أحبـــــــــــــك بس ما أقدر أقولهااااا&

العنود تململت من الجلسة لأن الدنيا حر ولابسة عبايتها ومتغطية
في نفسها تقول : أوف وش هالبلشة يا ليت عيال العم محارم
وتغز نوره بنت عمها خالد وتقول : قومي معي مليت
نوره : ما أمدانا تونا جالسن
العنود : أنتي اسكتي تبين تقومين قومي ما تبين بكيفك
وتقوم العنود و تدخل جوا الفله وتلحقا نوره
نوره : وش فيك وش زينك تو وشو الي قلبك
العنود : يا ملحك فاتشه ولا لبستي عبايه وأنا المسكينة الي متكمكمه بالعباية تكمكم
نوره وهي تضحك : آوه نسيت صح بجيني الدور إذا جاء أخوك عبود
العنود : انتبهي لا يسمعك يسوى لك محضر
برا والأخوان مجتمعين وحولهم عيالهم يسولفون أما الحريم دخلوا جوا عشان يرتاحون في الجلسة ويسولفون على راحتهم
منصور العم الكبير للعيال والاخو الكبير لإخوانه ربي ما رزقه بعيال بس هو وزوجته متفاهمين ويحبون بعض على كبر سنهم ويحبون عيال أخوانه خالد وعبد العزيز ويعتبرونهم مثل عيالهم
منصور العم كان جالس مبسوط معهم وفجأة مر عليه شريط حياته هو و زوجته
منصور أبدا ما كان يحسس زوجته بهذا الموضوع مع إنها فاهمه .منصور كان يخاف من إنه يجرحها في بداية زواجهم بس بعدين لما كبروا شوي بدون ما يعلمها فحص نفسه مع ان هذاك الوقت ما كان عندهم طب بس الناس دلوه على واحد معروف هذاك الزمن انه يداوي الحالات الي زي كذا هو ما كان متوقع العيب منه بس كان يريد يفحص وبس ولكن هذه مشيئة الله .
رضي بالقدر والواقع الي حتمه عليه زوجته كانت دايم تقول له يتزوج ويجيب عيال لأنها كانت خايفه انه تحرمه من حقه بس هو ماكان يرضى على أن جاء يوم وتغلب على كبريائه كرجل وقال لها الحقيقة المرة زوجة منصور تفاجات بالخبر وما كانت مصدقه
زوجة منصور : مستحيل أكيد السبب مني مو منك بس ما تبي تزعلني
منصور : يا بنت الحلال والله إنه مني أنا و إنني بكيفك تجلسين معي بحطك داخل عيوني وان كانك تبين العيال فهذا حقك وأسرحك إن كان هذا الي يرضيك
زوجة منصور : منصور أنا عمري ما فكرت إني أكمل حياتي بدونك إن كان منك العيب أنا راضيه فيك ومستحيل أرضى إني أخليك زاد غلاك عندي غلا يوم فكرت فيني وعلمتني وأنا مستحيل أخليك أو أفكر إني أتركك
بعد ما حس بنفسه منصور ما حب إن احد يلاحظ عليه شي وقام ولعب مع عيال إخوانه بلوت
أبو محمد ,ابو عبد الله : منصور ارحم حالك حاط دوبك ودوب هالعيال
محمد : أبوي وعمي كلامكم على العين والرأس بس أنا مو عيال
عبد العزيز , عبد الله : يعني إحنا العيال
محمد : بس بس ما قلنا شي
أبو عبد الله : أصلا إحنا نكلم منصور أخوي وش لكم أنتو
منصور : طيب أنا راضي أبي أرجع شبابي انتو وش عليكم
محمد عبد العزيز و عبد الله كلهم مع بعض ونفس علي الصوت يضحكون على إبوانهم
وجلسوا يكملون لعب حتى حطوا الحريم غدائهم ودخلو جوا الرجال بسفره لوحدهم بمجلس الرجال والحريم لوحدهم بمجلس الحريم
بعد صلاة المغرب طلعوا البنات برا يبون يلعبون بالدبابات بس لقو إخوانهم عليها
سارة تبي تخليهم ينزلون من على الدبابات : أشوف الرجال أنقلبوا عيال
عبد الله : عشانك تبين تركبين إحنا راضيين نصير عيال ها وش رايك
البنات بصوت واطي يضحكون على سارة لأن عبد الله فهم هي وش تبي
عبد العزيز : لا لو سمحت تكلم عن نفسك أنا رجال وبأنزل الحين بس بشرط دوره وحده
نوف : بس دوره وحده !!!
