أرجـوك
حطم بقبضـة جرأتك خوفك ..
قلي .. ( أحبـك ) ..
وأقول انك هـوى بالي
اسق الحنايا الضوامي غيمة كفوفك
واهطـل غلا لين أخليك وأشربك تالي
ومعـذور
لو قصـرت في حقك / ظروفك
قد قصرت في قبلك واهدمـت حالي .!!







ليـه .!
يا صـوت الألم تصـرخ عليّ
ليـه .!
يا نبض الوهـم تقسى عليّليـه .!
يا دمـع الندم تخطي عليّ
وش ذنبي الـي ارتكبته .!!!
غير دمـع في ( غيابه )
كم سكبته .. وكم ذكرته
في دجى ليلـي وانتظرته .





ليـت الهمـوم الي في قلبـي
في قلبـه
والله ما يرتـاح في نومـه
ثواني
ليتـه وقف لحظـة
ولا سـار دربه
درب الجفـا الي من أسبابه
أعانـي







يـا مصادرني
إذا جيت اكتبـك ماني بقادر
يا حبيبـي وأنت فوق الي قدرتـه
لا بغيت ارسم شعـوري لك وابادر
استقام البيت والمعنـى كسرته
يا مصادرنـي .. يا ليتك لو تصادر
صمتي الي كثر ما يكثـر عذرته
معك يا نادر يصير البـوح نادر
لين ما يبقى لي صمت ما ذكرته






لا تكثرهـا على قلبي ولا تشقيني
ضقت من لعبـك معي وأعذارك الكّذابة
والله الي صاد قلبي منـك يكفيني
لا تزودهـا على قلبي وتحرق أعصابه
كنت أحاول اتجنب .. " طيحتك من عيني " ..
واتغاضى عن طعونك لو انهـا غلابـة
وكل ما زاد الصبر زادت طعونك فيني
ليم ما حـلّ الفراق المر يا طـلابه
والله ان تبطي وأنا أهواك يا مشقينـي
واتغاضى عن طعونك لو انهـا غلابـة
وأعتذر عن قولتي لك .. " طايحن من عيني " ..
طحت منها .!! لكن قلبي فتح لك بابه ,






مشتـاق
لـ .. " جنونك و حرصـك و غيرتك " ..
حسسني اني انسـان ماني بـ عادي
ماني بـ مشتاق لحزنك و ضيقتك
هذي ما كانت يا مرادي .. مرادي
أحب اعيش الفوضوية بـ " دنيتك "
ما أحب أعيش الحب في جو هادي ./






الا يـا ساعة الفرقى
فضحتي لوعـة المشتاق
جبرتي دمعـة تنزل وهو ودهـ يخبيهـا
الا يـا ساعة
عزت دقايقهـا على العشاق
تمنوا هالعمـر يرحل ولا ترحل ثوانيهـا
تحس قلوبهـم ترجف إذا سمعت ذكر
الفراق
يعذبهـا كلام الناس عن الفرقى ويشقيهـا
تسلوا بالصبر لكن لقوا طول الصبـر حراق
عجز حتى الصبـر لقلوبهـم إنه يسليها
لهم في ساعـة الفرقى عتـاب
بالنظـر وعنـاق
لهم نظرهـ
عجز كل الحكـي يشرح معانيهـا







البسمـة
الي شفتهـا من شفـاياي
راحت معك من يوم فارقت عينـي
يا مهجتي .. يا غايـة الروح يا منـاي
رجـّع لي البسمـة بـ باقي سنيني
الروح من فرقاك شالت سـواياي
فديت روحك من بقايـا حنيني







تعبنـا
ما بقـى فينا على كثر الكلام أعصاب
وعذرك لا لمست إيدك تخافين إندفاع ايدي
بلاهـا سيرة النخوة ودمع العفة الكـذّاب
تشظي قبلـة حمراء على أبسط تجاعيدي
نصير أحباب .. " زي الناس " .. والا ما نصير أحباب
مـا أنتي أول أحبابي ولا آخر مواعيدي ..






