النوكيا 900 عندو مزايا كتيرة و متعددة و بحسو احسن جهاز نوكيا نزلتو نوكيا لهلا بس في هل العشر اشياء اللي بحبها فيه اكتر شي
1 - تعدد المهام :
تعدد المهام بالنوكيا 900 قوي جدا و بيقدر يشغل من 5 الى 10 برامج بنفس الوقت و حسب التجارب ( الشخصية ) فيه يشغل حتى 32 برنامج بس طبعا في شوية بطء و كلو بنفس الوقت
2 - السكايب فيديو كول و الفيس بوك شات
طبعا هاي الميزات موجودة بكتير من الاجهزة بس اللي بيميز النوكيا 900 انو فيك تستخدمن مباشرة من من قائمة الاسماء بدون تدخل طرف ثالث كبرنامج او اي شي آخر طبعا هادا بعد تحديث الفيرموير
3 - التركيز اليدوي اثناء تسجيل الفيديو
بالعادة ما بحب التصوير لانو بتطلع الصورة مغبشة بسبب عدم قدرة كاميرا الموبايل على التركيز بس بالنوكيا 900 ما في هيك شي و خصوصي بعد ما تنزل برنامج Ifocus وفيك تحط التركيز خلال التصوير باللمس من خلال الشاشة او من الازرار و فيك تنزلو من هون Extra
4 - تحويل موسيقى الاونلاين لستيريو السيارات
بس مو عن طريق البلوتوث او الوصلة عن طريق موجات الراديو كل اللي عليك انك تفوت على موقع يقدم راديو عبر الانترنت ( طبعا هادا في حال كنت مالل من المحطات المحلية ) من المتصفح و بتقلب على بث الراديو او FM Transmitter و بتشغل راديو السيارة على نفس الموجة بيعطيك الراديو اونلاين على ستيريو السيارة



5 - تشغل انظمة الكتب الالكترونية
النوكيا 900 بيدعم الجيل الجديد من انظمة NetBook متل MeeGo بالرغم من انو نوكيا اعلنت انو ما في اصدار رسمي مشان الجهاز بس فيك تنزل MeeGo 1.0 for N900



6 - بتقدر تشغل اكثر 3 متصفحات استخداما في العالم و اللي هن الفايرفوكس و الاوبرا و الجوجل كروم و طبعا بالاوبرا مو قصدي الاوبرا ميني بل الاوبرا العادي
طبعا الفايرفوكس متوفر حصريا لاجهزة المايمو مما يجعل النوكيا 900 من الاجهزة القليلة التي تشغلها بالاضافة الى الاوبرا الذي يعمل بسلاسة عالية و ذلك بسبب الذاكرة الظاهرية العملاقة للجهاز و فيك كمان تشغل الجوجل كروم على الجهاز بس ما في دعم رسمي من Google للنوكيا 900 لهلا بس مع هيك عم تشتغل
بس مع هيك المتصفح الافتراضي الموجود بالجهاز كمان كتير كويس فيه يحمل محتويات الفلاش متل الفيس بوك و فيديو اليوتيوب جوات المتصفح نفسو


7 - التقاط الصورة بمدى عالي الديناميكية Dynamic Range Image (HDR)
طبعا هاي الخاصية مخصصة للمتخصصين بالتقاط الصور مشان شرح اوفر على هل التقنية فيك تفوك الموقع HDR imaging بالويكبيديا
و طبعا بامكانك استخدام هذه الخاصية باستخدام برنامج مفتوح المصدر FCam و اللي هو حصيلة من التعاون بين جامعة ستانفورد و مركز ابحاث نوكيا ببالو التو
بعض الصور





8 - استخدام النوكيا 900 كجهاز تحكم عن بعد
فيك تستخدمو للتحكم عن بعد مو بجهاز و مو بتنين بل بثلث اجهزة مختلفة
جهاز تحكم بالتلفزيون و جهاز تحكم بالكاميرا و جهاز تحكم بالبلاي ستيشن 3

9 - تغير طريقة اضاءة الفلاش
هي الميزة ممكن تلاقيها مو زيادة بس ما ف شك انو اضافة رائعة



10 - فيديو كول من Google GTalk
بامكانك استخدام GTalk للقيام بمحادثة مجانية من الموبايل للحاسوب باستخدام النوكيا 900 مع العلم انو هاي الخدمة مو فعالة حتى لاجهزة الاندرويد و تعلمك شلون
المكالمة لازم الحاسوب هو الطالب ( يعني هو يبعتلك طلب ) و انت ( النوكيا 900 ) هو المستقبل
بيسألك افعل الكام على الجهاز بتعطيه موافق او مقبول
خلاص مكاملة الفيديو شغالة



يرجى الرد و التقييم
و اذا في اي اضافة بتحسها مميزة اكتبها و تنحط اكثر ميزتين بيحكو فيها الاعضاء

تايم فيور timeviewer تيم فيور timeviewer - meet experts اشياء n900 تحويل n900 بطئ nokia n900