السلام عليكم ورحمه الله وبركاته
احنا في مجتمعنا العربي بنتكلم من غير ما ندرك احنا بنقول ايه او بمعنى اصح بنتكلم بالعاطفه زياده شويه يعنى هنا مثلا شفت الاراء دي وكلها بتيجي اي بنت تقولك اه لو حبيته او اى ولد يقولك وماله لو حبيتها .احنا بنتكلم من غير وعى او من غير مانبقى فعلا محطوطين في الموقف ده فبنتكلم بسطحيه وعدم وجود وعى او عدم وجود مسؤليه انى فعلا محطوطه في موقف صعب

شفت بعضكم قال اه وماله لو الفرق مش كبير وده مش صحيح لان الموضوع مش اعراف وعادات وتقاليد وبس
قال تعالى:
الرجال قوامون على النساء بما فضل الله بعضهم على بعض
صدق الله العظيم

فلازم نفهم يا بنات او يا ستات ان الرجل لازم يبقى اكثر حزما وحكمه من المرأه لانه هو اللى هيرعاها من بعد الله وهيدبر امور بيتها وحياتها طبعا
والكلام ده مش كلامى ده كلام الله.
واثبتت الابحاث ان المراه تنضج اسرع من الرجل فبالتالى بيصبح عقلها اكبر منه في سن اصغر
يعنى مثلا لو جبنا رجل ومراه الاثنين في نفس السن او العمر هنلاقى ان المراه في حكمها ورؤيتها انضج من الرجل
والبتالى يا جماعه لازم يبقى في فرق في السن بينهم لكى تستقيم حياتهم وخصوصا ان الرجل بطبيعته مش بيحب اي مراه تقوده طبيعته وغريزته هما للي بيحثوه على القياده فلو المراه اكبر منه ممكن هى بحكمتها تقوده
وده بالطبع هيدايقه ويدايقها او بمعنى اصح مش هينفع.

انا عارفه انى طولت عليكم بس في ناس هتتفلسف وتقولى الرسول تزوج السيده خديجه وهى اكبر منه
ومن منا في حكمه الرسول سيد الخلق سيدنا محمد عليه الصلاه والسلام؟؟ده كان بيقود امه يا جماعه. احنا من الصعب حتى ان احنا نقود بيتنا الايام دى فيجي راجل بقى يتجوز واحده اكبر منه بقى هى ناقصه؟؟؟.
فمن فضلكم يا جماعه ياريت بلاش نتكلم بدون وعى او بعاطفه زياده عن اللزوم انا اسفه لو طولت عليكم
عالعموم ده رأيي وانا اعجبت بارائكم فعلا بس احنا هنا عشان نكمل بعض
واتمنى اكون قدمت جديد.
وشكرا للاخت اللى قدمت الموضوع ده لانه فعلا موضوع يستاهل ان احنا نشارك فيه