منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > الملتيميديا > أخبار الفن والسينما وصور المشاهير > اخبار الفن العربي
تابعنا على الفيس بوك تابعنا على تويتراضفنا لقائمة ال RSS

بوابة نوكيا


أيمن راتب: أغنية "ماهو أمريكاني" وش السعد علي

ايمن راتب




ساهم بنشر الصفحة
رد
 
أدوات الموضوع
المطرب الشعبي أيمن راتب


مطرب لمع نجمه مؤخرًا ولقب بمطرب الروك الشعبي وله"ستايل" يختلف كثيرًا عن أقرانه من مطربي الوسط .. بوابة أخبار اليوم التقت بالمطرب الشعبي أيمن راتب، .. وكان لنا معه هذا الحوار:


البدايه كانت مع كليب " ماهو أمريكاني " ونجحت مع الجمهور بشدة وسرعان ما اختفيت من على الساحة الغنائية ؟


الحقيقة إن كليب "ماهو أمريكانى" كان فاتحة خير ووش السعد عليا أولا أخد أعلى نسبة مشاهدة وقت عرضه ومنه جالي حفلات كتير خارج مصر وخاصة أمريكا والحمد لله حققت الحفلات دى نجاح كبير هناك مع الجاليات العربية وبسبب النجاح ده إضطريت أبقى هناك 4 سنين ... بس الحمدلله رجعنا أهوه وكله تمام .


كيف نجحت في أول أغنية لك أن تصنع حالة تعلق الجمهور بك هكذا ؟


الأغنية دى كلها مفارقات بدأت بالملحن "محمد رحيم" فى يوم إتصل بيا 8 الصبح وطلب منى أروحله فورًا عشان معاه أغنية قنبلة وإستغربته جداً بصراحة وهوه مصمم لازم أنزل وفعلاً روحتله وسمعت اللحن بطريقة "رحيم" عجبنى جدًا وأخدت أنا الأغنية فى سكتى وربنا وفقنا وطلعت زى ما شوفتوها ... حتى الكليب فضلت أجرى فيه لدرجة إنى نزلت 3 كيلو بحالهم مرة واحدة ولحد دلوقتى مأعرفش ده حصل إزاى.


لقبت ب"ملك الروك الشعبى" ما سر هذا اللقب ؟


وقت ما كنت فى أمريكا كنت بأغنى أغانينا الشعبية فى نفس الحفلات اللى بيبقى فيها فرق بتقدم ألوان مختلفة زى الميتال وكده والألوان دى هناك عادى طبعاً ... أدخل أنا بقى وأغنى يابنت السلطان والشغل بتاعنا المسرح بيولع والناس بترقص بهيستيريا ولأن الـ "روك" معناه الرقص بقوة وأنا بأغنى اللون الشعبى ... فقالوا أيمن راتب ده ملك الروك الشعبى ومن يومها بينادونى بيه فى الجولات الأوروبية وأنا بأعتز بيه جدًا ويارب أكون دايماً عن حسن ظنهم بيا لأن اللقب ده مسئولية حقيقية محتاجة تعب وإجتهاد متواصل .


وماذا عن هذه الجولات الأوروبية ؟


كنا بنعمل مجموعة حفلات للجاليات العربية فى ولايات أمريكا وغيرها فى بعض دول أوروبا وكان بيحضرها على فكرة برده من شعوب الدول دى مع الجاليات وكانوا بيرقصوا ويتفاعلوا معانا ... بجد الأيام دى عمرها ماتتنسى ويكفى إننا هناك إسمنا "مصر" .


- والروك الشعبى ؟


بعد ما أطلقت الجاليات العربية لقب "ملك الروك الشعبى" لفت نظرى قوى المعنى وقولت ليه يبقى مجرد لقب طب ماتيجى نلعبها بجد وناخد روح موسيقى "الروك" ونمزجها باللون الشعبى المصرى بطعمه المميز ووقتها نبقى عملنا حاجة جديدة ومختلفة وأنا بطبعى بأحب التميز والإختلاف ... صحيح الفكرة كانت صعبة بس الحمدلله مع شوية تركيز وإجتهاد قدرت أوظفها صح وقدمتها فى ألبومى "ألو ألو"


- عودتك جاءت قوية بألبوم "ألو ألو" من إنتاج ميلودى والذى إعتبره الجمهور مفاجأة لما يحمله من أغانى لها الطابع الشعبى ولكن بشكل "ستايل" ... كيف تمت هذه التوليفة؟


الحمدلله والشعبى الإستايل ده كان مقصود فعلاً وزى ما قولتلك أنا إعتمدت على مزج الروك بالشرقى الشعبى لازم نقدم حاجة جديدة صعب قوى نفضل كلنا نلف فى نفس الدايرة .


