منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > قسم التربية والتعليم > الفن الادب الشعر > القصص
تابعنا على الفيس بوك تابعنا على تويتراضفنا لقائمة ال RSS

بوابة نوكيا


قصة لحظات غريبة بين اثنين

قصص غريبه




ساهم بنشر الصفحة
رد
 
أدوات الموضوع
كل عام وانتم بخير

جيت على الوعد بقصة جديدة اسمها


لحظات غريبة بين اثنين ...خلقت الحب في قلبين

للكاتبة: سهر الليالي 84



ياااااااااااااارب تعجبكم


الحلقة الأولى
يلا يا بنتي نروح بيت خالج ..
دانة يمه ما أبي ..خالد كله يطقني ..
أم نايف يلا يا بنتي ..هذا ولد خالج .. يمون عليج ..
دانة يمه يعورني ..
ام نايف يلا يلعب وياج يالخبول .. يلا البسي نفنوفج وتعالي لغرفتي احط لج جحال وديرم ..
دانة يمه ..الناس مايحطون ديرم يحطون حمره بس ,,
ام نايف تعالي يالخبله تعالي ..

((دانة الفرد رقم 6 في عايلة بو نايف.. بينها وبين امها ثلاث وأربعين سنة..الكل يحمد الله ان دانة ما اطلعت منغوليه.. لان امها يابتها في عمر كبير.. كل اخوانها وخواتها كبار .. وهي تو عمرها ثمن سنوات .. اخوانها نايف وناصر وثامر وسعود ونوير..((
**************
ام خالد تعالي يالعنود سوي جاي ابوج بيجي الحين مع عمتج .
العنود يا ربي ..متى أتزوج وأرتاح ..مليت ..الجاي على عبير ..أنا سويته آخر وحده ..
ام خالد نادي عبير ..
العنود يمه انتي ناديها لانها بتصرخ علي ..
ام خالد عبييييييييييييييييييييييي يييير ..
عبير نعم يمه ..
ام خالد سوي جاي ..
عبير زين ..
خالد من بيجي اليوم؟؟
ام خالد عمتك وبنتها الدانة وبنتها نوير ..
خالد يهالدانة اللي باطة جبدي ..دلوعه ..
ام خالد شتبي من بنت عمتك ؟؟ شسوت لك كله حاط دوبك دوبها ؟؟
خالد تلوع جبدي من أشوفها ..ما أطيق شوفتها ..
ام خالد جوف لا تفشلني جدام عمتك .. مالك شغل فيها ..
خالد حاس بوزه ..وفي قلبه نية سوده للدانة ..
((خالد الولد الوحيد بين اربع بنات ..عمره خمس طعش سنه .. ((

*********

نوير تهقين ولد خالي بيكون موجود يالدانة؟؟
الدانه من؟؟ الخايس خالد؟
نوير لا تقولين عنه خايس..والله انه حبوب ..أبي أسولف معاه ..أبي أجرجره بالحجي عن عامر ولد خالتي مريم .
الدانه والله انه خايس..أنا أقولج عن عامر ..تراه يشرب سجاير ..شفته هذيك المره مع عبود الخايس ..ورى الميلس يدخنون ..
نوير لايكون علمتي حد؟
الدانه ماعلمت إلا بسمه رفيجتي ..
نوير لاتقولين لحد ..ياويلج ..
(نوير عمرها 18سنه وتركت المدرسه من كانت في صف رابع (
الدانه شلبس اليوم؟
نوير حيالله دراعه ..رايحين بيت خالي ..ومافي حد غريب ..
الدانه امي قالت لي البس نفنوف .وكانت تبي تحط لي جحل وديرم بس شردت وقلت لها اني بحط حمره مالتج ..
نوير عيب ..توج صغيره على الحمره ..ما أحط لج ..وأمي دامها قالت لج البسي جي ..في طلعه ثانية ..
**************
خالد دانه تعالي ..
دانه يمه لا تخلينه يطقني ..
ام نايف روحي ..لا تخافين مابيطقج ..
راحت الدانه غصب عنها ..
خذاها خالد للميلس وكانوا ربعه مناحي وفهد هناك ..
خالد يلا يادانه ..السؤال المعتاد ..من أحلى ؟؟ أنا ولا نايف أخوج ؟
دانه نايف أحلى ..
مناحي اتركها يا معود ملينا من هالفلم اللي تسوونه كل مره ..
خالد نايف أحلى ؟
ومسك يد دانه عورها ..صرخت دانه ..
دانه يالخايس اتركني ..
خالد مابترك يدج لين تقولين من الخايس؟؟
دانه انت الخايس ..
خالد مين ؟؟
وشد على يدها بقوة ..
دانه أنا خايسه عورتني آآآآآآآي ..
خالد والحين من أحلى ؟؟ أنا وولا نايف أخوج؟
دانه .....................
خالد وليش منطمه؟؟ ماتردين؟؟
دانه انت خااااااااااايس .,..ما أحبك أكرهك ..تخرع ..
خالد أحلى ..يعني لازم مثل كل مره ..عاد ..ترحمي على نفسك ..
مناحي اتركها حرام عليك ..
فهد خل يأدبها أحسن ..
دانه انت جب ..
مناحي ويييييييييييييييييييي ..تستاهل فهد ..محد قال لك تحرش .
فهد هالبنت ماتستحي خليني أطقها ..
خالد لا ..حشى .,.,محد بيمد يده عليها غيري ..حفرتي قبرج بيدج يالدانه ...تشهدي ..
دانه يمااااااااااااااااااااااا ااااااااااااااااااااااااا اااااااااااااااااااااااا

***************

بعد 10 سنوات ....
___________
تنهدت وماقدرت تمسح دموعها ..
نايف امسحيها في ويههي يالدانه ..منيره ماتقصد ..
(منيرة زوجه نايف وام بناته بدر البدور وقمر الزمان (
الدانه خلاص أخوي ..أنا بروح بيت أخوي ناصر ..
نايف ناسيه انج ثانويه.. وأنج تداومين مع بناتي في نفس المدرسه؟؟ وين رايحه لبيت ناصر , بيته بعيد ..
الدانه هانت ..كلها شهر ...وأخلص الامتحانات ..وبروح بيت ناصر..
نايف لا..بناتي تربوا معاج ..وأنتوا بتخلصون مع بعض ..الثانوية .. وبتظلين معاهم لين يجي نصيبج ..
الدانه ما أقدر نايف ... ما أقدر ...تعبت ..منور من سكنت هنا من سنتين وهي نازله تجريح فيني ...
نايف البيت بيتي ..
الدانه بس هي صاحبة البيت ..وهي حامل الحين وأكيد تبي الغرفه للبيبي اليديد ..
نايف لا ,,تدبرنا هالمسألة .. بدر وقمر بيصيرون في غرفة وحده ..
الدانه لا ...لا ..حرام عليك ..هم صج توم ..بس مايشبهون بعض..انطر شهر ..بس شهر خلها تتحملني شهر واحد ..
)من ماتت ام نايف .. والدانة متشحططة بين بيوت اخوانها .. بعد ماوزعوا الورث ..(
****
كل عام وانت بخير ..
خالد وانتي بخير يا حياتي ..تدرين انتي الوحيده اللي جبرت بخاطري ودقت تهنيني بيوم ميلادي ..
وأنا أقوى أنساك ..وين بنتقابل الليلة؟
خالد وين ماتبين ...بس ها يبي معاج الواجبات ...لان اليوم مارحت الكلية مثل منتي خابره ..
من عيوني ..
خالد تسلم عيونج ..يلا باي اشوفج الليلة في مكانا المعتاد؟
وحنا عندنا مكان غيره؟
*****************
الدانة انتي للحينج ماخلصتي من سالفة الاسم؟
بدر البدور أكيد ما ارتاح ..قمر مرتاحه بسمها لان لو نادوها بالاسم الاول بس بيكون عادي ..بس انا..اللي مايناديني بسمي كامل يناديني ببدر بس ...مليت يا عمتي ..
الدانة اسمج حلو ..
بدر البدور مدري شطرى على ابوي علشان يسميني هالاسم التعبان ..
الدانه والله انج بطرانه ...احمدي ربج ..أنا رايحه لغرفة قمور ..
بدر كالعادة ماتعجبج سوالفي فترورحين لقمر ..والله اني ما احب انطق اسمها عن لاتحسب اني امدحها ..
الدانة ردينا لموال قبل؟؟
بدر اييه ..وانتي بعد لاتنادينها قمر ناديها قهر ..
الدانة جب يا بدر ..
قمر هلا عمتي تعالي ..
دانة اتصلت فيني عبير ..تقول خلينا نمرها نسوي كيك معاها لحفلة اخوها اللي بيرد من السفر بعد يومين ..
قمر خالد؟؟
دانة ياني أكرهه ..أتذكر أيام قبل كله كان يطقني صج حمااااااار ..
****************
شيماء راح أشتاق لك ..
خالد أنا بسافر بكره الصبح ..مايمديني اوصل بسرعه للبيت .أبي أفاجأهم ..ولا ياحياتي كان بقيت معاج ..
شيماء اقول لك رح اشتاق لك تقول لي قصة حياتك؟
خالد لا تتبجحين ..تذكريني ببنت عمتي ..أكرهها ...والله اكرهها ..وما أطيق أشوف ويهها ..
شيماء صحيح انك قليل ذوق ..انا وين وانت وين ..قول لي راح أشتاق لج بعد ..شتخسر ..
خالد شيماء ..من تعرفت عليج ..قلت لج ..علاقتنا بتنتهي في اليوم اللي بسافر فيه لهلي..وأنا خلصت الجامعه وتخرجت من شهر ونص..بس نطرت اضبط اموري.. اليوم آخر يوم بيني وبينج..تقولين لي راح اشتاق لك؟؟
شيماء فكرت ..يمكن تكون وزنت الامور وانك تحبني ..
خالد اليوم عيد ميلادي وين هديتي؟
شيماء مثل عادتك ..كالعادة ...تغير الموضوع ..أنا بروح وانت هاذي هديتك ..باي.

انتهيت من البداية والتعريف..
خالد تخرج من كلية الطب.. وتم لين آخر لحظة يساعد شيماء في الواجبات.. وأخيرا بيرجع لبلاده..
ومن هنا ببدأ اللحظات بأسلوب مختلف 100%
___________________________________

غيرت ملابسها وفي قلبها غصة..كلام منيرة جرحها..للمرة لعاشرة من انتقلت لهنا ومنيرة تقط عليها نغزات كل وحده اقوى من الثانية..البست عباتها وشيلتها وطلعت.. تعبت من هالتشتت بين بيوت أخوانها ..الله يسامحكم ...ليش كان لازم تبيعون البيت وتتركوني ما أحس بأي أمان ولا انتماء ..
قمر عمتي ...شفيج؟؟ ...ساكته من طلعنا من البيت ..
ردت أفكر لو بدر يات معانا ..ماكان أحسن؟
قمر بدور ماتعرف تخبز الكيك ولا الحلويات بتقعد تزعجنا بس ..وبعدين عمتي نسيت آخر مرة لما تهاوشت مع عبير ؟؟ مسكينة عبير فوق ماهي متعنية وعازمة بدور تقوم الثانية وتهينها في بيتها ..
برايج ...
))خالد ..ما أقدر أشوفه ..أحس بجبل ثقيل على صدري ..((
رجعت بذاكرتها ليوم عرس صالحة من عشر سنوات ..لما صار اللي صار ....لكن ..
قمر عمتي ...اليوم انتي كله سرحانه ..عندنا اربع ساعات نساعد فيها عبير ..لان لازم ندرس في الليل ..

******

مع السلامة ..
شيماء مع السلامة ...
طلع خالد سلم الطيارة وهو محتار ..طبعا بعد ساعة وشي بيرجع لبيت أهله اللي ماشافهم من أربع سنوات..بس شلون استقبالهم بيكون له؟؟ بيفرحون بشهادته وانه دكتور وكل هذا بس في قلبه حسره بسبب الموقف اللي صار من اربع سنوات له ..بينسون الموقف ولا بيحاسبونه؟
في الطياره حاول انه يقطع الوقت بالقراءة ..لكنه مل.. طل من الدريشه وغابت أفكاره..تذكر الموقف السخيف اياه.. مايدري وين كان مخه لما خذ شيماء بيت أهله في أول اجازة..مايقدر ينسى النظرة اللي ارتسمت على وجوه اهله كأنها خيبة امل..شيماء لقيطة..عاشت طول عمرها في ملجأ..ولما خلصت الثانوية التحقت مثله بجامعة الاردن يدرسون الطب البشري ,,تولع في شيماء وايد ..لدرجة انه خذها لبيت اهله..طبعا بيت اهله ناس محافظين شيكون شعورهم لمايدخل عليهم ابنهم مع رفيجته؟؟؟

****

((الهموم مالها آخر ..واذا ظل الواحد يفكر فيها بيشيب راسه ..خلينا انسى واستانس بوقتي أحسن لي ..((
دندون ..تعالي شوفي الكيك استوى ولا لا؟
الحين بيي .. يبي لها عشر دقايق وتصير عجيبة ...جهزتي الكريمة والقشده؟
عبير جهزت كل شي ..
قمر عبير لحقي على الكيك كلته العنود ..
عبير عنوووووود ..
العنود شسوي ..مشتهية آكل كيك ..
عبير متى بترجعين بيت ريلج؟؟ لاعت جبدي ماصارت نساة ..
العنود جب جب ..هذي اول مرة أحمل ,,ولازم تقومين فيني ..
عبير انا وراي عرس بعد ست شهور ماني فاضيه لدلعج ..
قمر هو بيرجع بعد ست شهور؟
عبير عنده دورة في الصين.. والله يستر .اذا مالف على وحده ,,
قمر لا شكله ابن ناس ..
عبير شفيها عمتج؟
قمر اليوم امي قالت لها كلام مافهمته بس هي ازعلت ..
عبير شكلامه؟
قمر ما ادري ..مثل ما أذكره ..

***

تاكسي ,,
(الدوحة تغيرت وايد عن قبل ..اربع سنوات غربة ..بيتفاجأوون فيني لاني قلت لهم اني بوصل بكره..كلها نص ساعة ..وينتهي هالقلق اللي أمر فيه (

***

عبير في ايش سرحانة؟
دانة ولا شي ..
عبير شقالت لج ام قمر اليوم علشان تختبصين جي ؟
دانة ولا شي ..
(قمر الهبلة ...أكيد قالت لعبير شي) ..
عبير ماقلتي لي لقيتي مدرس انجليزي؟
دانة لاء ..خاص مالقيت واحد زين بس في المعاهد في حصص وأنا ما أبي حصص لان الي مافهمته شي معقد شوي..
عبير لا يا خالد أخليه يدرسج انتي وقمر وبدور ..
دانة كم مرة قلت لج اني ما اطيق اخوج هذا ؟؟
عبير اسكتي..امي من درت انه بيي ..حبست عمرها في الغرفة ..بعد سواد الويهه اللي سواه مو عارفين شلون بنقابله ..
دانه عادي كأن ماشي صاير ..
عبير عاد انتي من متى ماشفتيه؟؟
دانه من عشر سنوات لما يا آخر مرة لأمي في المستشفى ..الله يرحمها ..اذكر ضربني على راسي وصرخت مخترعة فضربني مرة ثانية فتميت أصيح ...أكرهه الحمار ..
عبير حمار ريلج ,,اتركي اخوي في حاله ..وأخيرا بكره بيي ..قلبي عاد يدق بقوة من زمان ماشفته ..الباب يطق اروح أشوفه ..
ارجعت دانة لهمومها .. الانجليزي ..الفصل الاول يابت كل الدرجات شبه كامله ماعدا لاانجليزي بينها وبين الرسوب نص درجة..
نايف قال بيدور لها على مدرس ..بس الحين موسم الامتحانات بدى ..والثانوية محد بيكون متفرغ ..

****

ربكة غريبة في الصالة ..
ليش ماينفتح الباب؟
فتحت عبير الباب ..عرفها عبير ..بطلت حلجها شكبر حس انها بتبلعه ..
مابتدخليني البيت؟؟
عبير خالد؟؟ ييت ..يماااااااااااااااااااه الحقي خالد يا ..

**

قمر دانة شالربكة اللي في البيت ؟؟
دانة مدري ..
قمر اطلعي شوفي ,,أنا براقب الفرن ..
دانة مالي خلق ...روحي انتي ..
دخلت العنود وبطنها العود يسبقها ..
اخوي خالد يا .
رفعت حواجبها قمر دهشة ودانة حاست بوزها معصبة ..
طلعوا اثنينهم للصالة ..

****

شالجمال اللي يشوفه وقف جدام عيونه؟؟ اول مرة يشوف وحده بهالجمال..من هذي ام العيون الناعسه والشعر الحرير اللي نازل على جبهتها ..خدودها التفاح ذاته ..قمر ..قمر ..مستحيل تكون اخته بشاير ولا اخته صالحه اللي هم في السعودية ؟؟...هذي لعنود وهذي عبير ...من هذي؟؟
سمع شهقة من وراه ..كانت امه ..بسرعه باس راسها وضمها لحضنه..وامه ما مسكت نفسها من الفرح الزغاريد شغالة .. ابنها الدكتور رجع أخييرا ..

***

عيونه تروح وتجي على للي لفتت نظره ...
عبير أخوي ..هذي بنت ابن عمتك ..قمر الزمان ..
خالد قمر ؟؟ ...سبحان الله اسم على مسمى ..
قمر ؟؟ وهي قمر .. قمر حست بنظراته فاستحت ..خالد كان وسيم ,,,رزه ..طويييييييييل ...وعيونه كبيره وحلوة ..
عبير وهذي طبعا مانسيتها دانة ..
التفت خالد لدانة في نفس اللحظة التفتت له ..
خالد شاف وحده يكرهها ما يقدر يطل في ويهها ..
دانة شافت واحد خايس متأكده أنها تكررهه وايد . نذل ..مدت بوزها ..وبنفس خايسه مبروك الشهاده ,,
خالد بطريقة مستفزة أكيد مبروك لي... حاصل لج تصيرين دكتورة ..
دانة مستغنية عن وجع الراس ..
دخلت المطبخ معصبة ..ودخلت قمر وراها ..
دانة دخلي شعرج كله طالع ..
قمر هذا ياعمتي اللي كنت تسبينه طول الوقت؟؟ حرام عليج يهبل ..يينن ...ماقدرت على نظرة منه ...
(دانة حست انه ماتطيق تسمع عنه شي وخصوصا المديح(
دانة قمور جب ...راسي يعورني ..هذي آخر كيكة ونرجع البيت عندي امتحانات لازم نخلصها ..
قمر ياعمتي ,,,علشاني خلينا نيلس ساعة وحده بس لين يي خالج ..
دانة خالي موموجود ..مابيرجع لين المغرب ..
قمر يا عمتي ..شوي بس شوي ..
دانة اوكي اخلص هالكيكة ,, واروح اتمدد في غرفة عبير ...صحيني بعد ساعة ..
قمر من عيوني ..

***

خالد كل قلبه وفكره مع قمر ..واو ..عجيبة ..جمال رباني خارق ..والجسم ولا منيكان ..

**

فتحت عيونها بثقل ..حست ان الغرفة غريبة عليها ... لحظات تذكرت انها في بيت خالها ..لكن ..مافي ضو نهار في الغرفة ..
الساعة كانت ثمان ونص ..
نزلت تحت وتفآجأت بالكل في جلسه سمر ..وبينهم قمر ..
غمزت لها علشان يروحون ...

***

في السيارة ..
انتي ماقلتي لي انج تبي ترجعين تدرسين؟؟ وأنا وصيتج تصحيني بعد ساعه ..أشوفج نسيتيني ثلاث ساعات نايمة ..
قمر عمتي ,,,يا خال ابوي ولزم علي أتعشى .. وبعدين راح الصلاة لو يدري انا ماتعشينا بيزعل ..
دانة الحين شقول لامج لادرت ان خالد رجع؟؟
قمر آآآآآآآآآآه ..خالد ..
دانة شفيج مسبلة عيونج؟؟
قمر يهبل ..يهبل ..أأي عمتي ..من كلامج كرهته صج ...لكن اليوم ..غييير ..
دانة ماشاءالله وحكمج هذا استنتجتيه في هالثلاث ساعات اللي قعدتيهم معاه؟؟
قمر عمتي ..انسان مثقف مهذب وسيم ..
دانة الحمدالله والشكر ...والله مافيه ولا شي من هالقلتيه ..انسان نذل واطي ..ماتعرفين شسوى قبل ..
قمر شسوى؟؟
دانة ماني متكلمة على الريال ..يمكن تغير ..ويمكن الله يكتبه من نصيبج ..ماني قايله ..
قمر ياعمتي فديتج .قولي ياعمتي ..
وتمت تحن لين ارضخت دانة ..

***

نزلت من السيارة وهي منصدمة ..
دانة ندمت انها قالت لها ..
قمر عمتي علشان جي كرهتيه كل هالمدة؟؟
دانة اييه ..بس انتي مالج علاقة في الموضووع ,..هالموضوع صار من زمان أكثر من عشر سنوات ..
قمر بس يا عمتي ..ليش كنتوا تطاققون دايما؟؟ قبل اللي صار ؟
دانة مرة صدته يغازل سحر رفيجة نوير وقلت لخالي ....
قمر هو يكرهج لهالسبب ؟؟؟؟
دانة لا ...هو يكرهني علشان العواقب اللي يات على راسه بعد هالسبب..مسكين أكل طق وبهدلة..وفوق هذا خالي حبسه في البيت شهر كامل ومدري شسوى بعد ..
قمر واللي صار من عشر سنوات ..لين الحين انتي حاقده عليه مع اني ماظن انه طق وايد .....
دانة هو كسر يدي من الطق..ولما شافته امي ياتها نوبة قلبية من الخرعة علي..صراحة ..هو ما غلط بحق امي..أمي قلبها تعبان ..وماتتحمل ...الله يرحمها ..
قمر الله يرحمها يدتي..أنا لو مكانج كان ذبحته..بس يدتي ماماتت الله ستر..وعاشت بعدها كم سنه..الله لطف فيه ولا الحين كان الكل يلومه ..
دانة ومن قال لج اني مالومه؟؟ النوبة اللي تعرضت لها امي كان لها مضاعفات ..لولا هالنوبة كان امي معانا الحين ..
قمر عمتي ..ماعرفت لج ساعة تلومينه وساعه لا ...بعدين هذا عمرها ومكتوب لها ..ومحد يقدر يغير اللي صار ..
دانة اسكتي خلاص ...خلينا نتصرف عادي وبعدين نخلص كلامنا ..
قمر عمتي ..أعتقد اني أحب ....خلاص ..أنا متأكده ..
دانة لا تستعجلين ..لاحقة على كل شي ..



قصص غريبه
الحلقة الثانية ..


لا يستعجل ..مو حلوة ينكب على البنت مرة وحده..خله ثقيل شوي ..هي لولا عمتها ...كان آخذ راحته معاها ..تمدد على السرير ...ونام ..
***
الدانة في اسوأ حالاتها ..منيرة نازله فيها شتايم وسب ..ونايف مو موجود علشان يسكت منيرة ..
منيرة أنا بنتي ثانوية وعندها دراسة مب شغالتج تآخذينها تخدم بيت خالج..أنا أتحملتج وايد..كافي انج مأثرة على بناتي وكله يعصوني ..
على هالمنوال استلمت منيرة الدانة ..
الدانة أنا بريحج مني ..وبروح بيت أخوي ناصر ..
ركضت الدانة لغرفتها وطلعت شنطة حطت فيها كل أغراضها.
قمر أرجوج عمتي لاتزعلين ..لا تتركينا ..
بدر عمتي لا تروحين ...لولاج كان حنا طفشنا من زمان ...أرجوج عمتي انتي ونستنا في البيت ..
الدانة مليت..أنتوا تبوني علشان أونسكم ..لكن أنا شاللي يحدني على كلام امكم لالي يسم البدن.. أنتوا الحين ماتبوني أظل إلا علشان وناستكم؟؟ كله انتوا تبون تبون ..ولا قد مرة قلتوا عمتي شاللي أفضل لها ..
شلت شنطتها واطلعت من البيت ..
راجو خذني الوكرة ..
راجو زين ماما ..
(راجو سواق ام الدانة ..وماقدرت الدانة تطرده ..فطلبت من ناصر انه يخليه (
قمر عمتي الوكرة بعيده والساعة الحين تسع ..وين رايحه كل هالطريق ..والمدرسة؟
الدانة احتارت .. وين أروح ؟ وين أروح ؟؟
قمر روحي بيت خالج ..أقرب للمدرسة ولبييتنا ..
الدانة طالعت قمر نظرة احتقار تبين تستغليني علشان تشوفينه؟؟
قمر لا والله عمتي ..لاء ...
الدانة أنا رايحة بيت خالي ..بس بعدين بروح الوكرة ..
قمر كلها شهر ونخلص المدرسة ..ومنها خالد يدرسج انكليزي ..
الدانة مع السلامة ..
طبعا ...كان أسوأ شعور مرت فيه الدانة ...مالها ويهه تتكلم وتقول اللي صار ..
أبو خالد الدانة ؟؟ شييايبج هالحزة يابنتي؟؟
الدانة قوة خالي ..بتخليني واقفة عند الباب؟؟
أبو خالد البيت بيتج ..تعالي ..
***
خالد كان نايم في غرفته ..ولاحاس باللي حوله ..
***
خالي أنا قلت أيي أدرس هنا لان البنات مثلي ثانوية بس هم قسم علمي وأنا أدبي ...وأنا أبي عبير تساعدني في الانجليزي ..اذا ماعندك مانع ..
ابو خالد أنتي بنت الغاليين أمانع بوجودج في بيتي؟؟ البيت بيتج ..خذي راحتج ..
حست براحة .. لكنها تذكرت أن خالد موجود ...بتتحاشاه ..وبتظل في غرفة العنود طول الوقت ..
دخلت الغرفة ودموعها اللي كبتتها طلعت .. حست أن مالها حظ أبد ...قدرها أنها تشقى ... وتتشحطط ...
طلعت ورقة وكتبت عليها شعورها ...
لاتظلميني يالدنيا .ولاتعذبيني .أمي يابتني بالصدفة ...
ولا تحكمين علي بالشقى .ترى النور في حياتي يطفى ...
اتمنى ان الحظ يمشي معاي ..ونية الناس لي تصفى ...
وتصطلح أموري ..والجروح اللي في قلبي تشفى ..

