طريقة سهلة.. فيني شوية ضحك

MISS NOKIA 2006 · 08-10-2005, : 01:59

انزين اللي يبي يستوي نذل .. يكمل قراءة
واللي Already نذل .. يراجع معلوماته
واللي هو في وادي والنذالة في وادي .. يالك من انسان مُسالم !!

اوكي الحين خلونا في موضوع النذالة ..

# في المنتــدى #

- ضيف موضوع , يشمل روابط .. وخل عيون الأعضاء تطلع لبرع من كثر الاشياء الحلوة اللي بيحملونها الحين .. ((وضيف روابط غير اللي تقصده , يعني رابط خاطئ ))

- اكتب موضوعك باللون الأصفر أو الابيض .. بس مب الحين بعد شهر رمضان .

- الحــين والأعضاء صايمين .. حط في توقيعك صور لأحلى الأكلات ..

- سجل في برنامج "مسجل الصوت " ((Sound recorder)) ولا شي .. خله فاضي , وبعدين ارفعه للمنتدى , وبعد ذلك دش ستيديو ميجا ميوزك , واكتب آخــر أغنية لــ!!! , وخلهم يحملون .

# في المدرســة #
- خذ دفتر حد أصدقائك , وأحرص على ان يكون شاطر مهتم بالمواد .. وقول له ابي اكمل دفتري .. واليوم الثاني قوله نسيته في البيت أو الجلب كلاه .. او اخوي الصغير رسم عليه .

- روح قول للطلاب في الصف الأستاذ غايب , وعلينا احتياط في (( ابعد مكان في المدرسة , قاعة الرياضة مثلا )) وانت خلك قاعد في الصف .

- روح قول للطلاب في الصف اليوم علينا اختبار , وقولهم قبل الفرصة .. عشان الكل يقعد في الصف ويدرس .. وانت روح اتمشى وكل وزط .. ودش عليهم الرابعة وقول : ليش تدرسون ؟؟ مب الأستاذ طالع عنده موعد

- اذا كان عندك صديق في صف ثاني , خذ كتبه ودفاتره وأوراقه المهمة , وقلامته وكل شي ... وخله يتبهدل في الحصص ((هذي الحركة انا اسويها في رفيجتي .. آخذ مقلمتها , وعطرها وكتبها , وعبايتها وشيلتها ,وفي آخر الدوام ارد لها العباية الشيلة بس , وفي البيت اتصل لها .. ماناقصج شي من اغراضج )) .

# في البــيت #
- قعد حد من اخوانك من النوم وقوله .. حد يبيك على التلفون .. واذا ماقام قوله : من الهند او من أي دولة , وخله يقوم ويروح عند التليفون , وبعدين قوله الظاهر الخط انقطع , (( وبهذه الطريقة تخرب عليه نومته )) .

- في رمضان .. قول لأخوانك يلا اذن تعالوا افطروا ... وخلهم .. لين مايصدقون نفسهم وكل واحد في يده التمرة يسويها نفس العصير .. وبعدين قول .. اوه ماأذن .

- اذا كنت تبي تفتح النت , وحد من اخوانك شابك ومايرضى يقوم , شيل الفيشة من دون مايحس , لاتشيلها كلها .. بس خلها ثابته .. عشان مايعدلها .

- اذا كنت تبي تطالع التلفزيون , وحد قاعد .. , ومايرضى يقوم , روح عند الستالايت , وحرك الكاميرا , وشيل الواير المركب فيها .. وبعدين اذا قام وصفا الجو .. رد ركب الواير .

- صك ليتات البيت كلـــها , مع المكيفات وكــــــل شي , واي حد يسأل قول : الكهربا انطفت ... واستمتع .. وخلهم متلعوزين

- رش البـــيت بأي عطر , المهم ان اللي في البيت مايحبونه ويكرهونه .. وانت عاجبك العطر . ((اذا كنتي تبين تلعوزين اخوانج رشي اسكادا الفراولة وماشابه , واذا كنت تبي تلعوز خواتك رش عطر عود الشمس , لأن وبصراحة لو حد يرشه في البيت بهاجر )) .

ْ × ْ :: ْ × ْ :: ْ × ْ :: ْ × ْ .. ْ × ْ :: ْ × ْ :: ْ × ْ :: ْ × ْ

منقول

منتظرتكم

فـاقد حـنان · 08-10-2005, : 02:29

هههههههههههههههههههههههههههههههههههههههههههه

شكرررررا على الموضوع الحلو

MISS NOKIA 2006 · 08-10-2005, : 12:20

يسلمو على المرو

طريقة سهلة.. فيني شوية ضحك

بوابة شباب وبنات-Boy and Girls Section