دانه بس خليني اغسل ويهي واتيدد .. وبعدين بقولج
**
بعد ماصلت يلست على السرير ويابت لها عبير ريوق ..
عبير يلا سمي ..
الدانه مالي نفس ..
عبير زين قطي الشيله الدنيا حر ..
دانه خليني لابستها ..
عبير قامت بنية طيبه ونزعت شيليتها .. ووقفت مبهوته .. دانه صاحت..حطت يدها على شعرها تبي تغطيه ..
عبير أمس في الليل ماكان فيه شي ؟؟؟
ماقدرت دانه تقول شصار ..ماقدرت . ..لسبب في نفسها ماحبت انها تقول ..
دانه احترق شعري امس ....وهذا اللي قدرت انقذه ...
عبير لا !!
حضنتها عبير بقوة ...وهي تشهق ..
بعد لحظات من الدموع ...
عبير خلاص هدي ..الحمدالله ماتشوهتي ...الحمدالله النار ماوصلت لراسج كله ..الحمدالله ..ماقلتي لي شلون؟
دانه شمعه ...اعتقد ..ما اذكر ..
العزاء الوحيد اللي بررت فيه دانه كذبها هو انها صج حرقته النار ..بس كانت نار غيرة ضاحي ..
عبير ياعمري ...كلي ..كلي..
دانه مالي نفس ...
دخل خالها ..وانصدم بقصة شعرها ..
بو خالد ليش قصيتي شعرج جي ؟
عبير يبه الدانه بغت تحترق ؟؟بس الحمدالله يا في شعرها النار ..
ماتدري الدانه شلون مرت اللحظات السخيفة اللي صج خالها انصدم فيها واختلقت لها قصة عن خلاف بسيط بينها وبين ضاحي .. وحست أنها وصخه .. ملوثه كذابه .. حقيرة أنها تكذب على ناس تحبهم ..
طلعوا عنها .. والعصر ياتها قمر ..
قمر ياعمري .. ياعمري .. اتصلت فيني عبير ويبت مدام زاكو اللي تقص شعري خصوصا.. هاااااااااااااااااااااااا ااااااااااااااااااه.. لا .. حرام .. ماباقي شي فيه .. لحظة .
نزلت بسرعه ويابت الكوافيرة اللبنانية مدام زاكو ..
قمر أرجوج أنقذي اللي تقدرين تنقذينه .. ماتدرين شقد شعرها كان يهبل ..
استسلمت دانه لمدام زاكو اللي كانت كوافيره لبقة في الكلام ..
بعد ربع ساعه دخلت ام خالد بعد مادرت بالسالفة من عبير .. وواستها بكلمتين .
يا بنتي عيون الناس ماترحم .. أمس كنتي بأحلى طلة لج.. والحريم انهبلوا على شعرج يوم لفحتي به..
تنهدت الدانه.. ياليتها كانت على سالفة الشعر بس ..
دانه عبير اوعديني انت وقمر .. وأنتي ياخالتي ان ماتقولون لحدج اللي صار . أنا بخلي السالفة كأني أنا قصيته متعمده ..
ام خالد اييه يابنتي . أحسن لج والا كل الحريم بيتكلمون عنج .بس الحمدالله ماصار شي لج الحمدالله ..
حست دانه أن ام خالد صج مهتمة لها .. وهي مهتمة لها .. تقريبا
دانه تربت بين بنات ام خالد لما كانت أمها في المستشفى ,,
انتبهت أن مدام زاكو انتهت ..
قمر بالضبط عالموضه ..
دانه صرت كني صبي ..
مدام زاكو بالعكس .. رقبتك مخليتيك ولا ايزابيلا روسيليني ..
دانه ومنو هاذي بعد ؟؟
قمر ايزابيلا روسيليني مرة وحده ؟ ؟؟
دانه من ايزابيلا روسيلايني ..
قمر عارضة أزياء كانت في عمرنا سنة 67.. ولما تشوفينها هالحين .. تحسبين أن حن أكبر منها..
دانه وبئس التشبيه ..
عبير قصتج صج حلوة .. ومثل ماقالت مدام زاكو .. وايد مطلعتج انوثه ..
دانه اكتمت عبراتها .... وما علقت .. مر باقي اليوم هادي .. لكن اللي صج كانت خايفه منه دانه هو انها تفتح جوالها اللي كانت مقفلته ..
تعبت .. خلاص .. مابترجع لهذاك البيت .. ما بترجع .. يا خالها وطق الباب ..
دانه ..
دانه تفضل خالي ..
دخل خالها اللي له مكانه خاصه في قلبها .. لانه من ريحة المرحومة ..