==============

)أهم شي ..أحبس نفسي في هالغرفة ,,ولا أحسس حد أني موجودة ..لا أحتك بخالد ..ألتزم دراستي ,,,,وبس !(
**
صباح الخير ,,
خالد صباح النور ..
عبير بتروح للمستشفى من اليوم؟؟
خالد لازم أشوف تعييني ...جهزتي لي ريوق؟؟
عبير الحق عليه لاتخلصه العنود ..صايرة ديناصور ..
ابتسم خالد ..ونزل تحت ..
صباح الخير ..
العنود هلا خلود ..صباح النور بدكتورنا .. اقلط حياك ..
خالد وين عبير؟؟
العنود راحت تصحي دندون ..
خالد دانة؟؟ بنت عمتي؟؟
العنود اييه ...
خالد قطيعه ..وهذي شتسوي هنا؟؟
العنود بتم شهر على قلوبكم ..الله يعينكم ..
خالد الله يجيبك يا طولة البال ..شهر؟؟
العنود ثانوية ..ما بتشوفها وايد .. تراني اليوم انشاءالله بعد الدوام ما بيي البيت ..برجع بيت ريلي ..
خالد كيفج ..
العنود بعد ماخذت غرفتي ما لي خاطر أيلس هني..
خالد أنا ماطيق هالبنت دقيقة ..شلون بتحملها شهر؟
العنود ما أدري .يلا باي الحين .. أسمع صوت سيارة ...أكييد ريلي ..
**
ابتسمت دانة بانكسار ..
صدقيني ماني يوعانة ..وأنا هني أدرس ما ييت علشان أزعجكم ..فانسي اني موجودة ..واذا يعت بخدم نفسي بنفسي..
عبير دانة ..يلا اهون عليج اتعب في تجهيز الريوق وماتتريقين؟؟
دانة الدريول تحت جاهز ..بروح الحين ..وخشي لي الريوق اذا رجعت بآكل ..لاتخافين ..
تهربت دانة من عبير وتحججت بلبس ملابسها ..
***
العنود هذا دريول بنت عمتك ..مب ريلي ..
خالد كملي ريوقج ...أحسن لج ..متى موعد الولادة؟؟
العنود بعد ثلاث شهور ..انشاءالله ..
نزلت دانة من فوق وحطت غشوتها على ويهها ..
العنود مابتتريقين؟؟
دانة صباح الخير ..أنا مستعيله ..
وأول ما تأكدت أنها طلعت من الباب ..
العنود زين ذكرت تصبح علينا ..
خالد بس مالاحظتي ان محد رد عليها؟؟
عبير مالكم شغل في دانة ..أرجوكم إذا لي خاطر عندكم لاتحسسونها انها غريبة ..
خالد وهي شتسوي هنا ؟؟
عبير شكلها متخانقة مع مرت أخوها ..بس ما ترضى تقولي ...متحججة انها ياية تدرس بهدوء ..
خالد المهم بعد شهر لايكون أشوف ويهها هنا ..
عبير خالد أنت للحينك؟؟
خالد للحين ولبكرة ولبعد سنة ...هالبنت حاولي قد ماتقدرين تطفشينها من هنا ..
عبير هذا وأنا ناوية أطلب منك تدرسها!!
خالد هالبنت لاشفت ويهها أنغث ..تبيني أجابلها ساعتين ولا ثلاث ؟ آسف ماعندي وقت ..
عبير مالكم شغل فيها ...ولا حد يضايقها ..اذا لي عندكم خاطر ...
*****
دخت المدرسة وهي تحاول تبتسم ...
ليلى صباح الخير الدانة ..
دانة صباح النور ..
ليلى وين قمور وبدور ..
دانة بيتأخرون شوي ..جهزتي لي أوراق الانجليزي؟؟
ليلى جهزتهم لج .. ..بعطيج اياهم بعدين ..
دانة فديتج تسلمين لي ..
ليلى ماسويت شي وانتي تستاهلين ..
دانة عاد يبتي كافي؟؟
ليلى يبت مارس وجلكسي و سنيكرز ...
دانة أنا يبت البرينجلز ...الهوت والسولت والاونيون ..مثل ماطلبتوا ..
ليلى وريموه يابت الميرندا والشاني.. ومثل ما اتفقنا قمور بتييب الحب والمكسرات ..سناء المصاص والعلوك ..
دانة اوكي ...في الفرصه نلتقي؟؟
ليلى أكييد ..في الصف القديم ....أوكي؟؟
***
كان الضحك على أقفى من يشيل ..والجلسة كانت روعة ...
سناء عاد بنكرر هالحفلة ..لازم .
ليلى بس المرة الياية مع ميوزك وراب ..
قمر من قال لكم مافي ميوزك وراب ؟؟ شتبون ايمنيم؟؟ لوز يور سيلف ان ميوزك؟؟
سناء عندج سوري ماما؟؟
قمر لا والله . ...بس ..في بيونسيه نايتي قيرل!! وفي بريتني سبيرز اي لوف روك أند رول ..
ريم حطي بريتني ام نوت أقيرل ..
دانة حرام عليكم شتخربطون ما أفهم شتقولون ..
ريم بغني بس محد يضحك على صوتي ..
قمر غني أرجوج غني ..
ريم ام نوت اقيرل ..نوت ييت أوومن ..اول اي نيد از تايم ..امومنت ذارز ماين ...وايل ام بتوين ..ام نوت اقيرل ..
دانة بس بس ..مافهمت من الكلام اللي قلتيه الا كلمة وحده وومن ..
ريم الاغنية معناها..أني مب فتاة ..وماصرت امرأة بعد ..كل اللي احتاجه هو وقت ..لحظة تكون ملكي ..ودام اني في الوسط ..ماني فتاة ولاني امرأة ..هذي البداية بس ..
دانة غني شي عربي دام صوتج حلو ..
ريم اوكي ..تمشي معاج اغنية لمحمد عبده؟؟ سمي ؟؟
دانة تمشي ..غني ..
قمر خلوني أحط لكم بيونسيه احلى ..
ريم ترى اغنية كلماتها لج عليها ..
قمر اوكي ..بحط لكم شي بسيط ...لوز يور سيلف ان ميوزك ..
سناء عندج أسيري ها ..هي اهي؟؟
دانة لاتحطون شي ما افهمه ..
سناء هالغنية كلنا مانفهمها ...خلي نرقص علبيها .
الدانة انا رايحة البيت ..
ليلى مايصيير تروحين انت وقمر ..
الدانة قمر مابتروح ..بروح بروحي .,,باي ..
الدانة حست انها مزيفة ..تكابر وتضحك بدون صدق..بس هي محتاجة اشياء ووايد ... طلعت من المدرسة مختبصة ..
(شفكر فيه ؟؟ أنا هبله؟ وين أروح بيت ناصر ؟ ؟؟ أنا نعسانه ..مو من النوع اللي يتأقلم في مكان غريب ..ماقدرت انام أمس ..وماراح أنام طول الايام اللي يايه ...(
حست بقهر وانزلت دمعة من عيونها ..
اووه اوراق الانجليزي نسيت اعطيج اياهم ..دانة؟؟ ليش تصيحين؟؟
ليلى ..مشكورة ..
ليلى دانه ..ليش دموعج ..ارجوج دانة انت غالية علي ..قولي لي اللي في قلبج ..
دانة مافي شي ..
ليلى دانة ..من ييتي الصبح وانتي مو على بعضج ..شصاير؟؟
دانة رهبة من الامتحانات ...وعقدتي من الانكليزي ..
ليلى لا ..ما أصدق أنتي بحياتج مااهتميتي لهالاشياء ..
دانة قبل غير والحين غيير ...نلتقي بكره؟؟
ليلى تذكري ..أنا موجودة دايم ...اذا حبيتي تفضفضين لي ..
دانة الله يخليج لي ... ولا يحوجني لغيرج ..عن اذنج ..السايق ناطرني ..
****
عند الباب كان موجود ..ترددت الدانة ...وقالت انها مابتدخل قبله ..
***
تنهد بعصبية ..
(مالي خلق اتواجهه معاها ..هالبنت أتشائم منها ..خليها تدخل أول (
بعد ربع ساعة ..
)خليني أدخل اول دامها مانزلت من السيارة (
(خليني أنزل تنقعت هنا والسبة هالمغرور ...(
*
وتصادموا ..لفت دانة إلا كتف خالد ملتصق في كتفها ..كانت تتحاشى تطالع له وهو نفس الشي.. واللي صار انه هو هي تصادموا ..
محد اعتذر ومحد تنحى ..وكملوا طريجهم عناد في بعض ..
اركبت للغرفة وهو راح للمطبخ ..
***
بنتلاقى في الصف القديم ..
صكت التلفون ...وابتسمت ..
عبير ماتغديت ولاتريقتي ,,الحين ماتبين تتعشين؟
دانة قلت لج .. لا يعت بخدم نفسي بنفسي ..والان الحين طلبت من ليلى تطلب لي من مكدونالدز وحسبت حسابج في وجبه ..وبأي لحظة دريولها بيوصلها لنا ..
عبير ليش الاكل من برا ؟؟ وأنا أطبخ زيين ؟؟
دانة يلا بلا تغلي علي ..قلت لج اني في بيتي بآخذ راحتي ...وما أبيج تزعجين نفسج بخدمتي ..
**
حاس بوزه وهو متردد ..
عبير شعندك ؟؟
خالد هذي قمر كم عمرها؟؟
عبير كبر عمتها ..سبعطعش ...
خالد مخطوبة ؟؟
عبير لا ..هنا السالفة شكلها جد ...انت من صجك؟؟
خالد عيل أمزح معاج؟؟ من صجي البنت فلقة قمر ..ما أبيها تطيير من يدي ..
عبير كيفك ...اللي سمعته انه محد خطبها لين الحين ..بس امها متشددة معاها وايد ...هي واختها ..
خالد وهذا هو المطلوب ..وين امي خليني أكلمها ..
عبير في غرفتها ..بس أفضل ماتكلمها اليوم ..
خالد ليش؟؟
عبير استقر أول في شغلك ..داوم فيه ..وبعدين افتح موضوع الزواج ..
خالد رايج وايد في محله ...باي ..
عبير مع السلامة ..
**
ام خالد دانة ..دانة ..
دانة هلا خالتي ..
ام خالد اخوج نايف على التلفون ..
(هذا نايف ...شقول له الحين لاطلب مني أرجع؟؟ (
دانة الو ..السلام .
نايف وعليكم السلام ..شلون تطلعين من البيت بدون ماتقولين؟؟
دانة نايف لا تصارخ علي .. أبي مكان أدرس فيه بروحي ..
نايف تروحين تضقين على الناس في بيتها ؟ وشلون تعيشين في مكان فيه ريال غريب .
دانة اي ريال؟
نايف خالد ..
دانة أرجوك عاد هذا ريال؟؟ وينه وين الرياييل ..هذا بزر ..ياهل ..
نايف استحي على ويهج في بيت الريال وتتكلمين عنه جي ؟؟
دانة خلاص نايف فكني من ويع الراس هذا ..
نايف تعالي ردي البيت ..
دانة نايف ..أنا كنت بروح بيت ناصر ولا بيت ثامر ...بس انا عندي امتحانات وهم ساكنين بعيد ماني قادرة على الطريق ..
نايف ردي بيتي ..
دانة نايف ..أنا انهنت في بيتك ...ومرتك ماتبيني .. عندي امتحانات ومالي خلق لعزار الراس أبي أركز ..ولا تخاف علي في بيت خالي أنا هنا في غرفة العنود طول الوقت وصدقني مافي أي احتكاك بيني وبين خالد ..
نايف مالج شغل في منيرة ..وان قالت لج كلمة بعد اليوم مابيصير طيب لها ..ويلا بلا ثقالة دم وارجعي البيت .
دانة نايف ,,آسفة ..ماني راجعة ..سو اللي تبي ..ماني راجعة ..مع السلامة ..
صكت التلفون في ويهه أخوها وهي تأفف ..
أنا بزر!!!!
عضت دانة على شفايفها ...هالصوت تعرفه ..خالد!!!!
**
خالد كان ماسك أعصابه بالغصب وهو يسمع الدانة شلون تتكلم عنه ...بزر؟؟ ياهل ؟؟؟
خالد ريال عمري خمس وعشرين سنه داخل على الست وعشرين تقولين عني بزر؟ متخرج من كلية الطب في جامعة الأردن بتقدير جيد ..وتقولين عني بزر!!!
الدانة اسكتت .
خالد ماتتكلمين آنسة دانة ..اشوفج انخرستي؟؟
الدانة اييه ...بزر ..عندك اعتراض؟؟ شتبي تسوي تضربني؟؟ تطقني؟؟ ..جرب ...جرب وتشوف من هي الدانة حسن ..
خالد للحظة كان بينسى نفسه ويضربها ...بس مسك نفسه ..كانت ومازالت انسانة قليلة أدب لسانها طويل ..
خالد الدانة حسن ..مشتطة وايد بنفسج ...ماألومج ..عليج لسان ماشفت أطول منه ..
انسحبت الدانة للغرفة ...وهي معصبة..بس شسوت؟؟ مو عدل تسب الريال في بيته ...وبعدين معاه حق ؟؟؟واحد بمكانه ماينقال له بزر ..بس شتسوي ؟؟ تكرهه من كان صغيير ..وللحين مشاعر الكره في قلبها تجاهه ..
**
أما خالد ..فحط نية سودا لدانة ...بس تذكر كلامها ..أنها ثانوية وان زوجة اخوها اهانتها .. فسكت ..وماقال شي ..والا كان شرشحها ...
**
بعد اسبوع من هالموقف ..
قمر قولي لي ...شلونه خالد؟؟
دانة ما أدري ..أنا أحبس نفسي في الغرفة طول اليوم وما أطلع إلا في الفير ...أكل وأصلي وأرجع أنام ...
قمر أمانه ..ماسأل عني ؟؟
دانة وأنا شدراني ماسمعتيني من قبل شوي؟؟ أقولج ما أشوفه..
قمر عاد هالاسبوع بنغيب ..ما أدري شلون بتبدرين حالج هناك ..
دانة ماعليج مني .. المهم انتي وبدرو ادرسوا ..
قمر بزورج ..
دانة كيفج ..ادري انج مو ميته علي ..بس تعالي الساعة ثمان يكون توه راجع من المستشفى ..
قمر الساعة ثمان؟؟ شيطلعني من البيت؟؟
دانة مابيكون موجود قبل هالوقت ..عبير قالت لي ..
تدخلت ليلى ها دانة من هذا اللي تتكلمين عنه ؟؟ عامر؟؟
قمر لا ..خالد ..ابن خال عمتي ..
ليلى اييهع وهالعامر من خطبج مارد؟؟
دانة لا ..مارد ..أحسن ..قت لكم أكبر مني بوايد ..وكانت أختي نوير زوجته ...ما أقدر أحل مكانها ..
ليلى زين ماعنده عيال ولا بنات ..
دانة عنده ولد ...بس تربيه امه..
ليلى ربيه انتي .ابن اختج ..
دانة حرام عليج ..عمري سبعطعش سنه ..وهو عمره اربع وثلاثين ...كبير وايد ..وولد اختي مب صغيير ...عمره خمس سنوات .
قمر الله يرحمها عمتي نوير ...
ليلى زين وشقصة خالد ..
قمر هذا ابن خال دانة ..دانة تكرهه ...مع انه مافيه شي ينكره ..
دانة قصدج مافييه شي ينحب ..
ليلى شكل قمور هي اللي ذايبة ..
دانة عليج نور ..يلا الحين بروح مع السلامة وأشوفكم أول أيام الامتحانات ..
ليلى قمور منتي رايحة قبل لاتقولين لي كل شي ..
قمر وهل أجرؤ؟؟
ليلى أحلى عربي !!
**
فكر خالد ..وقرر انه يفاتح أمه بموضوع الزواج ..
طق الباب ..
ام خالد مفتوح ..
دخل خالد ..
عالقوة يمه ..
ام خالد الله يقويك ..ادخل ...
****
دخلت دانة البيت واستغربت ان خالد موجود ..طلعت لغرفة خالتها تسلم عليها قبل لاتدخل الغرفة ...
لكنها اسمعت الكلام ..
ام خالد انت شتخرف ..وبنت عمتك؟؟
خالد بنت عمتي؟؟ أنا أقولج أبي بنت ابن عمتي ..شدخل هذي في الموضوع!!
ام خالد يا وليدي بنت عمتك موجودة تآخذ وحده عيال عمها رايدينها؟؟
خالد أنا سألت عبير قالت محد خطبها !
ام خالد يمه ابن عمتك حاط عليك الامل انك تآخذها! رفض وايد بس علشانك ... والبنت اللي تبيها عيال عمها يبونها ..هي وختها ..عيال ناصر يبونها ..
خالد بس يمه ..أنا أبيها ..البنت عجبتني ..
ام خالد الدانة لك ..وهالشي انتهينا منه من زمان ..
خالد مب بكيفكم ..الدانة ما أبيها ..ولا أطيق أشوف ويهها .. تبيني اتزوجها ؟؟؟
ام خالد أحلى من بنت اخوها ...شتبي بعد؟؟ وأخلاقها احسن ..
خالد ما أبيها قليلة أدب ولسانها طويل ..
ام خالد ياكبرها عند الله ...دوينه؟؟ والله في حياتها ماغلطت على حد ..بنت محترمة وأنا اللي ربيتها!!
خالد يمه أنا خابزها وعاجنها هالبنت ما أبيها ..بروح الحين المستشفى ..دبريني وفكيني منها ..
دانة في هاللحظة ارتبكت وركضت للغرفة وصكت الباب على نفسها ...ما انتبهت ان شيلتها طاحت جدام باب غرفة ام خالد ..
طلع خالد وتعثر فيها ...رفعها واستغرب ..حطها على جنب وكمل طريقه ...
****
الدانة ماقدرت تنام ولا تدرس ..ولا تشتهي تآكل ..لفت نفسها في اللحاف ولا قامت ..عبير طول اليوم كانت في السوق. وام خالد ..مرت عليها بس تظاهرت انها نايمة .
...........
الساعة ثلاث ونص الفير ..طلعت دانة من الغرفة ..وشافت شيلتها ...خذتها ونزلت المطبخ ..تشرب قلاس حليب ..
وهي تراقب الحليب لايغلي ..سمعت صوت وراها ..كان خالد ..
البست شيلتها بسرعة ..
كان شايل بيده أغراضه .وغترته ...وعلى ملابسه بقع دم .اخترعت دانة ..
خالد لما شاف ويهها ..ابتسم وقال ..
آثار الشغل ..توني طلعت من المستشفى .. ..كان في حادث ..
دانة أحط لك كاسة حليب؟
خالد ياليت ...
انتبه خالد للشيله اللي كانت لابستها ..كان فيها خطوط زرقا ..فاستنتج انها هي نفسها اللي كانت جدام غرفة أمه ..
حاول انه يغطي الدم اللي على ثيابه علشان ما تلوع جبد الدانة ..
الدانة خالد ..
خالد لبيه ..
الدانة اوعدني وعد ..
خالد وعد؟؟
الدانه اييه ...
خالد اذا اقدر عليه ..
الدانة خالد اوعدني انك ماتتزوجني ...أنا ما أبيك ..ولاقادرة أتخيلك زوج لي!!!!!!!!
(بس ؟؟ ماطلبتي شي ...من عيوني ..لاني أبادلج نفس الشعور !!! (

قصص غريبه
الحلقة الثالثة ..


(بس ؟؟ ماطلبتي شي ...من عيوني ..لاني أبادلج نفس الشعور !!! (
كانت أمنية دانة أن خالد ينطق بهالجملة ..وأمنية خالد بعد ...بس للأسف ..الأمنية ماتحققت لأي منهم ..
خالد...... كلام دانة كان وقح معاه ...شلون تتكلم بهالطريقة عنه؟؟ ما أبيك؟؟ مو قادرة أتخيلك زوج!!! ششايفته علشان تتكلم معاه بهالطريقة ؟؟ سواقهم ولا الصبي ؟؟
أما دانة فغمضت عيونها ناطرة الوعد ..
خالد ما علق ..خذا كوب الحليب اللي حطته قدامه وطلع من المطبخ..سمعت دانه خطواته ..وانصدمت ..توقعته يقول لها اي شي ..يوعدها ..وهي كلمته بطريقة استفزازية علشان يرد بعصبية انه مايبيها..ليكون زعل؟؟ يمكن أن يكون خالد رجل حساس؟؟ خليني أخذ منه الوعد ..هذا هو المهم ..
خذت كوب الحليب مالها ...ولحقته ..
خالد ..خالد ..
كان على الدري ..وقف ..صعدت دانة علشان ماتصرخ ..
دانة خالد ..لا تآخذ كلامي على انه اهانة ..أنا كان قصدي انك مثل أخوي ..وما أشيل بقلبي أي مشاعر تجاهك تنجح هالزواج ..
خالد وانتي ليش واثقة اني بتزوجج؟؟
دانة أنا أعرف ..وبس ..وأنت مو مثلي تنغصب على هالزواج .
خالد نعم؟؟ .تعرفين وبس ؟؟ دانة أنا ما أقدر أوعدج بشي..بس أنا واثق من شي واحد..أني أكره فكرة أنج تكونين زوجتي ..
انصدمت دانة ..الاشمئزاز اللي على ويهه ...والتحقير اللي مغلف كلماته وصل لها ..حست باهانة ..راحت غرفتها بهدوء.. رجعت للسرير ..وتمت لين الصبح والارق رفيجها ...
أما بالنسبة لخالد ...حط راسه ونام ...ولا فكر في الموضوع أبد ..
*******************
ابتدا مارثون الامتحانات..ودانة مرتبكة وايد ..عبير قد ماتقدر تساعدها..كان محد يشوف دانة في البيت..كانت كله حابسه عمرها في الغرفة تدرس .
بالنسبة لخالد ..كان مركز بشغله.. (محد كان يحبه في القسم اللي يشتغل فيه..لانه كان وايد جاف معاهم ولا يعرف شي اسمه دبلوماسيه ولاشي اسمه مجاملات..كان انسان صريح جدا لدرجة السخرية..عنده كل شي جد ..مافي شي اسمه هزل أو وقت راحة ..فالكل يتحاشاه .(
الممرضة دكتور حالة تسمم ...
خالد مرريها بدكتور بهاء ...خلي يسوي اللازم ..أنا عندي هنا حالة حرجة ..
الممرضة تمت واقفة تراقب خالد وهو يحاول ..
خالد وليش واقفة ؟؟ ماتروحين؟؟ المريض لايموت وانتي اتتفرجين ..
انتهى خالد من الحالة اللي عنده ..وراح لمكتبه ..
شي واحد كان الكل يمدحونه في خالد ...انه رجل يعتمد عليه ..في الاوقات الحرجة..رغم أن عمر تعامله معاهم ماتعدى الثلاث أسابيع لكنهم اكتشفوا هالميزة فيه ..
وفي المكتب كان موجود ...
فهد قالوا لي أنك رجعت ..لكني ماصدقت ...
خالد فهد؟؟ وينك ياريال؟ ماشفتك من زمان ...
فهد صار لي ثلاث أسابيع في الدوحة ,,واستخسرت أشيل التلفون أكلم ربعي .
خالد لا عاد ...بتلومني أنا ؟؟؟ التهاني ملت الجرايد برجوعي ...ماعرفت تتصل تهني؟؟
فهد قول نطرت الاتصال الاول منك ..
خالد شخبارك يا ريال؟؟ شسوت فيك هالدنيا؟؟
فهد رفيجك صار مدير بنك ..وأبو سالم ..
خالد صحيح؟؟ مبرروووك ... وأنت متى عرست؟؟
فهد من سنة ونص ..أحسن من رفيجك مناحي المسكين تزوج من ست سنوات ..أول ماتخرجنا من الثانوية ..
خالد انت من صجك؟؟
فهد اي والله والحين عنده ماشاءالله أربع أطفال ..
خالد أربع؟؟ وهذول من وين بيوكلهم؟؟
فهد يمشي حاله لاتخاف عليه ...أنت شخبارك ياريال ..ماصدقت لما قالوا لي انك ييت هنا الدوحة من كم سنه .
خالد لاتشتط وايد .. ييت يوم واحد بس ورجعت أكمل دراستي ..وماطبيت الدوحة إلا هالسنة !!!
فهد زين خلصت شغلك؟؟
خالد لاء ..ماخلصت ..
فهد الساعة سبع ..وماخلصت شغلك؟؟
خالد أنا اليوم مستلم الشفت لين الساعة 12 ...لان اثنين من الدكاتره خذوا اجازات اضطرارية ..
فهد لا ...وأنا كنت متأمل بسهره صباحي؟؟؟
خالد ليش وين ام سالم عنك؟؟
فهد اليوم بتبات عند أهلها ..فقلت أسهر معاك ..
خالد أنا من الساعة عشر الصبح وأنا هنا ..ما تزحزحت من المستشفى والمكان الوحيد اللي بروح له بيكون البيت ..بس مشكور على العزيمة ..وانشاءالله قريب ..نتلاقى ..
فهد أنا كنت مار عليك ..آخذك في طريقي ..بس بما أنك مابتطلع من هنا ..بروح بروحي للديوانية ..الربع ناطريني ..ولاتنسى ..مرة ثانية انشاءالله ..
خالد وأنا على الوعد ..
**********
الساعة 1:37دقيقة .. في غرفة الطعام .. الكتب كلها مفروشة جدامها ..
دانة خلاص انهارت ..القواعد هي فاشله فيها امية في المية ..وماتقدر تدرسها ..بكره الامتحان .. ما مسكت دموعها .. لان خلاص النعاس أهلكها .
ومافي وقت ..عندها بس خمس ساعات ..
ليش تصيحين؟؟
عدلت شيلتها ومسحت دموعها ..
مافي شي ..أنت الحين رجعت؟؟
خالد اييه يا زوجة المستقبل !!!
انقبض قلب الدانة ...وحست أنها ماتتتحمل أي شي ...انهارت في الصياح بقوة ..
خالد اخترع ..مفعول كلمة جي خلتها تصيح؟؟
خالد دانة شفيج أنا أتطنز ..
دانة صاحت أكثر وهي منهارة خلاص ..
خالد والله اني أتطنز خصوصا لما سألتيني عن يياتي وروحاتي ..
دانة انت مالك شغل فيني والله ماني ناقصتك فارج عاد ..وراي بكره امتحان ..وماعندي وقت ..
خالد فهم السالفة ..امتحان ..ثانوية ..
خالد امتحان ايش؟؟
دانة انجليزي ..
خالد لهالسبب كنتي تصيحين؟؟
دانة اي ..ولا ..
خالد عجيب هالجواب ..(تذكر أن عبير طلبت مرة منه أن يدرس الدانة بس هو طنش ..حس بالذنب انه ماساعدها إلا في الوقت الضايع ..(
خالد دانة أنتي مادرستي شي؟؟
دانة درست كل الكلمات وتدربت على المواضيع والريدنغ كل شي .بس في قواعد ما أقدر أفهمها ..ما تدخل مخي .. وبيركزون عليها عاد ..
خالد وريني يمكن أقدر أساعدج ..
دانة هذي وهذي وهذي ...
خالد سهله ..بشرحها لج ..
دانة لا ...حرام توك رجعت من الدوام ..لا ..أكييد أنت تعبان ..
خالد لاء ...ماني تعبان ..وبعدين مابتاخذ من وقتي شي .. وريني ..
الساعة 3:50
خالد دانة ..دانة ..
دانة ها ..
خالد انتي نمتي مرة ثانية؟؟
دانة ها .؟؟
ضحك خالد ...
دانة ليش تضحك مع هالويه ؟؟
خالد روحي نامي ..عندج امتحان الصبح ..روحي ..
دانه لا ...ماخلصت ..
خالد روحي يلا .... خلصتي كل شي ..روحي ..
دانة زين ..
راقبها خالد وهي تطلع على الدري ومات من الضحك لانه خذت ربع ساعه يلا وصلت غرفتها ..حس انه مرضرض.. ..ومحتاج ينام ..قام لغرفته ,..وحط راسه ونام ..
*****
الساعة 6:40 صباحا ..
عبير دانة ..دانة ..قومي الحقي بتتأخرين عن المدرسة ..
فتحت دانة عيونها بالغصب ..ولا اراديا نطت من على السرير رجعت شعرها الطويل لين نص ظهرها في المشبك الكبير اللي تستعمله والبست بسرعه ومالبست جوتي البست شحاطة البيت والشيلة والعباة وشالت شنطتها الصغيرة..ونزلت تحت لغرفة الطعام ...لقت كل أوراقها مرتبة والريوق زاهب ..ماكلت شي من الخرعه .. خذت أوراقها وطلعت للسايق اللي كان مجهز السياره ..
دانة راجو ..بسرعه راجو للمدرسه ..
مسكت أوراقها وهي مختبصه ..راجعت أشياء بسيطة ...
راجو ماما .وصلنا ..
نزلت بسرعه ..وكانت قمر واقفة عند الباب وهي مختبصه ..
قمر الحقي دانة ..الحين اوراق الامتحانات تتوزع ..ركض أمانه ..
دانة قمور وأنتي ليش مادخلتي لجنتج؟؟ شخصج فيني ؟؟
قمر أنا استأذنت ..دقيت على جوالج لين عيزت مارديتي كلمت عبير ..اللي كانت نايمه ..اركضي ..
وأخييرا وصلت لللجنه ..دخلت قمر للجنتها ..ودخلت دانة اللجنه مالتها ..
لساعة كامله حاولت دانة حل الريدنغ والرايتنق والكلمات ..ولما خلصت راجعت وتأكدت وبعدين طلعت ..

