السلام عليكم ورحمة الله وبركاتة

كيفكم ... ؟؟؟

اتمنى انو الكل يكونوا بخير

<< اخوكم فى الله الي هوا انا تورطة توريطة مررررررررررررة حلووووة

وتدبست تدبيسة احلى واحلى

انا صار لي اسبوع مشتري xbox360 وطبعا دحين الجهاز عندي ومعاه 5 اشرطه وفرحان ومين قدي

المهم اليوم روحت ابغا اشتري كم شريط حلوين المهم اشتريت شريطين (( قحروووطي )) ههههه

المهم ورجعت البيت ومتحمس وقايلهم اني ابغا اذاكر عشان اختبار الإحصاء 101 ههههههههههه

وبس شغلت الكمبيوتر وحطيت الشريط الاول مو راضي يشتغل حاولت مرة والتانيه والتالته مازبط معايه قولت امكن الشريط خربان جربت التاني الي مشريه وبرضوا نفس الهرجه مااشتغل جربت واحد من الاشرطة القديمة اشتغل معاية زي اللوز طبعن انا الفيوزات عندي ضربت

واخذ الشريطين والكمبيوتر وطيرااان على المحل وهنا كانت المفاجئة الغير سااااااااااااااااااارة الي سمعتها ونكدت عليا صح

بعد ماوصلت للمحل قولت للرجال الارشرطة ماتشتغل جربها عندو اشتغلت زي الحلاوة قولتلو هذا كمبيوتري خذ جرب شغل الشريطين ولا واحد مااشتغل

المهم اعطاني خبر زي وجهو والله يقولي :

كمبيوترك نظامو ياباني والاشرطة هذه نظامها امريكي وكمبيوترك ما يشغل الاشرطة الي نظامها يا باني اما الاشرطة الامريكية ماراح تشتغل مرة

طيب يااخوان ماعندكم حل للمشكله الي انا فيها يعني مااقدر اخلي الكمبيوتر يشغل النظام الامريكي والياباني ... ؟؟؟؟؟؟

ياريت لو تساعدوني فى المشكله هذه واتمنى انو الكل ياخد الدرس هذا وقبل مايشتري يسأل

عشان مايصير معاه نفس الي صار معايا

و الله يا اخوي حاليا ما اعتقد ان فيه حل لهذه المشكلة .
و احب انبهك لامر معين و هو ان صحيح النظامين الامريكي و الياباني متشابهين في الجزء الاول من الاسم , الياباني (ntscj) و الامريكي (ntscu) و لكن الياباني يعمل على كهرباء 220 فولت اما الامريكي فيعمل على 110 فولت .
و ان بعض الالعاب تعمل على النظامين و لكن هذا امر نادر و يعود الى الشركة المصنعه للالعاب و لكن بصورة عامة العاب النظام الامريكي هي اكثر و قد تكون احدث احيانا .
و اخاف في شخص ينصحك بان يقوم بوضع باتش للجهاز لغرض يخليه متعدد الانظمة فاني اعتقد هذا الكلام ليس صحيحا , حيث اني امتلك جهاز تم تعديله ليتمكن من تشغيل الالعاب( الكوبي) و بالفعل نجح بذلك و لكن مشكلة النطاق بقيت مستمرة و لا استطيع تشغيل عليه اي شيء سوى الالعاب بالنظام الامريكي .
ها ... نسيت حاجة اخيرة ولو طولت و لفيت على الموضوع !!
في نوعين من الباتش احدها سوفت وير و هو الاكثر انتشارا و الاخر هاردوير فانت كون مفتح لو حبيت تعدل الجهاز لان فرق السعر كبير .