نوره : ها أبو الرجال محمد ما ودك تلحق أخوك
محمد : لا أنا وعبد الله بنجلس على قلوبكم
سارة : يله عاد حول عيب عليك الصغير يحول و إنت لأ
العنود : يله اسمعوا كلام الرجَال عبد العزيز يالعيال
عبد الله : بنحول بس إذا رحنا لإسطبل الخيول والله والله
عبد العزيز : لا تحلف مو لازم
عبد الله : طيب خلني أكمل
عبد العزيز : طيب كمل بدون حلف
عبد الله : لو أشوف رقعة وجهكم هناك تقولون بنركب يا ويلكم
العنود : وش شايفنا مهبل بنركب خيل بالليل عشان إذا جانا شي محد يدرى عنا
نوف : ليش أخ عبد الله لا يصير الحلا حلالك وإنا مادرينا
عبد الله : لا مو حلالي بس حلال عمي بتأمر عليه على كيفي
نوف: وعمك هذا تراه بعد يصير عمي و بتأمر على كيفي
عبد العزيز : خلاص بس كنكم بزران خلاص
سارة : عبد الله خلاص كلت البنت
عبد العزيز :خلاص عبود ترها بنت
عبد الله : أشوف خذتوني بشراع ومجداف خلاص إخت نوف ولا يهمك تبين أتأسف لك
نوف وهي تضحك : ايه بس يا أخ عبد الله لزوم تقول يا آنسه نوف يا أحلى بنت بالدنيا أنا آسف بعدين أنا أشوف أسامحك ولا لأ
عبد الله : وبعد كل هذا بتشوفين تسامحيني ولا لأ ما رح أتأسف لك والي عندك سويه
نوف : اوكي يله حول أبي الدباب الحين وإذا خلصت لازم ألقى الخيل نظيف قبل ما أركبه
عبد الله وعيونه طايره فيها : نعم نعم .......بعدين جلس يضحك من كل قلبه إذا هي من جد تبي بيسويه لو تقول طب بالنار رح يطب
عبد الله : أي أوامر ثانيه مدام ........وهو يقلد صوت هندي ويهز رأسه
وجلسوا كلهم يضحكون على نوف وعبد الله
إلا محمد كان يناظر نوف نظرة معاتبه كأنه يقول لها تراك مسختيها
نوف انتبهت لمحمد وحست فيه وعلى طول مشت من عندهم ومتجه لمدخل الفله
البنات استغربوا من تصرف نوف الغريب
نوره إختها لحقتها لجوا
عبد العزيز و عبد الله : وش فيها
ساره و العنود : ما ندري
محمد هو الي فهم بس ما كان متوقع إنها رح تزعل كذا
جوا عند الحريم نوف ملانه بالمرة وكل دقيقة تسأل متى بنروح وسارة تسألها ليش بس مو راضية تعلمها . سارة لما شافت نوف متضايقة ومو على عادتها طلعت هي وياها لبرا يتمشون شوي بالظلام عشان تقدر تحكي وتفضفض لها بعيد عن نوره والعنود وهم يمشون شافوا عبد الله وعبد العزيز أما محمد فكان مع عمامه داخل الخيمة
عبد الله يسألهم : زين بتروحون بالظلام
ساره : بنتمشى شوي
عبد العزيز : نوف وش فيك وش الي مزعجك
عبد الله : إذا كان علي أنا آسف بس ماكان قصدي أنا كنت أمزح
ساره : لا لا مو على كذا هي أصلا ما فيها شي صح نوف
نوف والعبرة خانقتها : صح كلام ساره صح
بس عبد العزيز عرف إن كلام ساره مو لكه صح يعني يمكن يصدق إنها ماتضايقت من عبد الله بس فيه شي ثاني مضايقها بس تركها على راحتها
عبد الله : سارة انتبهوا ترى العمال في هذيك الجهة ..........ويأشر بإصبعه على الاتجاه الي فيه العمال..........لا تروحون من هناك ولا تطولون
سارة : طيب
ومشت ساره ونوف من حالها حكت لسارة الي مكدر خاطرها وهي تبكي
سارة : خلاص نوف حبيبتي لا تضيقين صدرك كلنا نعرف إن هذا أسلوبه من زمان
نوف : بس أنا كنت أمزح ما كان فيه شيء يستدعي إنه يسوى لي كذا
سارة : نوفه عمري بعد أنتي شوي حساسة ما عليه طنشيه وخل اليوم يعدي على خير
نوف : طيب أوكي خلينا ندخل جوا عند البنات
سارة : خلاص فكيها
نوف طيب
ساره : عاد اضحكي
نوف وهي تضحك : طيب
ويدخلون جوا عند البنات ساره ونوف جلسوا مع الحريم أما العنود ونوره فكانوا يسولفون عن كيف رح تبدى الدراسة وكيف بيستقبلون ثالث ثانوي ويتشاورون إذا ينقلون من المدرسة الي هم فيها أو لأ والسوالف تودي وتجيب حتى جت حزة العشاء تعشوا بعدين بدوا يجمعون أغراضهم وكل عائلة ركبت بسيارتها وراحوا الكل لبيوتهم
الكل بعد هالطلعه الحلوة تعبانين ودايخين على طول ناموا أما عبد الله فراح عند أصدقائه (ربعه) وجلس عندهم لحت صلاة الفجر كالعادة عبد والسهر ما يبطله
خلصت الصيفية وسامي بالكلية ما طلع أبدا وأمه مشتقه تحاتيه ساره مبسوطة لأنها رح تبدأ دوامها والعنود شايله هم ثالث ثانوي بس الكل يعرف إنها قدها وقدود نوف بنت عمهم خالد باقي لها أسبوع على دوام الجامعة أما نوره فهي مثل العنود شايله هم بس مو زي العنود لأنها هي أدبي بس كمان هي مثل العنود شاطره
بدأ العام الدراسي الجديد ورجع عبد العزيز لأمريكا يكمل دراسته لأنه باقي له سنه ويأخذ الشهادة بس هو طموحه ما يوقف حد إنه يكون طبيب عام هو ناوي يكمل ويتخخص جلدية
محمد بدأ دوامه في الشركة مع أبوه محمد من النوع الي يعتمد عليه بأمور الشركة و التجارة عكس عبد العزيز الي ما كان يحب هذي الأمور أبدا ,بس عبد العزيز من وجهة نظر الكل إنه أحسن من محمد في كل شي ما كان حكره على أخواته يمكن عشانه بعيد عنهم وما يصدق يشوفهم عشان كذا ما يريد يزعلهم أما محمد الي ما كان يخليهم يتنفسون لو كان بيده بس أبوه ما خلاه على كيفه لأن بناته عنده شي ما يتقد ر ولا يحب أي شيء يضيق صدرهم

للقصه بقيه ................. انتظروا الجزء الثالث