تريقت وهي تبتسم ..طول ماهي تتذكر جلستها مع خالد أمس ..كان زيين وايد معاها لأول مرة,,وكان ذكي ..شرح لها كل القواعد مع أمثله بسيطة ..بعدين تعمق فيها بأمثله صعبه .. والحلات الشاذه ..ولما يا عند الاشياء البسيطة قفلت هي ونامت ..
ليلى اللي ماخذ عقلج ..يتهنى به ..
دانه عقلي موجود .محد يتجرأ يآخذه مني ..
ليلى هذا الباين ..وينج اليوم خرعتينا ..قلنا هونت عن الامتحان ..
دانة راحت علي نومه .. كنت أدرس لين الفير ..ونمت ..ومحد في البيت اللي أنا فيه صحى بدري ..
ليلى يعني قمور هي اللي أنقذتج ..
دانه اي والله فديتها بنت أخوي ..قلبها عل عمتها ..مب مثل أختها ..
ليلى بدر البدور؟؟ أول ماخلصت الامتحان اطلعت مع ربيعتها يتريقون بره ..وبعدين بترجع للفتره الثانية ..
دانه لو تدري منور مرت أخوي بتذبحها ,,
ليلى ما سوت شي ..راحت تتريق ..
دانه شيسوى لها لو صار لها شي (اسم الله عليها) وماحضرت الامتحان؟؟ أو يات أمها تسأل عنها؟؟ أنا ما حب منها هالتصرفات ..
ليلى ياحبج حق تغيير المواضيع ..ماعلينا من هاذي بدر ...قولي لي ليش كنت تبتسمين؟
دانه اقولج وماتقولين لقمر؟؟
ليلى أكيييييد ..شصار؟؟
*************
عبير خالد ..بسك رقاد ..قوم ..
خالد ذلفي عن ويههي ...ماحطيت راسي إلا الفير ..
عبير كيفك ..
خالد وهو يتثاوب دانه راحت امتحانها؟؟
عبير اييه ..وأنت من متى تهتم للدانه ؟؟ حسب معلوماتي انك ماتطيقها؟؟
خالد ماعلق ...وسكت ..ورجع ينام ..
***
ليلى شمعنى اللي صار؟
دانه ما أدري ... يمكن ماله أي معنى ..بس كسرت خاطره وساعدني ..
ليلى الحين هو يبيج ولا يبي قمر ؟؟
دانه المتأكده منه أنه يبي قمر ..بس تصرفه معاي أمس كان غريب ..شككني ..خصوصا لما قال لي زوجة المستقبل وكأنه واثق ..
ليلى ولو كان يبيج؟؟
دانه بس أنا ما أبيه ...ما أبيه أكرهه ..انسان ما أطيق أشوف ويهه ..
ليلى يعني بتظلين على اسلوبج القديم معاه؟؟
دانه اييه ..لين يكرهني..هو يكرهني ما أقولج يحبني ..بس أبيه ينسى أني موجوده ..بس أول خليني اشكره على موقفه أمس معاي ..
ليلى آه ..عيل السالفه جي ..
وابتسمت ..عقدت دانه حواجبها ... ليش شاقة الحلج ولا بوزو؟؟ شنو اللي جي؟
ليلى أنتي تحبين خالد ..
غصت دانه بالعصير اللي كانت تشربه وكحت بقو ..
ضحكت ليلى ,,,
دانه ومرض يالحماره ..شتقولين؟؟ أنا أحب هالخايس؟؟
ليلى ترددج هو اللي بين لي هالموقف منج ..
دانه أي تردد أي زفت ..اقولج ما اطيق شوفه ويهه تقولين حب؟؟
ليلى شوف دندون...وحده من اثنين ..يا انتي تحبينه وهو يحبج ..ياهو يحب وانتي تحبينه ..
دانه يا سلام ..شالفرق العجيب !!
ليلى ماقلت يحبج ..قلت يحب يمكن يحب قمر وانتي معصبه من هالعلاقه فكرهتيه ..
دانه ليلى ..واللي يخليج . يا دكتورة زمانج ..جب ..
ليلى بتقولين بعدين ليلوه قالت .
دانه زين قومي ..الفتره الثانية بتبدأ وأنا ضيعتها معاج في سوالف مالها داعي ..خليني اراجع اللي قاله خالد ..
ليلى اليوم خالد ..بكره حبيبي ..
شردت ليلى من جدام دانه ..اللي طنشت كلام ليلى وركزت في المراجعات ...
***********
استغرب خالد وين حط الملف اللي يابه معاه أمس في الليل..دور عليه ما حصله ..دور في الصاله ماحصله ..وشك أنه بيكون بين أوراق دانه ..دخل غرفه دانه.. هي غرفة العنود..قبل لا تكون غرفه دانه ..بس ..دانه ماشاءالله عليها معطتها لون خاص وترتيب خاص.. احتار في الاوراق اللي موجوده ..ماعرف وين يدور ..لقى ملف لونه أسود ..شبيه بملفه قرب السرير ..استكشفه ..ماكان ملفه..بس كانت فيه أوراق كثيره ..وخط رهيب ..جميل بمعنى الكلمة ..مالحق يقرأ الكلمات ..لان دانه ادخلت الغرفه ..
دانه خالد؟؟
خالد اهلا دانه ..شسويت اليوم ؟؟
دانه ارتباك ممتاز ....
وعطته نظره معناها شتسوي هنا!
خالد توني دخلت ..لاني بروح المستشفى..
دانه عطته نظره ثانية معناها وبعدين؟؟
خالد أمس يبت معاي ملف شبيه بهالملف ..أدور عليه ماني محصله ..
عضت دانه شفايفه وهي تفكر ..فتحت شنطتها ..ولقت ملف أسود بين ملفاتها ..
دانه هذا ؟؟
خالد أيوه ..عليج نور ..ما أقصد أي تطفل ..بس خط مين؟؟
دانه خطي ..
خالد ماكان خطج أمس بهالروعه ..كان مثل نقش الدياي ..
دانه ..لا والله؟؟ . لاني ما أحب الانجليزي ..فما أضيع وقتي في التفنن ..
خالد مط شفايف مو عذر ..عن اذنج الحين ..
دانه خالد...حبيت أشكرك ..لانك أمس ساعدتني ..
خالد لاشكر على واجب ...مع السلامه ..
خالد نسى أن الملف كان بيده مال دانه..وخذه مع الملف الطبي ماله ..ودانه ماكان مخها مركز في شي فنست أن الملف عند خالد ...طبعا شيكون شعور البنت لما تلقى شخص غريب يبعثر في أغراضها؟؟ وبعدين ينتقد خطها؟؟
وسبب ثالث كانت فرحانه وايد انه لاول مره في حياتها تقدم زين في الانجليزي ..
*******
طالع الساعه كانت ست وشي ..حس أنه يوعان ماكل شي من الصبح ...راح الكافتيريا وشل له سندويتش وعصير ..
وهو في طريقه لمكتبه ...كانت في وحده حاضنه ولدها وتصيح بقوة..
استغرب ..
عسى ماشر اختي؟؟
الحرمه ولدي يادكتور في سرطان في المخ بهالعمر وفيه سرطان في المخ ولازم عمليه ....
كان الطفل سبع سنوات بس ..استغرب خالد ..
عند أي دكتور ؟؟
الحرمه دكتور محمود ..
خالد شوفي ..قبل لاتآخذين أي قرارات ...أنصحج بالسكند أوبينين..
الحرمه وش هذا؟؟ دوا جديد؟؟
ابتسم خالد ..
لا ..روحي لطبيب ثاني علشان تتأكدين ولاتقولين له عن الحاله ..وشوفي اذا اعطاج نفس التقرير ..ولا تكتفين روحي لطبيب ثالث ..تأكدي انه ولدج عنده هالمرض قبل لا يصير شي لا يحمد عقباه ..
الحرمه تنصحي اسأل دكتور ثاني؟؟
خالد أنصحج تروحين لمستشفى ثاني ...واذا نفس التقرير هالحاله علاج هنا غير مضمون شيلي ولدج وعالجيه بره .
اسكتت المره وهزت راسها بزيين.. راح خالد لمكتبه لما دخل عليه دكتور محمود معصب أنت ازاي تقول كده للست ؟؟
خالد اول شي لاتصارخ ..وثاني شي ..أي ست؟؟
محمود أنا شفتك دلوقتي تقول لها تروح لطبيب تاني ..اييه دكتور خالد أنا مش مالي عينك؟؟
خالد لا دكتور محمود ..ماشاء الله عليك طول في عرض ..شلون ماتملاها؟؟
زأل سندويش وشرب من العصير والدكتور محمود رافع حواجبه منصدم ..
خالد لا تطالعني جيه.. كلنا نعرف مسأله السكيند ابونين ..وخاصه في حالات مثل هذي لازم في رأي ثاني ..والمسكينه كانت واقفه بروحها وشكلها على نياتها..خليها تتأكد أن ابنها مريض على الاقل..قبل لا تسوي اي عمليات أو اجراءات..
محمود اييه يعني انا بتبلى على ابنها؟؟
خالد كلنا نعرف كم تآخذ ورى العمليه الوحده من هالنوع ....
محمود دكتور خالد أنا مابسمحلكش ..
خالد البلد بلدي ..وهذول أهل بلدي تسمح لي ماتسمح لي ..هذا الموضوع مفروغ منه ..
محمود يعني حضرتك تتهمني في اخلاق المهنه ؟؟
خالد أنا ما أتهم ..حد ..بس الحرص واجب ..
طلع الدكتور محمود معصب من المكتب ..وخالد كمل أكله ولا كأنه مسوي شي ..
دخل عليه الدكتور فارس ..وهو دكتور كبير في العمر من أهل البلد ..
فارس مو جن اللي سويته غلط في حق الدكتور محمود؟؟
خالد وقف على ريوله احتراما له ليش يالك يشتكي؟؟
فارس دكتور محمود من زمان معانا ..من سبع سنوات .. مو من اسبوعين ..ولا مره غلط في حق أي دكتور ثاني ولا شكك في اخلاقيات المهنه اللي عنده ..
خالد دكتور فارس..أنا ماغلطت في شي..كل اللي سويته نصحت ام مريض بالسكيند اوبنين ..خاصه ان طفلها صغيير في العمر ..
فارس بهالطريقة تشكك من مصداقية المستشفى ..
خالد آسف .. اذا كان كلامك صحيح ..بس اللي بيشكك صدق في مصداقية المستشفى فحص غلط ولا تحليل خاطئ..
فارس استاذ خالد ,,لو سمحت..التزم في شغلك بس.. وتذكر انك تشتغل هنا ...في هالمستشفى ..مب ضدها ..
رجع خالد وكمل أكله ..طبعا من السيء انه دكتور مثل الدكتور فارس يوجه له ملاحظه ..بس خالد ما يحس بأي ذنب.. لانه ماسوى شي غلط ..

قصص غريبه

الحلقة الرابعه


آخر امتحان بكره ..تنهدت دانه ,,,وأخيرا ..بتطلع من هالبيت ..حست انها تختنق هنا ..مع انها ماتشوف خالد وايد ..بس هالاسبوع كانت وحيده فيه..عبير كله في السوق ..وزوجة خالها ماتسأل وايد عنها ..حتى خالها نفسه ..راعي قهاوي ودوواين ماتشوفيه دايما..على الاقل يوم كانت في بيت نايف كانت تتكلم مع البنات وتتكلم مع نايف ...وحتى منيرة كانت معاها زينه ..ماكانت تحس بالوحشه اللي تحس فيها الحين ...
رتبت أغراضها كلها ..وحطتها في الشنطه اللي يات فيها ..واستغربت وين الملف الاسود؟؟
طول ساعتين وهي تدور عليه مالقته .. اخترعت ..في اشياء المفروض محد يطلع عليها . متى آخر مرة شافته؟؟ متى ؟؟ لما كان خالد موجود ..اييه ..
على طول لغرفة خالد ..لكنها ماقدرت تتدخل ..رجعت لغرفتها ...ماتحب تنحط بموقف حرج ..لما يدخل ويلاقيها تعبث بأغراضه لانها نفسها ماتحب حد يعبث باغراضها ..رجعت ..وحطت الكتب كلها في الشنطه ..وبالاخير مسكت كتابها وادرست ..
*************
اتصل ...
ألو ..
خالد شخبارج يا شيماء؟؟
شيماء خالد؟؟ وأخيرا فكرت تتصل فيني؟
خالد وشفيج معصبه؟؟
شيماء شهر يالظالم؟؟؟
خالد شيوم ..أنا قلت لج مجرد ما أرجع البلاد انسيني ..
شيماء خالد ...انت من صجك؟؟
خالد لا كنت أمزح معاج!! طبعا من صجي ..
شيماء عيل ليش متصل فيني الحين؟؟؟
خالد وصلج واجب على ايميلي ..
شيماء مو عذر ..كنت تقدر تدزه لايميلي ..
خالد ماترتاحين الا اذا سمعتيها مني يعني؟؟
شيماء وأنت لمين تبي تخشها؟؟ مافيها شي لو سمعتني كلام حلو ..
خالد ............ حبيت اسمع صوتج ..
شيماء خالد ..انخطبت من سامر ..
خالد ....................
شيماء مثل ماتوقعت ..هالخبر مايهز فيك شعر ...مو مشكله ..أنا مابتزوج سامر ..على الاقل لين اخلص الدراسه ..
خالد احسن لج ..مع السلامه ..
ماردت شيماء ..وصكت التلفون ..تنهد خالد ..انسانه مثلها لازم تفهم موقفه ...هي انحرمت من عايلتها ..لازم تعرف ششعور الانسان لما يفقد عايلته ..وهذا ماكان خياره ..أجبر على هالشي ..وردت ذاكرته لهذاك اليوم ...
....
انفرد فيه ابوه بعد مالصدمة طيحت امه المسكينه ...
بو خالد من هذي اللي يبتها معاك؟؟
خالد هذي شيماء يبه ..
بو خالد شيماء منو؟؟
احتار خالد في هذيك اللحظة شيرد على ابوه؟؟
بوخالد من وين يبتها من الشارع؟؟ شسم أهلها وليش يبتها هني؟؟
خالد يبه شيماء يات معاي من الاردن ..هي تعيش في ملجأ هني ..لانها كانت لقيطه ..
انصدم بو خالد ..واختفى اللون من ويهه ..
بو خالد كانت لقيطه؟؟ ليش لقت اهلها الحين؟؟
خالد لا ..بس بتزوجها ومابتصير لقيطه بعد اليوم ..
ما توقع خالد ان ابوه يضربه كف على ويهه وهو في هالعمر ..
بوخالد لاتحسب اني راضي بخرابيطك قبل يعني اني راضي تسوي اللي تبيه في حياتك..ياي على آخر عمري تبي تتزوج وحده ماعندها لا حسب ولا نسب؟؟ وحده ماتدري انها بنت حلال ولا حرام؟؟ وبكل ثقة تقولي لي انك تبي تتزوجها علشان ماتصير لقيطه؟؟ انت صاحي ؟؟
خالد سكت وماعلق ..
بو خالد لا تقولي حب وتفاهات ...خالد ...ماسألت نفسك بكره لا يبت عيال وين بتحطهم؟؟ وين بيروحون من كلام الناس؟
خالد بس يبه شيماء بنت زينه...
بو خالد ومن حكم عليها بهالكلام ؟؟ أنت ؟؟ انت لو كنت بعقلك مايبتها لي هنا ..وأخواتك في البيت ..خالد ..اذا كنت تبي ترجع للبيت هذا مره ثانيه انصحك تنسى الموضوع ..
خالد بتطردنا يبه؟؟
بو خالد بقوم معاكم بواجب الضيافه لمده ثلاثة أيام ..وبعدها ..اذا لقيتك موجود في البيت مع هالبنت .. ما بيصير خير ..لا لك ..ولا لها ...
خالد ماله داعي واجب الضيافه اللي ذابحك ..حنا طالعين الحين .. توقعت انها بتكسر خاطرك لانها يتيمه ..
بوخالد لا حشى ..هذي مو يتيمه ..هذي لقيطه ..
خالد وشو الفرق؟؟
بو خالد اليتيمه ماتوا عنها أهلها يا دكتور ..وهذي ... لا اهل ولا اصل ..من الشارع ..
طلع خالد من غرفة ابوه ...ومسك يد شيماء وركبوا السياره ..
خالد والعبره خانقته زين انا مانزلنا الشنط ..
شيماء ماعلقت ..بس خمنت سبب اللي صار ..
قلت لك ..مابيتقبلوني..انت أصريت ..خالد ..ارجع لهلك ...صدقني ..أنا عشت بدون اهل طول عمري ..وما أقدر أوصف لك شقد كانت اتجربه أليمه ..وما أبيك تعيشها ..
التفت لها خالد ..وكانت تبتسم بيأس ..الكلمات اللي كان بيقولها نساها ..نزل عيونه ..
خذنا المطار ..
تحرك التاكسي . وشيما نولت راسها ,,وقالت بطريقة مستسلمة فيها ..
نزل شنطك على الأقل ..بدل ماتروح وتيي فيهم ..
خالد مابرد من دونج ...
شيماء بس يا خالد ..
خالد ادري ..ما بخسر هلي ..لا تخافين ..بس عندي اربع سنوات ..لما اخلص بفكر ...
خيبه امل على ويهه شيماء من بعد ماكانت عيونها فرحانه ..حس فيها ا خالد بقوة ..
....
دكتور ...في حالة مستعجله في الطواري ..
التفت خالد للممرضه وحط السماعات في جيبه وبسرعه . لحقها ..
*******
عبير ليش تدرسين في الصالة؟؟
دانه ناطره خالد ..بساله كم سؤال ..
عبير سؤال؟؟؟ في ايش؟؟ ما اعتقد الماده صعبه ..
دانه لا ..مو عن الماده .. عن شي ثاني .. ما عليج مني روحي نامي ..أنا بدررس لين مايي ...
عبير ايش امتحانج بكره فلسفه؟؟
دانه لا علم نفس ..
عبير تصبحين على خير ..
دانه وانتي من هل الخير .
**********
مسكينه دموعها علىخدودها اربع اربع ..
خالد دكتورة هيام .. لي متى بتمين تصيحين؟؟ المصاب كان جبده متفتت ..مافي شي يمكن ينقذه خصوصا ان تأخروا يلا يابوه ..
تدخلت الممرضه المسكينه خايفه يلومونها بموت المريض .أهله وايد متشددين ..وعندهم المره فاشله ..وحصل معاها هالشي كتيير ..
خالد خلاص دكتورة هيام ..أنا بستلم الشفت انتي روحي البيت ..
هيام هزت راسها بأوكي ..وراحت ..
طالع خالد جثة المصاب ..انتفاخ في بطنه كبير ..نتيجه تفتت جبده ..شاب بأول عمره ...بتكون صدمه عنيفه لهله ..
طلع خالد ..وسأل عن أهل المريض ..ونقل لهم الخبر ..وكرهه اللحظه هذي ..ولما سأله الابو شلون ..شرح له بشكل مبسط ..اللي صار ..
************
الساعه 6 الصبح ..
خالد دانه ..دانه ..
افتحت عيونها ..كان خالد واقف جدامها ..عدلت شيلتها ها؟؟
خالد الساعه ست ..وبيدج كتاب اكيد عندج امتحان .
دانه انت الحين رجعت؟؟
خالد اييه .. استلمت شفت زميلتي ..
دانه زين صحيتني ..كنت صاحية ا لين الفير ..
كانت بتقول ناطرتك ..بس ما حستها مناسبه .. أدرس ..
خالد انا بروح انام ..
قامت الدانه وهي تتثاءب ..آآآآآآآآآآآه ..اليوم آخر يوم من المدرسه ..تنشطت ..وخلت الشنط كلها في السياره ...على طول من المدرسه لبيت ناصر
...**************
قمر والله انج أنانيه ..
دانه أنا الحين انانيه؟؟ الحين حطي خيارات بين راحتي ووناستج ..قمر ..تعبت من كلام امج اللي يغث ..
قمر ويهون عليج تتركيني بين كلام امي و غطرسه بدور؟؟
دانه عندج أخوي ..
قمر أخوج ما اشوفه .كله برا ..هو يهرب من البيت ..وأمي تتفرعن علي أنا وبدور ..ولا تنسين انها حامل ..يعني غصبا علينا نسمعها بدون أي كلام ..بدور ناوية تسافر مع بنات خالتي .وأنا ما أطيقهم ..
دانه قمور ,,تعالي بيت ناصر .عمج ..
قمر علشان تذبحني امي؟؟ عيال عمي اصغرهم أكبر مني بثلاث سنوات !!
دانه يمكن ترتاحين ويخطبونج انتي واختج ..
قمر انخطف ويهها .. لا ..لا تقولين ..
دانه قمور .. وين شردت الالوان من ويهج ..
قمر عمتي .ما ابيهم ..أبي خالد بس ..
دانه خالد واحد شايف نفسه ..ووتعامله مع الناس جاف ..وراعي مشاكل .
قمر عمتي ..انتي تكرهينه ..بس هو غير ..
دانه شوفي قمر ..لا تسوين مشاكل لنايف اخوي ..هو يبيج لابن اخوه ..امشي ورى ابوج وارضي بنصيبج ..
قمر يعني انتي بترضين بنصيبج؟؟
دانه وأنا شدخلني في الموضوع؟؟
قمر خطبج ضاحي ..وابوي شكله موافق ..
دانه ضاحي منو؟؟
قمر خالي ..
دانه شلون؟؟؟
انهارت دانه ..
قمر شوفي ..أنا مالي خص ...ماقلت لج شي ..
دانه ليش؟؟
قمر ما ادري .اعتقد السبب كله من مرت عمي ناصر الحيه ..
دانه هناء؟؟
قمر امي اتصلت فيها وقالت لها انج بتروحين لها بعد الامتحانات ..فاقترحت عليها هالموضوع ..
دانه وناصر بعد؟؟ وثامر ..ماعرفت شرايه ؟؟ وسعود ..بيرضون يقطوني في هالزيجه؟؟
قمر للحين محد قال رايه النهائي ..ناطرينج تخلصينن امتحانات ..
دانه كل هذا يصير من وراي؟؟
قمر المصيبة الادهى ..ضاحي ما يبيج ..
دانه بعد!!!! عيل ليش خاطبني؟؟
قمر ما ادري ..
قامت دانه من مكانها ..وهي مصدومه ..اركبت على طول السيارة ..
راجو ..خذني بيت ناصر ..
قمر دانه ما بتحضرين الحفله؟؟
دانه لا ..خلاص قمر ..مالي بارض للحفله ... يلا اوصل بيت ناصر ..الطريق بعيد ..
قمر بس انتي يبتي الاكل وكل شي ..
دانه اغرقتت بدموعها ,,
قمر .أرجوج .. اتركيني ...
********
دكتورة هيام ليش داومت؟؟
خالد دوامي ليش ما اداوم ؟؟
هيام زوجي يوصل سلامه ويشكرك ..والمفروض انا استلم دوامك اليوم ..
خالد لا ..ما احب حد يناوب عني ..بلا اهانه ..بس ما احب ....
خالد بينه وبين نفسه مايحب حد يناوب عنه في شغله لانه مسؤوليه وهو ما يوثق بحد ..
مر من جانب استراحة الاطباء ..
((يتصرف يهالطريقة وهو ما كمل ا شهر ..عيل بعد كم سنه شلون بيتصرف ؟؟((
صوت دكتور ..(( واثق من نفسه ..شعليكم فيه ((
صوت ناعم علق ..(( أهم شي ..أنه دكتور ممتاز ..مو مهم طريقة تعامله ..مع اني أييد أنه يآخذ كورس فن الاتيكيت والمجاملات ..((
))مجاملات؟؟ لو يرضى اطرشه على حسابي يدرس اربع سنوات ..في هالموضوع ..صدقوني ..بس الشي اللي يحتاجه انه يكون لطيف مع الناس ..انا مستغربة كل طبيب عرفته يكون متسامح مع الناس لطيف معاهم ..أما هذا الدكتور خالد ..غير ..تعبت من كلامه الفظ ..((
رجع خالد لمكتبه ..وهون عن استراحة الاطباء ((..يبوني أكون لطيف؟؟ ليش وين أنا ؟؟ في مسلسل مكسيكي؟؟؟ ولا ذا بولد اند بيوتفل؟؟ ما يعرفون أني ياي اشتغل بس؟؟))
السكرتيرة دكتور خالد ...استاذ فارس يبيك في مكتبه ..
خالد الحين انا دكتور وفارس صار استاذ؟؟
الممرضه مسكينه ..توها متعينه ..كانت تشتغل في وزارة التربية ..
ابتسم خالد ..يمكن هذا هو السبب ..
*******
دكتور فارس تفضل ..
دخل خالد ..
فارس ما انكر ان اللي صار ..من مصلحة المستشفى ..بس ..ما ابيك تتخذه كأسلوب لك ..
خالد ؟؟؟؟ اللي صار؟؟ ما فهمت دكتور خالد ..
فارس اتصلت فيني اليوم ام طلال ..
خالد مافهم شاللي دخله في الموضوع؟؟
فارس ام طلال..ابنهما طلال كان مريض عند الدكتور محمود ..اتصلت فيني مثل ماقلت .. ووصتني اتشكرك شخصيا..
رفع خالد حواجبه استنكار ..مافهم أي شي ...
فارس الولد طلع عنده ورم حميد..بالكاد يبين ..وما يستاهل أي عمليه جراحيه ..لان ماله اي اثر ..واللي كان مسبب له المرض والصداع فقر دم حاد ..
خالد فرح للولد الصغير ..ولكنه ضبط ملامح ويهه وهو يقول والدكتور محمود؟؟
فارس الحين بين عياله بدون مشاكل ..
فهم خالد انه الدكتور محمود تسفر ..
فارس ما حبينا ننهي مستقبله ..ويمكن ما كان يقصد ..بس السؤال ..شلون شكيت فيه؟؟
خالد لاني كنت أشوفه دايما في المختبرات ...ولاحظت انه يختم أشياء بدون مايكون أي حد موجود ..من مسؤولي المختبر ..
فارس ما علق ..وخالد قال لا تلومني ..أول ما شفته ..تعمدت أمر من جدام مكتبه ..وكانت ام طلال ..
فارس بامكانك تتفضل لمكتبك ..وأنا فخور انه المستشفى اكسبت شخص أمين ..ودكتور شاطر ..وبالنسبه للمختبر ..أنا بتصرف ..شكرا ..
خالد هذا كان من واجبي ..
محد يعرف شقد كان خالد فخور بهاللحظة ...فرح لام طلال ..ولطلال ..
**********
فترة الاستراحه ..استغلها في ترتيب ملفاته ..ولفت نظره ملف اسود ..فتحه ..كان ملف الدانه ..ما قاوم فضوله ..وقرأ اول صفحه ..
((لك بس انت ...
محدغيرك انت ...
في الكون بس انت ..
ولاحد يستاهلها غيرك انت ..
والجدير فيها انت ..
حمااااااااااااااااااااااا اااااااار ((
ضحك خالد..وحس انه مو من حقه انه يقرأ الملف ....اذا رجع اليوم بيرجعه لها انشاءالله ..صك الملف ..ورجع يرتب أوراقه ..
*****************
اليوم الثاني ...الصبح..
ما كانت تبي تطلع من غرفة حمد ...
حمد عمتي قومي ابوي يبيج ...
(حمد اكبر منها بسنتين ..(
دانه ابوك؟؟
حمد قومي عمتي وصدقيني ما بيصيرالا الخير ..انا معاج ..
دانه حمد معلش ..ما ابي اشوف حد ..أنا مصدعه تعبانه قل لبوك اني بكلمه على العشا انشاءالله ..
حمد دانه ...لا تتصرفين بعناد..أبوي مايحب العناد..ودامي موجود ..
دانه شعناده؟؟ حمد أنا تعبانه قول لناصر لقيتني نايمه ...
حمد أنا رايح دوامي ..وبرجع في الليل انشاءالله ..بقول لبوي انج تعبانه .بس في الليل بتواجهينه ..
دانه اسمع نفسك لما تتكلم ...جنك في مسلسل مصري ..شمواجهته؟؟ انا ماسويت شي ..أبوك هو اللي تصرف من وراي ياب معرس ..انا ما ابي اتزوج ..
حمد دانه لا تكلميني بهالاستخفاف ..لاتنسين اني اكبر منج ..
دانه انا عمتك اكلمك مثلما ابي ..
حمد انتي قدها؟؟
دانه اي ..
حمد بسرعه هجم على عمته وصار يدغدغها ودانه من النوع اللي ماتتحمل تنفجر ضحك ..بس تبي تبعده عنها..بس هو أقوى منها ..
دانه ههههه هههههههههههههههههههههه بس حمد آسفه آسفه ماطلعت قدها ..بس حموووووود ..
حمد ابتعد عنها وعدل شعره ولبس طاقيه الشرطه مالته ..
علشان تستهينين فيني مرة ثانية ....
دانه الله ياخذك يالحمار ...آآآه ذبحتني من الضحك ..
قرب منها حمد..
دانه أنا حماره خلاص ...خلاص انا حماره ..
حمد احم احم .. اي هالشكل تعدلي ..انا عمج ..
دانه لا والله؟ ؟؟
حمد ها شقلنا؟؟
دانه قلت قول لبوك اني نايمه وتقلفع لشغلك..
حمد لماارجع بأدبج ..انطري علي ..
دانه انطر ...ماوراي الا ضاحي بن محمد ...
حمد الريال زين ..
دانه بس انا ما ابي شي من ريحه منور اكرهها ..
حمد كيفج ..سلمان اليوم في الشاليه ..وحسن في سيلين مع ربعه ... خالد عنده مباراه اليوم ..والبنات الصغار في بيت خالتي ..لاتخلينهم يستفردون فيج ..صكي الباب على عمرج لين نيي..لا تواجهينهم بروحج ..لاتنسين كل واحد يبي مصلحته ..
دانه حمد شقصدك؟؟
حمد افهميها عاد ..يلا مع السلامه ...
احتارت دانه ...شقصده حمد؟؟ شمصلحتهم في زواجها من ضاحي ؟؟ ((أكييد.شلون مافكرت جي..يبون يفتكون مني ..محد يبي يشيل مسؤوليتي...وحريم اخواني يبون الفكه ...ياربي ...وين أروح ..وين اقط ويههي ..بيت خالي مستحيل ..مالي ويهه ارجع ...يبون يزوجوني يعني؟؟ لا ..لا ..((
دخل ناصر الغرفه دانه تعالي أبيج ..
دانه أبي أنام ..
ناصر قومي ثامر وسعود ونايف تحت ..قومي ..
دانه تذكرت كلام حمد ..لايستفردون فيج ..بس ماعندها حيله ..
********
عبير راحت دون ما تسلم علي الخايسه أراويها ..
خالد من..... دانه؟؟
عبير اييه اليوم آخر امتحان عندها ..وجوالها صاكته ...ماتبي تفتحه الحماره ..
ماعلق خالد ..كان يبي يرجع لها الملف ..بس الظاهر انها راحت ..ارتاح نفسيا انها راحت ..كان يحس بضيق لما يشوفها ...ويتشاءم منها ..
عبير وين سرحان؟؟ قوولي لي ..متى بتخطبها؟
خالد أخطب مين؟
عبير دانه ...
خالد لا ..أنا ما أبي دانه .أني أبي بنت اخوها ..أعجبتني وايد ..
عبير مدت بوز قمور؟؟ صدقني ماتستاهل ..دلوعه وايد ..
خالد يعني دانه خاليه من الدلع ؟؟
عبير دانه احلى من قمر ..
خالد الحين الدانه احلى من قمر؟؟
عبير قمر الزمان هذا اسمها ...دانه عيونها احلى ..سود ..ما شفت عيون بهالسواد من قبل ...وشعرها اغمج من عيونها ..وحرير ..مثل ظلمه الليل ..وبياضها ياي العكس تماما من لون عيونها وشعرها ..تحس انه كاسر لون شعرها ..ومابتكلم عن الخشم ..أنت شفته ...قد مره شفت خشم بهالحلاة؟؟ ..
خالد لا توصفينها لي .أنا ما أبيها ..أبي قمر ..
عبير ايش شايف بقمر علشان تتعلق فيها جي ؟؟ ملامحها عادية ..ودلوعه ..ولاعندها اي طموح..دخلت علمي بس علشان تغيض اختها بدور ..
خالد بدور ؟
عبير بدر البدور ..النسخه من قمر..بس متغطرسه وشايفه عمرها ..من اتذكرها انغث ... كانت تبي قمر تدخل ادبي علشان يسوون كبل..بس قمر عناد فيها دخلت علمي ...دلوعات بشكل كبير ... لكن دانه عاقل وحبوبه ..وروحها طيبه ..وعاجبه امي ..هذا هو المهم ..
********************
سعود ها شقلتي؟؟
دانه ليش أنا في مزاد؟؟؟ شلون تبوني أختار؟؟
ثامر ليش مصعبتها وايد ؟؟ اختاري من تبين ؟؟ خالد ولا عامر ولا ضاحي ؟؟
دانه الحين بس هذي خياراتي؟؟ من اختار؟؟ أنا ما أبي أتزوج ..افهموا ..
ثامر دانه ..بلا تدلع ..ترا محد رايق لج ..
نايف ما علق ..تقريبا الحنون بين اخوانها هو نايف ...بالاحرى اللي شخصيته ضعيفه ..
ناصر أنا من راي اخوانج ..تتزوجين احسن ..
دانه ليش تبون تحذفوني على الناس...عامر مايبي يتزوج عقب اختي نوير الله يرحمها.. وضاحي سمعت انه مايبي يتزوجني ..وخالد في باله وحده ثانية مايبي يتزوجني ..غصب تطيحوني في جبود الناس؟؟
ناصر هالموضوع مو صحيح ..
دانه ليش مو طايقيني يا اخواني؟؟ ثامر يوم زوجتك مريم دخلت المستشفى ..من اللي بقت قرب عيالك لين قامت بالسلامه؟؟ سعود..لما سافرت انت وزوجتك لبنان ..من اللي حذفتوها مع اليهال رغم ان اليهال صغار؟؟ و ماتطلعون لبلد ثاني اكون عند الطلب..ناصر..بناتك من دايما تكون معاهم لما تطلع انت وزوجتك ؟؟ من اتللي تاخذهم السوق وتتشرى لهم؟؟ نايف..بناتك أنا اللي كنت دايما معاهم ..وهم في عز حاجتهم لكم ..كنتوا تتجاهلونهم ..انا الللي كنت اقول لهم شالصح وشالغلط..وانت ومنيرة ماكلفتوا عمركم تسألونهم عن دراستهم ...ودايما انا موجوده ..من بيت لبيت ..دايما عند الطلب ..مستعده اظل على هالحال وأنا في قمه سعادتي بس لاتدفنوني مع ناس ما ابيهم..ماكان لازم تبيعون بيت امي ..ماكان لازم اخليكم دام بيوتكم ضاقت علي وحريمكم تتشكى مني ..
ناصر بلا كلام ماله داعي .. كل اللي سويتيه كان واجبج كعمه ,,,وهالكلام لا تمين تمنين علينا فيه ..
دانه ناصر ..ما ابي اتزوج ..ما ابي ..ارحمني ..
ناصر دانه ..أنا وأخوانج نشوف ان الزواج افضل الطرق انج تكملين حياتج ..
قاطعته دانه ناصر ...لاتأثر عليك هناء ...وانت يانايف لاتاثر عليك منيرة ..ولامريم ..أنا أختكم ..أنا اللي باقيه لكم .. ماعندي غيركم حرام عليكم ..
ناصر لاتقلبينه فيلم هندي ...من تبين اختاري ..
طالعت دانه اخوها الكبير نايف ..وشافته يتهرب من نظراتها ..
دانه اول ..شي ..اتصلوا في خالد ..واسألوه يبيني ولا لا ..ونفس الشي ..بضاحي وعامر ..
نايف ضاحي يبيج اكييد ..وعامر حنا نبيج تربين ولده ..خالد ..لام خالي كلمني انه يبيج له ...
ناصر بتصل في خالد واساله ..ما طلبتي شي ..
مسك جواله واتصل في خالد ..
***
خالد زين وين ريموت التلفزيون؟؟
عبير هذا..خالد ..جوالك يرن ..
خالد خذ جواله وطلع بره يكلم ناصر ..
خالد ألو ...هلا ناصر بولد عمتي ..
ناصر هلا ..خالد شخبارك؟؟
خالد بخير الحمدالله ..وانت والعيال؟؟
ناصر كلنا بخير الحمدالله ...شوف خالد ...
خالد لبيه ...
ناصر ياني خاطب لدانه..وأنا من زمان كنت مكلم خالي وقال يبيها لك ..والريال انا شاريه اذا غيرت رايك ..بس انت اولى ..ها شقلت ؟؟
(احتار خالد ..ماعرف شيقول ..يرخصها ولا لا ؟؟ مايقدر على زعل ابوه ...وامه تبيها ..(
ناصر ها خالد ؟؟؟
خالد كيفك ..
ناصر ترخصها؟؟
خالد ما ودي بس ماعندي اي خطط زواج حاليا . شوف رايها ااذا تنطر لين ما استقر ...الامر بيدها ..
ناصر زين ...ما فهمت ..تبيها ولا لا؟؟
خالد كيفها ..
ناصر ايش كيفها هاذي؟؟ مالها راي تبيها انت ولا لا؟
خالد خلاص خلي تروح لنصيبها ..
ناصر خلاص ..مع السلامه ..
**********
ناصر رخصها ....يعني من اليوم دانه لضاحي وضاحي لدانه ..
دانه شلون؟؟
ناصر ضاحي مناسب لج ..قريب من عمرج ..عمره24سنه بس ..اما عامر .. كبير عليج ...حسبتها انسب واحد لج هو ضاحي دام رخصج خالد.
دانه ودموع عيونها غرقها ما فهمت ليش ناديتوني بالاساس ..لو نايمه كان احسن لي من وجع الراس ..قررتوا وسويتوا اللي تبون ..
ناصر نايف دق على نسيبك ..وقوله انا وافقنا ..
نايف ما تكلم ..بس هز راسه ..ودانه ركضت لغرفتها تصيح ..
***********
خالد موضوع الدانه وخلصنا منه ..
عبير شلون؟؟
خالد اتصل ناصر ..يقول اخطبوها ناس ..
عبير لا ...من ؟؟
خالد نسيت اسأل من ...مو مهم ..
عبير لا يا خالد ..لا تفرط في دانه ..خالد اذا لي غلا في قلبك ..لا ياخالد ..ارجوك ..
خالد ما اشوف في دانه اي شي يجذب ..وأنا أكرهها من كانت طفله ..
عبير طبعا ماتشوف ..قمر مدلعه ..ولاشافت التشتت اللي شافته دانه ..فتبين لك جذابه وويهها منور ..لكن الدانه مسكينه ..ماتقدر تنام من الهم ..وتسأل نفسها بكره في اي بيت من اخوانها بتنام ..ارجوك ..خالد والله ما تستاهل ..
خالد يمكن يكون ريلها احسن مني؟؟ وعلى الاقل يحبها !!؟...
عبير يمكن ...بس ..
خالد لا تبسبسين ...خلاص صار اللي صار ...
طلع خالد لغرفته ....كلام عبير اثر فيه شوي ...طالع ملف الدانه ..وفتحه ..وقلب في اوراقه ...

