في البدايه هذا شعر مو عني
وأنا ما الفته

لان ماعندي وقت الى شعر عربجي

أمزح
صديقتها تحب خالي وانا اعشق صديقتها
وخالي بالعشق فاشل وهي بس ميته فيني
يا خالي ابشر بعزك أببعد عن محبتها
واحب اللي تلاطفني وتحلم بي وتغليني
يا خالي ما بعد شافت عيوني في شقاوتها
اجنب دربها والقى مشاعرها تخاويني
في مره من كثر ماني تعودت لصراحتها
سئلت العاشقه فيها ! تحبيني؟ تحبيني؟
على بالي الحيا يغلب وتتلجم جرأتها
وتشوح بوجهها عني وتبعدني وتنفيني
على بالي تعاتبني وتصرخ بي بداوتها
وتنخى جدها العاشر يموتني ويحييني
على بالي تدف وجهي وانا خابر دفاشتها
ويشهد يومها تطمر على بطني تصحيني
لكن شفتها صخت وهي تخفي ابتسامتها
قبل تصدح يحبووونك ويشهد ربي وديني
محدثتك.. برأتها .. طفولتها.. انوثتها ( فديتهم )
احاسيسي ووجداني ...بداياتي وتكويني
تحبك واسئل الخافق واهمالك ودمعتها
منو غيرك قدر عمري ينزلها ويبكيني
تحبك واسئل المبسم اذا شافك وضحكتها
احس انك تطيرني عن الارض وتعليني
تحبك واسئل الكلمه اذا جاتك عبارتها
" احبك يا فتى تكفى فديتك لا تخليني "
وهي عالحاله تعشقني رمت عنها عبايتها
تقول ان الهوى بارد وغطتني تدفيني
تفكر همني القارس وانا ذبت بحرارتها
حكي وشهو ؟ دلع وشهو؟ من اروع ما رأت عيني
اخاف اوصف وأظلمها واقصر في عذوبتها
واخاف اسكت من الدهشه وتحرقني براكيني
يا خالي من قبل لا انطق تجاوبني فصاحتها
يا خالي من قبل لا اظمى تعطشني وترويني
يا خالي ماني العاقل اذا جيت لرجاحتها
واذا سقت الهبل كله تسابق لي مجانيني
يا خالي اسئلك باللي خلقها وش حكايتها؟
ترى قلبي يدق دقه يحس انها بتنهيني
يا خالي اخطب الليله؟ وافاتح لك صديقتها؟
على خبري مذوبها واعرفك خبزة ايديني