منتدىمنتدى مزاد بيع وشراءسوق البنك التنقل السريع بين المنتدتياتاختصر وقتك
بوابة نوكيا   بوابة نوكيا > المنتديات الاخرى - Misc Section > منتدى المواضيع المحذوفه(نرجوا مراجعة شروط الحذف الجديدة في الوصف)
تابعنا على الفيس بوك تابعنا على تويتراضفنا لقائمة ال RSS

بوابة نوكيا


رواية: سامحني لأني أحبك

أبلة بوية قصص بويات vhdj fdhj hrb ،fdhj قصص بويات ابله بويه vhdm fdi ;;hlgi rewaiat boyat قصص بويه قصص بويات قصص بويات قصص بويات قصص بويات vhdi fdhj روايات boyat قصصبويات




ساهم بنشر الصفحة
رد
 
أدوات الموضوع
 
قديم 25-03-2010, 11:33 PM
الملا باسم الصورة الرمزية  
الملا باسم
عضو سوبر مميز

الحالة: مستانس
  الملا باسم غير متصل  
الملف الشخصي
رقم العضوية : 1028477
تاريخ التسجيل : Feb 2010
الدولة : البحرين
المهنة : طالب
الاهتمامات : كرة القدم
المشاركات : 216
عدد النقاط : 226168
قوة الترشيح : الملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعةالملا باسم لديه سمعة مابعدها سمعة
الرصيد المالي : 3283 دينار [كافئني]
المستوى : 5
المستوى القادم : يحتاج 317 دينار
النشاط : 10.8481
AG10 رواية: سامحني لأني أحبك

أبلة بوية قصص بويات vhdj fdhj hrb ،fdhj قصص بويات ابله بويه vhdm fdi ;;hlgi rewaiat boyat قصص بويه قصص بويات قصص بويات قصص بويات قصص بويات vhdi fdhj روايات boyat قصصبويات
" سامحني لأني أحبك "