((مع نسيم الفجر..احتارت روحي.. الى اين ستطير اليوم..هل الى المحيط الهادي ام الشمالي؟؟ ام الاطلسي ..((
(يمه ...ارجوج ..غفر لي ..ادري بسبتي متي ...آسفه يمه ..والله ما كان قصدي ..انا ما كنت ابيه بس ...يمه .أكرهه لانه هو السبب في التعب اللي انتي فيه ما اقدر يمه .لليوم شايله ذنب موتج ..ليتني مارفضت ولا صار اللي صار ..(
احتار خالد ..شقصدها الدانه ؟؟ شلون هي السبب في موت عمته؟؟ يمكن هالملف فيه الاجابه !


قصص غريبه
الحلقة الخامسه ...


دخل نايف للغرفه كانت دانه مو قادره تمسك دموعها ...
نايف خلاص دانه ...
دانه طلعت يتيمه ... يتيمه مع انه عندي اربع اخوان ..
نايف صدقينني يالدانه مصلحتج تستقلين في حياتج ..
دانه قصدك مصلحة زوجاتكم ...خلاص يا نايف ..اللي تبونه سووه ..
نايف دانه ..لا تزعلين ..
لكن قلب الدانه كان يقول
((خلاص وش يفيد الزعل ؟؟ والورد اللي في قلبي ذبل ..
وروحي كانت معلقه بأمل ..للأسف تخلى عنها ورحل ...))

*********

ناصر خلاص ملجناج على ضاحي ..
دانه شلون؟؟ بهالسرعه ؟؟ توك من ساعتين بس عطيته الموافقه متى صارت ملجه؟؟
ناصر الريال كان وقته فاضي ..وخير البر عاجله ..
دانه شلون؟؟
ناصر شنطتج كانت بره ؟؟هناء خذت البطاقه منها ..مبروك ..
طلع خمسمية ريال من جيبه وحطاها على الطاولة كهدية زواج ..
انهارت دانه ..وقف شعر جسمها من الخبر ..سالت دموعها ..بس ابتسمت..خلاص ..تزوجت ..ماعندها اي حل ثاني ..خلاص ..اتصل في حمد ابشره ..
اتصل على جوال حمد ..
حمد هلا ..
دانه هلا حمود ..
حمد حمود في عينج ...يا دوين ..
دانه والعبره خانقتها لو سمحت ..أنت تكلم مدام ضاحي بن محمد ..
حمد بايخه ...نكته بايخه ..
دانه ومن قال لك اني أنكت؟؟ (حاولت تشيل نبرة الحزن من صوتها وخذت نفس) ابوك توه دخل علي وقال لي اني خلاص ..صرت مدام ضاحي ..
حمد عصب وايد ...
أنا مو قلت لج يالخبله لا تخليهم يستفردون فيج؟؟ شلون رضيتي بهالسرعه ؟ توج من ثلاث ساعات كنتي معاي ..وما كنتي تبين ؟؟
دانه خلاص حمد ..خلاص ..خذوا بطاقتي ..وملجوا ..
حمد من هم ابوي بس؟؟
دانه ناصر وثامر وسعود ..حتى نايف ..
حمد زين ليش ما اتصلتي في ولد عمج خليفه ؟؟هو قاضي ..
دانه حمد ..خلاص ملجوني عليه خلاص ..مافي فكه منه ..خلاص ..
وبدت تصيح . صكت التلفون ... وحطت راسها تنام...يمكن ييها النوم ..
********
الممرضه مافيش اليوم حد ..
خالد معليش ..بقى لي ساعه من دوامي واروح ...
طالع الساعه ..كانت وحده في الليل ..
طلع يشوف اذا حد محتاج مساعده ..
شاف شخص ساند بنت ..استغرب ..هالويهه يعرفه ..
دانه ؟؟
كانت غايبه عن الوعي ..
حمد انت مين؟؟
خالد انت مين ..وشفيها الدانه؟؟ هاتها ..هاتها ..حطها على سرير الفحص ..
حمد قرا اسم خالد ..فعرف انه انه ابن خال ابوه ..
خالد نهاد ..نهاد ...
المرضه ايوه ..
***************
خالد شصار لها؟؟
حمد انت الدكتور ..عمتي شفيها ..
خالد انهيار عصبي ..وارهاق وعدم تغذيه ..
حمد ما شي خطير؟
خالد اتمنى لاء ..امس ماكانت جي ..شصار لها؟
حمد استفرد فيها ابوي وعمامي وزوجوها ..
خالد زواج؟؟ كنت أظنه خطبه بس ..
حمد وانا بعد ..لين رجعت من الدوام ..كان على بالي انها نايمه ..لين هالساعه ..حاولت اصحيها ..ماصحت ..ويهها مختفي منه اللون ..وشفايفها بيض ..خفت لايصير فيها شي ..
خالد حس بتأنيب ضمير ..شكلها مو راضيه بهالزواج ..
حمد خالد..الحين شلون حالها ؟؟
خالد تعرف مهدئات ومغذي ..انشالله بكره تكون احسن ..خلاص انت روح وانا معاها ..
حمد بس ..
خالد لا ..لا تقول بس ..الظاهر عندك دوام بكره ..روح .أنا طبيب وولد خالها ..لا تخاف عليها ..
حمد خلاص ..بكره بآخذ اجازه وايي ..
خالد الله معاك ..
نهاد بس دوامك خلص يا دكتور ..
خالد انتي روحي ..وأنا بس بكون مشرف عليها ..
دق على عبير ..
عبير الو ..
خالد صاحيه؟؟؟
عبير وعليكم السلام ..صاحيه ..
خالد تعالي المستشفى ..
عبير ليش؟؟
خالد بتعرفين بعد شوي تعالي مع الدريول ..
عبير محلاني طالعه هالحزه مع الدريول شيقولون الناس عني؟
خالد تعالي لاتكثرين حجي ..تعالي ..
***
ماقدر خالد يجلس في مكتبه ..فقام وخذ جوله في الممر ..ساعد كم طبيب ..مع انه ماكانت في زحمه ..
رجع لمكتبه بعد ساعه ..وكانت عبير مختبصه ..
عبير وين رحت خرعتني ..
خالد ليش اخرعج؟ توج وصلتي ..تعالي اقولج ليش ناديتج .
**********
صحت دانه ..وكان الكل حولها ...قمر وخالد وعبير و حمد ..ونايف ..
الكل حمدالله على السلامه ..
هز راسها وهي غير مستوعبه ..
خالد كنتي تعانين من انهيار عصبي ..مع سوء تغذية وارهاق ...شلونج الحين تحسين بأي تعب او شي؟؟
دانه ابي امي ...يبوا لي امي ..أبي امي خالد ..نايف .أبي أمي ..
قالتها وهي تعبانه ودموعها مع كل حرف ....الكل نصدموا ...حس خالد ان اللي قدامه هي طفله ..
قمر وعبير ما كتموا دمعتهم ..نايف تهرب من نظرات الدانه ...الوحيد اللي تكلم كان حمد .
حمد عن العياره ..ولعب اليهال .. من وين ييب أمج؟؟
الدانه حمد ...بموت ان ما يبتوا لي امي ...
نايف لو نقدر نييبها لج ..كان يببناها ..
حمد شوف الدلع بس..عمتي لاتصيرين دلوعه جي مو لايق لج ..أبي أمي..بعد شوي ابيي امي ابي ابوي ابي زوجي ..امبيه ما اقدر ...
ابتسمت الدانه ..
دخل ريال فجأة للغرفه ..
انصدمت الدانه ...من هذا؟؟
نايف هلا ضاحي ..ادخل حياك ...
بطلت دانه حلجها وما اكتمت شهقه ..وصرخت.. آآآآآآآآه ...آآآآآآآآآآآآآآآآآلالالا الللللللللللللللل لللللللللا ...
************
خالد انهيار عصبي حاد ..كم يوم وتصير زينه ..
البنات ذبحوا عمرهم من الصياح ..الموقف اللي صار كان اكبر من اي كلام ..
خالد أنا بروح مع اختي الحين من امس وانا مداوم ..عن اذنكم ..
خالد نفسه ماكان على طبيعته .. منتفض ...
في السيارة
عبير شكنت تقول ؟؟ يمكن أحسن منك؟؟ كله بسببك يا خالد كله بسببك ..
خالد عبير الي فيني كافيني ..حلي عني ..
عبير يمه ..والله الدانه ماتستاهل ..والله ماتستاهل ...حرام عليك ..
خالد خلاص صارت زوجته ..شتقدر تسوي؟؟ محد يقدر يسوي شي ..
عبير يا ويلي عليج يا دانه ..يا ويلي عليج وعلى حظج ..
خالد شفيه حظها ؟؟ الريال ما يعيبه الا جيبه....
عبير انت من صجك؟؟ ماشفته؟؟
خالد مافيه شي..
عبير الا يخرع يخرع ...يخر ع ...
عبير افقدت اعصابها ..وخالد حاس بتأنيب ضمير فظيع ...
************
دخل خالد غرفته .. ومارد على ابوه وامه اللي مستغربين عدم رجوعه واختفاء عبير من البيت في هاحزه ..
قفل الباب ..وانسدح على السرير ...آه يالدانه ..ياني متلوم علشان اللي صار لج .
طقات الباب القوية وصرخات ابوه وعصبيته خلته يخمن ان عبير قالت لهم كل شي ..
تذكر ضاحي ..ماينسى رده الفعل عند الكل ..حتى هو اخترع ..كان ضخم ..ويهه خالي من كل وسامه ..خشمه كبير.. وعيونه كبار لدرجه الجحوظ ..وأسمر ..من الوهله الاولى تخترع من ويهه ....المسكين شكله انحرج وراح.. بعد المسرحيه اللي صارت ..
كان خالد بهالتصرف يحاول يشغل نفسه عن غضب ابوه ...غمض عيونه ومن الارهاق نام ..


قصص غريبه
الحلقة السادسة ..


