اختر لون صفحتك
|
| اختر لون صفحتك |
| |
| |
|
|
| |
|
|
| الرئيسية | المنتدى | مزاد | البوم الصور | المميزات الجديدة | دليل المواقع | مركز تحميل الملفات |
| |||||||
بوابة المطبخ والمائده-Cooking Sectionكل مايتعلق بالطبخ والوصفات لألذ الأطباق |
هل تحب بوابة النوكيا ؟ إذا لا تبخل علينا واجعلها صفحة البداية لديك .. أجعلنا صفحة البداية لديك
مجموعة ناشرين بوابة النوكيا .. انضم
الينا اليوم .. واحصل على مميزات خيالية
الإهداءات
دونت ألذ من دنكن دونت!!!...وفي البيت!!! بالصور...
بوابة المطبخ والمائده-Cooking Section
المواضيع المتشابهه الموضوع كاتب الموضوع المنتدى صور وادي لجب في جنوب المملكة ** روعة ** البوم الطبيعية صور لاعبين برشلونة في جنوب افريقيا RAX بوابة الرياضة-Sports Section الورقه اللي جننت everyone!!! hamadagado بوابة شباب وبنات-Boy and Girls Section صوره جننت الملايين الأسـطـوره بوابة الصور العامة
أدوات الموضوع طرق مشاهدة الموضوع
|
#1
21-01-2008, : 07:49
| ||||||||||||||||||
|  دونت ألذ من دنكن دونت!!!...وفي البيت!!! بالصور... اليوم جبت لكم طريقة دونت محشي... وللأمانة هذي طريقة أختي عشان ما تزعل  طريقته تاخذ شوية وقت، بس يستاهل لأن النتيجة تطلع شي لذيذ و يسوى التعب...وبتقولون باي باي دنكن دونت  نبدأ بسم الله... هذا المقدار كبير ويفضل يكون في أحد معاكم يساعدكم... بالنسبة لي أسوي أحياناً نص المقدار او ربعه إذا لي أنا وزوجي بس... في العجانة نخلط هذي المقادير مع بعض: كوب حليب دافي 1/3 كوب ماء دافي 3 ملعق كبيرة زبدة مذوبة 3/4 كوب سكر 1 ملعقة كبيرة خميرة فورية رشة ملح بيضة   بعدين نضيف عليهم 2/1 4 كوب طحين بالتدريج، ونعجن لين تصير عجينة متماسكة  نغطي العجينة بورق نايلون ونخليها ترتاح بس 10 دقايق...  في هالوقت نجهز: 1- صينية فرن ونفرشها ورق زبدة أو ندهنها بالزبدة... 2- نجيب الحشوة المفضلة، وتكون حسب الذوق أنا استخدمت مربى فراولة وكاكاو نوتيللا...تقدرون تستخدمون مربى تفاح للتغير أو كاسترد أو أي حشوة تحبونها... 3- وطبعاً ما ننسى القطاعات، إذا استخدمتوا أكثر من حشوة يفضل تخلون كل حشوة شكل عشان يسهل الإختيار وقت الأكل... يعني مثلاً، الدونت المحشي فراولة على شكل قلوب، والكاكاو على شكل دوائر وهكذا... بس هنا أنا استخدمت قطاعة دائرية، وإذا ما عندكم عادي استخدموا فنجال القهوة... والحجم يرجع لكم... 4- نجيب كيس نايلون كبير ونحط فيه تقريباً كوب سكر بودرة عشان نغطي فيه الدونت... .................................................. . نجهز المكان اللي بنشتغل عليه ونرشه بالطحين... نقسم العجينة نصفين... نرق العجينة تقريباً بسمك نصف سم، ونقطعهاحسب الشكل اللي نبيه...  بعدين نوزع الحشوة على نص الدوائر مو كلها  ندهن أطراف العجينة بالماي عشان لما نسكرها تلزق وما تنفتح وقت القلي...  نجيب النص الثاني من الدوائر ونحطه فوق العجينة المحشية...  نكبس الأطراف مع بعض ونسكرها زين، و إذا تلاحظون أنا برمت اطرافها عشان ما تسيح الحشوة وقت القلي... نصف الدوائر المحشية في صينية الفرن اللي جهزناها... ونكمل بنفس الخطوات مع النص الثاني من العجينة... نغطي الصينية بفوطة مطبخ ونتركها ترتاح لمدة 45 دقيقة...  نجيب مقلى عميق ونحمي فيه الزيت... ملاحظة هامة: لازم يكون الزيت غزير، لكن ما يكون حامي كثير... إذا كان حامي كثير بيتحمر الدونت من برا ومن داخل بيكون عجين، فلازم تكون حرارته وسط... و أول ما تحطين قطعة قلبيها على طول عشان ما تنفش وتتشقق...  قلبي القطع لين تتحمر وارفعيها على ورق مطبخ عشان يمتص الزيت... و أول ما تخلصين قلي، جيبي كيس السكر اللي جهزناه وحطي فيه كل مرة 4 قطع دونت وسكريه زين وهزي الكيس لين يتغطى الدونت بالسكر وصفيه في صحن التقديم... وطبعاً حلاته تاكلونه في نفس اليوم، هذا إذا بقى شي لليوم الثاني...    جربوه و أنا متأكده بإذن الله إنه بيعجبكم... وبالهنا والعافية على بطونكم... |
|
|
#4
28-01-2008, : 12:01
| ||||||||||||||||||
| رد: دونت ألذ من دنكن دونت!!!...وفي البيت!!! بالصور... الله يعافيك يارب شكلها من جد حلو ماننحرم يارب لامنك ولامن اختك الطباخه  كل الود لـ شخصك |
|
|
#5
29-01-2008, : 10:52
| ||||||||||||||||||
| رد: دونت ألذ من دنكن دونت!!!...وفي البيت!!! بالصور... مشكووووووووورهـ ... شكلها لذيذ. . . . الله يعطيك العــافـــيـــهـ |
|
|
#6
30-01-2008, : 09:06
| ||||||||||||||||||
| رد: دونت ألذ من دنكن دونت!!!...وفي البيت!!! بالصور... يسلمو ام تالا على الوصفه ... ممكن نفس الطريقه بس نحشيها بالكاسترد >>> احب الكاسترد  ننتظر جديدك |
|
|
#7
09-02-2008, : 03:21
| ||||||||||||||||||
| رد: دونت ألذ من دنكن دونت!!!...وفي البيت!!! بالصور... THAAAAAAAAAAAAAAAAAAAAAAAANX i'll try it, i like donuts |
|
|
#8
09-02-2008, : 04:14
| ||||||||||||||||||
| رد: دونت ألذ من دنكن دونت!!!...وفي البيت!!! بالصور... تسلمييييييين على الدونات الروعة و الواضح أنها شههههههية |
|
|
#9
10-02-2008, : 06:17
| ||||
|
.gif "Z (36)")
