ذهبت مع الوالد الى الطائف لحضور المزاد حيث قطعنا مسافة أكثر من 1000 ك
وفي الساعة الحادية عشرة صباحا ذهبنا لتفقد المكان والله ونلقاهم مضبطين الوضع خيمة كبيرة جدا مليانة كراسي وفيها شاشة في المقدمة لعرض المخطط على الحضور ثم البيع في المزاد
كذلك هناك مبنى بجانب الخيمة للادارة وحوش فيه سياراتهم
المهم رحبوا فينا وجانا واحد وبدأ يشرحلنا المخطط وكيفية البيع ...الخ( لا تنسونه هذا )
وفي الساعة الرابعة عصرا قبل المزاد بساعة ذهبنا الى المزاد ووجدت الطريق مغلق وسيارات شرطة وطوارئ المهم صاحبكم أخذ طريق ثاني وجاهم مع الطرق اللي مزفلتينه
الوكاد اني لقيت الوضع غير طبيعي قوات الطوارئ من جهة وسط الشارع والمتضاهرين من جهة أخرى رافعين لافتات تقول :
( البيع باطل... لأنه مبني على باطل )
(قبائل قريش تطالب بتحكيم الشرع )...الخ
ابوي أخذ كرسي وجلس يتفرج عليهم ويضحك على قوات الطوارئ
أما أنا ما صدقت خبر والله واطلع جوالي الباندا وهات تصوير مرة أدخل بينهم ومرة فوق جبل تكسرت رجليني من المشي
المهم ان المتضاهرين راحوا يكسرون الخيمة واللي فيها ثم المبنى اللي بجنبه وهنا هجمت عليهم قوات الطوارئ وحصل اطلاق نار ومسيل للدموع ورمي بالحجارة ومعركة انتصرت فيها قبائل قريش لأن قوات الطوارئ اهجدت صارت لاتهش ولا تنش خاصة بعد اصابة عدد منهم
والله انهم صاروا يكسرون قدام الضباط ولا أحد يقولهم شيء
كسروا السيارات بالحوش واقلبوهن ( قهر نسيت اصورهن ) واحرقوا المبنى وخيمة صغيرة بجنبه واخذوا قلبيات الشركة وتركتر ثم هدموا سور الحوش وبعض اعمدة الكهرب وكسروا معدات الشركة ...المهم ما خلوا شيء الا كسروه

الطريف في الأمر اني لقيت واحد متلطم عرفته قلتله ( انت اللي قاعد تشرحلنا المخطط اليوم )
قالي ( تكفى اسكت لا تفضحني ) خايف من المتضاهري
وبعد فيه واحد كان يصور بكاميرا كبيرة بغى يوهقن شفت الشرطة ما تقوله شيء بغيت اصور مثله علني عينك عينك ولكن الحمد لله عرفت انه من الأمن اشلون
جاه واحد من المباحث وتهاوش معه يبي ياخذ الكميرا وتضاربوا وجت قوات الطوارئ وفرقتهم وقالوا هذا أمن أمن وأنا اضحك عليهم من جد مصخرة

بعدين أذن المغرب ولقيت الوالد مضيع السيارة..و....و....و....و.....و.....المهم.....والو كاد...و..

شكلي طولت عليكم يالله استلموا وحملوا

يابو الشباب الفايلات ماشتغلت

مشكوووووووووووووووووووووور

تسلم يابو سليمان

الحمد الله على سلامتك

مشكوووووووووور بس الملفات ما تشتغل

واذا يبيلها برنامج معين علمنا تكفا

مشكوووووووووور ......الملفات تمام


بس اللي ماتشتغل معه يسوي رينيم ويكتب 3gp بعد اسم الملف الاصلي

وراح تشتغل انشالله


والحمدلله على سلااااااامتك يابو سليمان

يااخوي مااتشتغل شوف لنا صرفه

مشكـــــــــــــور

شكرا والآن جاري التحميل