رن جواله .. رد عليه وهو نايم ..
عبير خالد ..قوم دوامك ..
خالد دوام؟؟ ليش الساعه كم؟؟
عبير دخلنا العصاري ..قوم ..
خالد زين ..
صك التلفون ..وقام ..للحين بملابس امس ..الصبح الساعه ثمان رجع البيت...تسبح وطلع ..لبس ملابسه ..وشال اغراضه وطلع من الغرفة ..
عبير بروح وياك ..
ماقال شي ..ركبت السيارة وهي مكتئبه ...
عبير ليش ماكليت لك شي؟؟
خلد ما ابي ..
عيون خالد كانت حمره وويها تعبان ..
عبير خالد ...ابوي عصب وايد ....
خالد .....................................
عبير راضيه لا رجعنا ...
خالد شسوي؟؟ شتبيني اسوي؟؟
عبير ما ادري ..بس اهم شي يرضى ..
خالد تدرين اني ما ابي اروح المستشفى؟؟ ما اقدر ..بس ضاغط على نفسي ..ما تعرفين اي شعور احس فيه الحين؟؟
عبير خالد انت تحب الدانه ؟
خالد ما احبها ..بس ما ..مو راضي عن نفسي انها ...
عبير حاس بالذنب؟؟
خالد اللي احسه ..انه دانه ماتستاهل ..واني كان ممكن انقذها على حساب نفسي ..بس طلعت اناني ...
عبير من يومك كنت اناني ..مايات على هالسالفة بس ....تذكر البنت اللي يبتها؟؟ انانيتك خلتك ماتزور الدوحه طول اربع سنين..علشانها ..امي المسكينه كانت ما تطلع من البيت في هالاربع سنوات ..يمكن تتصل وما تكون موجوده ..كل عيد أو مناسبه ..أمي تصيح دم ..مو كافيها ان بناتها بعاد عنها ..ووحيدها مايكلف نفسه اتصال ..
خالد عبير اسكتي عني كافيني اللي فيني ..
عبير طول امس وانا افكر في الدانه ..خالد ..أكرهك يا خالد ..اكرهك ..سببت العذاب لاغلى ناس عندي ..
ماعلق خالد ..وطول الطريق تموا ساكتين ...
***********
في المستشفى ...
نايف بيني وبينها ياقمر ثمان وعشرين سنه !! بينها وبين ثامر اللي هو اصغرنا خمسطعش سنه !! خفنا عليها ..لاننا مو من جيلها ..كنا نبي نزوجها وهي بنت خمسطعش ..بس اجلنا شوي ..
قمر مو عذر انكم ماخليتوها تشوفه ...وتقرر اذا تبيهه ولا لا ..
نايف انتي قلتي لها عن خالج ..ليش ما وصفتيه لها؟؟
قمر يبه ..هذا خالي ..حلو في عيني ..اقصد اني تعودت عليه ..
نايف قمر ماني رايق لج ..بعدي عن طريقي ..
خالد سمعهم هو وعبير ...اللي نزلت راسها.. طالع قمر ..اللي كانت معصبه علشان حالة عمتها ..بس لاحظ استهتارها في شيلتها ...غرتها طالعه كلها ...مخليتها طالعه جنان ..التفت لعبير اللي كانت حاطه الغشوة على ويهها ..
روحي داخل ...
عبير يلا قمر ..خلينا نروح لعمتج ..
قمر كانت عيونها على خالد ..وقالت وهي سرحانه نايمه ..طلعت من عندها توني ,,
خالد نزل عيونه ,,,قمر ما احشمت ابوها اللي واقف ..بس ابوها كان سرحان هو الثاني ..
راح داخل لعند الدكتور المسؤول ...
**************************
بعد اسبوع ..
حمد عمتي انا اجرت شقه ..
دانه ليش؟؟
حمد بتم وياج لين تتزوجين ..وما ابيج تظلين في بيت ابوي او اي حد من اعمامي ..
دانه بالعكس ..حريم اخواني الحين معاي احس من قبل بوايد ..
حمد ما يهمني ..اليوم بتطلعين من المستشفى للشقة ..
دانه حمود ما ابي اكلف عليك ..
حمد شو حمود هاذي؟ اصغر عيالج؟؟ يلا زين مافكيتي شنطتج ..خليت السواق اخذها للشقة ...
دانه مامداني ...
دخل خالد مع الطبيب المسؤول عن حالتها ..
خالد ها دانه ..بتتركينا ..
دانه اووه ..خلاص تبيني اسكن هنا؟؟
خالد شلون حالتج الحين؟؟
الطبيب لا ماشاءالله عليها ..وايد متحسن حالها ...تحدت توقعاتنا وقامت بسلامه ...ولا حد ثاني كان تم شهر على الاقل في المستشفى ..
دانه مشكور ا دكتور ..ادري ازعجتكم وايد هالاسبوع ..
الدكتور لا .. شالكلام ..هذا واجبنا وأقل من واجبنا ..عن اذنكم ..
خالد عن اذنكم ...
حمد ما علق بس الدانه اسرحت شوي ..اللي خلاها توقف على حيلها ايمانها القوي بالله ..ورضت بالي صار ..تذكرت كلام امها ..امشي ورا اخوانج ..مابقى لج غيرهم ....تمنت دانه لو انه وافقت على خالد لما كانت امها تزن على راسها علشان الخطبة تصير ...ودانه ترفض بحجة الدراسه ...
(خلاص ..ليش اتمنى شي خلاص انتهى؟؟ ليش اندم على كرامتي ؟؟ يمكن ضاحي يكون زين ومايهيني مثل خالد؟؟ مكن اعجبه؟؟ بس قمر قالت انه مو راضي ..او ما يبيني ..ما ادري شالكلمة اللي قالتها ..(
حمد دانه ..وين سرحانه؟؟
دانه ها ..ولاشي كنت افكر ...
حمد بنت اخوج هنا ..
انتبهت دانه ان قمر واقفه جنبها ..
قمر نحن هنا ,,عمتي وين سرحانه؟؟
حمد طلع من دون مايستأذن ..يمكن استأذن بس دانه كانت مشوشه ..
قمر هذا ولد اخوج مايعرف الاصول ..ماعنده مذهب ..
دانه حدج عاد ...الا حمد يا قمر ..هاذا اغلى انسان عندي .. لاتغلطين عليه ..
قمر شفتيه ماسلم ولاسأل عن الحال ..
دانه وانتي شعليج منه ماكنتي تبين خالد؟؟ وبعدين شوفي ويههج ..حمد يخاف ربه ..وشكله استحى من هالمكياج اللي حاطته والغره اللي مطلعتها .
قمر عمتي ...انا كبرت خلاص ..وهالشي عادي ..
دانه شلون كبرتي خلاص؟؟ هذا اللي يسمونه عذر اقبح من ذنب ...المفروض تخافين الله وماتظهرين فتنتج ..لانج كبرتي ..
قمر بس ,,
دانه قمر ..عدلي شيلتج ..ولاطلعت حطيها على ويهج ..مايسوى لج هالذنوب اللي تآخذينها ..
قمر .............
دانه شفتي خالد؟
قمر اييه ..توه طلع من هنا ..ماطل في ويههي حتى ..
دانه لانه نفس حمد ..مايرضى اللي تسوينه ..وأبوج موجود ماله حق يسولف عليج ..
قمر زين عمتي خلاص صكي الموضوع ..ليش ماتيين البيت عندنا ؟؟
دانه خلاص ..حمد تبرع انه يتم معاي يباني آخذ راحتي ..
قمر واذا ابي ازورج؟ وليلى تبي تزورج ؟؟
دانه تعالوا الشقة ..
قمر ماظن ابوي يرضى ..
دانه ابوج سمح لاختج تسافر مع بنات خالتها مايسمح لج تزورين اخته؟؟
قمر يمكن ..مو خايفه من النتايج؟؟
دانه متى بتطلع؟
قمر يقولون باجر ..
دانه مو مهم ..ما ظن خالج يرضى اني ادرس في الجامعه ..
قمر بالعكس ..خالي ضاحي يحب الدراسه ودايم يهاوشني ويا بدور ...لانا ماندرس ..
دانه خالج ..طباعه زينه؟؟ اخلاقه؟؟
قمر ابلعت ريقها وقالت هو زين ..كخال .كزوج ..ماعندي فكره ..
دانه الزبده ..
قمر من بعيد لبعيد ..هو زين ..مايحتك وايد ويانا ..ريال له كلمته ..شخصيته قوية .
حست دانه انه قمر شوي مترددة ...واتحاول تخبي شي عنها ..
حمد يلا عمتي ..
دانه الحين نروح؟
حمد اييه ..الدكتور قال خلاص ..حالتج الحمدالله تحسنت ..جمعت اغراضج؟
دانه من الصبح ..بس شنطتي الصغيره وجوالي ما ادري وين ..
حمد في السيارة .. يلا ...
قمر الدريول تحت..بروح انا ..مع انه كان ودي اساعدج..
دانه لا ..ما يحتاي مساعده ..
حطت قمر غشوة على ويهها ..ولاحظت دانه نظرات حمد ..كانه متلوم في شي ..سلمت على عمتها وطلعت ..
حمد هي مايات متغشية ؟؟
دانه مدري ..ماشفتها لما يات ..بس شفتها لما اطلعت تغشت ..شقال لك الدكتور؟؟
حمد ولاشي ..قال تريح اعصابها ..الهدوء ضروري لج ..
دانه اخوانك الحمير وينهم ؟؟
حمد هذول وهم اكبر منج..حي تشتمينهم ..احترميهم شوي والله يكسرونج ..لا سمعوج .
دانه مايوني الحمير الا مرة وحده ..مب جني عمتهم ..صج سبال ..
حمد للشقة عمتي ..جدامي ..
دانه انت ضابط في دوامك بس مو علي ..يالزطي . ..
حمد ترا اردج بيت ابوي ..
دانه لا فديتك ..راضية في الشقة مالي خلق اشوف حد ..لا اخواني ولا حريمهم ..
**********
انصدمت من الريحه الغاوية في الشقة ..
هممممممممم ...ريحة كباب ..اما اني اتحلم ولا صحيح ..
حسن حياج عمتي ..الريحه ريحه جبد الخروف ..بس ماعليج شويت لج معاه كباب ...
سلمان وانا سويت لج يش بتآكلين اصابعج وراه ..
خالد عمتي اليوم بتكشفين فوائد التخييم ..
مشعل (ابن سعود 14سنه ) حمدالله على السلامة عموه ...
صالح (ابن ثامر 13سنه ) حمدالله على السلامه عمتي ...
افرحت دانه عيال اخوانها محتشرين ومسوين لها استقبال ..
داانه الله يسلمكم ..كل هالاكل لي؟؟
(المطبخ مفتوح على الصاله ..والعيال حاطين سفره على طاولة الاكل ومشعل وصالح يتفنون في السلطات والعصاير ,.(
تنحنح حمد احم احم ..الدكتور قال عندج فقر دم شديد ..ولزم علي انج تآكلين وجبات دسمه يوميه ...عاد استدعيت الاسبشيلست تيم.. المتخصصين في التخمه ..وقلت لهم ابي عمتكم في اوج تألقها خلال ايام من الاكل الدسم والمفيد ..
حسن عاد الدكتور نصح بجبد الخروف ..شبه المطبوخ ..وقال مفيد جدا ..
دانه شبه مطبوخ؟؟
حسن وشفيه ويهج جيه كأنج شميت ريحه خايسه ؟؟ اييه ..انتي تبين دم . ..ماعندج دم ..
دانه لا لا لاا عاد هذي سبه ..انا ماعندي دم ؟؟
حمد عمتي ..لا تضخمين السالفه ..
ابتسمت دانه ..
انا بس اغلس عليكم ..
مشعل انا وصلوح تدبرنا كل العصاير الطبيعيه والسلطاات...
************
الدكتور عبدالرحمن آنسة دانه ...
خالد صارت مدام ..
عبدالرحمن مدامتك؟
خالد لا ...
عبدالرحمن لا ...حسافه كنت مفكر اخطبها ..
خالد ؟؟؟
عبدالرحمن لا ..لايروح ظنك بعيد ..بس اخلاقها ومؤدبه ..وشكلها حساسه وايد ..وانا ما بذكر جمالها.. لانك شايفه .. حسافه نادر ماتلقى حريم بهالصفات ..
ماعلق خالد لانه حس ان عبدالرحمن انصدم بزواجها .....عبدالرحمن اللي ماعرفها الا هالاسبوع ..بس خالد يعرفها من زمان ..يمكن يظن انه يعرفها؟ يمكن ما يعرفها اصلا؟؟؟ افكاره تشوشت ..من اسبوع ابوه ما يكلمه ولا امه.. عبير زعلانه منه وهو نفسه زعلان من نفسه خصوصا لما شاف دانه رضت بنصيبها وتحسن وضعها الصحي .حس بذنب اكبر .
|***********
حمد وذابحيني الاسبيشلست تيم ...العيش ماصخ ما ينوكل ..واللحم مافيه ذرة ملح و لا مستوي عدل والسلطات ماعليها اي نكهه ..حتى الجبده اللي مسوينها تنزف دم ...والعصاير حاره مافيها اي سكر او ثلج .
دانه الاكل مافيه شي يا حمد ..
حمد اذا انتي في صفهم ..غصب عنج تآكلين ..
حسن ميت من الضحك وسلمان منحرج وخالد رجع يشوي الكباب مرة ثانية مشعل وصالح منصدمين ..
دانه شفيك؟؟ اذا على الملح رشة خفيفة توزن الامور ..والكباب الحين يستوي والسلطة رشة ملح وزيت زيتون وسماق ونعناع وليمون وتصير احلى مايكون ..والحين بزيد على تتبيلة الكباب شوية ملح يضبط الطعم كله ..والعصير مكعبات ثلج مع سكر ..ماشي خربان يستاهل التهزيييئه ..بس عطنا ربع ساعه ...
خالد كلامج يبين سهل بس الفعل هو المطلوب ..
******************************
مثل ما قالت الدانه ..يبي للاكل تضبيطات بسيطه ..وبعد ماخلصت ..انصدموا بحلاة الاكل ..
وهم ياكلون ...كان في سيخ كباب جدام دانه ....كانت دانه جوعانه صج لانها طول اسبوع على المغذي واكلات بسيطه ..اول ما مدت يدها للسيخ ..خذه حسن ..
حسن عمتي وراج عرس ..سوي ريجيم ..
خالد حسن ...
الكل سكت ..ووقفت الاشواك ولاسكاكين عن الربشه ..قفط ويهه دانه ..
مشعل اوعدج دندون اني برقص لج في الدخله ..
صالح وانا بعد ..وبشتري سيف ارقص به عرضه ..
سلمان انا مابكون فاضي بيكون تركيزي على البنات اشوف الاشكال الحلوة ..
حمد انا بزفج ..
حسن وانا بسوق السيارة جنبج ..
خالد باستسلام وانا بكون مع سلمان ..
ضحكت دانه..وحست براحه ..وخذت السيخ من جدام حسن للي طالعها باستسلام ونزل راسه كانه نبيل في المسلسلات الاجنبية ...وخلال ثواني ارجعت ربشة الاشواك والسكاكين ....
دانه ماقالوا لكم متى عرسي؟؟
حمد سمعت طراطيش كلام انه بعد شهرين ...
دانه زين ..زوج المستقبل ..
خالد انا شفته وسيم وايد ..
مشعل اييه عمتي ..أنا انهبلت على جماله ..
صالح صدق عمتي ..طويل رزه وشخصيته قوية ..
حمد سمعته زينه وملامح ويهه مش بطاله ..
حسن ترتيبه في الجمال رقم سبعه ...
حمد اييه لا ركزتي فيه شكله احلى بوايد ..
سلمان خوش ريال ..يشبه حمد ..
حمد لف على اخوه بعصبية..حست دانه انهم كلهم كاتمين ضحكة عودة ي قلوبهم ..وشافت الغيظ في عيون حمد والابتسامة الخبيثة في عيون سلمان ..
دانه حمد ,,,رد عليه ... والله طلعتوا كذاااااااااابين ..
وضحكت..هم ماصدقوا خبر وانفجروا ضحك ...ولف حمد على سلمان وضربه على راسه بقوة ..وسلمان ميت ضحك ...
حسن أظن عمتي عرفتي ليش ابوي ملجج على ضاحي بسرعه ..ماكن يبيج تهونين ..
خالد والله لسانك متبري منك ..شالكلام؟؟
دانه اعرف ..ماله داعي تقولون لي ..بس ادعولي تتسهل اموري ..
حمد الله يسهل امورج و يريح قلبج يا الدانه بنت حسن ..
الكل اللهم آمين ...
دانه لاتمدحونه جدامي مرة ثانية ...أنا شايفهه ويهه ..
مشعل عاد حنا بنكون في هالشقة معاج ليل نهار ...وحلى شي انه البحر قريب ..
حمد فجأة لقيتهم عازمين انفسهم .. كلهم يبون يعيشون هنا ..
دانه حر وصيف ..وكلها شهرين ..خليهم ..
خالد تحاططنا كلنا علشان آجار هالشقة..ثلاثة ألاف وخمسمية في الشهر تصدقين؟؟ والشقة بس ثلاث غرف وصالة وحمام تكرمين واحد ..والفرش مو لي هناك..عادي ..
دانه وايد ..كل هذا علشاني؟
حسن لا تنغرين كانوا يبون سبب ييون جنب البحر وتحججوا فيج ..بكره يخلونج تروحين السوق تتجهزين مع حريم خوانج ويستفردون في الشقة ..
دانه أتجهز؟؟
حمد اييه مهرج عند مريم ..
دانه مهري؟؟
حمد اييه مهرج .مية الف ريال .
خالد عمتي انتي تحبيني؟؟
دانه لا ..ليش؟؟
خالد اذا تحبيني سلفيني خمسين الف!!
حمد بدوا اللعانه ...لا تعطينهم ويه...
****************
الاسبوع الثاني مر ..ودانه تتأقلم مع عيال اخوانها اللي كل شي عندهم وناسه حتى لاقعدوا متمللين يموتون من الضحك.. مريم عطتها نص المهر والنص الباقي حطته في البنك ..ودانه كل يوم تطلع لمده ثلاث ساعات للسوق مع مريم وقمر ...
خالد عمتي ...لحقي النتايج نزلت ...
دانه أمااانه؟؟ زين كم يبت؟؟
خالد انا الحين على النت ..بس ابي رقم جلوسج..
دانه هات انا اكتبه ابي اكون اول وحد اشوف النسبه .
خلال دقايق صرخت الدانه صرخه عوده ...
طل خالد على الاب توب ...
خالد واو .مبروك ...عمتي انتي من اصحاب التسعينات وحنا ولاندري؟؟
حمد ليش الصراخ ؟؟
ركضت دانه وعانقت حمد...
يبت واحد وتسعين واثنين من عشره !!!!!!ههههههههههههههه ههههه
خالد سكنهم مساكنهم ..عمتي شفيج؟؟ انهبلتي؟؟ انتي مو اول ولا آخر وحده تيب هالنسبة؟؟
حمد أيوه احلى غيره ..مبروك عمتي ,,,تستاهلين كل خير...
دانه الله يبارك في عمرك ..قمر ..شوف رقم قمر وبدور ..
حمد حافظة ارقامهم؟
دانه اييييه ..
********
هذا هو العنوان ...
ما بدك تكتب بطاقه؟
الا ..
مسك بطاه وكتب عليها ..
(مبروك باين دروس الانجليزي يابت نتيجه (
كانت باقة ورود وايد حلوة .. كلها جوري ..حمرا ..ارفق معاها زجاجه عطر غالي ..وعلبة شوكلاه فاخره ..طالعها خالد للمرة الاخيرة ..وطلع بره المحل ..يمكن هالهدية تخفف عليه الشعور بالذنب اللي يواجهه تجاه دانه ..
******
الحفله الكبيرة اللي سووها العيال لعمتهم كانت لاتنسى ..كل واحد منهم اشترى لها هدية حتى مشعل وصالح ..وكانت ثلاثة ارباع هداياهم عطور وشغلات من داماس ... حلوة وراقية .
ماكان حد حاضر غيرهم ..حتى بدور وقمر مايوا ..خصوصا ان نسبهم كانت بالمره قمر نسبتها واحد وسبعين ..وبدور تسع وستين ...امهم كانت زعلانه منهم وايد .. فسوت لهم عقاب شديد ...
حمد عمتي ..تلفون .
دانه من؟
حمد ناس .
انتبهت دانه لملامح حمد ..كانت جاده ..
دانه الو ..
المتصل مبروك ..
دانه الله يبارك فيك من معاي؟
اللي ذهل دانه انه صك التلفون في ويهها !!! التفت لحمد ..
من هذا؟؟
حمد يعني مين ؟؟ مصطفى قمر؟؟ ولا كاظم الساهر؟؟
جواب حمد خلاها تندهش .. ضاحي؟
حمد اييه ... انا بروح ناطرينج توزعين الكيك اللي طرشه ..
دانه من طرشه؟
حمد مصطفى قمر ..
دانه ضاحي طرش كيك لي؟
حمد اييه .
سكتت دانه ..هالصوت الخشن لضاحي؟؟ ضاحي طرش كيك؟؟ شمعنى هالكلام؟؟ ياني غبية ..خلاص صرت زوجته اكيد واجب انه يبارك لي سواء كان يبيني ولا مايبيني ...
راحت الصالة ...وانصدمت ..
دانه وااااو ...
كان قالب كاتوه كبير على الطاوله ..ومكتوب عليه مبروك النجاح .. ..
حسن عمتي شدراه انج تحبين الفانيلا وماتحبين الشوكلاته؟؟
دانه ما ادري ..
خالد شكلنا ظلمنا هالضاحي . ...صراحه استحي اطلع الكيك اللي يبته ..مايسوى شي جدام هالكيكه ,
دانه بالعكس بالنسبه لي احسن من هالكيكة ..
مشعل عمتي الكيكه موب كريمه مثل كيك خالد ..الكيكه كلها عسكريم ..
دانه صج؟؟ شدراه اني احب العسكريم؟
خالد احم احم..
دانه اووه خالد . انت تحب العسكريم مثلي ..بس باكل من كيكتك قبل هالكيكه ..
خالد راضي بهالحكم ..يلا الكيكه لا تذوب يابها المحل بنفسه ..يلا ..
دانه لاتخربون شكلها ابي اخش لقمور وعبور منها ..
حسن باشمئزاز قمور وعبور؟؟ شو هذولا فيرانج ولا قطاوتج؟؟
دانه وحده بنت عمك والثانية بنت خالي ..يعني خال ابوك ..ربعك الفيران والقرود ..
حسن أفاااا عيال عمي ..غلطت عليكم العمه ..
مشعل لا لا لا ..
صالح أنا ما اتحمل لالالالالال هيء هيء ..قلب تحطم ...
دانه بس صياح أخواتي ..ما تحمل دموعكم تهل ..
حمد دانه شالكلام؟ حمد ومشعل رياييل .. يللاا قصي الكيكه متنا يوع ..
دانه متوا يوع؟؟ الثلاجه فيها الدياي اللي سويتوه غدا وانا محد ..كلوه ..
مشعل كله دم وع ..طلع حمد ابن عمي مايعرف يطبخ ..
*******************
مشعل لازم نصور ..قبل لا نقص الكيكه ..
حمد انا ما ابي اصور ..
دانه يلا ..أبيكم كلكم تصورون معاي ..ابي هالصورة علشان اكبرها ..وأحتفظ فيها ..
وقفوا كلهم جدام الكيكه اللي يابها ضاحي ..مكتوب عليها مبروك النجاح ..والنسبه اللي يابتها .. . جهز حمد الكاميرا وركض يوقف معاهم...
رن جرس الباب ..راح خالد يفتح ..ورجع ..انهبلت دانه على الباقه ..وعلى الهديه وعلبه الشوكلاته ..
ويوم قرت البطاقة اضحكت ...
حمد من مين؟
دانه ناس ..انت شعليك؟ لي ريل يحاسبني ...
حسن الله الله ...بدت تتكلم ..بدا اللسان ..بدا تأثير الريل ..هذا وهو بس طرش كيكه ...
دانه حسونه ترى والله سكت عنج وايد ..
حسن مسك يد عمته بقوة من حسونه؟؟
دانه انا ..خلاص ..لاتعورني ..
مشعل طلعتي ديايه يا عمت ...شوفي سلمان ولا اهتم في حد وبياكل الكيكه كلها ..
انقضوا العيال على الكيكه ومعاهم دانه هي تحب هالنوع من الكيك..تموت فيه ..

قصص غريبه
الحلقة السابعه ...