الجد وهو يزاعق: يلا يا فجر، الباص بيسير عنج بعدين، يلا عن تتأخرين..
فجر: يدي شوي وبيي
الجد: لالا خلاص تمي بالبيت اليوم، أكيد الباص سار
فجر تضحك بينها وبين نفسها، لأنها كل يوم تسمع نفس الإسطوانة
فجر حاطة يدها على خصرها و وبصوت كله دلع: شو رايك بشكلي حلو صح؟؟
الجد يبتسم لها: يلا ما شيء وقت خلينا نسير
فجر باستغراب: يدي بتطلع معاي!!
الجد بعصبية: أكيد وإلا تتفشلين مني
قربت فجر منه وباسته على راسه: أنا أتفشل من الدنيا كلها إلا انت يا يدي، بس أنا قصدي أنك تعبان ومريض والمفروض ترتاح وترقد هالوقت
الجد: لا لا أنا الحين صرت الحمدالله زين يا بنتي، وبعدين هالهنود ما منهم أمان، أخاف بس يخطفونج وإلا شيء!!
فجر تبتسم وتيود إيد يدها عسبة يتريون الباص برع...
الباص شوي تأخر ، الجد كالعادة فتح نفس الإسطوانة: دشي دشي داخل، الباص أكيد سار عنج،عنبوج ساعة كاملة انتي تتعدلين بالحجرة..
يات فجر عسبة ترمس، لكن الباص وصل، فجر تطلع لسانها بدلع حق يدها وتقول: يييييييييييو الباص وصل وهي تضحك..
الجد يضحك ويعطيها بيزات وتم يطالعها لين ما ركبت الباص وبعدين دش داخل عسبة يرتاح يكمل رقاده..
نبذة عن فجر: فجر عمرها 17 سنة من راس الخيمة " راك " ، آخر سنة بالثانوية العامة، ملامحها وايد كيوت والكل يقولها بيبي فيس، ضعييييييييييفة وايد وبعد خاطرها تضعف زيادة !!!، شعرها قصير بس حلو طالع عليها...
تربت طول عمرها مع يدها، أمها متوفية، أبوها مشغول بالشغل والأسفار، عندها أخ أكبر عنها عمره 22 سنة، واثنين أصغر منها خالد 15 وزايد 6 سنوات...
في المدرسة:
عبير: صراحة فجور يدج تحفة
فجر: تتخيلين انتي كل يوم يقولي الباص سار عنج وآخر شيء الباص ييي، فديت يدي والله، أموووووووت عليه
نطت عليهم ربيعتهم بشرى و هي تصارخ: منو هذا اللي تموتين عليه، تحبين من ورانا ها، خلاص خلاص أنا زعلت، لا تحاولين ترمسيني...
ضحكت فجر: أي حب انتي الثانية وأي خرابيط، أقصد أموت على يدي
بشرى: أهااااااااا، الله يخليه لج ، يارب
الكل بصوت واحد: آمييييييييين
في الصف وتحديدا الحصة الأولى:
عبير وفجر وبشرى يالسن حذال بعض بالصف
عبير تساسر فجر: في عندج خطة يديدة لأبلة العربي
فجر عصبت: جم مرة قلت لج ، كله وإلا أبلة العربي...
عبير: أووووه، سوري نسيت أنج تحبينها، مادري شو تحبين فيها
فجر: يا غبية المعزة من عند رب العالمين
الأبلة بصوت عالي: فجر وعبير لين متى بتمون ترمسون بالحصة، أظن هذا وقت الدرس، مب وقت الرمسة والسوالف
فجر: أبلة ما سويت شيء، بس كنت أشرح لها الدرس
الأبلة باستغراب: أي درس إن شاء الله هذا وأنا بعدني ما بديت!!
فجر: عسبة جي أنا يالسة أشرح، عسبة انتي ما تتعبين بعدين
كل بنات الصف ضحكوا
الأبلة: فجر قومي غيري مكانج، يلسي مكان العنود
العنود بظيج: يعني هي تغلط وأنا أتحمل المسؤولية
الأبلة: يلا بسرعة بنات غيرو أماكنكم
فجر وهي تسوي عمرها زعلانة وبصوت قريب للبكاء: الله يسامحج يا أبلة موزة، حطمتي أحلامي...!!!
همسة: عبير و بشرى صديقات فجر من سنوات، من أيام الإعدادي وكله مع بعض...
في الفرصة:
عبير: أحس العنود وايد تظايجت
فجر: وأنا شو يخصني، الأبلة هي اللي غيرت مكاني
بشرى بصوت عالي: فجوووووووور حبيبتج يات
فجر ضربتها على جتفها: الله ياخذ إبليسج، أي حبيبة، جم مرة قلت لج أنا أعزها شرات إختي
تجدمت منهم أبلة العربي " أبلة أمنة "
أبلة أمنة: السلام عليكم
البنات: وعليكم السلام
أبلة أمنة: شحالكم
البنات: تمام ، الحمدالله
أبلة أمنة: فجر انتي تكتبين خواطر صح
فجر بثقة: هيه أبلة
الأبلة: تقدرين تكتبين خاطرة عن اللغة العربية، يعني عن فوايدها وهجر العرب لها، عسبة نحطها بمجلة الأسبوع
فجر وهي مستانسة: أكيد أبلة أروم أكتب
الأبلة: خلاص عيل، يوم تخلصين منها راويني إياها
فجر: إن شاء الله أبلة
بعد ما سارت عنهم الأبلة
عبير: ما تتذكرج إلا يوم تبا منج شيء
فجر: بالعكس، أنا أستانس يوم أكتب، الكتابة عندي أحلى هواية
بشرى: عيل اكتبي عني خاطرة
فجر وهي تضحك: مب متفيجة لج
بشرى وهي مبوزة: عيل متفيجة حق أبلة أمنة...
بهاللحظة تجدمت منهم أمل وهي صديقة عبير، أو بالأحرى حبيبة عبير، لأنها للأسف الشديد " بوية "
أمل: هاااااااااااي بنوتات
سارت لها عبير: هلا وغلا
أمل: شحالها الحلوة اليوم
عبير وأونها تستحي: تمام، انتي شخبارج
أمل: تمام حبيبتي، بس ولهاااااااااااااانة عليج غناتي، ممكن أتمشى معاج؟؟
عبير: أوكي، بنات عن إذنكم
فجر وهي مستغربة: وين بتسيرين انتي، الحين بيدق الجرس
عبير: مب مشكلة، بنتمشى هني وبنرجع، ما بنطول، أوكي
فجر بظيج: أوكي
وبعد ما ساروا
بشرى: حووووووو انتي ليش متظايجة الحين
فجر: كل خوفي أن أملوو تخرب عبير
بشرى بثقة: لا بتخربها ولا هم يحزنون، خلينا بس نسير الصف ونراجع حق الإمتحان الشفوي شوي، بروحي ميتة من الزيغة..
فجر: أوكي .



......................... ......................... ......................... ...........