أغنيتان من ألحانك "ألو ألو" و "ناوى أحيرك" هل تحترف التلحين أم أنهما حالة خاصة ؟


لا طبعاً أنا مطرب .. وبأغنى بس فعلاً اللحنين حالة خاصة مثلاً "ألو ألو" ده كان إيفيه من واحد صعيدى بيكلم مراته عالموبايل بأسلوبه فلعبت بيه شوية كده لقيتنى بأقول الجملة الأولى فقولت بس نكملها بقى أما "ناوى أحيرك" دى من الفلكلور المصرى بس بطعم الـ "روك" .


- هل من الممكن أن تلحن لمطربين آخرين ؟


والله مافكرتش نهائي فى الموضوع ده أنا أساسًا مطرب والتلحين بييجى كحالة بس عموماً لو إنت عايز لحن منى معنديش مشكلة .


يلفت النظر أنك تظهر بشكل "ستايل" بجانب وسامتك فكان التوقع أن الألبوم يحمل أغنيات شبابية وسريعة بل ذهب البعض لتشبيهك بالنجم عمرو دياب !


أنا هنا حبيت أقول حاجة مهمة ... مش لازم يعنى إنى عشان أغنى شعبى أبقى بالشكل المعتاد أو أطلع لابس حاجات غريبة ... هأرجع وأقولك فكرة "الشعبى الإستايل" ... وأكيد طبعاً شرف كبير إنى أتشبه بـ "عمرو دياب" لكن أكيد مفيش شبه فى اللون الغنائى بس هوه قدوة فى الإجتهاد وحسن الإختيار عشان كده هوه رقم 1 .


- توقيت طرح الألبومات فى هذه المرحلة أصبح غير مضمون نظراً للحالة التى تمر بها البلاد حاليًا ... هل شعرت بالقلق وأنت تطرح ألبومك "ألو ألو" ؟


أكيد طبعًا ... وأى قلق ... لما تبقى تعبان قوى فى شغلك ومعاك شركة كبيرة زى ميلودى وشايف وعايش الألبوم والكل متوقعله النجاح أكيد بتخاف قوى على كل ده فى وسط التخبط اللى إحنا عايشين فيه ... بس كنت بأرجع وأقول لنفسى ربنا مش بيضيع مجهود حد أخلص وتعب بجد وكنت متأكد إن الناس محتاجة تفرح بعد الفترة العصيبة اللى عاشتها وأحداث متقلبة ... والحمدلله ردود الأفعال مطمئنة وتخليك تبدأ تفكر فى اللى جاى براحتك .


- إستطعت فى فترة تقل عن أسبوعين أن تصل للمركز الثالث فى المبيعات ..ما شعورك وأنت تتابع هذه الإحصائيات ؟


مش قادر أقولك فرحان قد إيه ... هوه ده كرم ربنا ... ماهو إحنا بنشتغل عشان الجمهور ده والجمهور مش بيجامل ... لو حبك بتشوف النتيجة بعينيك ولو معلمتش معاه خلاص إنسى بقى ... كمان بأجهز لتصوير الكليب وهيكون مفاجأة ... بس الأهم إن حالة النجاح دى بالنسبالى مسئولية كبيرة ويارب دايمًا أكون عند حسن ظن الجمهور .


كيف ترى الغناء الشعبى هذه الفترة ؟


بص هأقولك على حاجة ... الغناء الشعبى إتفهم غلط ... الناس تخيلت إن أي كلام جنب بعضه وشوية ألفاظ منها الخارج والعيب يبقى ده إسمه شعبى ... بجد ده إهانة لفن راقى وله رواده زى رشدى والعزبى وعدوية وحكيم .... الناس دى قدمت حواديت حلوة ... لكن اللى بيحصل دلوقتى خلى ناس كتير عندها الإمكانيات الفنية والمادية وستايل تخاف تغني شعبي عشان مايتقالش عليهم "شعبي"


تايم فيور timeviewer تيم فيور timeviewer - meet experts ايمن راتب
الساعة الآن 05:12 AM.