ما ابي أشتري ..
مريم تعالي لازم تشترين ..
دانه ما ابي ..
مريم وين رايحه؟؟ تعالي ..
حاولت دانه تبعد قدر ما تقدر ..للحين ما تقبلت فكره زواجها ..وما اشترت الا اشياء بسيطه ..لكن مريم صدمتها لما يابتها عند هالمحل ..
ركبت السيارة ..
دخلت مريم ليش ؟؟
دانه ما ابي ..
مريم تبين اشتري لج انا على ذوقي؟
دانه ما ابي شي ..ما ابي . وياويلج اذا اشتريتي شي ..
مريم انتي هبله؟
دانه راجو ..امشي البيت ..
مريم لا والله انج مو صاحيه ..راجو مر الخياط ..
دانه اي خياط؟
مريم ماتبين فستان عرس بعد؟؟ شرايج؟؟
دانه ما ابي ..
مريم عن الخبال ..ماباقي شي على العرس ..اقل من شهرين ..
انتفضت دانه ...
مريم ماتبين تخيطين فستان عرس؟؟
دانه ما ابي .. هالعرس ما ابيه ..
مريم دانه ..
ما مسكت دانه دموعها ..تحاول تنسى لكن كل شي يذكرها فيه .. اقل من شهرين ويزفونها لضاحي ..من ضاحي هذا؟؟ ما تدري ..
مريم تبين تأجرين فستان؟
دانه ما أبي ..
مريم دانه ..البنت مو كل يوم تعرس ..على الاقل اذا الريل مو نفس مزاجج ..على الاقل اطلعي في عرسج أحلى عروس ..علشان نفسج ..عرسج مثل ما سمعت بيكون فخم .. المفروض فستانج وشكلج يكون فخم ..انت استانسي بنفسج ..مو كل يوم تعرسين ..
دانه خلاص ابيه آجار ..
مريم آجار؟؟
داته ابي أشتريه من لبنان ..ما يهمني كم يكلف ..كلامج صحيح .بكره انا مسافره لبنان ..
مريم انتي صج انهبلتي من بيسافر معاج لبنان؟؟ ومن قال لج ريلج بيخليج تسافرين؟
دانه وشدخله؟
مريم ما تقدرين تسافرين بدون اذن منه .!!
********
دخلت الغرفة بعد ما لقت الكل في مباراه حاميه في السيجا ..
طالعت تلفونها ...بتكلمه وتطلب منه ؟ ولا تخلي اخوها يكلمه؟؟ لحظه ليش اخوها؟؟ قمر يمكن تحل المشكله كلها ..
اتصلت على قمر ..
هاي ..
دانه هايات ...وينج؟
قمر كنت بزورج ..اتصل ابوي في الشقة واكتشف ان حشد من عيال عمي عندج .. وانتي محد ...عصب علي ..
دانه تشهدي .. لاتحسدينهم ..
ضحكت قمر لا اله الا الله ...شسوي ..مليت من الوحده اللي انا فيها ..
دانه وصلت بدور؟؟
قمر لا ..ما بتيي لي شهر ثمانيه حق عرسج ..
دانه زين بنات خالتج عندهم اخوان؟
قمر اييه ..بس في امريكا واستراليا يدرسون هناك ..
دانه تعالي لي اليوم بفضي الشقة ...بطردهم ..
قمر انشاءالله ..
دانه وابي منج شي ..اتصلي في خالج ..وقولي له ..اني ابي اسافر لبنان ..
قمر يالخاينه ..من وراي؟
دانه بآخذج معاي ..أنتي ونايف ..بس خذي منه الاذن ..
قمر اليوم برد لج خبر ..بس ها ..فضي الشقة وجهزي القعده ..والشيشه ..
دانه ايييييش؟؟؟
قمر أمزح .. جهزي القعده بيب معاي ليلى ..مسكينه متولهه تبي تشوفج.والله مشتاقة لج ..من متى ماشفتج؟؟ من كنتي في المستشفى ..
دانه حياها الله ..تعالي بعد الساعه سبع ..
قمر انشاءالله اصلي العشا وأييج .. باي ..
دانه باي .
طلعت دانه الصاله ..طالعت الساعه ست ..المغرب ..
دانه احم احم ...بيوني ضيوف بعد شوي ..ممكن تفضون الشقة ..وياليت تنظفون الحوسه اللي مسوينها ..
حسن عمتي حنا الحين في خضم مباراه هامه ..تقدرين تقدمين طلب للديوان ..وراجعينا خلال ثلاثة ايام ..
دانه هيه ..الساعه سبع بيوني ضيوف!
سلمان بناااات؟؟ أحلى ضيوف ...
خالد احلى أحلى ..كم وحده؟؟
دانه عن المصاخه عيال اخواني المحترمين ..يلا ..ابي أرتب البيت ..
حسن لا يكون قطاوتج قمور وعبور ؟؟
دانه زين ذكرتوني اعزم عبور...وانتوا شدخلكم ؟ بدخل اكلم تلفون واطلع ...واتمنى انكم تفضون الصاله!
دخلت دانه وكلمت قمر وطلبت منها انها تمر عبير وتيبها ..
أدري انج متشققه الحين ..
قمر متشققه وبس؟؟ آآآآآه على الاقل اراوي ليلوه خالد ..علشان تعذرني .
دانه خلاص لا تطولين عندهم ..يلا باي ..
طلعت دانه للصاله ..ولقتهم كلهم مثل ما هم ماحركوا شعره ..
*******************
عبير صدقني خالد ..أكيد بتكون الشقة فاضيه ..
خالد مو وارد ..
رجعت عبير للتلفون ..
عبير خلاص قمر ..لاتمريني ..
تمرها؟؟ يعني قمر بتيي هنا؟؟
خالد خلاص روحي .. قولي لها تمرج ..
ابتسمت عبير ...وقالت سمعتي؟؟
وبعدين ضحكت وصكت التلفون ..
خالد شقالت لج خلاج تضحكين؟
عبير شي ..
خالد ترى ماتروحين لو ماقلتي...
عبير اوو ..وتبتزني؟؟ مافيها شي اتصل فيها واقول لها لاتمرين ..
خالد تتذاكين؟؟
عبير لاء ...وأنا أقدر؟
راحت عبير لغرفتها تجهز نفسها ..وخالد ظل متحير شقالت قمر خلى عبير تضحك؟؟
*******************
حمد خذي ..يبت لج الحلويات ..سويتي قهوه ؟؟
دانه اييه سويت ..مشكور تسلم لي يالغالي ..
حمد شدعوه عمتي .. طلبت لج عشا ..بيبه راجو الساعه تسع ونص ..
دانه حمود ..يعل عيني ما تبجيك ..تسلم لي ما ادري شلون بطلع من يزاك. والله بس تسهل اموري ...بدور لك أحلى زوجه ..
حمد ياليت . عن اذنج ..مشعل داخل ولا طلع؟؟
دانه طلع مع الكل ..تلاقيهم في الشاليه مال رفيجهم ..يقولون قريب من هنا .
حمد اعرفه ,, تبين شي؟؟
دانه لا .يسلم راسك ما بي شي ..
حمد في أمان الله ..
دانه الله معاك ..
*******************
وصلت سيارة قمر ,,
خالد طل من الدريشه .. نزلت قمر ..وما كانت حاطه غشوه على ويهها ..ونزلت ليلى وظلوا واقفين في الحديقه .. كانت قمر عاجبه خالد وايد ..جمالها في نظره فريد ..بس للاسف ماله ويهه يطلب يدها هالسنه لانه متحجج لناصر انه ما عنده استعداد للعرس شيكون موقفهم منه لاخطب قمر ؟؟ على الاقل ينطر سته اشهر ..
عبير على الاقل قلط البنات ..مخليهم واقفين بره ..بس تطالع ؟؟
خالد ما طقوا الباب..يعني ما بيدخلون ..وحركتهم هاذي مكشوفه ..هم يبون يسولفون ..يمكن يحشون فيج ..
عبير يحشون فيني؟؟ انت صاير لعقلك شي؟؟ شدراك ..يمكن يحشون فيك.
خالد احسن انج تطلعين لهم ..قبل لا اكنسل روحتج ..
عبير زين سلفني فلوس ..ما هديت دندون شي ..
خالد خذي هذي ثلاثمية ريال ..مافي غيرهم ...
عبير يمشي الحال ..باي ..وبس عن مطالعه خلق الله ..
*********
قمر وافق ..بس بشرط ..ماتطولين عن اسبوعين ..
دانه صحيح؟؟ الحمدالله ..توقعته مايوافق ..
قمر هو صراحه في البدايه ما وافق ..بس بركات بنت اخوج أقنعته..وقلت له اني وابوي بنسافر معاج .تردد بس وافق ..وقلت لبوي وقال ان التذاكر بتكون عليه ..بس ما بيسافر معاج ..بيسافر اي حد من اعمامي الباقيين لان امي على وشك ولاده ..
دانه هالتفاصيل موب الحين ..خلينا نطلع لليلى ..ونستانس ...
***********
ليلى أمانه دانه ..ششعورج بعد ما أصبحت حرم ضاحي؟
الدانه شعوري اني خلاص انتهيت ..دانه بنت حسن اللي تعرفونها خلاص ..انتهت ..
قمر اكيد بتبدأ دانه الزوجه ..البنت وصارت مدام .. شناوية تشترين فستان العرس ؟؟ ششكله موديله؟
دانه ما خططت للحين ..بشوف وأختار اللي يعجبني ..
ليلى معقوله ما كان عندج أحلام لليله العمر؟
دانه هذي الفاضيه المدللله اللي عندها هالاحلام . انا كان وقتي متوزع بين عيال اخواني فما فكرت بهالزواج ابدا ..
قمر صراحه ..أنا أعتبر عمتي القود ماذر ...الام الروحيه لنا ..لانها هي الوحيده اللي وقفت معانا في قمه احتياجاتنا .
دانه لا هالكلام كبير ..انا مثل ما قال ناصر ..كنت اؤدي دوري كعمه .
التفت دانه لعبير ..اللي كانت ساكته وما تعلق ..
دانه عبير ليش ساكته ؟ حتى ما كليت ولاشربتي شي ..
عبير ما في شي ..اسمعكم ..بس .
دانه لا ويهج يقول شي ثاني ..
ليلى صحيح في السياره كنتي تتكلمين ..شاللي خلاج تسكتين؟
عبير اسمع كلامكم بس ...
******************
كان واقف عند الباب ..نزلت قمر مع عبير ..وسلمت عليها ..ورجعت اركبت السياره ..دخلت عبير البيت وهي مكتئبه ..
خالد شلون كانت الزياره؟؟
عبير بس تأكدت من شي واحد ..
خالد وشو هالشي؟؟
عبير انا أكرهك ...
ركضت عبير لغرفتها ودموعها في عيونها .
فكر خالد ..
(كملت..فوق ان امي وأبوي ولا مفتكرين فيني ..أطلع وأدخل ..ولا حد داري عني.. عبير الحين تكرهني وهي الشخص الوحيد اللي كان عادي معاي ؟؟ حتى اخواتي جافات في معاملتي ..أحسن لي اني اطلع من هالبيت .. قبل لا أختنق من السكوت والتوتر ..(
حط ثيابه وأغراضه في شنطه ..صغيره ..ملابس تكفيه اسبوع ..وطلع بره غرفته..كانت امه في الصاله وبيدها كتاب تقرأ فيه ..
خالد يمه .. انا بتم عند صديقي كم ليله ..لا حد يحاتيني ..
ام خالد ..............................
خالد مع السلامه يمه ...
ام خالد ولا رفعت راسها من الكتاب وقلبت الصفحه ...خالد حس بحرج (( اروح بلا احراجات .))..وطلع من البيت ..
عاد أي صديق هذا؟؟ خالد ما يعرف حد من ربعه ساكن لحاله ..ربعه فهد ومناحي متزوجين ..بيتم في فندق ..لين ما يلاقي شقة أجار ..
**********
حمد دانه..دانه ..تعالي ..
دانه نعم ..
حمد بتسافرين بروحج؟
دانه اسبوعين بس ..للبنان ..
حمد من بيسافر معاج؟؟
دانه قمر .. وما ادري من اللي بيرافقنا من اخواني نايف اعتذر ان زوجته بشهورها الاخيره ..
حمد أنا أسافر معاج ..
دانه يعني ما بتنحرج من قمر؟
حمد قمر ماراح تسافر ..خل تستحي على ويهها ..
دانه وأنت شحارك؟؟ قمر ابوها مرخصها تسافر مع عمتها ..
حمد انا بروح وياج ..وهي خليها في بيت ابوها ..وخلاص .
دانه حمد ..اذا تعزني خليها ارجوك ..انا محتاجتها معاي ..
حمد بيكون شكلها غلط اذا سافرت معانا ..
دانه حمد ,,أنا مو كل يوم اسافر ..على الأقل لبي لي هالطلب .
حمد بشرط!!
دانه وتتشرط؟؟ قول ششرطك؟
حمد انا ادفع التذاكر ..
دانه لا ..كافي الشقه أجرتها لي ..
حمد خلاص قمر ما تسافر ..
دانه أحسن ..ولا تدفع أنت ..
حمد وانا ما ني مسافر ..
دانه لا حمد ..أنا ما ابي حد من اخواني اتضايق لا شفتهم ..احسهم السبب في تدمير حياتي ..
حمد خلاص ..أنا أدفع ..
دانه خلاص ..تدفع تذكرتك وأنا أدفع تذكرة قمر وتذكرتي ..
حمد الثلاث تذاكر على حسابي ولا ..مافي ..
تنهدت الدانه ..
ليش؟ أنا ما أبي أكلف عليك ..كافي الحفله مالت نجاحي ..وتأجيير الشقه ..ووالهدايا ..كافي ما أبي أثقل عليك .
حمد أبي أفرح فيج..خواتي صغار ومافي زواج لين عشر سنوات على الأقل ..وأنا مأجل الفكره لين سنتين يايين ..وأخواني للحين ماخلصوا الجامعه ..على طاري الجامعه .. ممتى بتقدمين؟
دانه بعد العرس على ما اعتقد ..
حمد لما ترجعين من السفر قدمي على طول ..بس اي تخصص بتدخلين؟
دانه ما ادري شكلي ادارة واقتصاد .
حمد يو الخبول ..
الشباب السلام عليكم ..
حمد +دانه وعليكم السلام .
سلمان شفيكم يالسين متحنطين كأن على رؤوسكم الطير ؟
حسن سلمان ..ليش قاطعت اجتماع الامم المتحده ؟؟
سلمان اووه ..لا ..قررتوا تحرير فلسطين ؟؟ أخيرا ؟؟ قررتوا ان تتحدوا؟؟ الى الامام ..سر ...
حسن هذا ين وقعد .سلوم ...شسالفتك؟
مشعل والله اثنينكم ينيتوا ..ما فهمت ولا كلمه....
سلمان هذي خطط للمستقبل ..
دانه أراجوز؟؟؟
سلمان اراجوز في عينج ..انشاء الله ممثل عظييييم ..
دانه خيبه ..ممثل؟
حسن عمتي بكره عازمج على العشا ..
صالح والباقين مالهم رب؟
حسن كل واحد يدفع عن نفسه ..مالي شغل فيكم ..امس عشيتكم على حسابي ..وعمتي بكره ..
دانه أنا بكره بسافر .
صالح وين؟
دانه لبنان ..أسبوعين تسوق ...
صالح اسبوعين.؟؟ مع مين .
حمد معاي ..وممنوع المرافقين ..
مشعل وليش انشاءالله ..لبنان .. وبروحكم؟ انا معاكم .
سلمان انا بعد ..لبنان؟ وااااو ..أكيد البنات الحين في عز الصيف كله على البحر ..
حسن واو ..وينك يا خالد ..
خالد دخل في نفس اللحظه ..
خالد سمعتكم تطرون اسمي .
حسن العمه تبي تسافر لبنان ..
خالد أوووووووووووووووووو . شالتطور؟؟ انا بسافر أول واحد ...ممكن اشوف هيفا ولا اليسا على البحر ..
دانه عوووووووذه ..وش فيكم ميتين على البحر ..
ضحك صالح من صجج عمتي ما تدرين شيقصدون؟
دانه يقصدون؟
مشعل يبون يشوفون البكيني والمايوهات ..
دانه خيييييييييييييييييييييييي يييييييبه ..قوموا ..قوموا ..محد رايح معاي لبنان ..قوموا العن اليوم اللي شفتكم فيه ...
حسن حنا شفناج ..قبل لاتشوفينا ..
حمد عنبوا الذاكره ما بينك وبينها الا كم سنه ..كم كان عمرك سنتين؟
حسن مايهم اذكر ولالا ...بس انا شفتها قبل ..صح ولا لا؟؟
حمد يمكن هي شافتك اول؟؟
حسن لا كانت مسكره عيونها ..
حمد ليش ما تكون انت اللي مسكر عيونك ؟؟
طبعا الكل كان يراقب حمد وحسن في اهتمام ..يبون يشوفون وين بتنتهي هالمحادثه لسخيفه ..
خالد المهم ..يا عباقره ..انا اللي بسافر ..
***************
يتقلب في فراشه وهو ملان..وين يروح هالحزه وهو عنده دوام الصبح؟؟ فتح شنطته وطلع ملفاته ..وكان بينهم ملف اسود ..ملف دانه ..تذكره ..كان بيرده لها ..بس هو ما قرأ منه الا ورقتين بس ..فتح الملف ..ولف عن الصفحات الاولى ..لقى قسم ..مكتوب عليه كلمه سيدي ..
(( سيدي ..كف عن ايذائي .
.فلست سوى جلاد امره القدر باقصاء رأسي ..))
* من صار اللي صار ..وأنا تفكيري كله فيك انت ..صرت شغلي الشاغل ..ما اعرف شسوي ..شلون اتصرف ..انا ما اكن لك اي موده ...يمكن في ..بس الكرامه فوق كل شي... ..ماعدا امي ..امي الوحيده اللي فوق كرامتي ..وهذا يعني ..*
ما كملت دانه الكتابه ..احتار خالد ...من تقصد؟؟ وليش؟؟ شالسالفه؟؟ قلب الصفحه ..
((سيدي ...
حاولت نسيان ماضيك ...وحاولت تذكر حاضرك ..
فكان الماضي اقوى من أن ينسى ..
والحاضر اضعف من ان يبقى ...
فتبا لمستقبلك الذي حاولت اغرائي به ...))
* لا ..لا ..مستحيل بعد اللي شفته اليوم اغير قراري .. شفت انسان اناني ..هالانسان بيحطمني يمه اليوم ولا بكره .. على الاقل ..بيحطم شي فينني .
احتار خالد ..عن مين تتكلم دانه؟؟ من هذا اللي واثقه انه بيحطمها؟؟ معقول في حياتها حد؟؟ قلب الصفحه ..وكانت ممزعه ومقطعه وبعدين لصقتها دانه ببعض .. كانت رساله ..
((اليك ..نهاري ..وليلي .يومي ..وأمسي ..اسبوعي ..وشهري ..لك كل ايام عمري ,,,بعتها لك ..مقابل نظره من عينيك اشعر خلالها باسمى المشاعر تغزو قلبي ..وأجمل الاحاسيس ..تسري في جسدي ))
وتحته كتب
((وصلتني رساله ..مليئه بعذب الكلام ..لكن الصدمه ان من وقعها لم يكن انت ..ولم يقصد ان يرسلها إلي .. فتساءلت ...متى ستخطئ انت وترسل مثيلتها إليَ؟؟ ))
ما فهم خالد .. في الاوراق اللي قبل كتبت انها مب مهتمه ..والحين تكتب انها تمنى؟؟ يمكن هذي خواطر ما تقصد بها احد ..قلب الصفحه ..
((كرهت وحقدت ثم نسيت ....
ثم عدت فعشقت من نسيت ...))
* اكتشفت اني احبه..لا كلمه الحب قويه ..يمكن الفت وجوده ..تعودت وتفكيري اليومي انه جزء من حياتي سواء في الماضي ولا الحاضر ولا المستقبل عودني على تقبله ...بالمنطق ..شخص افكر فيه 22ساعه في اليوم ..ما أألف وجوده في حياتي؟ ما أحبه؟؟ بس ..ضروري اني ما أتعلق بهالحب ..علشان ماتبان خيبتي قدام احد ..وما يبان انكساري ..اللي في قلبي ملك لي..ولهالأوراق ..وهذا عهد بيني وبينها ...انا احبك ..يا ...... بس ..حبك للحين ما استقر في قلبي .بيظل دايم متشتت ..لين أعرف نهايه هالحال ..
_
عصب خالد وايد ..ليش ما اذكرت اسم؟؟ من هذا اللي في حياتها ؟؟ يمكن الاوراق تكشف له الحقيقه ..بس هو حاليا تعب من القراءه ..وعنده دوام بكره..بيكمل بكره ..دس الملف بين الملفات ..بيقرأه بكره في الاستراحه ..
*********
تكره الطياره ...حمد واقف جنبها ..وقمر محتره واقف وراهم ..
قمر تهمس عمتي عمتي ..
لفت لها الدانه لبيه ؟؟
قمر تعالي ,,
ارجعت دانه خطوتين ورى .. شو؟؟
قمر ابن خوج هذا اللي ما يستحي ..ليش مو عادني موجوده ؟؟
دانه مافهمت ؟؟ شتبين منه ؟؟
قمر يعطيني ويه ..مايخليني كأني الخداامه امشي وراكم ..
دانه حطي غشوه على ويهج ..ما يعاملج جي ... اكيد مستحي منج على كثر الميكياج اللي في ويهج ..الله يهداج ..
قمر حنا رايحين لبنان ..وهالشي عادي ..
دانه عادي ؟؟ تحطين مكياج سهره احمر ..عادي؟؟ لفي ويهج بالشيله ..تراه ساكت لان نايف اخوي واقف ..ولا علمج الاصول عدل ..
حطت قمر الغشوه على ويهها ..
دانه لاركبنا الطياره روحي الحمام ومشيه ..
حمد وين أوراقكم؟؟ وجوازاتكم ؟
طلعت قمر اوراقها ودانه نفس الشي ..لفت قمر وسوت باي لابوها ..
حمد هيه ..انتي ..لمن تأشرين؟؟
قمر وأنت شعليك ..مالك خص .
عصب حمد ..تدخلت دانه
قالت باي لنايف ..عمك شفيك صاير جبريت ..
سكت حمد ..ولف ويهه ..
خلصوا الاجراءات ..وركبوا الطياره ..حمد قدامهم .,..وهم يلا يلحقون على خطواته السريعه ..
اجلسوا ..كان حمد على الطرف ..وبعدين دانه وقمر داخل ..
دانه كانت خايفه موت ...كانت ماتقدر تتنفس ..أول مره تسافر بالطياره ..سافرت مره عمره مع امها بالسياره ..
دانه حمد لا طاحت الطياره ..وأنقذوك ..انت او قمور ..عط خالد مهري ..اوكي ؟؟
قمر خالد ؟؟ ليش خالد؟؟ دكتور وما عليه قصور ..
كانت قمر تتكلم بغيره ..وحمد تحولت نظراته ناريه ..صححت دانه ..
خالد ولد أخوي نايف ..موب ولد خالي ...صج خبله ..
حمد ليش واثقه انهم بينقذوني ؟؟ ليش ما ينقذونج وأنا أموت ..
دانه اسم الله على عمرك ..أنا ولا انت انشاءالله ..بس انا اعرف حظي ردي ...فما بيساعدني ..
حمد شالكلام ..كوني متفائله ...تفائلوا بالخير تجدوه ..شفيج عمتي ..يلا الحين الاقلاع ..تأكدي من الحزام ..
انتفضت دانه .,..وحست بكل ذرات جسمها تتراقص ..مسك حمد يدها ..ومسكت قمر يدها الثانيه ..
قمر عمتي ,...لو هالرحله بصاروخ شصار فيج؟؟ الرحله انشاءالله سهله ..بس بتحسين بدوخه بسيطه من الضغط ..وحتى بعض الاحيان ما بتلاحظين ..
حمد ساكت ما علق ..
دانه يا ساتر ..
اقلعت الطياره وقلب دانه اقلع معاها ..حست بدوخه ..ولوعه ..كانت ترتجف ...المضيفه لاحظت هالخوف عند دانه وارتجافها وشحوب ويهها يابت لها عصير برتقال ..
خذي ..البرتقال منيح ..
كانت قمر متغشيه ..ودانه نزلت الغشوه ..بس ويهها مافيه اي مساحيق تجميل ..عكس قمر ..
بعد ربع ساعه .
همست دانه قمر قومي للحمام ومشي هالمصايب من على وجهج ..
قمر ليش عمتي مو حلوه؟؟
دانه بالعكس طالعه جنان ..بس ولد عمج مايحب هالحركات ..قومي ..
قامت قمر ..ومشت قدام دانه ..وبعدين قدام حمد اللي كتم نفسه ..
حمد اوف ...حاطه غرشه العطر كلها؟ هذا بنت اخوج لاحيا ولا مستحى .
دانه بس ..عن العياره ..عطرها عادي ..
حمد شفيج ماسكه مسند الكرسي جي؟؟ دانه لاطحتي ما بينفعج التمسك ..بيطيح الكرسي معاج ..

قصص غريبه
الحلقه الثامنه


دكتور فارس مره ثانيه أثبت براعتك يا خالد ...
خالد هذا واجبي كطبيب ..
هز الدكتور فارس راسه بلا ..
خالد مجرد حاله انقذتها من التدهور ..واجب كل طبيب ..
فارس كل ما يالك ,.,,وتكبر أكثر في عيني ...عن اذنك ..
خالد انقذ حاله طفل سوى حادث انكسر فيه ضلع ولا حد كان داري ..ويا يموت من ثقب في رئته ..بس خالد كان موجود ..الله لطف في هالطفل ...
خالد محد يحبه في المستشفى ..لانه مغرور ..ومتعجرف ..وماعنده دبلوماسيه ولاعنده مجاملات ..وزملاءه في القسم يتحاشون يتكلمون معاه .علشان ما يفشلهم ..بس غير هذا رغم صغر سنه اثبت كفاءته ..وعبقريته ..
دخل مكتبه ولقى الدكتوره مها ..
خالد السلام عليكم ..
مها وعليكم السلام ..شحالك دكتور خالد؟
خالد حالي ممتاز ..وحالج؟
مها زين ماشي الحال ..ولو أعرج ..
حس خالد انها مرتبكه ..
خالد شلون أخدمج ..
مها سمعت ان وقتك فاضي ..وسمعت انك تقدر تشيل اكثر من شفت ..
ابتسم خالد ..هي مرتين مره ساعد دكتورة هيام والمره الثانيه لما ترقدت الدانه ..أه يالدانه ..
اقدر اساعدج ..
مها رفضت الاداره تعطيني بكره اجازه ..وأنا مضطره اسافر ..محد يغطي مكاني ..انا مستعده لو تبي اشيل عنك الشفت لما ارجع ...
سكتت ...وما زادت ..واللبيب من الاشاره يفهم ليش تحرج نفسها؟؟
خالد انا بكره اجازه ..وما كان عندي اي خطط .. للاجازه ..مستعد اغطي مكانج ..
ابتسمت مها ما ..
خالد وما أحب حد يناوب عني ..فاعتبري الامر خدمه مجانيه ..تفضلي ..
مها شكرا ..
الدكتوره مها تقريبا من عمر خالد ..وتوظفوا في وقت واحد ..
مسك ملف الدانه ...عنده استراحه نص ساعه ..
راح الكافتيريا ..وخذله كوفي ودونت ...فتح الملف ..وكمل قراءه ...

))أمنيه ..كل ما ابي من هالدنيا ..شي واحد ..أنها لا تجرحني ..((
** شفت عبير اليوم ..وقالت لي انه ما في خبر عنه ..سنتين وأنا احاتي ...ولما ماتت امي مالقيته جنبي ..شلون بيكون زوجي وريلي ..وهو ما وقف معاي في اقوى طيحاتي ..اتذكر لما يا المستشفى يوم طاحت امي اول مره ..كرهته ..كرهته .. بس اليوم هالشعور انعكس .. ابيه يرجع مثل قبل ..ابي اكرهه ..ما ابي ابين ضعفي جدام احد ..كرهي له هو السلاح اخبي هالمشاعر الكريهه ,,,
تيبس خالد . .((أنا؟؟؟ دانه كانت تحبني أنا؟ ..بس يوم كنت اشوفها كان الكره في عيونها لي ..انا متأكد ... هذا كره ماهو حب ..يا ترى شمخبيته زياده في هالاوراق ؟؟ ((
الكرسي فاضي؟؟
رفع خالد راسه ..دكتور فارس يكلمه ..صك الملف وحطه على جنب وشال اغراضه من على الكرسي .. ولو ..حتى لو محجوز يفضى لك ..
فارس شكرا . ما في مكان ..قلت ايلس وياك ..
خالد وأنا أفتخر ..تفضل ..
فارس اذا ما في تطفل ..شاللي خلاك مندمج وايد ..ولا شفتني ايي قربك وخلاك ما تقرب من قهوتك ؟
خالد هو ما في تطفل ..بس كنت أقرأ شي خاص ..
فارس رساله من معجبه مثلا؟
خالد ههههه .معجبه مرة وحده؟ لا .. ما وصلتنا رسايل .. بس اكيد وصلتك انت؟؟
فارس المدام هي المستلمه البريد ...وهي تسوي فلتر ..
خالد لا ..على جذي ودع رسائل الحريم كلها ..
فارس على قولتك ..اتصلت فيك امس ما حصلتك في البيت ..
خالد ما تصلت على الجوال ؟؟
فارس مغلق ..
خالد حاليا انا في الكونتنتال ..
فارس فندق؟؟ لا يكون عرست ؟؟
خالد لا ..ما عرست ... العرس يبي له طوله بال ...
فارس بتشيل بكره الشفت؟
خالد ايه ..دكتوره مها مضطره ..وانا ما عندي خطط ..
فارس قالت لي دكتوره مها انك سويت معروف معاها ..وانك غير كل اطباء القسم ..صج هم لطيفين ومجاملين بس مستحيل حد منهم يتخلى عن راحته او اجازته ...ما اقصد اي اهانه ,,
خالد بالعكس ما في اهانه ..انا كدكتور انسان صريح ..مع مرضاي انسان متعاطف ..بس ما احب المجاملات المزيفه ..هذا كل شي .
فارس نرجع لسالفه العرس ..متى ناوي؟
خالد ما ادري يمكن خلال هالسنه ..
******************************
قمر ليش ما يعزمنا على ريوق ؟؟
دانه شريوقه ..الساعه 12 الظهر ..المفروض غدا ..
قمر غدا ريوق سم ..ما يقول لنا يوعانين ولا لا؟؟ انا بطني تصارخ ..
دانه تونا في الطياره زاطين كروسون وسندويشات ..متى يعتي بهالسرعه ..
قمر عمتي ..بروح اشتري لي وجبه من هالمطعم ..
دانه ايلسي مكانج ..حمد ما يحب هالاشياء ..تروحين وتيين بروحج ما يحب ..
قمر زين بيحكرنا ؟؟ حنا في لبنان ..
دانه ما يينا سياحه يينا تسوق ..غير الاسواق لاتشوف عينج ..حركي .
يا حمد مع التكسي ..
حمد الحين نروح الشقه ..
قمر شقه؟؟ ما بنيلس في فندق ؟؟
حمد عمي ثامر عطاني مفاتيح شقته هنا ..شاللي مو عايبج؟
قمر من بينظف ويكنس ؟
حمد انتي !! وعمتج ..يلا ...بلا دلع ماصخ ..
دانه ثامر عنده شقه هنا؟
حمد أنا مثلج ما كنت اعرف ..كنسلت الحجز لما ياني وقال لي ايلسوا فيها وارتاحو ..
قمر عمتي ..الفندق اريح ..
دانه حمد شرايك نيلس في فندق لين نرتب الشقه؟؟
حمد الشقه مرتبه وجاهزه ..(التفت لقمر ) هي انتي ..بلا دلع ولا طرشتج الحين لبوج ..
دانه حمد ..
حمد يلا عمتي ,,
ركبت قمر ..
دانه تهمس لحمد تدري مدللله ما تعرف للتنظيف والطباخ ..لاتصرخ عليها جي ..
حمد لايعه جبدي منها من شفتها في المطار ..ما اتحمل كلمه زياده ..وحاشمها علشانج والا كان صكيتها كف على ويهها ..
ابتسمت دانه ..حمد بدوووووووي حيل ..وعنده الغلط غلط والصح صح ..وما يحب الدلع ولا يطيقه ..
ركبت السياره وهمست لقمر اذا ما تبين تنصكين كف على ويهج .لاتنطقين حرف .
مدت قمر بوزها وهي معصبه ...
***************
الشقه كانت وايد حلوه ..وفخمه واثاثها فخم ..
مساء الخير .أنا نادين ..مدبره البيت ..حمدالله على السلامه ..
الكل الله يسلمج ..
نادين اتصل فيني استاذ تامر وطلب مني اوفر سبل الراحه لحضرتكن ..تفضلوا ..الغرف والحمامات جاهزه ..
دانه شكرا .ياليت تجهزين لنا شي ينوكل ..
نادين جهزت لكن مقالي دجاج مع السلطات ورز..كغدا ,,
التفت دانه لقمر اللي ويهها انصبغ من الاحراج ..
دانه أعتقد انحلت اسوأ مشاكلج ,,
قمر هزت راسها بإي ..
حمد أنا ما أبي أكل ..بتسبح وأنام ..لحد يصحيني ..تصبحون على خير ..
دخل حمد ...
قمر فك ه...ما بغى يحل ..أحسه كاتم على نفسي ..
دانه جب ..هذا حمود ...ماتتكلمين عنه جي ..سمعتي؟؟
قمر حشى ولد اخوج ما يخلينا نتنفس مثل الناس ..
دانه حمد انسان سيدا سيدا ماعنده خرابيط آنسه قمر ..فكري بس بدكتورج اللي حاولت تسوين لنا مشكله بسبته ..
قمر ليش معصبه؟؟
دانه اوووووه ..رايحه اتسبح ..
قمر وليش بالله تصارخون علي ..شسويت لكم ؟؟ انت وولد اخوج شايفين اعماركم ... لو أدري ماييت خير شر..
دخلت الغرفه وهي معصبه ......
**************
طبعا ..من عظم اللي عرفه نفسيته ساءت ..صار له ساعات في هالفندق ..
ماكان يقدر يقرب من الملف ويكمله ...كره نفسه ...
**********
اسبوع ...مر ..ودانه من محل لثاني ..ما دخل مزاجها شي ..
قمر ذكريني ما اسار معاج مره ثانيه ..زين ؟؟
دانه انشاءالله ..شوفي هالمحل ...
البايع مرحبا ..كيف بدي اخدمكم؟؟
دانه نبي نشوف فستان عرس ..
البايع عنا كل الماركات.. وكل بيوت الازياء والمصممين العالميين واللبنانيين ...
دانه بس بختار فستان اللي يعجبني ..وياليت لو في اشياء كلاسيك ..
البايع تحبي فرجيك كلل الفساتين ؟؟
دانه افضل اشوف بنفسي ..
البايع اي شي تختاريه .. مدام ماري بتساعدك ..لغتها انجلش .. انا بكون في المكتب فوق ..
راح وتكلم مع ماري ..وطلع فوق ..
قمر فساتينه عجيبه ..
دانه بس بسيطه ,,أنا أبي شي فخم كشخه تحسينه حلو ..وكشخه ..
قمر هذا وانتي ما تبين تعرسين ..لو راضيه عن هالعرس شتلبسين..؟؟
دانه شي بسيط ..مثل هالفساتين ..
قمر منطق غريب .جوفي .حمد واقف لنا على بعد خطوتين .أحسه بأي لحظه بيقبض علينا ..
دانه حلو ..فيلم هندي حن ..الريال ما قصر معانا ...مخلينا على حريتنا ..
قمر أي حريه ما يخلينا نمشي خطوتين بروحنا ..
دانه قمر ..انا ما احب طريقه الحريه هذي ..زين من الريال يخاف علينا ويحمينا ..
قمر أنا ما تعودت ..
دانه ما عندج اخوان ..لهالسبب ما تعودت ..كنت تسافرين مع امج وبدور ..وتأخذون راحتكم مع بعض ..واخوي راخي لكم الحبل ..لكن حمد غير ..
قمر حمد غير حمد غير ..ذبحتيني ما ني طايقه اكمل هالاسبوع بسبته ..كله يرزل فيني ويصارخ علي ..ومعاج مثل الحمل الوديع ولا قد مره رفع صوته عليج ..هالفستان عجيب ..
دانه بس بسيط ..السبب انج كله متملله ومو طايقه حد ..وكأنه أقل من مستواج ..وأراهن ان حمد عنده نفس الشعور تجاهج ..تذكري ما عنده خوات كبار ..كل اللي عنده انا ..وانا انسانه عاديه غير متطلبه ..
قمر انصح بهالفستان ...لحظه ..أنا متطلبه؟؟ انا ماني متطلبه ..انصحج بهالفستان ..
دانه مو عاجبني ..هالفستان حلو ..واو ..بليز كان اتري ات .
يات ماري وشالت الفستان عن المنيكان ...وأعطته دانه ..
ثير ان ثات روم .. دويو نيد اهلب؟
دانه نو ,,ثانكس ..تعالي ساعديني فيه ..
قمر اوكي بس انا مو متطلبه .. انا مثلج عاديه ..انتي متأكده مقاسج؟؟
دانه اعتقد ...تعالي ساعديني داخل ..طرحته تجنن ..واو الدانتيل عجيب ..
قمر لفستان عجيب ....
الفستان كان الجزء العلوي دانتيل مع موديل الكورساج (المشد ) ومن تحت الجيبون وايد فخم وحلو وكبير .. وفيه ورد حلو ..
كان بالضبط على مقاس دانه ..
ها ..شرايج ..
قمر واااااااااااااااااااااااا ااااااااااااو ..روعه عليج ..يهبل ..تدرين ..أنا بآخذه ..خليني اجربه ..
دانه من صجج؟؟
قمر اييه ..يمكن خلود يخطبني ..والبسه قريب ..
ابتسمت دانه يعني آخذه ؟؟
قمر شوفي السعر ..
دانه سبعة آلاف دولار ....حلو وايد سعره ..خلاص اعتمد ..
قمر احضنت عمتها وهي مستانسه ..لكن دانه كانت فرحتها بالفستان ..ماكانت بالعرس ..
دانه واو خلصنا من هم الفستان ...
حمد اشتريتيه؟
دانه اييه ..بيطرشونه الدوحه انشاءالله هالاسبوع ..بيوصل قبلي .. دفعت لهم العربون ..والباقي لما يوصل الفستان .. سليم ومعافى ..
حمد أهم شي اعجبج ..
دانه يهبل صح قمر ؟
قمر كانت لافه ويهها بعيد.. ايه .
حمد نرجع الدوحه ..ولا نظل اسبوع ثاني؟؟
دانه ودي تمشينا ..وتاخذنا وتيبنا ونستانس ..
قمر والسوق ؟؟
دانه ما ابي شي ..هالاسبوع اشتريت اشياء وايد ..وأعتقد كفايه ..
قمر لا ....
دانه قمر ..أبي استانس .أبي اتمشى ,,,
قمر كيفج .
********************
من هالزائر؟ استغرب خالد ..
نايف السلام ولد الخال..
خالد وعليكم السلام ..هلا ولد العمه ..وينك ما تنشاف ...
نايف هذي قويه ..على الاقل مو ساكن فندق ..بيتي معروف ..
خالد تدري ..الوالد زعلان علينا ..لانا فرطنا في بنت الاخت ..نايف .. تقدر تطلقها من ضاحي ...وتزوجني اياها؟؟
نايف علشان تطلقني مرتي بالمره ..لا خيروك واخترت ..واجهه اختيارك ..
خالد امي زعلانه ..تبي تزوجني حد من ريحه الغاليه عمتي ..وللاسف الفرصه الوحيده ..بح ..فركتها من يدي ..
نايف والحين ؟؟ خالي المسكين تعبان نفسيا ..يوم اسأله عنك يقول لي لاتيب طاريه ..متى بتراضيه؟؟
خالد ما ادري شلون برضيه ..
نايف صار اسبوع ما كلمت امك ....دقت تشتكي لي من انانيتك ..
خالد شلون براضيهم ..وين بلاقي دانه ثانيه ..علشان يرضون عني ..كانوا يبون لي زوجه من ريحه المرحومه ..بس افرطت فيها بدون قصد لو ادري انها بتتزوج بهالسرعه ما رضيت ..
نايف دور لك حل ..أي شي .. تزوج على ذوقهم ..
خالد ما اعتقد في بنات قريبات من امي اكثر من دانه .. خلنا من سالفه الزواج ..تشرب ايش ؟؟
نايف شربت شاي وانا انطرك ..وتعبت ..
****************
دانه كانت تقول امي انها لما كبر ثامر ..وكانوا كلهم اولاد اشتاقت انها تيب بنت ..فيابت نوير ..كبرت نوير ,,,كانت بنت بروحها في البيت..فامي قالت تيب ..يمكن تطلع بنت تصير اخت لنوير ..ييت انا ..وكانت منيره زوجه نايف يابت البنات ..التوأم بعدها بفتره ..امي استانست ان العمه والبنات نفس العمر ..مات ابوي ..واخواني كلهم تزوجوا وانشغلوا بحياتهم ..وماظل لمي غيري ..حتى نوير عرست وهي صغيره الله يرحمها . ماكملت دراستها ماكانت تحب الدراسه.. عشت مع امي ..الله يرحمها.. لين ما الله اخذ امانته ..عمامج باعوا البيت العود ..وأنا تشتت ...ماغير نايف اللي حط لي غرفه في بيته ..بس ..
قمر عمتي ..لا تحطين في خاطرج منهم.. ابوي لما سالته ليش زوجوج بدون ماتشوفين وتعطين رايج .قال انه اصغر عمامي بينه وبينج عمر ..وعمامي يبون يسترون عليج..ما يبونج تشتتين ..وماكان في حل غير الزواج ..
دانه عذر ما يقنع حد ابد ...حتى اليهال ..
قمر زين عمتي ..امانه لا طلعنا خلي ولد اخوج يخف عني تعبت منه ..اسبوع وهو بس صراخ علي ..
دانه بحاول ..
طلعت قمر لغرفتها ..وانسدحت دانه على السرير ..ابتسمت لما تذكرت كلمات صاحب محل التحف والهدايا ..
(عيونك الحلوين ليه فيهن حزن؟؟ شو مجوزينك غصب عنك؟؟ (
ضحكت ..حتى الغريب ...عرف شفيها ..وهو يمزح ...شهر وشي ..,وأكون في بيت صاحب في غرفه ضاحي ..زوجه ضاحي ..وبعدين ام عيال ضاحي .وبعدين جده احفاد ضاحي ..ولما اموت ..أكون بس حرم الاستاذ ضاحي ...هالاسم وهالشخص ..بيحكموني لين آخر حياتي .. بس اذا كنت ذكيه ..يمكن انا اتحكم فيهم!!!!بس ما عندي الشجاعه للاسف ..
***********************************
اليوم الثاني ..
نايف وانا لي الشرف ...
خالد نايف لاتفهمني غلط ..مجرد خطبه ..
نايف بالعكس ..أنا موافق ..وبنتي اكيد بتوافق شناقصها؟؟ شاب وسيم دكتور ..شتبي اكثر؟؟
خالد انا ضيعت دانه من ايدي ..بس ما ابي اضيع فرصتي الثانيه ..وأبوي وامي اعتقد بيتساهلون ..
نايف خالد ,.. كافي انك ييت لبيتي ..وطلبت يد بنتي .. وهالشي يشرفني .ومالاقي احسن منك لبنتي ..
ابتسم خالد ..ماتوقع الامر بهالسهوله .. وأخيرا ...قمر بتكون له ..بس دانه دايم في فكره ..قمر هي اللي تعجبه .. موب دانه ..ودانه ما يكن لها اي شعور ..بس شعور بالذنب ..دانه تزوجت الحين ..بيكون من صالحها انها تبدا حياتها بعيد عنه ..
**********************************
عبير يمه .. بنت نايف زينه ..
ام خالد حتى ولو ..ماكنت ابيها ..كنت ابي دانه ..كانت بنت زينه ..على الاقل عمتك ربتها يا خالد ..
خالد يمه وبنت نايف من عمرها ..يعني عمتي ربتها بعد ..
ام خالد بنات نايف مدللات ولا يعرفن يسون الجاي ..
خالد يمه المثل يقول خذ مدللله ولاتآخذ معلله ..
ام خالد الدانه موب معلله. طول عمرها عمتك تدلل فيها ماعدا هالسنتين . اللي غابت فيهم عينها ..
خالد الله يرحمها ..يمه ..أنا خطبت البنت ..وابوها وافق .وخير البر عاجله ..الملجه بعد ثلاث ايام والحفله لما ترجع عمتها من السفر ..
عبير يا حيك يا خوي ..بتآخذ القمر ..
ام خالد مبروك يا ولدي ...
*******************************
صكت التلفون وهي مستغربه ...
دانه شفيج؟
قمر كلمت ابوي ..وقال لي ان بدور ارجعت من دبي ..وانها انخطبت ...
دانه بدور؟؟ من المسكين اللي داعيه عليه امه؟
قمر ما ادري ..يا خبر اليوم بفلوس بكره يصير ببلاش ...رحلة اليوم كانت عجيبه .واحلى ما فيها ان حمد ما وجه لي اي كلمه ..
دانه وهذا حالنا كل يوم ..انتي ويومياتج مع حمد؟؟ مليت منكم ..اوف ..
قمر زين متى بتشترين قمصان النوم؟؟
دانه جب ..توج صغيره على هالكلام ..
قمر كلمت مرت عمي مريم ..وسألتني اذا اشتريتي ولا لا ..
دانه ماني مشتريه ,,
قمر ليش ..اعتقد انه شي ضروري في حياه المتزوجين ..
دانه قلت لج ..لا ..فارجي ..
قمر لازم تشترين ...
دانه قمور ..ان ما صكرت على الموضوع هاللحظه برجع الدوحه ..سمعتي؟
قمر سمعت ..ليش الصراخ والعصبيه ..
دانه بس طلعي بره ..
قمر قلت حمد وقف عن الصريخ ..بدت عمتي تصارخ ..شسويت لكم ؟ ليش الكل يصارخ علي ..بس ارجع الدوحه بقول لبوي ..
طلعت وهي معصبه من الغرفه ..
دانه صج دلوعه ..احرقت دمي ...الله ..استغفر الله ..
****************
استغرب ليش الامور بهالسرعه صارت ..أكيد ..اذا مافي مصيبه في الطريق ..الحين شيقول للقاضي ؟؟ لنايف شيقول؟؟ هو مايبي بدور يبي قمر ..ماعنده اي استعداد يفشل نايف .بس في عزاء..بدور نسخه قمر..يعني نفس الجمال نفس الطله..هو ما يعرف قمر بس اعجب بجمالها ..اللي هو نفسه جمال بدور ..ماله الا يستسلم للامر الواقع.. وهلا فيج يا بدور ..
نايف في ايش سرحان؟
خالد ولا شي ..يلا نخلص ..

