ملحوظه مهمه جدااا : اى معلومات خطا تصدر منى يبقى اكيد عن جهل و عدم علم و قله معرفه
و يا ريت اللى يعرف الصح يصحح المعلومه علطول

المهم خلونا نبدا و ندخل فى بيئه الفوركس العمليه و بعد كده ابقى انت احكم ...... تقدر تدخل فى الفوركس و لا لاء ؟؟؟؟؟

اول حاجه انت علشان مثلا تتاجر فى اى بضاعه لازم يكون فى مكان تتاجر فيه ....... احنا بقى فى الفوركس ... البضاعه هى العملات المختلفه و المكان اللى هنتاجر فيه هو برنامج التداول .

و طبعا كل شركه لها برنامج التداول الخاص بها و لكن انا اخترت برنامج و اسمه ال ****Trader لسهوله استخدامه عن البرامج الاخرى ....

نيجى بقى لشرح برنامج التداول من الالف الى الياء ( يعنى بالتفصيل الممل )
----------------------------------
- بعد ما تنزل البرنامج ... اضغط عليه و ابدا عمليه التصطيب ( اعتقد انى ديه مش عايز شرح )
بعد ما تخلص التصطيب هتظهرلك الصورد ديه :

1- نوع العمله تبع الحساب ..... يعنى بالدولار او الين او الفرنك السويسرى
2 نظام الهامش المستخدم ...... انا مش فاهم الفرق اوى بين نظام الهامش 1:100 او 1:200 او 1:1
:::::: يا ريت لو حد عارف يفهمنا ::::::::

بعد الضغط على finish تظهرلك ال interface لبرنامج ال **** Trader

نشرح بقى شويه حاجات كده اساسيه فى البرنامج

1- الايقونه التى تظهر ال Market Watch ...... قائمه باسعار العرض و الطلب على العملات المختلفه
2- الايقونه التى تظهر ال Navigator ........ و هى قائمه التى تستخدم فى اختيار المؤشرات
3- الايقونه التى تظهر الTerminal ........ و هى قائمه بمعلومات عن حسابك ..... يعنى مثلا فيه كام رصيد فى حسابك ...... لو فتحت صفقه تظهر هنا و الربح و الخساره للصفقات المفتوحه
4- هى قائمه تختار منها المده الزمنيه لعرض الشارت الخاص بالعمله
5- هى قائمه تختار منها نوع الشارت المستخدم يعنى عادى ( خطى) او بار او شموع يابانيه

1- يظهر الرسم البيانى على هيئه بارات Bar Chart

2- يظهر الرسم البيانى على هيئه الشموع اليابانيه Candle Chart

3- يظهر الرسم البيانى على هيئه خط عادى Line Chart

اما بالنسبه للفترة الزمنيه اللى هتظهر بيها الشارت فهى تختلف من شخص الى اخر ..... فاذا اردت مثلا فتح صفقه و اقفالها فى نفس اليوم يبقى شغلك على شارت ال 15 و ال 5 دقايق و ممكن شارت
الساعه او النصف ساعه ............. لكن اذا اردت فتح صفقه و اقفالها فى مده تتجاوز الايام يبقى شغلك مثلا على شارت الDialy او الاربع ساعات .

يعنى مثلا هنا اخترنا شارت الساعه و اشتغلنا عليه

نبتدى بقى الشرح :icon_chee ...... هو احنا كل ده لسه مشرحناش ؟؟؟ :icon_eek::icon_eek:
نشرح بقى حاجه حاجه

ديه قايمه ال Market Watch و فيها الاتى :
1- Symbol : و اللى تحتها ده انواع العملات المختلفه ...... و ديه اختصارات العملات
USD : US Dollar
CHF : Swiss Franc
GBP : Great Britain Pound
Eur : Euro
JPY : Japanese Yen
AUD : Australian Dollar
CAD : Canadian Dollar
- Bid : و هى تعنى سعر البيع ( العرض )
- Ask : و هى تعنى سعر الشراء ( الطلب )