في مكان آخر وتحديدا: مدرسة الأولاد
خليفة: جاسم بلاك سرحان، وبطنازة يقول: اللي ماخذ عقلك يتهني فيه
جاسم يضحك: فديتها أحبها
خليفة: حشى ما يسوى علينا هالحب، وبعد هالحب شو النتيجة
جاسم : أكيد الزواج
خليفة: فكر بالمنطق شوي، الحين انت ثانوية عامة وهي ثانوية عامة، انت تبا تخصص طب و بتدرس برع الإمارات ست أو سبع سنوات...
يقاطعه جاسم: انت تتحرى أني أنا مب مسوي حسابي، أنا قررت أكمل دراستي هني بالإمارات
خليفة متفاجئ: انت تخبلت
جاسم: لا يا الحمار، لا تخبلت ولا شيء، عشان شوق كل شيء يهون، فديت روحها
خليفة وهو معصب: انت آخر شيء بتضيع مستقبلك
جاسم: مستقبلي من غير شوق عدم بالنسبة لي، ولا شيء
خليفة: انت الحين من صدقك تحبها
جاسم: لا ماحبها، لأني أموت فيها والحياة من غيرها ما تسوى وعلى فكرة اليوم متواعد معاها فديتها
خليفة: بالذمة اللي تطلع معاك وتخون أهلها، مب ممكن
جاسم يقاطعه بنبرة حادة: إلا شوق، ما شفت منها إلا الوفاء وبعدين لا تنسى أنا مع شوق من سنتين، يعني أكيد عارفنها عدل، بس انت مخرب الجماعات
الإستاذ انتبه لجاسم وخليفة وهم يرمسون...
الإستاذ: جاسم
جاسم بصوت عالي: لبيه إستاذ
الإستاذ: ممكن تجاوب عالسؤال" طبعا باللهجة المصرية " ، كان يبا يختبره منتبه معاه أو لا..
جاسم: لأن جسم الإنسان عبارة عن خلايا وكل خليه لها وظيفة معينة
الإستاذ: برافوا يا جاسم، اقعد دلوتي، وأتمنى بالك يكون معايا بالدرس
جاسم: إن شاء الله أستاذ، فالك طيب
خليفة يساسره: انت جم إذن لك
جاسم : بسم الله من عيونك، ياخي الشطارة شطارة، مب انت يالتعبان
البطل: جاسم....18 عاما ، ثانوية عامة، من مدينة العين، أسمر، ملامحه عادية كأي شاب، متفوق دراسيا، يعيش مع أمه وأبيه، أخته الكبيرة حصة 20، و له أختان أصغر منه ريم 15، شمة 5 سنوات... ( مقعدة )
إخوانه الذكور الأصغر منه: أحمد 16 وعبدالله 11 سنة
أصدقائه: خليفة وهو ابن عمه أيضا وصديقه الروح بالروج سعيد...