قصص غريبه
الحلقه التاسعه


نايف مبروك يا خالد ..يالنسيب ..
خالد الله يبارك فيك ..
ابو خالد مبروك يا ولدي ..مبروك يا نايف ..
خالد الله يبارك فيك يا ولدي ..
نايف الله يبارك فيك يا خالي .. يلا ادخل الصاله ..انت صرت من اهل البيت يا خالد ...
دخل البيت وكانت منيره وبطنها جدامها أكثر وحده مستانسه ..
منيره مبروك يا خالد ..والله تستاهل البدور ..تفضل .الحين تيي العروس ..
خالد الله يبارك فيج ..
دخل خالد الصاله ...وانتظر ..ونايف وابوه طايحين سوالف ..
دخلت منيره ...والتفت للباب ..
منيره دخلي يمه ..
دخلت بدور ..وكانت نسخه من قمر .. كانت البدر ..
نايف هذي بنتي بدر البدور ...بدور ..ريلج خالد ..
بدور كانت مستحيه ومنزله راسها ..لكن اللي كان مستانس صج هو خالد ...محد قده اليوم ..
باركوا لبعض واجلسوا ..خالد كان مستانس وايد ..محد قده الليله ..بس بدور كانت ساكته طول الوقت ..بناء على اوامر صارمه من امها ..
***************
قمر امانه عمتي ..انا عاجبني هالفستان بشتريه حق عرسج ..
دانه زين ..عاد حمد مسوي لنا جدول..كان يبي ياخذنا نتعشى بره وبعدين نروح البحر .وكان بيعزمنا على السينما بس رفضت ..
قمر لا ..ليش رفضتي؟
دانه جيه,,ما حبيت فكره السينما ..
قمر زين روحي قوليله ..
دانه بقوله وأمري لله ..اتصلي في ابوج ولا امج واعرفي لي سالفه الخطبه ..
قمر اوه ..ماكلمهم من اربع مدري ثلاث ايام ونسيت هالسالفه ..روحي تفاهمي معاه وانا بكلم ..
راحت دانه غرفه حمد ..
حمد ...شوف اليوم قمر تبي تروح وتشتري فستان عجبها ..
حمد بس انا حجزت في المطعم ..
دانه معلش حمد كلها يومين ونرجع البلاد ..خليها تشتري الفستان ..
حمد زين ..وانتي خلصتي كل شي ؟؟
دانه تقريبا ..بس بحياتي ما انسى لك هالجميل ..
حمد لا تبدين هالكلام ..ما احبه .. انتي عمتي ..وأغلى انسانه عندي .
دانه تسلم لي يا حمد ..زين ابوك ما كلمك عن العرس؟
حمد كلمني ..قال لي ان ضاحي بيسويه في قاعة الدفنه الشيراتون .. وتاريخه 5-8
دانه قريب وايد ..
حمد المهم انج خلصتي ..
دانه ماحجزت المصورة ..ولا المسكه ..تدري ..أنا بشتري المسكه ..النوع الموضه اللي نازل للي فيه المسكه صناعيه ..شفته هنا ..وكان روعه ..وفي مساحه احط فيه ورد طبيعي .. وجي ارتاح من همها ..
حمد صج اني ما فهمت عن ايش تتكلمين ..بس سوي اللي يريحج ..
ابتسمت دانه بسوي نسكافيه ..اسوي لك معاي؟؟
حمد ياليت تسوي لي قهوه عربيه ..ما احب النسكافيه .
دانه من عيوني ..ربع ساعه بس ..
دخلت دانه المطبخ وسوت القهوه وحطت له قطع كيك معاها ,,
وعطتها حمد وشالت كوب النسكافيه مالها ورجعت الغرفه ..المدبره نادين ما تنام في البيت .بس تيي وتنظفه وتجهز الاكل وتروح ..
دخلت الغرفه بشاره حمد رضى ..قومي ..
لكن قمر كانت حاضنه ريولها وميته صياح ..
دانه شفيج؟؟
ماردت قمر ...
دانه قمر ..ليش دموعج؟؟ ليش تصيحين صار شي ..
قمر بدور ملجت ..
الدانه ها ؟؟ وهالخبر يفرح ما يخليج تصيحين ..
لفت قمر ويهها ودسته في المخدته وصرخت الم ..
آآآآآآآآآآآآآآآه ..
دانه قمر خرعتيني ليش تصيحين بقهر جي؟؟
قمر بدور خذت خالد ولد خال ابوي ..خذت خالد يا عمتي ..
انصدمت دانه ..وعورها قلبها على قمر ..
دانه من قال لج؟
قمر أمي ...آه يا عمتي ..ما اقدر اتخيل اللي صار ما اقدر .بدور ..خذت خالد ..
دانه لا تصارخين تبين حمد يسمع ؟
لفت قمر عن عمتها ودست ويهها في المخده بقوة وصرخت بعبره ...
دانه قمر ...
ما عرفت الدانه شتسوي لقمر,..دانه نفسها فيها منصدمه ..
دانه خلاص قمر ..قومي ..خلاص عن الصياح .
قمر ما اقدر ..لو خذ حد غريب ما اهتميت ..بس خذ اختي ..عمتي فاهمه العذاب اللي امر فيه ؟؟ الشخص اللي احلم فيه صار ريل اختي ..وش القهر اكثر من جي؟؟ وأختي الوحيده... اللي مالي غيرها ..
انهارت قمر ..ويهها صار احمر من الصياح ..لفت اللحاف على نفسها ..وغطت ويهها ..
دانه قمر ...حبيبتي اهدي ..
شتقول لها الدانه ؟ هي نفسها مقهوره ..
طلعت لحمد ..
حمد قهوه عجيبه ...تتسلم ايدينج ..
دانه الله يسلمك ..
حمد شفيه ويهج جي؟؟
دانه مافي شي ..
حمد انا جاهز ..يلا قبل لانصكر المحلات .
دانه خلاص ..محد بيروح ..
حمد ليش؟؟
دانه قمر تعبانه..
حمد تعبانه؟؟ شفيها توها مثل السبال تنطنط ..
دانه ياها صداع ..
حمد خليني آخذها الطبيب ..
دانه لا ..شغله عاديه ...صداع اكيد تغير عليها الجو ..
حمد لا ..صار لنا اسبوع وشي الحين تغير عليها الجو؟
دانه صدقني شي ما يستاهل ,,
سكت حمد شوي ..دخلت دانه الغرفه ..وكانت قمر مغمى عليها ,,وطايحه على الارض ..
دانه حمد ..حمااد ...
دخل حمد .. شفيج؟
دانه ساعدني ..
حمد شفيها؟؟
داانه بس ساعدني ..
شلوها وحطوها على السرير ..
حمد بيب الدكتور ..ستريها ..
دانه ما امسكت نفسها وصاحت ..
****************************
خالد عبير ..ليش تضحكين؟؟
عبير امي المسكينه ياها اكتئاب من درت باللي صار ..
خالد وشاللي يضحك؟؟
عبير آآآآه ههههههههههههههههه ..صج شر البليه ما يضحك ..
خالد وش بليه ويا ويهج ..هذي بدل مبروك والله يسعدك يا أخوي ؟؟
عبير المصيبه..أنك خطبت وماقلت اسم خطيبتك اللي تبيها ,,شتخسر لا قلت؟؟
خالد أخسر ولد عمتي.. شيكون موقفي لا قلت له ابي بنتك قمر على سنه الله ورسوله؟؟ شيقول شدراني بسم بنته؟؟ وبعدين انا نسيت ان عندها اخت..ومافكرت بهالموضوع ..وأمي لو ما عاندتني وراحت لمنيره كان شوي اتضحت الامور ..
عبير امي حالفه ما تدش بيت منيره من زمان .من تطاولت منيره عليها بالحجي وغلطت ..
خالد منيره كانت ياهل اكيد ..
عبير زين خلود ..وشرايك في بدر ؟؟
خالد اسمها بدووووور ..يا مال ال..
عبير ها ..اشوف بدينا ..من اولها بدوروه سوت لي مشاكل ..
خالد البنت شكلها هاديه ..
ضحكت عبير.,,
خالد انتي من الصبح تكركرين من الضحك ليش ؟؟ وشفيها عروسي ليش مو عاجبتج؟
عبير ولا شي ..بس الموقف يضحك ....
تذكر خالد كلام امه انه قمر يبيها ولد عمها ..ومستغرب ليش محد اعترض ولا حد مانع من زواجه خاصه ان عندها عيال عم كبار ..
عبير حسافه لو انك ماخذ دانه ..كانت على الاقل أرضيت أمي ..
خالد واذا قلت لج ان دانه نفسها طلبت مني اني ما اتزوجها؟
عبير ها؟
خالد دانه نفسها بنت عمتج ..قالت لي في يوم من الايام انا ما أتخيلك زوج لي ..
عبير مستحيل ...
خالد أنا ما أكذب ..واسأليها ..وهالشي هو اللي ريحني ..اظن انها تكرهني ..ما ادري ليش ..
عبير يعني ما تعرف؟
خالد شاللي ما اعرفه؟
عبير تظن انك انت السبب في وفاه امها ..
خالد وأنا شدخلني في الموضوع ..
عبير دام ما صار نصيب بينكم بقول لك السبب ...تذكر يوم طاحت عمتي اول مره ؟؟
خالد وأنا أقدر أنسى؟؟ بس هالشي صار من زمان ..
عبير اييه ..بس أثاره كانت قويه على عمتي..لما شافتكم طايحين طق في الدانه تعبت ..وطاحت ..الدانه كانت غاليه عليها وايد..المهم كانت الطيحه الاولى وحذرها الدكاتره من اي انفعالات ..الطيحه الثانيه لما ماتت نوير ..بنتها لله يرحمها ..تمت شهر في المستشفى ..وسوو لها عمليتين ..ودانه كانت تنام معاها دايم ...الطيحه الثالثه كانت القاضيه ..وقالت لي الدانه السبب ..
خالد شقالت لج؟
عبير قالت لي ان ابوي خطبها لك ..وهي رفضت ...وتهاوشت معاها عمتي ..وراحت عمتي غرفتها وهي معصبه ..وفي الليل لما دانه راحت تراضيها لقتها ما تتحرك ولا تتنفس ..
سكت خالد ..الحين فهم سبب نظرات دانه له ..
عبير دانه كانت متعذبه نفسيا ..وان السبب في موت امها الله يرحمها ..وكانت ناويه ترضى تتزوجك ..وقالت لي رغم اني اكرهه بس بفكر كل يوم انه زوجي ..وشوي شوي تأقلمت مع الفكره ..بس كانت كلهه تتمنى انها ما تتزوجك ..لانها لو تزوجتك ما بترتاح معاك وبتم تلومك كل العمر ..
ماعلق خالد ..لانه تقريبا استنتج هالاشياء ..من خلال ما قرأ الملف مال دانه ..
عبير اشوف كلامي ماله اي رياكشن عندك؟؟
خالد ها؟؟
عبير من قال ها سمع ...ماشوف اي رده فعل عندك للي صار ..
خالد ليش عيال عم بدور ما مانعوا زواجي بها؟؟ اذكر امي قالت ان عيال عمهم يبونهم؟؟
عبير أنا وين وأنت وين ..
خالد سألتج سؤال من اللباقه تردين عليه ..
عبير اذا هذا مفهومك للباقه فأنا سألتك أول!
خالد سألتيني عن دانه ..ودانه خلاص تزوجت ..لازم لا انا ولا هي نفكر في الاحتمالات اللي كانت بتصير..علشان ما نتعب أرواحنا ..يلا جاوبي على سؤالي ..
عبير صج اني مافهمت ..بس ..انا اتذكر دانه قالت لي مره ان ناصر لمح انه يبي يزوج اثنين من عياله لاخوات.. واحتمال كبير تكون قمر وبدور . لانه قال هالجمله وزوجته طالعت له بنظره معناها لاتكمل..ياني احقر الرياييل اللي يمشون ورى حريمهم ..
خالد صدقيني بكره بتتزوجين ..وتبين ريلج يسوي اللي تبينه .. بس ردج ما جاوب سؤالي ..
عبير ما ادري بس خلاص انت خذت بدور ..وأنا أشوف انها عاجبتك ..وماهي الا نسخه قمر ومن ناحيه الشخصيه ..صدقني ما يختلفون وايد ..توأم ..
*************
حمد شفيها يا عمتي؟ الدكتور ما قال الا انه عطاها مهدئ..شفيها؟؟
دانه الدكتور يقول ما فيها شي عضوي ,,المسأله نفسيه بس ..
حمد وليش ؟؟ مني يمكن اني خليتها تفقد اعصابها؟
دانه لا ..مو انت السبب ..اختها البدور ملجت ..وهي انهارت ان بدور اختها التوم وملجت وهي بعيد عنها بس ..وانت تعرف التوم مايفترقون وايد ,,
حمد بدور ملجت؟؟ من خذت ؟
دانه ترددت انها تقول ..بس اذا ماقالت بيعرف .. خالد ولد خالي ...
طالعها حمد نظره غريبه ..حست ان الالوان اشردت من ويهها ..نظره متشككه ..
حمد مم..
ولف وطلع من الغرفه .
رجعت دانه لقمر اللي كانت نايمه ,, وطالعتها بحسره .. فاهمه اللي تمر فيه ..((آآآآآآآآآآآآآه يا بدور ..طول عمرج تعورين لي قلبي بقسوتج ....واليوم ذبحتيني ..وذبحتي أختج ...((
طلعت لحمد تيلس معاه لين ما تصحى قمر ..حمد كان سرحان وما انتبه لوجودها ..دانه نحن هنا ..
حمد ليش ما تيليسين مع قمر يمكن تصحى وتبي شي ؟
دانه تصحى ما اعتقد...تشرب شي؟؟
حمد لا ..ما ابي .
دانه زين ..ما تبي تتعشى؟؟
حمد وشو بتسوين العشا؟
دانه في بيض ..في دياي تندوري نجتس ..في بيتزا بارده ..أحطها في الميكروويف ولا أحلى بيتزا هت .
حمد ابي كل اللي قلتي ..يلا شدي حيلج ودخلي المطبخ ..
***********
دانه يلا قمر ..تعبت وطبخت وقليت ..قومي ..
قمر ليش تعبتي عمرج؟؟
دانه اشتهيت ..يلا .
قمر تحاول تمسك دموعها وشو العشا ..
دانه بيض ..ودجاج تندوري مقلي و بيتزا بارده من الظهر حطيتها في الميكروويف ..
ابتسمت قمر وطبختي؟ شاللي طبختيه اذا كل فاست فود ,
دانه حمد متضايق ..وعلى باله انه السبب في تعبج ..قومي ..وبيني له انه ماشي صاير ..
قمر .......... بس صاير اشياء ..ما بقدر أحضر العرس ..واذا يلست مع بدر شقول لها؟؟ هي نفسها بتحس بشي ..
دانه لا ..ما بتحس ..وأنا ما بخليكم مع بعض ..بكون دايم وياكم ..
قمر بترجعين تسكنين عندنا؟
دانه لا .بس بزوركم كل يوم ..قومي اغسلي ويههج واترسيه هالميكياج اللي تحطينه دوم ..يلا وباني فرحانه لا يظن حمد شي ثاني .
قمر وييييييه ...زين ..
**************************
كل شي تغيير ..بعد ما ارجعت دانه وقمر لدوحه .كل شي تغير ..معامله الكل لهم تغيرت ..
حسن ها عمتي ..الحسناء .. كلها اسبوعين وتتزوجين؟؟
دانه ايهه لاتعور قلبي ..هالشهر اللي مر ما ادري شلون مر ..كأنه يركض ..
سلمان زين عمتي ..صدقت الشهاده لج ..بتقدمين؟؟
دانه بسأل ضاحي اول ..
حمد تبين اسأله لج؟
دانه لا ..يات اللحظه اللي لازم احترمه وأستشيره ..بنفسي ..طول هالشهر وأنا نازله واسطات بقمور علشان يسمح لي اروح وأيي ..
حسن أعتقد هالشي ماله دخل فيه ..
دانه هو صار زوجي ..وخلاص ..والزوجه تلعن لاطلعت من دون اذن زوجها ..وهو نفسه قال لقمر انه مايحب اني اروح وايي وايد بدون علمه .
حسن بدى يتحكم فيج ..
دانه شسوي ..
حسن عمتي ..بنسوي لج حفله عزوبيه الاسبوع اللي ياي ..
دانه عشتوا ..هذا اللي ناقص ..
سلمان خلاص ..اتفقنا على هالشي .. ومجهزين كل العده في الشاليه على البحر والديجي ..والبوفيه ..اعزمي صديقاتج واللي تبين ..وآخر الليل بننضم لج ..
دانه انت من صجك؟؟ زين اذا ماصار فيني انهيار عصبي ..البنت ليله عرسها ماتنام من الرعب والخوف ..ومستحيل تلاقيها تبتسم كله دموعها على خدها ..
حسن عمتي ..خلاص الحفله بتكون بينا بس...حنا الشباب وانتي اشيعي بجي ودموع وانهيارات ..
مشعل شوفي عمتي ..أنا من راي حسن ...
دانه قوموا ..تراني صدعت ..هالشهر منكم ..بروح لقمور أيلس معاها ..حمد توصلني؟
حمد كنت طالع للبيت بس مو مشكله اوصلج ..سلمان تروح معاي؟
سلمان اذا أبي أروح أخذ سيارتي ..خذ صالح لبيت عمي ..ابوه يبيه ..
صالح صج الوالد عاوزني بيأوول ان ماشفنيش النهارده حيقطم رقبتي ..
حمد قوم يا حبيبي ..أأوم ..لحسن ماماما حتقلق عليك ..
صالح أنا باباي اللي عاوزني مش ماماتي ..
دانه خلصت فكوني من اللسان العوي ..يلا ورانا طريج ..
********
خالد اول مكالمة بينا ..شخبارج؟
بدور اخباري تمام .
خالد مافهمت القصد اني ما أكلمج طول هالشهر ولا أشوفج...
بدور أمي ربت ..وماكانت تبي الحريم يقولون يابت الولد وزوجت بنتها في الوقت نفسه ..فقالت لي تسافر هالشهر معاي للبحرين عند يدتي ولما نرجع تسمح لنا نتكلم .خافت من العين بالمختصر المفيد ..
خالد شسمه الصغير؟
بدور فهد ,
خالد عاشت الاسامي وايد حلو ..
بدور أبوي سماه ..كان يبي يسميه حسن ..بس ابن عمي اسمه حسن ..فغير ..
خالد زين..بتسجلين في الجامعه؟
بدور أمي تقول هالشي مقرر بايدك ..ياتسجلنني موازي ..يا تخليني في البيت ..
خالد وأنتي شتحبين؟
بدور أبي أتوظف ..ما ابي دراسه وما أبي أيلس في البيت ..
خالد طموحه ماشاء الله .
كانت أول مرة خالد يكلم البدور ..لانها سافرت شهر مع أمها ..شاف قمر مرتين بعدها وكانت مع الدانه ..شافهم في البيت ناطرين عبير تروح معاهم للسوق ..هو متأكد بنفسه أنها يوم ابتسمت ابتسمت بحزن .. وماطالعته له في عيونه.. ضميره يأنبه الحين في اثنين ...الدانه وبنت اخوها ..
بدور خالد ..خالد ..
خالد نعم ؟؟

