اختر لون صفحتك
|
| اختر لون صفحتك |
| |
| |
| |
| |
| الرئيسية | المنتدى | مزاد | البوم الصور | المميزات الجديدة | دليل المواقع | مركز تحميل الملفات |
| |||||||
البوابة العامة-General Sectionلكتابة اي موضوع لا يخص المنتديات الاخرى وتبادل المعلومات واي شيء اخر |
| ابحث في بوابة النوكيا : |
|
|
هل تحب بوابة النوكيا ؟ إذا لا تبخل علينا واجعلها صفحة البداية لديك .. أجعلنا صفحة البداية لديك
مجموعة ناشرين بوابة النوكيا .. انضم
الينا اليوم .. واحصل على مميزات خيالية 
الإهداءات
اللهجة الحجازية مع تحيات الوجيه
البوابة العامة-General Section
أدوات الموضوع طرق مشاهدة الموضوع
|
#1
17-08-2007, : 06:07
| ||||||||||||||||||
|  اللهجة الحجازية مع تحيات الوجيه السلام عليكم ورحمة الله وبركاته ............. وبعد ترى أنا من أهل المدينة وإسمي الوجيه فحبيت أديكم فكرة عن لهجتنا اللهجة الحجازية : هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كثير قد الجبل وطبعا تختلف لهجة كبار السن عن الجيل الحاضر .. لهجة كبار السن تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة وبسم الرحمن نبدأ في بعض ما تختص بيه لهجتنا الحجازية الغاليه : 1 - مصطلحاتنا : في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها : اندر بره : اخرج العن سنسفيلك : اهزأك اديلو : اعطيه الدهليز : مدخل البيت الكرتة : الفستان الكنتره : الجزمة اكرمكم الله القنعه : العبايه الكرويتة : دكة خشبية الزقاق : الشارع الضيق وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي باختصار هو الشارع الضيق دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم دحديرة : نزلة او منحدر الدبش : اغراض العروسة قبل لا تتزوج القابلة : بكره = اللي تولد الحوامل المملك : المأذون الشرعي الدقيسي :الفراغ اللي تحت الدرج أو المخزن المرقعة : الدلع والمياعه في الكلام والتصرف يتتريق : يستهزء اللغوصة : نقل الكلام وتسبيب المشاكل الدحلسة : اذا كنت بتتمصلح مع واحد عشان تبغى منه شي تقول يدحلس . هججوني : ازعجوني قوامن : بسرعه , حالاً مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون حتى أن أحدهن قالت : وي يا فايقة يا أختي .. والله جوزي صدقة جابلي مضليون والمضليون هو البروش الذهب الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر المرمشة: يمين بالله علينا كلمات فلّه المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام العكننه : وهي التنكيد على شخص معين ، و في مصطلحات كتيرررررررررر غيرها .... 2- أمثالنا الحجازية : إذا جيت رايح كتر من الفضايح. او إذا جيت رايح كتر من الملايح بعد ما أكل واتكا قال ريحته مستكا. حاجه ما تهمك وصي عليها جوز أمك. ست وجاريتين على قلي بيضتين. أعمى ويلضم خرز. دلع الكبار زي الشقدف على الحمار. اللي ماله أم حاله يغم. كنس بيتك ورشُه ما تدري مين يخشوا. كل حبه مسوسه لها كيال أعور. على قد زيتوا سرجلوا. الخايبه تتعلق بالحبال الدايب. عقربه في الغار ولا ضره في الدار. خاتم بفصو وكل شي ترصوا. أهري وانكتي يا جاره وأنا ثابته زي العماره. شايل لنا طيران عبد القادر لو لك شي عند الكلب قول له يا سيدي لا تقرصيني يا نحله ما أبغالك عسل.. يحسدوا الفقير على موتت الجمعه سكتنا له دخل بحمارووو ما يقدروا على الحمار يقدروا على البردعة اذا حلقوا لغيرك بُل راسك واستنى ايش عرف الحمير بأكل الجنزبيل البيض الفاسد يدحرج على بعضه اذا تعاندوا الحمير يا بخت الركاب البيضه ما تخابط حجر حبيبك يمضغ لك الزلط