دلاخة او إستدلاخ ؟

تنهات · 24-10-2006, : 07:03

مساء الخير فونكات وشنبات ,,,

ألا حظ أن مجتمعنا مجتمع يستدلخ احيانا مدري هو دلخ

صدق ..بس الظاهر الأولى ..

المهم علينا حركات أستدلاخ كثيرة نطبقها كل يوم وندري عنها

ونرجع نطبقها ...اه يعني صارت أستدلاخ

ماعلينا المهم وش حركة الأستدلاخ اللي تسويها كل يوم خلوني

أبدا بحركاتي,,

* أذا فضت بطاريه الريموت ضغطنا الزر بقوة الين يغير

طيب البطاريه فاضيه يعني بتخاف وتعبي من جديد

*أدخل أصحي النايم إذا فتح عيونه أقوله : نايم (بكل براءة)

يعني وش رايك ميت وحيا

*نغطي شغالتنا في الشارع ونخليها تفتش لأبوي وأخواني

تعاطف معاها ظمينها للعايلة يعني

*أذا ضيعنا الطريق بالسيارة قصرنا على الراديو ولا المسجل

يعني بيطلع لك الكروكي اذا قصرتي..

*نشرب بيبسي واذا خلص رجينا العلبه عند الأذن

نتأكد أنه خلص ,, الريال مهوب هين,,

*أذا تأخر اللفت مافتح ضغطنا مرتين وثلاث

بيستحي على دمه ويفتح ..

*نروح لصالون ونقص شعورنا أذا خلصت قلنا :ليـــــــــــــــــة كذا قصر

أكيد بيقصر حبيبتي أجل رايحه لها تطوله.

*نشوف وحدة مزكمة والمنديل بيدها وتعاطس وزحمة..نقول :شكلك تعبانة

لاعاد تستعطفك يعني

*نروح نزور وحده والده نقولها: عسى ماتعبتي

وش رايك يعني دغدغوها لين طلعوا البيبي .

*تركب مع السواق وتستحي تركب مع زوج أختها

المراجل عندنا بشماغ وثوب لازم.

يله عطونا دلاختكم تكمن بأيش ..واذا ذكرت شي جديد رجعت احطه >>>>>>>>تراها متوفرة عندنا بشكل رهيب.

سي يو..

منقول