كل مايخص برامج المحادثه الماسنجر تجده هنا سواء كان ياهو او ام اس ان او اي نوع اخر.

Mr-Lonely' · #1 29-12-2007, : 10:38

بسم الله الرحمن الرحيم

السلام عليكم ورحمة الله وبركاته

ماسنجر بليس وما أدراك ما ماسنجر بليس .. < بليس في رواية عن أحد شهبان بريدة

مع الماسنجر بلس نزلت بعض الخصائص الرائعه بالماسنجر .. واشوف كثير منا يجهل هالخصائص ولا يدري عنهن ..

وبما اني راعي حبرشة واحب احوس .. اكتشفت به بعض الحاقات .. وهذاي جبت لكم المميزات الي تستحق الذكر بهالأصدار ..

وخلونا نبدى بقفل الماسنجر ..

يعني لو واحد منا بالدوام .. وجالسن يقرق بالماسنجر .. والله وإذ فجأة المدير قدامه .. ولا وده يدري المدير انه داخلن مسنجر .. فيه حركة بزرين تسويه ينقفل المسنجر ويحط حالتك مشغول ..

حيث إنك تضغط على( CTRL + مسافة ) وبكذا ينقفل المسنجر على طول .. ولا ينفتح إلا لما تنغز هالايقونه مرتين

وإذا بغينا نغير بأعدادات القفل أو الاعدادت العامة نروح من هنا ..

-----------------
أول حاقة: قفل المسنجر .
(1)

الصورة ( رقم واحد )اعدادت القفل ..
رقم واحد : من هنا تقدر تحط الاختصار الي تبي عشان تقفل المسنجر .
رقم أثنين : من هنا تقدر تحط رسالة اتوماتيكة .. بحيث أنك اول ماتقفل المسنجر يوصل للي كنت تكلمهم الكلام الي انت حاطه بالمستطيل .
رقم ثلاثة : من هنا تحط حالتك الظاهره بعد القفل .
رقم أربعه : يغير لك ايقونه المسنجر عشان التمويه .. واذا شلت الصح رجعت ايقونه المسنجر العادية .
رقم خمسة : مامنه فايده جربت حطيته ومسحته ماتغير شي .. بس الظاهر إن مفعوله انه يلغي الرمز الي عند الساعة نهائيا لما تقفل المسن .

(2)

الصورة (رقم أثنين) أعدادت فتح المسنجر ..

رقم واحد : انك تفتح المسنجر عقب ماتضغط على هالايقونه مرتين :

رقم اثنين : انك تفتح المسنجر عن طريق اختصار انت تحطه .
رقم ثلاثه : انك بعد ماتفتح المسنجر راح يطلب منك كلمة سرية .
رقم أربعة : يرسل الكلام الي مكتوب بالمستطيل اتوماتيكيا لجهات الاتصال الي كنت تكلمهم -يعني حط شي يوضح انك رجعت- .

-----------------

ثاني حاقة: النصوص السريعة .

تقدر من خلال الماسنجر بلس أنك تسوي لك نصوص سريعة .. زي الي بالشات .. و س2 .. ويطلع كلام على كل أختصار انت تحطه .

الطريقه بالصور :

طبعا تقدر تعدل النص أو تحذفه لامنك ضللته همن تضغط على تحرير ولا حذف

-----------------

ثالث حاقة : الي هي فتح أكثر من مسنجر بوقت واحد .. وقد قالته اختنا الجود لكن مافيه مشكل من ذكره .

-----------------

رابع شي : لامنه صار به واحد معك بالماسنجر ذوقه يحوم التسبد < زي الجنط .. ودايم يحط خطوط مادري وش تبي .. تقدر تحط انت الخط الي انت تبي تشوفه بالمحادثة .. ولاتناظر الخط الي هو حاط .. كما في الصورة

-----------------

خامس شي : به ناس يشتكون من تسجيل المحادثات .. ولا يبون محادثاتهم تسجل .. شل الصح من هنا ولا عاد تتسجل محادثاتك ..

-----------------

سادس شي .. وهو الاخير عشان ما أبثركم : وضع كلمة سر للتفضيلات .. عشان مايجي أحد ويلعب بهن .. خصوصا الي حاط محادثاته ماتنحفظ .. ممكن يجي أي شخص ويحط صح على الحفظ وتبدى محادثاتك تتسجل .. فلذلك حط لك كلمة سر عشان مايحد يبربس عليك

آخر شي .. ومن شأن البثارة التي لطالما عودتكم عليها .. أحط لكم البلس للي ماحمله ..

الي ماحمله يحمله .. والحاظر يعلم الغايب

حمل من بذا

النوبي999 · #2 18-01-2008, : 08:26

الملف به فيروس

jamalkh1 · #3 19-01-2008, : 03:13

الف شكر ع البرنامج
والملف خالي من الفيروسات على مسؤليتي

Mash3an · #4 05-02-2008, : 10:07

يعطيك العافيه على النقل الرائع ..>>>> عيني عليه بارده الي كتب الموضوع

Mash3an · #5 05-02-2008, : 10:09

اقتباس:

المشاركة الأصلية كتبت بواسطة النوبي999

الملف به فيروس

أنصحك تستخدم برنامج حمايه Avira وهو موجود بالمنتدى لان البرنامج الي تستخدمه ( اكيد الكاسبر هذي سوالفه )* خلاص معاد ينفع !

بنت الحفر · #6 11-02-2008, : 10:15

مشكور وما قصرت

المواضيع المتشابهه
الموضوع	كاتب الموضوع	المنتدى
2007 YMTiny-Yahoo Messenger with many extraaa features الياهو ماسنجر بكل المميزات	!~WANTED~!	البرامج الخاصه بالـ Symbian OS-9.1/9.2
أحدث نسخ ماسنجر الياهو Yahoo! Messenger 8.1.0.413	MUSTAFOOZ	ماسنجريات-Messangeres Section

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

ماسنجريات-Messangeres Section

كل مايخص برامج المحادثه الماسنجر تجده هنا سواء كان ياهو او ام اس ان او اي نوع اخر.

توضيح اهم خصائص ماسنجر بلس ( messenger plus )

ماسنجريات-Messangeres Section