منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > منتديات العامة > قسم التربية والتعليم > الفن الادب الشعر > القصص
تابعنا على الفيس بوك تابعنا على تويتراضفنا لقائمة ال RSS

بوابة نوكيا


ليلة الزفاف بين الزوجين (( الجزء الثاني ))




ساهم بنشر الصفحة
رد
 
أدوات الموضوع
الصباحيّة

قالت سارة:
استيقظتُ من نومي وانا لا أدري اين انا.. وأخذتُ أتفحص المكان بدقة وانا أبحث عن حجرتي القديمة فلا أجدها ووجدت عمر نائم على السرير فانتفضت وكدت اصرخ فى وجهه.. ثم تذكرت كل شيء.. وأخذت أضحك في سرّي وانا أتذكر أمي وهي تقول لي: انتي يا سارة لما بتصحي من النوم ممكن تطلبي البوليس للّي قدامك عقبال ما تعرفي انتي فين ؟
عندها حق لازم اتخلص من العادة دى مش كل يوم ح أصحى الراجل مفزوع كده
وأفقت لأجد ان جرس التليفون يرنّ منذ فترة وخرجت على أطراف أصابعي حتى لا أوقظ عمر... ووجدتها ماما كما توقعت.. الحمد لله انها لم تكن حماتي
ماما: صباح الخير يا ست العرايس.. صباحيّة مباركة
أنا: صباح النور يا حبيبتي
ماما: انا ما نمتش خالص قلقانة عليكي
أنا: الحمد لله كويسة
-آه لو الامهات تبطل القلق ده-
ماما: طيب يا سارة احنا ح نيجيلك بعد الضهر شوية
أنا: تنوّري يا ماما
طبعا ماما أُحبطت من ردي.. خلاص فعلا حاسة ان لي حياة مستقلّة واني لست في حاجة اني أقول كل شيء لماما.. وبعدين عاوزة ماما تتعود على الوضع ده علشان ما يحصلش مشاكل بعد كده
وضعت السماعة لأجد التليفون يرنّ مرة أخرى.. واضح ان تليفوننا هو الوحيد في البلد.. لأجد مكالمة مشابهة من حماتي وانهم برضه ح ييجوا بعد الضهر
والدعوة عامة وحتبقى لمّة
***********
استيقظ عمر وهو يبتسم ويقول: صباح الفل يا حبيبتي اهو ده الصباح ولاّ بلاش.. بجد ملكة حتى وانتي صاحية من النوم
ابتسمتُ له وقلت أسدّ نِفسه بسرعة فأخبرته ان كل العالم ح ييجيلنا بعد الظهر يعني بعد ساعة تقريباً
ووجدته يقول: يا ستي يشرّفوا بس بجد المفروض ان الأهل يسيبوا العرايس شوية ياخدوا على الوضع الجديد وعلى الحياة الجديدة مش هجوم كده من أولها.. ماهمّ لسه سايبنّا من كام ساعة.. حيكون حصل لنا ايه يعنى؟.. وبعدين انا ما نمتش طول الليل من شخيرك يا سارة
شخيري !!!؟
وكان ردي ان قذفته بكل مخدات الأنتريه ولقّنته درسا لا ينساه فى احترام حرمه المصون اللي هيّ أنا
عمر: يا ساتر يا رب ده انتى شرّانية أوي.. الواحد ما يعرفش يهزّر معاكي شوية؟
أنا: لا يا سيدي ما عندناش رجالة يهزروا.. يالاّ تعالى نشوف ح نقدم للجماعة ايه
ودخلنا المطبخ وأعددنا ما سنقدمه للضيوف واعدنا ترتيب المنزل علشان الناس اللي ح تيجي تتفرّج على الفرش الجديد وغيّرت ملابسي وارتديت طقم جديد وحذاء بكعب عالي لأول مرة وربنا يستر واعرف امشى فيه وخلاص بقى ح اعيش فى دور المدام.. وجدت الباب بيرن ووجدت الاسرتين سوا مش عارفة ازاي؟
لقيت نفسي مفروض أستقبل حوالي 18 فرد مرة واحدة.. ليه كده بس؟
ما علينا.. المشكلة الأزلية ان الناس اللي بتيجي بتتفرّج على كل الشقة حتى المطبخ.. يعني المفروض ان اول ما الناس يشربوا حاجة أغسل الكاسات فوراً علشان الفرجة تبقى كاملة
وهكذا لقيت نفسي تحولت الى نحلة م****ة اشيل وأحط وأغسل وأفرّج الزباين.. أقصد الضيوف.. على الشقة حتة حتة
ومش عارفة ليه العروسة بتفتح النيش والدواليب وكل الفرش وكل الأطقم لكل واحد ييجي؟؟.. فعلا حرب المفروض الضيوف ييجوا يقعدوا في الصالون فترة بسيطة ويلقوا نظرة سريعة على الفرش ويباركوا ويمشوا وخلاص وبلاش التفتيش الذاتى ده.. لكن تقول ايه الواحد كان اتجوز فى الصين أحسن
***********
قال عمر:
يتبع ...........
.........
.........


هههههه

مشكور والله يعطيك العافيه

هههههههه

عن جد كتير حلو ..

اسلوب جميل لطرح عادات قديمة وغير مفيدة ..

يعني بصريح العبارة لازم نلغيها ..

وكمان عزيزي

فكرة حلوة إنك عملتلنا مسلسل على النت ..

احلى تحية ..

وأحلى تقييم

وكل النجووم

بانتظار الحلقة الثالثة ..


.
ههههههههههه

سلمت يداك

بجد.. متعة
وطرح سلس

(واكتشفت إن عندكم زي عندنا)

^_^

5 ستارز

ولاتحرمنا من جديدك


تحياتي


هههههههههههههه
روووووعة أخوي الله يعطيك العافية
وبأنتظآر التكملة يآبطل
ههههههههههههههه
يار بي عمر ماقدر يتكلم
وليه عمر ماقدر يتكلم اسرع
تأخر وقالةا بعد الفاصل

ههههههههههههه
مره حلوه...
في انتظار البقيه بشوق

قصه روعه
تحكي عن العادات السيئه
وفي انتظار التكملة


ههههههه ..

الله يعطيك العافية .. بانتظار الجزء الثالث
السلام عليكم
يعطيك العافية رائعة التكملة تشوقنا للباقي
وكل ماذكرته من سلبيات
حقيقة وواقع يحصل للأسف
تقبل مروري و5 نجوم
إحترامي وتقديري
وفقك الله