وعدوك يعد لك الغلط حمارتك العرجة تغنيك عن سؤال اللئيم داخل لبيت العروسه نادر من بيت العريس ياريتني بيضه وعرجه اصلوا البياض فُرجه يااخد القرد بماله يروح المال ويبقا القرد على حالو الله من محبته في عبيدو جعل العمر والرزق بيدو. اللي يشوفني بعين اشوفوا باتنين. اللي ماله ام حاله يغم. كل حبه مسوسه لها كيال اعور مين يشوفك يالي في الضلام تغمز ماتعرف خيري لين ماتجرب غيري فقير اتجوز فقيرة خلفوا وجع القلب كبيرهم فلفل وصغيرهم زنجبيل واللي في الكوفلة يقول من العايدين خشوني لاتنسوني ولعوا الشمعة وشوفوني عمية تحفف مجنونة وتقولها حواجبك سودا ومقرونة الصرمة والقبقاب صاروا أصحاب يا داق الموية في المهراس يا مربي وليد الناس كل عيش البخيل ولا تأكل عيش المنان أدب ولدك وان زعلت امه يابخت من بكاني وبكى الناس عليه ولا من ضحكني وضحك الناس عليه. رضينا بالهم والهم ما رضي بينا اتملت العدوة وقلت المروه أكلوا الملوخية وصاروا أفندية لمن كنا ما كانوا ولمن رقدنا قاموا قالوا متى طلعت القصر قالوا أمس العصر العروسه للعريس والجري للمتاعيس سلامتك والهيل والقرنفل قمامتك اللي يشيل قربه مخروقه تنقط على راسه الحجر من الارض والدم من راسك أخوانك من أمك زي الدهب في كمك و أخوانك من أبوك زي القوم لما ينهبوك من بيت أصقع لبيت أرقع مطبق العاده و معصوب كل يوم في كل محضر بالتوب الاخضر باب المجلس يقول باب السطوح .. اللي يجي يجي .. واللي يروح يروح خليها في القلب تجرح و لاتخرج بره ترمح الحر من غمزة والحمار من رفزه يضرب هذا المثل لايضاح الفرق بين النبيه والبليد. حمار الحكومة حكومة يضرب هذا المثل للموظف الصغير المتسلط على الناس خطبوها اتعززت تركوها اتندمت يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان دلع الكبار زي الشقدف على الحمار يضرب هذا المثل لخروج العجوز عن وقاره وجديته والشقدف عشان الاسئلة بس:ما كان يوضع على الجمل ليجلس فيه المسافرون كل حبه مسوسه لها كيال اعور قلبي على ولدي انفطر وقلب ولدي عليا حجر. و لا تنسوا ارضى بقردك لايجيك اللي أقرد منوو الحب عياقة ...توب بلا ياقة وخلصنا ... 3- الالقـــــــــــــــــاب : عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها : عمر : أبوسراج حسن : أبو على حسين : أبو هلال يوسف : أبو يعقوب عبدالله : عبادي او ابو عابد عبدالرحمن : الوجيه عبد الرحيم : أبو رحمه فيصل : أبو عبدالله عبد العزيز : عزيز أو ابوسعود فاطمة : فتو مريم : منّة ابراهيم : أبو خليل كمان الحجازيين فيهم اخلاق و احترام مافي بعدها لما يطلب منك سكينه ايش يقول ؟ يقولك الله يخليك اديني سكينة في قلب العدو لما يقلك كنت بـ أكل يقلك كنت بـ أتعشى مثلاً فضله خيرك اشياء و تراجمها : بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما. المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!! الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور. القرندي: بفتح القاف والراء وتسكين النون وكسر الدال <<<مشوار ها ؟ وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي) ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه. الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه. حيث تداعب أولادها بـ (تعال الله يفقدك) توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف). المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس وبعدين قالت خلاص يامغراف خده وفي لمح البصر اختفى الولد ، والمغراف هو نوع من أنواع الجن وكان بالصدفة متواجد في مكة هذا الجني ههههههههههههههههههههه