لاني بولي أمرك ولاني
بمسؤول
هذي حياتك وأنت حر
بحياتك
ـــــ
الحب مايعرف عيــــال
الحمايل
كم قلب شيخ هزته بنت
راعـــي
ـــــ
ماني على طـــــرد المقفين
مجبوور
كل على كيــــــــفه يدله
طريقــه
ـــــ
تنحت بي الذكرى على سكة الحرمان
وأشوف الأمل بعيون حزني وحرماني
تحملت هم وضيق ما يحمله إنسان
يوم الزمان بكل شدة تحداني
يشم السعاده فاقد العطف والحنان
ظروف التعاسه وين ما روح تلقاني
ـــــ
خاص

فيني خلايا تنزف الحزن والهم
وفيني طلاسم ماحدن قد قراها
فيني هموم تذرف دموعها دم
وأنت الحروف الباقية عن سواها
لك خافقي رحب وهلا وسلم
ولك العيون تعيش لأقصى مداها
ـــــ
تسألني وش لوني !


لوني سمار الشمس
تهمك جنوني ترى جروحي خمس
<أول جروحي>
قلب ميت من الإهمال
<ثانيها>
صدمة حب مات برواقة بال
باقي ثلاث جروح بحكيها وأروح
<الثالثة>
أحزان من راسي لأقدامي
<الرابعة>
هجران ماتت بها أحلامي وماعدت
أنا أهتم بجراح ما تلتم
باقي الأخيره
الأخيره ضعف ونزف ودمع وقف
بالعين جمر حمر ماجف
<خامس الأخماس>
ما عاد بي إحساس
<وتسألني عن كيفي>
ـــــ
ألا يالعيون اللي تنوش الظماء يرنوش
جروح القلوب المزمنه من يعالجها
جروح نشئت من حب صافي مهوب مغشوش
تمادت ولا أدري وش عواقب نتايجها
حدوني وحطوا دون قلبي حشود جيوش
وعيني تكن دموع ودموع تزعجها
ـــــ
أمسك خيوط الليل وأقول وش عاد
ينفع وجود الذات من غير ذاتي
وأعلن ضياعي وأترك النفس تنقاد
يم السراب وبالصحاري مباتي
وأركب سفينة فوق الأمواج نشاد
وين الرفيق ووين فاهم صفاتي

ـــــ
الحب ماهو يا عميلي مقاوى
فن التغلي له حساب ومعايير
مايفهمه من هو على الجهل خاوى
مثلك غشيم ولا يقيس المحاذير
ـــــ
نجتمع صدفة وتبعدنا ظروف
نلتقي ساعة وفرقانا سنين
يا كحيل العين لو أنك تشوف
جرحي اللي داخل ضلوعي دفين
كان ترحمني وفي حالي تروف
ما تطاوع بي كلام الحاسدين
أكتم الونات وأمسح بالكفوف
دمع عيني والخلايق غافلين
ـــــ
ياصغير مايكبرني لقب
ولا يصغرني إذا أنكرني صغير
ماخذينا الصيت من جمع الذهب
ولا نسابة شيخ أو قرابة وزير
كاسبينه من أهل السيف
الحدب الجنايز كان ماجاك النذير
صيتهم نجم على راسه لهب
سمعوا الصقهان به وأجهر بصير
ـــــ
<نصيحة لوجه الله>