بوخالد كان حنون ... خصوصا على هاليتيمة ..
جلس بقربها .. وبهدوء عجيب ..
دانه .. شصار بينكم ؟؟
تنهدت دانه .. ما قدرت تكبح هالدموع اللي طلعت منها مكتومة بدون صوت ..
بو خالد يا لهنا ضاحي.. بس أنا صرفته.. لان كلامه ماعجبني.. دخل يهاوش ليش تطلعين من البيت من دون اذنه هالخرابيط ..
دانه تحاول تمسك نفسها .. بس لمن بتشتكي ؟؟ لمن بتشتكي ؟؟ كانت تشتكي ليلى ... وليلى خلاص دخلت في عالم من العذاب والألم .. خصوصا أن خالد ازداد تعبه ..
دانه خالي .. خالي أنا مالي حد .. زوجوني به غصب .. وهو حتى موب طايقني!!
انهارت دانه بالصياح في حضن خالها وهي خلاص حست أنها انتهت ..
حاول بو خالد بيد ترتجف أنه يهديها ..
بو خالد اهدي يالدانه .. اهدي .. اهدي يا بوج .. ماعاش من يغصبج على شي ..
دانه ناصر زوجني بضاحي بدون ما ادري ولا اشوفه .. والريال يسافر ويغيب .. ولا كأني موجوده ..تخيل ماشفته الا ثلاث ولا اربع مرات ؟؟ واليوم لما رجعت من العرس الفير .. اتهمني يا خالي .. اتهمني في أخلاقي تصدق يا خالي ؟؟ أنا الدانه بنت حسن يشكك في أخلاقي وكرامتي ؟؟؟؟؟ أنا تربيتك وتربية أختك ؟؟
انهارت الدانه زياده .. وخالها يحاول يهديها ..
بو خالد شلون ؟؟؟ الخايس الحقير .. أنا أراويه يخسي يقول عنج جي ..
دانه لا يا خالي.. ارجوك .. ما أبي الناس تقول عني قليلة أصل .. أدري أن المفروض اسرارنا ماتطلع لحد.. بس يا خالي ماقدرت.. ماعندي أم أشكي لها ولا حد قريب مني وأكبر مني يفهمني .. وأنا ما أبي ضجة ولا شماتة الناس ..
بو خالد شقصدج يالدانه ؟؟
دانه بس أبي منك يا خالي تخليني تحت ظلك لين تعدل الأمور ..
بو خالد شوفي يالدانه.. هالبيت بيتج .. ولا لج طلعة منه الا بخاطرج .. ومن مايكون ما بيصير شي الا برضاج .. وهالضاحي مايقرب لج بعد اليوم .. الا بعد مايرد اعتبارج ..
******************************
يحاول ضاحي طوال يومين مروا انه يكلم الدانه اللي طنشته وما عطته ويهه .. والتزمت في بيت خالها يات قمر بمطاريش وايد من ضاحي لكنت دانه رفضت حتى تشوفهم أو تسمعهم.. لين يا حمد ..
حمد عمتي الحقيني ..
دانه وناسه تقول عمتي ..
حمد الحقيني أنا أكرهها وما أواطنها وما أبي أسمع اسمها حتى ..
مافهمت دانه شيقصد لان في اللحظة نفسها دخلت قمر وهي تصيح ..
أكرهه أكرهه .. ما أبيه ..
تفاجئت الدانه وتموا الكل منصدمين من وجودهم ..
حمد أنا اللي ما أبيج خل أمج توخر عن أمي لاتحط براسها أفكار شينه ..
قمر يعني انا اللي ميته عليك ؟؟ والله مصدق عمرك ولو غصبوني بذبح عمري ولا ارضى ..
حمد هييييييييييييييييييييييه انتي يالسبال يالعنز مصدقة روحج وايد أنا موب ميت عليج ويا ويهج ..
افهمت دانه السالفة وهي تقضب يد حمد عن قمر في صالة بو خالد..والعايلة كلها كانت رايحة للعنود في المستشفى بعد ماربت ويابت ولد ..
ضحكت الدانه من قلبها لاول مرة من يومين وقالت بابتسامة شقاقية والله حسيت ..
حمد انتي ليش مستانسة فكيني من بنت اخوج هالعنز ..
قمر عنز ما غيرك يالخبوول .. يالمتخلف ..
دانه قمر عيب ,,
حمد انت والله مصدقة روحج.. ولا اسمج بس في وحده اسمها قمر الزمان ؟؟؟ الظاهر ابوج يوم انولدت كان متأثر بكتاب الف ليه وليله ولا علي بابا ..
الدانه ماقدرت الا انها تضحك بقوة .. وهي تبعدهم عن بعض ..