عند فجر
فجر أول ما وصلت البيت وبعد السلام قالت حق يدها بطنازة: هاا أشوف الباص سار عني!!
الجد يبتسم: سيري بدلي، عسبة تتغدين
فجر وهي زايغة:no way I can’t
الجد وهو مب فاهم شيء: انتي شو تقولين، شو تتحرطمين
فجر تضحك: يدي أنا مابا آكل، أبا أضعف
الجد وهو معصب: شو تضعفين بروحج حطبة يابسة
فجر: جدي هاي يسمونها رشاقة
الجد: بتموتين نفسج من اليوع وتقولين هاي رشاقة، سيري سيري بس عسبة تبدلين وتيين تتغدين، فاهمة... قال الكلمة الأخيرة بنبرة حادرة
فجر وهي متظايجة وترمس عمرها : الحين الريجيم بيخترب، الله يعيني، جم بزيد اليوم يا ترى
على فكرة هي وااااااااااايد ضعيفة، وزنها تقريبا 44" كيلو وطولها "160
أول ما دشت على غرفتها، اللي مزينة طبعا باللون الوردي، حتى الحمام " عزكم الله " بعد باللون الوردي، كل شيء باللون الوردي، من كثر ما تعشق اللون الوردي، أصرت كل شيء بالغرفة يكون لونها وردي..
أول شيء تسويه فجر يوم تدش غرفتها تسير تطعم عصافيرها " بدر وبدور" ، هالعصافير عندها من ستة أشهر،، قولوا ما شاء الله، إن تصكوهم عين بس
!!
وبعدين تسير تبوس دبدوبها " روميتو " وتحضنه،، وايد رومانسية هالفجر...
بعد ما بدلت فجر، سارت تجيك على تلفونها، جافت مكالمة لم يرد عليها
أول ما جافت الرقم، كل براكين الدنيا نطوا على راسها
فجر: أففففففففف، هذا شو يبا مني، صج لاعت جبدي ودقت على ربيعتها بشرى
بشرى: هلا هلا، ما مداج تشتاقين لي
فجر وهي معصبة: هذا اتصل
بشرى: قصدج راشد
فجر وشوي وبتصيح: هيه هو منو غيره، حشى بين فترة وفترة يتصل، أو يطرش لي مسجات، خبل فيني
بشرى: اتصلي اهزبيه
فجر: المشكلة أنا مب معطيتنه ويه مولية،تخيلي من سنة وهو مخبل فيني، يطرش لي مسجات حب أو غرام، أو يطرش لي صورته، وبعدين مابا أتصل، بيتحرى أني أبا أتعرف عليه، جي تفكير الشباب
بشرى: فجر بيني وبينج مب صورته كانت حلوة وهي تضحك
فجر: بشرى دخيلج مب وقته،ماعرف كيف أتصرف معاه
بشرى: عطي الرقم حق حد من إخوانج، ليش ما تعطين الرقم حق أخوج العود سيف
فجر: بشور، تراج تعرفين وضعي كيف، وأخوي العود هذا مووووووول مادانية ولا هو بعد يحبني، أقولج شيء أنا بسوي له طاف ولو اتصل بشرشحه من الخاطر ، المهم تبين شيء الحين ؟؟ بسير أتغدى..
بشرى: أونه والريجيم
فجر أونها تقلد صوت الأطفال: أي ريجيم، يدي مب مخلي فيها ريجيم
بهالحزة الجد زقر فجر عشان تتغدى...
فجر: بشورة أرمسج بعدين، يدي يباني أوكي
بشرى: أوكي، تحملي على عمرج
فجر: وانتي بعد، باي
بشرى: بايات
سارت فجر عند يدها عسبة تتغدى
فجر: يدي، عيل وين إخواني خالد وزايد
الجد: خالد أول مايا من المدرسة، سيدة رقد،وزايد عند بيت الييران يالس يلعب
فجر: أهاااااا
شوي و إلا يدش أبو فجر " حسن "
هني توترت فجر وبدى جسمها يرجف كالعادة وبينها وبين نفسها تقول: دخيلك لا تجدم صوبي، دخيلك لا تجدم صوبي، خلك بعيد عني
أبو سيف " حسن ": السلام عليكم
الجد: وعليكم السلام والرحمة، يا هلا حسن، جيف الأحوال
أبو سيف: الحمدالله عمي تمام، شخبار صحتك الحين
الجد: الحمدالله تمام، بس ريولي هذيلا ما يشيلوني
أبو سيف يضحك: لا تقول جي انت بعدك شباب ويصد لفجر: شحالج بنيتي
فجر من غير ما تطالعه: الحمدالله وسيدة سارت غرفتها
أبو سيف وهو متظايج: هالبنت أبد ما تحبني،والله ماعرف شسويلها عسبة ترضى
الجد: لا تقول جي، هي تتغلى عليك بس، تبا تجوف غلاتها عندك
أبو سيف: أي غلا هذا اللي يخليها ما تروم ترمسني، ولا تطالع بويهي، وكل ما تبا شيء أو تحتاي شيء تقولك انت عسبة توصل لي الرمسة، هالكلام يا عمي مب من يوم أو يومين، هالكلام من سنين وسنين.. والله احترت ماعرف شسوي معاها.
الجد سكت، يدري أن كلام حسن كله صح
من جانب آخر ، فجر في غرفتها وهي يالسة تصيح صياح: يارب خليتني أحب كل الناس، إلا أبوي، ماقدر أحبه، ماقدر أجوفه، ماحبه، ماقدر أتخيل ييي صوبي، أو يكلمني، أنا أبوي هو يدي، بس حسن مستحيل يكون أبوي، مستحيل، ماحبه، وبدت تصيح صياح يقطع القلب
ليش يا دنيا تقسينا على أقرب الناس لنا، ليش يا دنيا بس



......................... ......................... ......................... ......



عند جاسم:
جاسم داش البيت، جاف إخته الصغيرة شمة يالسة تصيح وهي على الكرسي المتحرك، طبعا بحنان الأخوة تجدم وباسها على خدها، خاصة أن هو وايد متعلق فيها ويحبها وهي بعد وايد تحبه..
جاسم وهو يمسح على راسها: بلاها شمة الحلوة يالسة تصيح
شمة وهي بعدها تصيح: أنا مب حلوة، أنا معاقة
جاسم باستغراب: منو قالج جي؟؟
شمة: عبدالله قال أني أنا معاقة
جاسم: شوووووووووووو!!



كااااااااااااات
شو ممكن يصير بين جاسم وأخوه؟؟
وليش فجر ما تحب أبوها؟؟

تحياتي

اعلانات

NSFX

رد

الكلمات الدلالية (Tags)



Powered by vBulletin®
Copyright ©2013, Jelsoft Enterprises Ltd.
A Proven Success
مدينة صباح الاحمد البحرية - Online Advertising in Kuwait -Online Advertising - Social Media Marketing in Kuwait - عقارات جدة
الساعة الآن 09:02 AM.