درب الهوى ياصاحبي يحرق الدم
والليل ما يرحم عيون السهارى
ضيق وملل وغيره هم ورى هم
أسأل مجرب ولا تمشي في دروب الحيارى
أما تجي بنت تقول للقمر قم
ولا بلاش من الهوى والعذارى
البارحه مافرحت العين بالنوم
ترعى نجوم الليل فأول وتالي
على وليف يزعل القلب باللوم
هو منوتي يا صاحبي هو راس مالي
وحظي اللي نام ما ينبغي القوم
دايم وحظي في الدهر ماصفالي
ـــــ
يفز دمعي وأقهره داخل العين
أخاف عذالي يقولوا هزيمه
لا والذي والف قلوب المحبين
ماحدرت دمعات عيني ظليمه
أنا بكيت من الوفاء والوفاء دين
لأجل الصديق وذكريات حميمه
ـــــ
أنا يا الحظ ما أخذت المراجل غتره وعقال
وأنا عون الخوي ومزبن للضيف والعاني
أنا من صغر سني عشت يا نزال يا رحال
أبوي مربي أخواني وأنا اللي الوقت رباني
ـــــ
لو للهوى خط ومرور وقسيمه
هذي قسيمة حب يدفع ثمنها
حلفت أنا بأسماء الإله العظيمه
ما أنساه لين الروح تلبس كفنها
وأنا على الظالم قوي العزيمه
ونفسي تموت بعز ما أحد غبنها
ـــــ
البارحه في لذيذ النوم لاقيته
حلوم جابت لطيف الروح خداعه
فزيت أرحب ودمع العين هليته
رميت نفسي وجاء راسي على ذراعه
ضميت خلي وفوق الصدر لميته
والروح من شدة الهجران ملتاعه
ـــــ
أحفظ بقايا مابقى وأترك اللوم
وأصبر وبصبر والله أعلم بحالي
حبك سرق من ناظري لذة النوم
سرق الخجل عين هدبها حكالي
عليك يا ظالم شكى الظلم مظلوم
منك أشتكي لك بالهوى ماجرى لي
ـــــ
ماني من اللي يرخص النفس لا ضاق
ولاني من اللي يرخص اليوم غالي
سبحان ربي كرم النفس بأخلاق
الطيب عمي ومصدر الجود خالي
واللي يبيني يمه الروح تنساق
واللي سلاني عنه القلب سالي
ـــــ
أجمل زمن في ظل حبك قضيته
وأحلى قصيده قلتها فيك ولهان
والعين تهوى كل درب مشيته
والرجل تاطى لك شعوب وأوطان
حبك هو اللي فالحياة أرتجيته
وعرفت في قربك معنى غلا إنسان
ـــــ
أنا تعلمت الجفاء من تغليك
ومن المذله والخضوع أنتهينا
من كل قلبي يشهد الله ناسيك
غير الضياع والمذله وش لقينا
ـــــ
عز الله القلب في حبكم صاب
ما راح للي في المحبه يذله
إن قلت ما أغليك فأنا اليوم كذاب
القلب لا شاف رقمك تغير محله
لو على مدحك ترى بخلص كتاب
وكل من عذلني فيك عسى ربي يعله
ـــــ
الحر من رام الدروب العسيره
حتى على جروح الليالي يكابر
والنذل من يرضي لنفسه قصيره
تلقاه من خوفه على الذل صابر
وأنا أشهد أنك عز قلبي وخيره
من يعرفك ما ظنتي شخص خاسر
ـــــ
لا تسألوني وش جرى في حياتي
خلو همومي بالحشى مستقره
الصمت ثوبي والمواجع عباتي
والحزن كله وسط قلبي مقره
ولو أستعيد بواقعي ذكرياتي
أحيا وموت بثانيه ألف مره
همي تجمع من جميع الجهاتي
تجاوز حدود الفلك والمجره
ـــــ
أكفر عن خطأ غيري
وبين الذنب والتكفير
خيول العمر قفت بي
وخيل الموت تلقاني
أغني بالنزيف أحلى
لحون للزهر والطير
عطيت الحب كل الناس
لكن ما أحد عطاني
ـــــ
زمان وأنا صغير
ودي أصير
أستاذ كبير
مهندس خطير
أو طيار يطير

وأحيان أتمنى
أبقى طفل

مرت الأيام
وأصبحت خبل

أنتظر صوتك
أتمنى شوفك
همي الأول
أحبك
همي الثاني
أحبك
ونسيت حلم الصغر
وياللأسف
ضـــــاع العمر !
ـــــ
أشوف الحب مع كل الحبايب
خيانه في خيانه في خيانه
عجايب حبهم والله عجايب
نبي نوفي ولا نلقى أمانه
خيانة شقــــــران الذوايب
يبيعونك عقب أغلى مكانه
ـــــ
ـــــ
كنت
أحسبك
لا شفت
رقمي
تهلي
وأثرك
ليا
شفت
الرقم
قلت :
لحووووووول !






اتمنى تكون اعجبتكم