معجنات ليبية

اكل ليبى أكل ليبي اكل ليبي اكلليبي اكل ليبى اکل لیبی أكل لبييا اكل ليبى إكل ليبي أكل ليبي اكل ليببي أكل ليبي

أخواتى هذه مجموعه من المقبلات الليبيه التى لايكاد يخلو أي سفره ليبيه من تواجدها




أولا : السفنز

طريقة عمل السفنز
يلا نبدأ بالمقادير :
كيلو دقيق
ملعقة خميره
نصف ملعقه سكر ناعم
ربع ملعقة ملح
والماء حسب العجن بس تكون لينه
الطريقه:
تعجن العجينه وتكون لينه يعنى لما تلزق فى إيديك أعمللها زيت

وتترك لتختمرحوالى نصف ساعه وتكون بهذا الشكل

بعدين حطى فى إيديك زيت وكوريه وحطيه فى صينيه مدهونه بالزيت

بعدين سخنى الزيت والشغل الجاى كله يكون جنب الغاز
جيبى طبق بهذا الحجم وأفردى فيه بهذا الشكل

وتقلى فى الزيت غزير

وأنتى بواسطة المعلقه حطى الزيت عليها من فوق وبعدين أقلبيها على الوجه الثانى

وأخرجيها وحطيها فى صفاى الزيت وكررى العملية حتى يكتمل العجين
ويأكل بالعسل أو الرب أو الجبنه

وممكن تعمليه بالطريقه هذى أفردى العجين بنفس الطريقه وحطى عليها بيضه

وبعدين أفردى عجينه ثانيه بره وحطيها عليها

وأغلقيها بهذا الشكل

وأقليها بنفس الطريقة وتأكل



طريقة عمل البوريك


البوريك أكلة شعبية فى ليبيا وفى رمضان تكاد تكون يوميا على مائدة الإفطار ، هناك من يشترى ورق البوريك

مكوناتها عبارة عن لحم مفروم يتم طهيه على النار مع البصل المفروم ثم إضافة المعدنوس المفروم

وقبل نضجه نضيف البهارات فلفل أسود وملح وشوية سمن يعطى نكهة

هذه هى الطريقة المتداولة ، طريقتى اليوم غيرت فيها شوية أضفت للخلطة السابقة بطاطا مسلوقة

لكن يجب تكون كمية اللحم أكثر من البطاطا وكذلك أضفت بيضة وخلطت الخلطة كويس



هذه خلطة المفروم والمعدنوس والبصل والبهارات وأضفت عليها البطاطا



وهنا مزجت الخليط مع بعضه

أعدى الكمية اللازمة وبللى الجانب المفتوح من المثلث بقليل من الماء الممزوج مع الدقيق وألصقيه حتى لا ينفتح
وأقليه فى زيت غزير
وهذه النتيجة ، جربوها حلوة ومش دسمة لأننا خففناها بالبطاطا المسلوقة



خبزة المعدنوس

مقادير الخبزة تتكون من دقيق وخميرة سريعة وماء دافئ وقليل من زيت الزيتون ومعدنوس مفروم

وبصل مفروم وجبن شيدر ( أو بلاش الجبن )

ضعى الدقيق تقريبا 3 أكواب متوسطة ضعيه فى العجانة أو فى صحن كبير شوى ، وحطى عليه
ملعقة ك خميرة وملح والماء الدافئ والبصل والمعدنوس واعجنى عجينة متوسطة الليونة
وغطيها وخليها فى مكان دافئ



بعد التخمير ضعيها فى طاجين مدهون بالزيت والدقيق وخليها ترتاح نص ساعة



ساويها بيدك وتكون مدهونة بالزيت وحطى عليها سمسم اللى هو الجلجلان أو الكمون الأسعد الحبة السوداء

وضعيها فى الفرن حتى تحمر قليلا وبالعافية عليكم يا وخياتى


انشالله بالف الهنا والشفاء

روعة
شكرا على المعجنات الرائعه
تقبل مروري
القلب الشجاع

طبعاً تم تنسيق الموضوع

شكرا يا احلي جوليانانور لطرحك معجناتنا الحلوه