- Ticket : و هى رقم الصفقه التى فتحت
- Time : و هى وقت و تاريخ فتح الصفقه
- Type : و هى نوع الصفقه ( بيع ام شراء )
- Lots : وهى تعنى حجم العقود التى استخدمتها فى الصفقه
- Symbol : و هى العمله التى تتاجر بها
- Price : و هو السعر الذى فتحت به الصفقه
- S/L : و هى اختصارا لكلمه Stop Loss .... يعنى مثلا لو فتحت صفقه شراء لانك متوقع ان السعر
سوف يرتفع و اشتريت مثلا عند سعر198.00 ...... و تركت الصفقه مفتوحه الى ان يصل السعر مثلا الى 198.20 لكى تغلق الصفقه و تجنى الارباح ...... و لكن انعكس اتجاه السوق و بدلا من الصعود بدا فى الهبوط .... ففى هذه الحاله نضع ما يسمى ال Stop Loss و هو مثلا اقفال الصفقه عند 197.90 اذا انخفض السعر و الخروج منها بخساره عشر نقاط و هذا لحمايه رصيدك .
- T\P : و هى اختصارا لكلمه Take Profit .... يعنى مثلا لو فتحت صفقه شراء لانك متوقع ان السعر
سوف يرتفع و اشتريت مثلا عند سعر198.00 ...... و تركت الصفقه مفتوحه ... لن تغلق الصفقه الا
اذا اغلقتها انت بنفسك ..... فنستخدم ال Take Profit عند مثلا 198.20 ..... فاذا ارتفع السعر ووصل
لهذا السعر اغلقت اتوماتيك .
- Price : وهو سعر العمله الحالى
- Comm : التعليق على الصفقه
- Swap : مش عارف بتاعت ايه
- Profit : و هى تعنى المكسب اذا كان الرقم اللى تحتها موجب .... اما اذا كان سالب فهذا يعنى خساره .
- Balance : و هى قيمه رصيدك
- Equity : و هى قيمه رصيدك اثناء الصفقات المفتوحه
- free margin : وهى المتبقى من رصيدك
- Account History : و هى قائمه بالصفقات التى اجريتها

--------------------------------------------
طريقه فتح الشارت لاى عمله
---------------------------------------------
File
New Chart
و بعد كده اختيار العمله المراد المتاجره بها

بعد ما فتحنا الشارت و بقى كله تمام ....... عايزين بقى نفتح صفقه

بالضغط على ايقونه New Order

هتظهر الصوره التاليه

- لاختيار العمله المراد المتاجره بها
2- عدد العقود التى تريد فتح الصفقه بها
3- Stop Loss : مشروح فوق
4- Take Profit : مشروح فوق
5- اى تعليق تحب تضيفه على الصفقه
6- Type : و فى اختياران
:::: خلينا فى الاختيار الاول ::::::
7- تشترى العمله على السعر الموضح امامك
8- تبيع العمله على السعر الموضح امامك
9- ديه تقريبا و الله اعلم انى مثلا لو السعر تحركاته سريعه و انت فتحت صفقه على سعر 198.50
و فى اثناء اتمام عمليه فتح الصفقه يكون السعر قد تغير ... فتلغى الصفقه و يسالك الوسيط اذا
كنت تريد فتح نفس الصفقه بالسعر الجديد ام لا ................ و هذه الخاصيه لكى يقوم بفتح الصفقه
بنفس السعر الحالى او فى حدود كام نقطه اعلى او ادنى السعر الحالى .
10- Tick Chart : و هى يعنى الرسم البيانى للعمله بس يفرق عن الساعه و الدقيقه فى انه
ليس محدد بمده زمنيه و لكن يحسب كل تغير فى السعر

ملحوظه مهمه : اذا فتحت صفقه شراء على سعر مثلا 198.51 .... ففعليا انت اشتريت العمله بسعر
198.59 ...... اذا فتحت صفقه بيع على سعر مثلا 198.51 .... ففعليا انت اشتريت العمله بسعر
198.43 ..... و هذا ما يسمى بال Spread اى فرق النقاط بين العرض و الطلب

نيجى بقى للاختيار الثانى فى خانه ال Type و اللى هو Pending Order

و ال Pending Order تعنى مثلا :
السعر الحالى للعمله 198.00 ... فاذا اردت فتح صفقه شراء عندما يصل السعر الى 198.50 تضع هذه الاوامر و هو ما يسمى بالشراء الالى او البيع الالى ....... و الاوامر ديه من وجهه نظرى مفيده جدا
:::: متوقع ان السعر يوصل لنقطه معينه ... حط الاوامر الاليه و سيب الجهاز و سيبها هى تشتغل
لما يوصل السعر للنقطه المحدده ::::

ملحوظه : لما تفتح برنامج التداول مش هتلاقيه شغال لانى يومى السبت و الاحد اجازه .......
و ميعاد افتتاح السوق حسب توقيت القاهرة يبقى يوم الاثنين الساعه الرابعه صباحا و ميعاد الاغلاق يوم السبت الساعه الرابعه صباحا

بس خلاص الدرس خلص .... و اتمنى انى انتوا تستفيدوا منه ... و اى سؤال متترددش و اسال
حتى و لو كان السؤال بسيط

الكلمات المفتاحية:
foreign exchange reserves
forex markets
forex signal
forex cargo
forex account
foreign exchange student programs
forex traders
forex currency