على طبطابي .. : يعني على مزاجي مِرَسْتَكَه ..: يعني متأنتكه يعني مرة شياكة .. ومرتبّة وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي .. و لا أهبدك اللين أجدد ايمانك تزل ... : يعني تمر مرحبمبك ... : يعني مرحبا بك .. بس باختصار شوية باطِرمَة ... : يعني جلسة ... كنب حاجة زي كده ... كَرَاوِيتَه : ... حاجة خشب كده ... يحطوا عليها الباطرمة .... مَدَارِيْه : ...... مراجيح ... ندرت عينك من حُقّها ... : يعني خرجت عينك من محلها .... كده شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. قيّسْتَك : ... يعني حسّبتك .... توقعتك .... هقيتك يعني مثلاً .. ( قيستك ياواد حتزل على عمتك فتّو ) ... وه ياستيته .. بُخْنُق ... : اللي يتلبس في الراس ويكون مخيّط على قده .... مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير من جوّه .... زنبيل : ... يعني كيس ... زلطة : .... سَلطة بعد التعديل ... يدعك : ... يعني يفرك ... يعني مثلا .. ( ايش بتسوي يابت ... بادعك الاسورة .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله ...) مجغجغ : مليان مويه لعيونكم كمان محادثه مكاويه : ماجد ابو صدقه / يواد يامعمر عمر ابو سراج / هلا مجود ماجد ابو صدقه / كيف الحال والتحوال عمر ابو سراج / خليها على ربك ياشيخ ماجد ابو صدقه / بلا في شكلك ... خاربها من بدري ... اشبك عمر ابو سراج / لا بس البزوره جابولي القلق ماجد ابو صدقه / صفقهم احسن لك عمر ابو سراج / يابن الحلال الحرمه دي زي المرض قاعدتلي ماجد ابو صدقه / من جد ... المهم رايح القهوة عمر ابو سراج / قدام ... والله مره المنجا عندي يبغالها ترويق ماجد ابو صدقه / هه مايبغالك الا باعشن عمر ابو سراج / من جد ... سرينا ماجد ابو صدقه / خلاص بعد نص ساعه امرك عمر ابو سراج / هيا لا تتاخر ... تراها واصله معايا ماجد ابو صدقه / بس تره مفلس عمر ابو سراج / لا تشيل هم .. انا منقرش ماجد ابو صدقه / الله عليك ياعمده .. او كي يالله القاك هناك عمر ابو سراج / على خير احيانا والله اعلم يقولو السمك عرّق!!!!!!!!!!!! !!!!!!!!! !!!!! !!!!!!!!! يعني نزله عرق ليه ياربي؟؟ وهذا يدل على سوء القلي أتمنى إنكم إستفدوا ................................ .gif "Z (77)") تــــــــــــــــــــــــحياتي  |
|
| |
| |
|
#2
17-08-2007, : 04:11
| ||||||||||||||||||
| ياواد اشبك مصرقع على الردود روح ماعمك ماجد ابو صدقه وعمك عمر ابو سراج روق المنقى وتعال هههههههههههههههههههههههههههههههههههههههههه ههههههههههههههههههههههههههههههه هههههههههههههههه انا من اهل الغربيه وكلام كثير قريته دوبي اعرف معناه يعطيك الف الف مليون الف الف عافيه تحياتي |
|
|
#3
17-08-2007, : 04:24
| ||||||||||||||||||
| ههههههههه تسلم ايدك اخوي وكلامك صحيح بس تدري فيه بعض الكلام مااقوله لأنه مو لنا للحضر زي >>> دحين >> ذلحين وفيه غيره كثير بس تدري والله تستاهل احلى سمعه <<< طلعت الفضايح تحياتي..  |
|
|
#4
17-08-2007, : 11:37
| ||||||||||||||||||
| مشكوران على الردود الحلوة السيكا & كتوموتو تــــــــــــــــــــــــــحياتي |
|
|
#5
20-08-2007, : 02:01
| ||||||||||||||||||
| مشكوووووور بس!!! مـ فيه ـا اللهجة الجنوبية |
|
|
#6
20-08-2007, : 02:21
| ||||||||||||||||||
| مشكور اخوي على المعلومات عن اللهجه الحجازيه الاصيله ويعطيك العافيه  تحيــ العنقاء ـــاتي |
|
|
#7
20-08-2007, : 04:32
| ||||||||||||||||||
| مشكور على اللهجة الحجازية |
|
|
#8
20-08-2007, : 08:53
| ||||
|