كفاني تذكري مرة
بـ انه دنيتي ما جات
على شي تمنيته
ولكن ضاع مجهودهـ
وكفاني تذكري مرة
بـ انه دنيتك لذات
وأنا دنياي من همـيّ
جنيت اليوم محصـودهـ
وكفاني تذكرهـ مرة
بـ انه بآخر اللحظـات
نطقتك اسم والعـالم
تغرب منهو مقصودة
وكفاني تذكرهـ مرة
بـ انه صحت لك مرات
وصوتي راح وأصداءهـ جفاف منك وبرودهـ
أمانـة
ان قرت عينـك حروفي أخذلي العبرات
وتعالي وأمطري قبر يبيح لاجلك سدودهـ
بينبت لحظته ورد .. وأمانة أمعني النظرات
تلاقي كلمة .. " أحبك " .. بلون الورد موجودة






بيني وبينك
أدري انه ما يهمـك
بس جيتك .. شوف عينك
منهـا أسلم عليك ومنهـا أرد اعتباري
يووووهـ لو تدري جهاتي الأربعة
.. ( بيني وبينك ) ..
كلهم من زود حبك زاحمـوا فيني يساري






خذني بقلبك دام قلبي رهينك
صعبة ترى لو شفت وشلون بسلاك
لو طفت هالعالم تراني سجينك
عذبتني واشقيت روح تمناك
لو الهوى ينطق وربي يدينك
مات الغـلا ينزف على درب ذكراك
رغم الجفـا لا زال يرجى حنينك







نبكي
على ماضينـا والدنيـا تذوب
بجـرح و حنين .. أحبابنا و الهدايـا
يغيب نجـم الأقدار والثاني ينوب
ويلوح برق الحقيقة .. وحنـّا عرايا







انكسـارهـ
لو تبي قول إندثارهـ
حزن أسود
من يمينـه من يسـارهـ
آهـ .. والمسكين قلبه
في وهـم .. هم الزمـان
ينتظر قلب يجي ياخذ بـ ثارهـ
طاح حلم كان يبنيه .. في خياله
عزتي له .!
حالته ياخوك حاله
لا تلومه
ضاع منه راس ماله
وش كثر يتعب وهو شايل في قلبه
ضيم صعب
مثل طفل فارق أمه
من يضمه
من الشتات منهو يلمه
أسمعه يصرخ :أنا من وين أمشي
والسهر نايم برمشي
مسكين
ما اقسى لحظات انكسارهـ
كل هذا وراح يبحث
في الليالي عن نهـارهـ







يهـز الشوق بـ أعماقي عناقيد الغرام عذوق
ويقطف بـ الغلا فيني غرامن خنت وأخفيته
أحبك كثر ما يشعل غرامك في حشاي حروق
وشبه زود لو يحرق ضلوعي مت ما اطفيته
احبك دمعه طاحت على خد الصباح شروق
يموت النور لو طاحت على كفي وضميته
أحبك .. ايه .. أحب اسمك وأموت بجيدك المنتوق
وتخيل كثر ما أكرهـ صدودك قمت حبيته







من غيرك أحلم به وأحبه وأحابيه
واعامله باللطف هو والحنانِ
تقولين لي لبيه وأقول لك لبيه
واسكنك في القلب بين المحاني








قرب أكثر
اسقني من شهدك الي البحر لو ذاقه
يسكر
ضمني لحظة في عيونك في جنونك
ابي انسى كل عذابي
ابي انسى غربتي حتى في ثيابي
ابي اكسر
قيدي الي علقه وقتي بـبابي
ابي منه لحظة وحدة اتحرر
اشتعل بك وانطفي بك
وبزحمة انفاسك ادفا و اتدثر







تبي تجرح .!
اجرح
منك العذاب ما هو عذاب
سكر بكاس روحي
حلاّها وذاب
تبي تجرح .!
اجرح
أنا قلبي واحساسي حلالك
أنا من لي بدالك
بالغرام
يسرح بوجداني ويمرح
اجرح






قالوا لي الحب
وقلت ان الحروف كثار
أحبه .. و أعشقه .. و أهواهـ
ولا ارضـى بـتغييرهـ
شجاعـة ، بس لا شفتك ، كياني يا بعدي ينهار
قوية ، لكن قبالك شعوري صعب تظهيرهـ
عيونك يا بعد كلي ، تهز الفارس المغوار
شموخك مفخرة للعـز يذكرني بـأساطيرهـ
إلى مني تباطيتك تولع في حشـاي نار
تزود جرعة الأحزان تزيد القلب تخديرهـ
واذا يا عيني لاقيتك يثور بداخلي اعصار
اطير بـعالم الفرحة تقيدني اساويرهـ


اتمنى أنها تنال على اعجابكم