الجرح

جاني الخبر يا صاحبي واظلم الكـــــــون
قــدام عــينـي ثـم نــطقـت الــشــــهــــاده

على العــمــوم اقــولـها ألف مـليــــــــون
مــبـروك مـن قــلـب شكـــالــك ابـعــــاده

مــبروك لا يهمــك سواليف وضـنـــــون
مــن عــاشــق يــهديك فـــرحة فــــؤاده

ســو الــفرح اليوم وابليس مـــلعـــــــون
واللــي يشــب الـــنار يــجني رمــــــاده

انـــا أول الــــعـالم على القصر يلفــــون
أول مــــعـازيم الـــــفـــرح والــحــــداده

ابشر أنا برقص على العرس بالهــــــون
كـــــل يـــــعـبـر فـــرحــتـه بــاجتهــــاده

لــــو الـــبلا رقــــصي يقولون مزيـــون
الـــمــشكلــه الــقلب يــفـضـــــح وداده

يـــوم الـعذارى في دخــولـك يغنـــــــون
وعــروستك بأحلى ثــواني السعــــــاده

كــنت اتــمنــى بـــدالها والـله اكــــــون
واحـط انـا كـفي تحت راسك وســــــاده

واشلون ابكتم صرختي يوم تمشـــــــون
تـــكــفى ..خــذنــي للعروسه قــــــــلاده

حتــى مــعـازيـم الفرح قاموا يمشـــــون
واصبــحت انــا وحدي بدون استفـــــاده

وطـــفوا عـلي الــنور مــن غير يدرون
قــصر الــفرح يـا قـبر(بسمة) ومهــاده

وصــيتي لـو جــاك بــنت وانــا امــون
سمــيتــها لك (بسمة) قــبل الــــــولاده