قمر اصلا انا غيرت اسمي لقمر بس من ست سنوات .. وما اسمح لك تتطنز علي يالمتخلف ..
الدانه صج قمر غيرتيه ؟؟؟
قمر اييه .. علشان جييه بعدت عن بدور علشان ماتعرف وتسبب لي فضيحه ..
حمد متأكده بس غيرتي اسمج ؟؟ ماغيرتي خشمج ولا براطمج ولا ..
قمر كله طبيعي الحمدالله وما اسمح لك ..
حمد تسمحين ولا ما تسمحين موب انتي اللي تقررين ..
قمر أنا اللي اقرر وقراري اني ما اتزوج امثالك ..ناس متخلفة
حمد عصب من نظرتها واحتقارها له .. ابتعد عن الدانه بعصبية ..
زين يا قمر ابوج .. ان ماذليتج ماكون حمد بن ناصر ...بس عقب ما ارجع من السفر ..
دانه متى تسافر ؟؟
حمد الليلة ..
دانه توصل بالسلامة ياعمري .. أرجوك حط بالك على خوك . ارجوك .. اتصل فيني كل يوم .. ارجوك ..ارجوك ..
حمد لاتوصين يالدانه ..مع السلامة .لج انتي موب لهالدلوعه السبال ..
حضنته دانه بقوة ....
دانه بأمان الله ..
حمد مع السلامة ......
طلع حمد وقمر مستغربة .
قمر شصار ؟؟
دانه شصار ؟؟ شاللي شصار ؟؟
قمر وين مسافر لا ومن اخوه .. وشالسالفة .؟؟
دانه اضحكت .. بتتزوجين من حمد ونااااااااااااسه ... والله انكم لايقين لبعض وايد ..
قمر وهي مشمئزة وأنتي ليش مستانسة جيه ؟؟
دانه أبد .. تعالي قولي لي شصار بالضبط ؟
قمر شصار ؟؟ ياتني امي وقالت لي ان ابوي وعمي اتفقوا على الزواج.. خصوصا بعد زواج خالد وسفره أمس .. قرروا امس بوسط الناس والعرس انهم يزوجوني لولدهم هذا ..
دانه. اسمه حمد. وهذا تاج راسج سمعتي ؟؟
قمر الله يستر ما أبي أتزوجه ما أحبه متخلف وايد متشدد كاره عيشته دايم ..
دانه امشي فوق معاي ..
قمر خالي اتصل فيني ..
دانه قمر ولا كلمة ولاكلمة ..
قمر دانه ... شصاير بينكم ؟؟
دانه ولاشي .. بس أتغلى ..
***********
وانتهى شهر العسل .. (اسبوعين العسل ) مر اسبوع ..
بدور تدور في البيت ملانه ... ماتلمس شي .. الخدامة المكسيكية هي اللي تسوي كل شي ..
بدور افففففف .. افففففففففففففففففففففف .... اوووف ... ملل.. لالا .. بارارب..ملل ..
خالد كان فاتح باب مكتبه ويسمع تأففها الواضح لكنه طنش وحط راسه في الاوراق اللي جدامة ..
بدور اووووووووووووف .. ملل ..
صارخ خالد من داخل المكتب (عاد مو من كبر الشقة )
طالعي التنلفزيون وفكيني من تأففج ابي أركز ..
مسكت بدور الريموت كنترول وبدت تقلب في القنوات ..
خالد الصوت عالي ..
بدور بلؤم من كبر الشقة مايوصل .. اووووف ..
خاد بدور شتبين ؟؟
طلع من المكتب وكانت يالسه بملل وحذفت الريموت كنترول بعصبية ..
خالد نعم ..
بدور ملل .. أنت الصبح كله في الجامعه والمستشفى ولما ترجع تحط راسك بين هالكتب .. موب هالفكرة اللي في راسي عن امريكا ..
خالد شوفي يالشيخة .. مو ذنبي انج ما تبين تطبخين ولاتبين تشغلين وقتج بالدراسة ولا مطالعة التلفزيون ..
بدور هذي أمريكا ..يعني لازم نتمشى كل اليوم ..
خالد شوفي بدور لاتغثيني .. طلعه مافي ليوم الأحد سمعتي ؟؟
بدور خالد حرام عليك أنا هنا بروحي لين ترجع الساعة ست فالليل من دوامك .. بروحي طول اليوم ملل .. وبعدين ترجع للاوراق والكتب .. كأني موب موجوده ..
خالد خلاص .. قومي بنطلع اليوم نتعشى برا ..
بدور اييه حبيبي .. جييه ..
