أولاً..الله والرسول ما حللو شيء الا لانه فيه صلاح لنا ولو كان على المدى البعيد الي ممكن إننا احنا ما نكون منتبهين له الان.
ثانياً..صحيح إنه صعب على الوحده فينا إنها تتشارك مع وحده تانيه في زوجها سواء كانت هي الاولى او هي التانيه,بس حتى في مجتمعات زي امريكا عرفو قبمة تعدد الزوجات بعد ما زاد عدد الامهات بدون ازواج عندهم,وقلة الرجال لأنهم بيموتو في الحروب أو بالأمراض.
ثالثاً..يمكن إحنا دحين يا بنات لسه بأول عمرنا وما حسينا بوحده عمرها أتعدى ال35 ونفسها يكون لها طفل أو طفله وبيت وزوج يملو عليها حياتها ويكون الحل الوحيد قدامها انها تكون الزوجه الثانيه.
رابعاً..لو واحد متزوج وزوجته أراد الله إنها ما تجيب عيال,إبش يسوي؟؟؟؟
خامساً..البنات الأن ياأخواتي بيدورو على الستر لان الحاله الاجتماعيه كل مالها في النازل,والله إني اعرف بنات أعمارهم 23و24 وما عندهم أي مانع انهم يكونو الزوجه رقم 2.
صحيح إن كل وحده فينا لها رأي..وأنا كمان من الرافضات ان يكون لي في زوجي شريكه لانه زي ما راح اكون له لوحده لازم يكون لي لوحدي..لكن ما احد يدري ايش ربي يكتب علينا..وما احد يدري ايش ظروف الي بيوافقو يكون لهم ضره او هي تكون ضره.
وأسفه على الاطاله..
أختكم رزه