قصص غريبه
بدور ليش ساكت؟
خالد ولاشي ..ما أحب أطول عليج ..مع السلامه .
بدور مع السلامه .
صكر التلفون وهو متضايق .. كأول مكالمة مع زوجة المستقبل ...كانت مكالمة سيئه .يمكن المكالمة الثانية تكون أحسن .
********************
الدانه قمر ..خلاص ..تنفسي ..
قمر صدقيني عمتي .. هاليومين الي يات فيهم ماقدرت أكلمها كلمه وحده ..حتى مبروك ماقلت لها .
الداانه بس ..لين هنا وامصخت السالفه .. لازم تنهين هالشي من راسج ..واذا كان في عزاء ..خالد كان السبب في موت يدتج .
قمر شلون؟
الدانه لا ..السبب مو كله عليه ..جزئيا ...السبب انا ..بس كان بسبته ..له ضلع في هالموضوع .
قمر عمتي أمانه قولي لي اللي صار ..تراني صج تهت ..
**
الدانه ها ..هالحين خفت عوارض الحزن؟
قمر مو وايد ..بس ..أنا نادمه على شي واحد .
الدانه وشو هالشي ؟؟
قمر أن علاقتي ببدور ماكانت قويه لدرجه اني أقول لها اللي في قلبي ,,على الاقل ..لو تدري ما رضت بخالد كزوج..
الدانه أرجوج يا قمر ..لاتحطين في بالج هالافكار وهالندم ..ويلا عطيني رقم خالج ..
قمر شتبين فيه؟
الدانه أبيه ..
قمر زين لحظه ..خذي هذا هو الرقم *******
الدانه رقمه مميز ..
قمر اييه ..عنده ثلاثه غير هالرقم ...كل رقم يقول الزود عندي من حلاتهم .
الدانه تمدحين في خالج؟
قمر خالي ضاحي غير ..أحس أنج بتحبينه بعدين ..صج انه مو وسيم ..بس لاركزتي فيه..ملامحه مملوحه ..صج مو بحلاة خالد ..ولا بحلاة بوي ولاعيال عمي ..بس مو سيء ..اللي مآخذ الحلاه كلها خالي فيصل..يانه قمر..أحلى شاب شفته في حياتي .ياليته ماكان خالي ..بس ..خلاص ..بس خالي ضاحي زين ..صج انه مو حيل معانا أنا وبدور ..بس زين ..من بعيد لبعيد ..
الدانه خلصتي مديح؟
قمر عمتي ..والله انه موب سيء ..انا اللي معور قلبي انج خذيتيه بدون ماتشوفينه ..
الدانه أصلا ملجوني بدون ما أدري ..هناء خذت بطاقتي وراحت معاهم ..وماأدري شاللي صار بالضبط ..انتحلت شخصيتي..توكيل غيابي..ماعندي خبره في هالاشياء ما أعرف شلون صار اللي صار ..بس اللي اعرفه قانونا ..صرت زوجه ضاحي .شرعا..الله يعلم .لاتمدحين لي خالج ..تراني مكتفيه منه ..
قمر ما كنت بقول لج ..بس ..أنا مستغربه انه مثلج ...مايبي كلام في هالموضوع .
الدانه خليني أتصل فيه ..
قمر بروح أييب لج نسكافيه ..
اتصلت دانه من جوالها على ضاحي وهي تحس أن مع كل رنه قلبها يدق مية مره ..حاولت تبضبط تنفسها بس ما اقدرت ..
الو ..
الدانه ,.........................
حست انها تتراجف وماتقدر تقول كلمه ...
ضاحي ألو ..
كان صوته خشن ..وقوي ..ودانه بروحها كانت مرتبكه ..صج مو اول مره تكلمه ..بس أول مره تعرف ان هو اللي على الخط ...مو حد غريب ..ما قدرت . تتكلم ..فصك هو التلفون ..
دخلت قمر كلمتيه؟
دانه لا .
قمر ليش؟
دانه كان خارج التغطيه ..
قمر مستحيل ..خالي مايطلع لمكان بعيد في هالوقت ..أصلا بتلاقينه في شغله ..
دانه ماقلتي لي شيشتغل؟
قمر له مكتب في وزاره الخارجيه .. شغله بالضبط ..مثل العلاقات العامه الخارجيه ..تصدقين ولامره سألته ..بس ما أكثر ما يسافر . مع السفراء والوزرا ..اللي اعرفه انهم ما يستغنون عنه ..
دانه اسألج سؤال صغير ..تمدحين لي سلطان بروناي ,
قمر اقولج ..
رن تلفون دانه .. طالعت الرقم كان رقم ضاحي ...
دانه ....
قمر أذكر أنج قلتي انه كان خارج التغطيه ..
دانه ها ؟ ...صراحه ماكانت عندي الجرأة أكلمه ..
قمر هاتي أنا أرد ..
دانه لاتردين ..ما ....
قمر ما بتملين من هالخوف ؟؟ ردي عليه .كلميه ..
دانه تتت بكلمه ..بس مو اليوم ..
قمر بروح أييب فهادي وأيي .. واتخذي قرار ..تكلمينه ولا ا ..العرس عقب اسبوعين ..وأنت تقريبا ماتعرفين عنه شي ..يساعدج لو كلمتيه ..
دانه شوفي قمر ... كل ما اتذكر اللي صار في المستشفى أنحرج ..
قمر هو مالاحظ اللي صار ..قالوا له انج كنت تعبانه من الامتحانات..وبعدين هو ماشاف ويهج كان منزل راسه ..
دانه أتذكر اني ماشفت عيونه ... خليني من سلطان بروناي ..ماقلتي لي ..وين فهد؟
قمر بروح أييبه ..امي نايمه وهو صحى ..ماشاءالله يا عمتي صغيير ..ويشبه ابوي وايد .
دانه هاتيه ..
صحيح ان دانه كانت ماتطيق لامنيره ولاهناء ..بس تموت على عيال اخوانها ..وبناتهم ..تحسهم قطعه منها رغم انها من عمرهم تقريبا ..رن التلفون مرة ثانية..طالعت دانه الرقم ..ما اقدرت ترد عليه ..بس بتكون في موقف محرج ..اذا عرف انها ماردت .
تركت التلفون في الغرفة وراحت غرفة بدور ..
بدور كانت يالسه تقلب في قنوات الريسيفر .
الدانه عطينا ويهه قولي أيلس مع عمتي ولا صرتي مدام خالد ماتحاجينا ..
بدور قام وسلمت على عمتها ..
بدور هلا دانه ..ماتصدقين توني هاللحظه صكرت من عند خالد ,,وكنت افكر فما سمعت اي صوت ..
الدانه ها ..وشلونه هالخالد ..شخباره؟
بدور ما أدري ..أحسه ...مدري ..بس اول مكالمة بينا كانت فاشله ..ما عطاني فرصه اسأله بحجة مايطول علي في الكلام .
الدانه أول مكالمة لاحقه على الباقي ..
بدور شوفي ..
ضحكت دانه لما شافت ورقة الاسئلة اللي مسويتها بدور لخالد ..
بدور أمي قالت لي اسئله نص هالاسئله ..واذا سألني عن اسئله هي متوقعتها كتبت لي الاجابه ,,
ماتت دانه من الضحك ..كانت الاسئله خمس وثلاثين سؤال ..تقريبا نصها عن العرس ونصها عن البيت وجزء بسيط عن شغله وراتبه ..
دانه زين انه صك في ويهج التلفون ..ولا ماخلص المسكين من طلباتج .وأسئلتج ..
بدور أنا ما ابي شي ..هذي امي تبي تعرف هالاشياء ..عمتي شفيها قمر علي؟؟ من رجعت من السفر تكلمني بالقطاره .
الدانه ارتبكت ها؟؟ قمر ..ما أدري ..بس عادي ما ..أشوفها متغيره .
بدور ما أدري أكلمها ..ماتقول شي ..اليوم اول مكالمة بيني وبين خالد ..كنت أتمنى أقول لحد اللي صار ..بس قمر ما تشجعني اني اتكلم ..
الدانه قمر اعذريها تراها لها مزاج ..بس انا موجوده ..قولي شصار؟
بدور عمتي اشك انه ماكان يبيني ...
اسكتت دانه وهي شاكه شالكلام لو مايبيج ماخذاج ..
بدور ما ادري عمتي رفيجاتي كانوا يكلموني عن اول اتصال..والكلام اللي سمعته منهم غير اللي صار بيني وبينه .. حسيت في برود ..
الدانه لاتصير أفكارج بهالسوداوية ..شبروده وانتوا اسم الله عليكم توكم ملجين ..وهو اختارج بنفسه ..ويا خطبج بنفسه بس تلاقينه مرتبك ..وبعدين اذكر مره رجع من الدوام لما كنت ادرس عندهم ..وكان تعبان بالمره ..اكيد مافضى يكلمج براحه وبال مرتاح .
بدور عاد تدرين شفت ابن خالتي نوره ..علي ..
داانه أذكره لما كان هنا قبل لايسافر ..كان كبير..
بدور اييه يا وبارك لي..وكان كله يحاول ييلس معاي ..ماحبيت هالشي وظليت لاصقه في امي ..وكله اشيل فهادي ..خفت وايد..خفت وتمنيت اعرف ليش يدتي كله هناك في البحرين ..ماتتي وتظل هنا عيالها هنا وبناتها .. زين ان خوالي يوا هنا بعد ماخلصوا الثانوية وكملوا هنا ...اللي اعرفه اني مابرجع لهناك لو بموت ..
دانه ما اعتقد نيته كان سيئه ..
بدور ما ادري بس هو يخوف ..نظراته تخوف ..
دانه قومي زين طرشت قمر تيب فهد من تحت ..يلا تعالي ايلسي معانا ..
بدور لا عمتي ..بروح أتسبح وبعدين أنام ..خذوا راحتكم ..
دانه كيفج ..
*********************
هالشهر خالد اندمج في الشغل أكثر وأكثر ..وتقريبا اسلوبه تحسن مع الاطباء الثانين لانهم خذوا عليه ...بس الكل ما يعجبه تسلطه ,,
فارس صدقني بيعجبك الفيلم .
خالد لا ..ماعندي وقت بعد الدوام يدوب احط راسي وأنام بعدين أكلم المدام ..وأشوف شناوية حق العرس .
فارس ماشاءالله كتبت شعر .
خالد ماكتبت شعر كل اللي صار اني لصقت الكلام في بعض ..بس .
فارس زين الطبيب خالد اترك واروح البريك خلص ..
خالد انت متأكد الفيلم حلو؟
فارس يمدحووونه لي .
خالد خلاص ..الليله نتواعد .
فارس انشاءالله ..
خالد لقى في فارس الرفيق المثالي ..والزميل المتعاون ..خذ قلاس الجاي ورجع لمكتبه ..واستقبل المرضى ,,
******************
ايلست على سريرها والافكار تآخذها وتجيبها ..تكلمه الحين؟؟ الساعه عشر في الليل ..ماعندها سالفه لو كلمته هالحزة ..المصيبه العرس بعد اسبوعين ..تذكرت مريم اللي دست بين اغراضها كيس ..استغربت منه دانه ..ولما فتحته اكتشفت انه كله قمصان نوم..عصبت وايد على مريم اللي ابتسمت وماعلقت ..تقريبا هي خلصت جهاز في نظرها لكن مريم كله تصارخ عليها انها ماخلصت شي معقول ..الذهب مريم سافرت الامارات واشترته على مزاجها ..الدراريع والشيل واغراض البيت يابتها مريم كلها من الامارات ..العطور تكفلت فيها قمر ..واشترت احلى العطور ودهون العود ..وساعدتها منيرة في هالشي .,,الاكسسوارات والمفارش والديباجات يابتها لها هناء كلها من الكويت ..الميكياج يابته لها بدور ..والبدلات الكشخه والاحذية ..تقريبا هي ماسوت شي الا اختيار فستان العرس وفساتين بسيطه ثانية . ..طالعت اغراضها وملابسها وذهب امها اللي رفضت تبيعه وخلته مع ذهبها ..طالعت ملابسها الوايد .. بتاخذها معاها بس مع الملابس اليديده مالها مكان ..عطورها مالت المدرسه وعباياتها وشيلها ..اللي تعرفه انه بعد زواجها .. انقطع عنها راتب ابوها التقاعدي ..اللي كانت تعيش منه بشكل يخليها ما تحتاج للناس . ..صج بس من سنتين وشي فقدت امها بس تحس انها ماتت من زماااااااااان ...يمكن لان اخر سنينها كانت تتنقل من مستشفى لثاني ..وكانت كله تعبانه ..بس هي محتاجتها وايد ..وايد ..وكرهت الدنيا لانها تحس ان ماعندها مكان تعيش فيه وتحس انه لها ..
طالعت التلفون ..اذا ماعندها الجرأة تتكلم ..عندها لاجرأة تكتب مسج ..
وكتبت ..
(السلام .انا دانه.اذا ماعندك مانع ياليت تسمح لي اجهز اوراقي لدخول الجامعه (
حست ان المسج جاف بالمرة ..وخالي من اي ذوق ..بس ماعندها حل ثاني .,, ارسال .
ثواني ووصل تقرير بالاستلام ...دقيقتين ووصل مسج .
(ليش ماكلمتيني يوم دقيتي علي؟(
ارتبكت الدانه..على الاقل رد السلام .
(كنت مرتبكه .وماكان عندي الجراه (
وصل تقرير الاستلام ..وبعدين مسج اني
(أي تخصص تبين؟(
دانه (اداره واقتصاد (
ضاحي( ( ماعندي مانع ((
دانه (( شكرا ((
مارد ضاحي بعد هالمسج ...حطت التلفون على جنب ..وحطت راسها تعبانه الصبح لازم تروح السوق ..شي واحد قررته انها تكره السوق ..
**********************
مر أمه المسكينه ..اللي اعتزلت في غرفتها من يوم ملجته ..من شهر ..
خالد يمه ..
أم خالد هلا ولدي .ادخل ..وينك ما أشوفك ..
خالد في دوامي يمه ..
أم خالد ها ..ربت منيرة ؟؟
خالد يابت ولد ..
ام خالد ما بغت ..مسكين نايف ..كبر على ولده ..
خالد انشاءالله يعيش ويربيه .
ام خالد كلمت حرمتك؟
خالد اييه ..
ام خالد متى تبي العرس؟؟
خالد ما سألتها وهي ما قالت
.ام خالد البنت انشاء الله زينه ..بس خلها بعيد عن منيرة ..
خالد أشوف ..
ام خالد كلمت ابوك ؟
خالد عن ايش ؟
ام خالد عرس عبير ..بعد ثلاث شهور ..وأبوك يبيه بعد سنه ..
خالد بس انتوا اتفقتوا مع الريال بعد ست شهور شغير هالكلام؟
ام خالد ابوك يبي عرسك قبل عرسها ..عبير الوحيده من خواتك اللي موب مشغوله بريل وعيال ..وانا كبرت ..وأبوك يبيها تشيل العرس ..
خالد بس يمه ..الريال متفق مع ابوي ..
ام خالد العنود بتولد ..وصالحه ماتقدر تهد ولدها ..توه صغير ..وبشاير متغربله في شغلها وزوجها مثقل عليها بطلباته هو والعيال,,,
خالد انا ما ابي أفشل أبوي جدام ريل عبير ...الريال وهله حاجزين ..
ام خالد دبر نفسك عاد ..عرس عبير شهر احدعش ..تقدر تعرس قبل هالتاريخ؟؟ تفاهم مع ابوك وقول لنا شرايك ..
ارتبك خالد..مافي غير هالحل ...طلع لبوه وتناقش معاه ..
***************
للمرة الالف قرت المسجات اللي طرشها ضاحي ..صج موب بخطه..بس انها منه تخليها تقرأها عشر مرات ..وهي ما تقدر تفهم شي منها ..
مسكت ورقة ..وكتبت ..
(( قلق ...
كل ذره في جسمي تنبض بهالشعور ..كل نفس من انفاسي مغلف بهيبه .
أتساءل ...هل هو انسان يظلم ويجور ..ام انسان أحلى مافي قلبه.. طيبه ...
أكره الساعات اللي بكل بطء تدور ...وأتساءل درب بكره وراه اي خيبه؟؟
هل هو درب الخير والكرم مكلل بزهورولا درب كله تعب وخوف.وريبه((
حطت الورقه في درجها ..وهي مستغربة ..وين ملفها اللي تعودت تحط فيه هالمحاولات الفاشله في صياغه حياته؟
ماخطر لها ان الملف عند خالد ...مع ربكه التجهيز وصدمة العرس ..تخيلت انها ضيعته ..
دانه صباح الخير ,,
سلمان صباح النور والسرور ..
دانه خلاص بقدم اوراقي للجامعه ..
سلمان وافق السلطان ؟؟
دانه اييه ..شتسوي في المطبخ؟
سلمان ريوق ..لاتنسين عندي محاضرات ..والحمدالله قربت اخلص ...
دانه الجامعه صعبه سلوم؟
سلمان ام التسعين تسأل هالسؤال؟؟ عيل ام الستين شيكون سؤالها .
دانه تشهد أعوذ بالله من عيونك .
سلمان هههههههههه ,,, كأن محد غيرج ياب هالنسبة ..تعالي تريقي معاي ..
دانه وين خوانك وعيال عمامك؟
سلمان حمد راح الشغل بدري ..وحسن راح مع صالح ومشعل السنتر ..خالد نايم ..وهذا أنا ..بروح الجامعه الحين .
دانه كم باقي وتتخرج؟
سلمان كورسين ..وأخلص ..طبعا مع الصيفي .
دانه وحسن؟
سلمان لا ..حسن خلص أربع سنوات في الجامعه باقي سبع ..
دانه يدرس طب هو؟؟ شسبع سنوات؟
سلمان هذا هو ..ما أخذ خلال هاأربع سنوات الا ستطعش ساعه ..بس!! والمطلوب للتخرج ميه وعشرين!اذا خلال أربع سنوات خذ 16 ساعه ..و4سنوات اللي يايه 16 ..واللي وراهم 16 ..لا غلطت في الحساب يبي له تسع سنوات ..64 و64..اييه خلال تسع سنوات ..تقريبا ..
دانه 16 ساعه بس ..في 4سنوات؟ في ناس ياخذونها في سنه!!
سلمان حسون كان يصقط في المواد ويشيلها .. وكان ياخذ كل سنه بس تسع ساعات نصها صاقط فيها ..(شايلها ..(
دانه وناصر ساكت؟
سلمان أبوي ما يسأل وايد ...كل اللي يهمه ..حمد وخالد ..انه حمد يترقى خلال فترة بسيطه من شغله ..وخالد يترقى في الوزارة ..ويصير قريب منه ..
دانه زين خلود ليش نايم ليش ما يروح الشغل؟
سلمان شغل خالد حاليا مايبي منه الا توقيع بس ..عند بداية الدوام وعند النهاية .. شغله بسيط ..خلال هالسنه بتصعب عليه ..مع الترقية الجديدة ..حرف الواو وما يسوي ..
دانه دام ناصر واسطته قوية ليش ما ينجح حسن في الجامعه؟
سلمان لان حسن نفسه عاجبته حياه المهسترين ..حياة اللعب والعزوبية والدراسه ..وشلته في الجامعه مثله.. مهستره ..مو مهتم يتخرج متى ..بس شي يشغله عن نظر ابوي ومحاتاة امي ..بحجة انه يدرس لي متى ؟؟ محد بيسأل .
دانه هناء خلقه ما تهتم في حد ..من عرفتها واعذرني لصراحتي مهما كان هي امك ..بس من يوم ماعرفتها ..وهي تهمها الاشياء الظاهرية .وحاليا قالت انكم كبرتوا وبتركز على بناتها الصغار تحولهم نسخه منها ..فما استبعد انها ماتدري عن حسن شي ..الا انه يدرس ..ايش وين وليش ..ماتهتم بالسؤال .بس بتظل امكم ...
سلمان بتطلعين اليوم؟
دانه مع قمر بروح السوق ..بتلاقينا مريم هناك ..والله يعلم شتشتري لي هالمرة .
سلمان بدا العد التنازلي ..
دانه صحيح والله ..بدا..
بعد الريوق رن جوالها ..
قمر أنا تحت ..
دانه الحين أنزل ..
رجعت الغرفة والبست شيليتها وعباتها ..وطلعت ..
***************
قمر ترى مريم ما راح تيي ..
دانه ليش؟
قمر بتروح الدرزي (الخياط ) ..فستانها ما خلص ..
دانه زين حنا وين بنروح؟
قمر بمشيج اليوم ..بنروح السناتر ..
دانه لا ..العيال هالحزة في السناتر ..عيال اخوي ..شوفي لج مكان ثاني ..
قمر اوكي ..بنروح نتمشى في الاسواق ..نخلي الدريول ينطر ونتمشى ..
دانه خل نروح الكورنيش ..
قمر زين ..
دانه أحسج متضايقه شفيج؟؟
قمر اليوم دانه بيزورها ريلها ..ما تحملت أبقى في البيت ..ولما دقيت على مريم ..قالت لي انها ما بتروح معاج ..استغليت الفرصه وقلت أطلع معاج ..
دانه خالد عندكم اليوم؟
قمر اييه ..
دانه زين قمر ..نسيت اقولج اني امس طرشت مسج لخالج وافق..
قمر زين انه يوافق على الاقل تبقين معاي ,,
دانه بتسجلين في الجامعه؟
قمر -- اييه ..
دانه كلمتي خالج واستاذنتي لي علشان الطلعه هاذي؟؟؟
قمر دامج بديتي معاه بالمسجات موب حلوه اكلمه انا ..بعدين هالاسبوعين رخصج تروحين وين ماتبين ..بما انهم قبل العرس بيكون هو مشغول مو فاضي ..
طالعت دانه الناس الي تروح وتيي ..وهي وقمر يتمشون..حست بضيج.
دانه خل نبعد..نروح المول ,
قمر المول.؟؟ يلا على الاقل يمكن نشوف شي يعجبنا او فيلم ..
دانه تونا الصبح اي سينما هاذي المفتوحه هالحزه؟
قمر خلاص نتحوط لين ما تفتح ..
******************
رن جوال الدانه ...
الدانه هذي بدور ..شتبي؟
قمر أكيد تتكلم عن لقاءها بزوج المستقبل ..
ردت الدانه وهي ملاحظة حزن قمر ألو ..
بدور ألو ..عمتي الحقيني ..
دانه شفيه؟
بدور مصيبة..عرسي بعد شهرين!!!
دانه شلون؟؟
بدور خالد توه يا وتناقش مع ابوي وأمي وافقت ..
دانه زين ليش مصيبة؟ انا نفسج ..تقرر بهالسرعه ..
بدور دانه ..ما يمديني ..
دانه لا تصيحين ..بي بعد شوي مع قمر ..ونتفاهم ..
بدور ناطرتج ..
دانه بعد ساعتين بنكون عندج ..
بدور ساعتين؟؟ أنا بطلع عندي مقابله شغل ..
دانه خلاص أشوفج العصاري ..
بدور زين ..مع السلامة ..
قمر شفيها ..ما حطت مكياجها عدل ..ولا خرب شعرها ؟
بدور تقرر عرسها بعد شهرين ..
قفط ويهه قمر ..وارتجفت ..وايلست على الكرسي وما كتمت دموعها ...
دانه خلاص قمر ..كل مرة بنعيد الكره؟؟ خلاص صحتي قبل وهالشي كان مصيري..
قمر ما اقدر يا عمتي ما اقدر ..
كانت القمر مكشفه ويهها ..بعدين تغشت .. دانه كانت لابسه برقع ..
دانه ما انتبهت للشاب اللي يحاول يغازلهم ...ولا قمر ..
الشاب ماكان بروحه كان معاه شاب ثاني ..وخلاص حطوا قمر ودانه في بالهم ...
دانه خلاص قومي ندور العطر اللي كنت تبينه ..
قمر زين ..
مسحت دموعها ..بس خلت الغشوة على ويهها ..
مانتبهوا للشابين اللي يلاحقونهم ..
كانت تدخل محل عطور ..وهم يدخلون وراهم ..
دانه همست لقمر هالشابين يلحقونا صح؟
قمر لا ما اعتقد .. أبي هالعطر ..
البايع هلأ بجيب من فوق ..
ودخل داخل ..
كان كلامهم واضح غزل ..
ماهقيت ان البراقع يفتنتي ..,,
والمتغشيين أكثر يفتنون ...
تهقى يقبلون الارقام.؟
عيل وش يقبلون؟؟ أسمائنا؟؟
أنا سيف ورقمي ******* وهذا الرقم ..
وأعطاها بطاقه لكن دانه ما مدت يدها ولفت ويهها..
وأنا سعد ..ورقمي ******* شرايج (كان يكلم قمر (
قمر تصلحون مهرجين أو أراقوز ..
الكزت دانه قمر وهمست طنشي ..اذا رديت عليهم يتليعنون ..
واو ..المتغشية تحجت ..والصوت يا حلاته ..والجسم أحلى ..
قمر جب ..صج حقير ..
حقير؟؟ أنا حقير ؟؟ زعلتيني ..دموعي تذرف حزنا ..من قسوتك ..
دانه خلاص قمر اسكتي ..
الشاب الثاني لف للدانه الله ..عيونج حلوة ..
نزلت دانه راسها ولفت ومسكت بيد قمر تبي تطلع ..
وقف الشاب جدامها ..
على وين ..نبي نسمع كلمه حلوة ..
قمر انت قليل أدب ..
وأنتي لسانج طويل ..بس شكلج حلوة ..
ومد يده وطيح الغشوة ..تبققت عيونه على الاخير لما شاف قمر .وانبهر بجمالها ....اللي ما خافت ولا حركت لانها أصلا بالعاده ما تتغشى ..
قمر وخر عن طريقي ..
الشاب وان ما تحركت ..هالقمر اللي جدامي شراح يسوي؟
قمر سهله ..صرخه وحده تير السكيورتي اللي هناك لهنا ..
الشاب ومنتي خايفه؟؟
دانه أرجوك أخوي ..أكيد عندك خوات ..ماترضى لهم هالبهدله اللي تبهدلنا اياها ..
الشاب باين عليج مأدبه ..أكثر من أختج ..
قمر امشي عمتي ..وخل نشوف شيقدر يسوي ..
الشاب عمتها؟؟ احلوت ..بنت اخوج ؟؟
دانه ممكن تبعد عن الباب ؟؟
طلعت جوالها
دانه والا 999 تتصرف ؟؟ أضمن ؟؟
الشاب تهددين؟؟
دانه ليش أهدد ؟؟ البايع الحين ينزل من فوق ..وتتسوى كل الامور ..وبيكون شاهد ..شي محتوم ..
قمر اييه ..ليش من قال خايفين منكم؟؟
الشاب الثاني يلا سعد ..خل نطلع ...
الشاب ونثبت لهم انهم انتصروا؟؟
قمر كانت تبي ترد ..بس مسكتها الدانه ..
الدانه اذا تسمي هذا انتصار .. فما عندك سالفه ..
الشاب طالع الدانه معصب ؟حست الدانه انه ما بيروح بسهوله .وماكانت تبي تسوي اي مشاكل ..سمعت ربكه من داخل وحست براحه..وتنهدت ..الشاب هو ورفيجه طلعوا ..وطلع البايع معاه كيس باسم المحل مع علبه سمبل مجانا ..
البايع تفضلي الحساب ثلاثمية ريال ..
دفعت قمر ..والبايع يطالع ملامحها معجب ..
ردت الغشوة على ويها ..وطلعت ..
قمر خل نروح السياره ..
دانه لا الشباب ما طلعوا من المجمع ..ما أحب أنهم يلحقونا ..خلينا نروح الماركت ,,
قمر كيفج ..
**************
بعد اسبوع ...
خالد وينج؟؟
بدور في الصالون ..
خالد شتسوين؟ العرس بعد شهرين؟؟
بدور أدري ..بس كنت اسوي بديكير ومنكير ..
خالد اليوم صار معاي موقف غريب ..ادخلت لعندي مريضه ..مسكينه على بالها ..بدور ..بدور..انت معاي ؟؟
بدور الو ..لا كنت أضبط القميص ...علشان ما يتوصخ تعرف من شانيل ما أخاطر يطيح عليه شي ..خاصه مواد المنكير ..
خالد أنا وين وأنتي وين ..
بدور أدري أنك مشغول وأنا مشغوله ..اوكي بكلمك بعد قناع البشره ..باي ..
طالع خالد جواله وهو موب مصدق ..
شكلي بندم على اهم قرار اتخذته في حياتي ..
دخل فارس المكتب ..وخلال هالفترة صار من أعز اصدقاء خالد ..
وشالقرار اللي كنت بتندم عليه؟؟
خالد زواجي ..
فارس منت اول واحد ..اوقف في الصف ..
خالد دكتور ..شفت الملف؟
فارس أكيد .. الحاله مستعصية ..أنصح بتسفيرها للخارج ..
خالد هذا بالضبط كلام الدكتور علي ..استشاري امراض القلب ..
فارس أنت مصمم للسفر امريكا؟؟
خالد اييه ..أبي أتخصص في جراحه القلب ..
فارس ومتى ناوي؟؟
خالد بعد زواجي انشاءالله ..
فارس بس انت ناجح اكثر في الطب العام ..ماشاءالله نبيه وذكي ..ومايطوفك شي ..
خالد رغبتي اني اتخصص في جراحة القلب ..وخيروني بين الصين وأمريكا ..اخترت امريكا ..المصيبة الكبرى ..هي شلون بقول لامي وابوي هالخبر..وزوجة المستقبل نفسها ماعندها فكره ..لحد الحين مآخذه مني موقف بسبب تحديد حفل الزفاف بهالسرعه .لا درت بالسفر ..بيكون موقفها غير خاصه انها قدمت على وظيفه ..هنا ..

قصص غريبه