قامت بدور تلبس .. تأفف خالد هالمرة .. هذي المرة الرابعة هالأسبوع اللي تجبره يطلع معاها وهو صج مشغول..
بدور وين نروح ؟؟
خالد أي مكان ..
بدور حبيبي لايكون مشغول ولا زعلان ؟؟
خالد (كل مرة نفس السؤال ونفس نظرة التمسكن ) لا .. يلا خلصي ..
بدور هالحين أخلص ..
خالد ( طبعا المعنى بعد ساعه .. خليني ارجع لكتبي لين تجهز ))
بعد ثلث ساعه يلا حبيبي ؟؟
خالد اييه ...
بدور معليش كنت لازم آخذ شور ..
خالد يلا .. ماريا راحت ؟
بدور هييه صرفتها من زمان ..
كانت البدور لابسة بلوزة وردي مع أبيض .. مع بنطلون أسود وجاكيت أسود طويل وبوت أبيض ....وحزام أبيض عليه cd علامة كريستان ديور ..
خالد لابسه هالجاكيت من أرماني وهالبدلة من كريستان ديور .. وين تبين تروحين مع هالكشخة ؟؟
بدور وناسه ..انت فاهمني عدل.. تعرف عني كل شي بس الجاكيت من شانيل موب ارماني جاكيتك انت وبدلتك انت من ارماني .. أبي أروح لمطعم فخم فيه رسبيشن ..
خالد واحنا شدخلنا في حفلات الناس ؟؟
بدور نتفرج ..
خالد لاء .. بآخذج لمطعم هادي نتعشى وبعدين نروح نشوف فيلم بعدين نرجع ننطم .. عندي الصبح أشياء وايد .
بدور حرام عليك خل نشوف الناس ..
خالد كيفج غير هالجدول مافي .. تبين ولا اترجع لدروسي ؟؟
بدور موافقة ..
خالد بنروح المولات .. بنتمشى ..
بدور ايه جي ..
************************
عبير ها .. من شفتي .؟؟
دانه الشلة من غيرهم رفيجاتنا من الثانوية الغرور ووساره ونوير وشمة.
عبير وناسه الظاهر ..
دانه أنا ما أحبهم .. بس الغرور حبوبة ..
عبير امم .. متى بتفتحين جوالج ؟؟
دانه مقفلة جوالها من اسبوع .. طالعت عبير اللي فهمت نظراتها ..
دانه ما أدري .. قمر أمس ياتني معصبة تقول ان خالها يبا يكلمني .. بس أنا طنش تعش تنتعش ..
عبير زين يدري انج تروحين الجامعة ؟؟
دانه لا .. خل يحترق .. ماقلت له ..
عبير المسكين .. منيرة يات الصبح وانتي في الجامعة .. ودخلت غرفة بنتها البدور وحطت فيها اغراضها . شكلها ما تدري انج هنا..
دانه اكره هالمنيرة بجد.. وآخر شي أبيه انها تدري اني تخانقت مع ضاحي .. بتدخل وبتسوي لي مشاكل ..
عبير قمر ما صارت تيي ليش ؟؟
دانه لانها دخلت الجامعة .. نسيتي ؟؟ صرت أشوفها هناك وندور مع بعض أغلب الوقت ..
عبير أي تخصص ادخلت ؟؟
دانه دخلت كلية العلوم .. بتدرس بيولوجي .. عاجبها ..بواسطة بسيطة تتسهل الامور عليها .. بس خل يمر التأسيسي على خير ..
***********
دخلت الكافتيريا وهي تعبانه بالمرة .. الساعة ووحده الظهر .. والمحاضرات من الصبح .. .
الغرور دانه دانه دندن ..
الدانه هلا ..
التفت للغرور اللي كانت عند باب الكافتيريا ..
الغرور دانه .. أبي تلفونج .. تلفوني نسيته في البيت اليوم .. مع نص أغراضي ..
ترددت الدانه .. طلعت التلفون اللي حطته في شنطتها ..
دانه تخيلي قافلته من اسبوع ؟؟
الغرور في رصيد ؟؟
دانه أنا خط موب كرت هلا ..
الغرور محتاجة أكلم أمي تيب لي أغراضي وهي موب في البيت .لحظة ليش قافلته اسبوع ؟؟
دانه بس جي ..
فتحت الدانه الجوال .. وثواني انهالت المسجات من كل مكان .. ولاعشرين مسج ..
دانه سوري .. خذي ..
الغرور مابتفحين مسجاتج ؟؟
دانه لاء .. ما بفتحها ..
خذت الغرور الجوال وكلمت امها .. ورجعت الجوال للدانه بعد ما خلصت ..

قصص غريبه