السلام عليكم ورحمة الله وبركاته

.
.

يقول عمر بن الخطاب رضي الله عنه :" رحم الله امرئ أهدى إليّ عيوبي "

.
.

طبعا نحن في أقسام الإبداع .. [ التصميم والتصوير ] ..
انشوف عدد كبير من المصممين .. والمصورين ..
مبتدئين .. متوسطين .. ومتقدمين .. ومحترفين ..

طبعا الواحد في بداياته .. يحتاج لمن يمسك ايده ..
ويقوله هذا صح .. وهذا غلط ..
لكن .. لو يانا مبتدئ وقلنا هذا صح ..
وهذا حلو .. بيظل على حاله ..
ظنا منه انه يحقق المطلوب ..

ليش انقص عليه ؟ ليش ما نرشده ؟
ليش ما انقوله يا فلان انت مقصر من الناحيه الفلانية في هالتصميم او هالصورة ..
مديحي ما منه فايده .. بالعكس انا اضر هالمبتدئ ..
ذمي له .. واظهار عيوبه باسلوب جميل وحلو ..
يساعد العضو على الرقي بمستواه .. والابداع أكثر وأكثر ..
ويحمسه لابراز شي يديد يظهر فيه تطوره وتقدمه في هالمجال ..

اتمنى منكم .. لما اتشوفون تصميم ..
اتحاولون تمدحون المصمم .. ولكن .. اذا شفتوا عيب من وجهة نظركم ..
اظهروا هالعيب .. لانكم تساعدون المصمم للابداع أكثر ..
ونفس الشي للتصوير ..

جذي بنحقق الفايدة المرجوة من هالاقسام ..

.
.

وتذكروا مرة ثانيه ..
" رحم الله امرئ أهدى إليّ عيوبي "
رضي الله عنك يا امير المؤمنين عمر ..

.