ياناس ياعالم علاقتي بنانسي اشاعه

قبل لاابدا اللي خلاني اكتب الموضوع هالسالفه والاشاعات اللي طلعت علّي وخلتني ما عاد اطلع من البيت الا متلطم



وعشان المشاكل والصحفيين وانها احراج مو بسيط كلن قام يتصل ويضيفني بالماسنجر اللي يبغاني اعطيه رقم البنت واللي يقول انتوا متزوجين عرفي

عشان كذا هاذي سالفتي من الالف للياي
=============================================

بعد ماتخرجت من الثانويه وغضيت نظر عن العرس اخذ بنصيحه خويي ابو عبدالله ( طبعا خويي هذا اكثر واحد يشتري شكشوكه من البوفيات )
وطبعا ماله داعي اتورط وانا على نياتي ماعرف شيء

قلت الحين دام عندي اللادا واموري << انت اللي اموري < اها بس ... واموري ما عليها ورى مااترزق الله وفعلا قمت اكد شعري (عفوا لهذا الخلل الفني ) قصدي على اللادا قمت و جهزت االادا وركبت فوقها لمبه نجف وبديت افرفر وخذ مره مركب هنود ومطلع راسي مع الدريشه ومره مركب لي حريم توهم طالعات من عرس وصوت طقه العلك من سمعه ظن السياره ديزل
جاء ذاك اليوم وانا توي داخل البيت بعد العشاء الا ابوي يتقهوى هو والوالده واسلم عليهم واجلس اتقهوى

قال لي ابوي وراء يوم انك فاضي ولا انت فالح بشيء وياكثر رفالتك اجل فيه احد يركبون معه حريم وينحاشون ماحاسبوه ورى ما تروح لمزرعتنا اللي بالقصيم وتصير تشرف عليها وتشوف الاوضاع وبمشي لك راتب

انا انبسطت مشرف وانا اضف عفشي واجهز اغراضي واركبهم باللادا وادعس يوم قربت من المزرعه الا الهنود يوم اخترشوا وهم يدعسون فوق الغرف خابريني لادا وطخ طيخ لازم فيه ضحايا


لكن هالمره امشي بشويش لين كسرت باب المزرعه وانا اجمع الهنود واطلع على التانكي واطلع السيجار الكوبي واقعد اتكلم
انا الحين مشرف المزرعه ابن امه يخنبق او يخربط
الشغل ابيه صح يا ملاعين الرقاب ... (صفقوا ) ولعنه الله على ساسكم ===>> اهجد يابو عداي ....واهم شي تحقيق الاهداف وكلوا تراب وعشان هالمناسبه السعيده
فيه قصيده بيقولها لكم الشاعر خورشيد خان فليتقدم مشكورا



انتا نفر كويس ميه ميـه سيدا روح مافيه كيدا كيدا
يالله هيه أي والله يالله هيه سيدا كـلام سيـدا سيـدا




بعدها دخلنا مادبه العشاء اللي اقيمت على شرف سمونا الكريم
وهي مفطح فلفل وشباتي

قعدت اشيك على المزرعه لقيت الخرفان عندهم حاجات غريبه
وخصوصا تالي الليل ما عاد اسيطر على الوضع ما ادري وش قصتهم لامن قربت من الحوش طلع لي شاشه حمراء للراشدين فقط و ناي ناي زيغو ناي ناي ===> كل تبن ...


ماش هالمره ماعاد قدرت اكمل رجعت للبيت وانا براسي شغله
رحت لابوي الا هو حاط على الجزيرة يتابع برنامج وجهاً لوجه الا هو متحمس وحاط يده قد ام الشاشه خاف يجي كرسي لا قلم
وخواني وراه متوزين ( متوزين يعني متخفين وراه خلفه )

دخلت فجاه يوم قمز يحسبهم طلعوا عليه


هو ويناظرني بحقد ويجيني الريموت مسفح ويضربني ضربه تحت الحزام يوم قمت اشاهق وانطط كني كوره ام خمسه ريال منطعجه من كل جهه . واقول حكم يا غشاش


بعد ما خف الوجع جيت جنبه ومسوي اني زعلان ابغاه يقولي رضا تكر قصدي والله وراضيناك التفت علي وقال : ورى ماتطس للاستراحه وتفكنا من شرك قلت انا عندي موضوع مهم فيه حياه وموت قال : شفني واياك تقول قروش توك ماخذ مني ميتين

قلت: لا الله يسلمك السالفه وما فيها اني قررت اكمل دراستي برى
ابوي على طول حط يده على راسي وقال مسخن اكيد داخلك برد من هالمزرعه


قلت : انا اتكلم جد الجد وتراي بدبر وضعي وبسافر
قال ومن وين لك القروش قلت : ما لك هم انا بدبر وضعي اهم شي وافق وادع لي ؟

قال : والله انها فرصه نفتك منك مع اني مابزيتك هنا ببزاك برى عموما

الله يسمح امرك


المهم طلعت للاستراحه والقى السملق متجمعين ويتناقشون قضيه الشرق الاوسط وارتفاع اسعار المعسل

طبعا دارت نقاشات كثيرة ومهمه =======>> افلقني ياشيخ

واقول لهم شباب القطه حقت الاستراحه نبغاها قايل لي ابو حمد جمعها الشباب قالوا ابشر بس هو قايل لك ؟ قلت ما يحتاج واللي بيجيبها الحين احسن له من الليل عشان ما ينسى ( كنت بسوي تخفيضات بس خفت انفضح )

خذت من كم واحد ووصلت عشره الالاف وانا اقفل جوالي واحجز على طيارة اليوم و اروح للبيت وواضف عفشي واودع امي وابوي واخواني وعيال خواني وشباب الحارة >> بالله اقرب قوطي ... واوقف اقرب ليموزين والى المطار



طبعا السؤال وين بتطس ؟
الجواب الى لبنان


وصلت الى لبنان وانا ادور لي كبينه واكلم امي واطمنها عن الوضع قالت
ترى سيارتك اللادا خذوها اخوياك بونش قلت جعلها كفوهم لوباعوها ما جابت الف وسلميلي على البابا ==>> بدى يندمج

رحت وصرفت الفلوس واوقف لي تاكسي واركب معه قال على وين حبيب ألبي ؟

انا دخلني الماء بغيت انزل قلت بالله جامعه الحوطه النيجيريه تدلها
قال ولو هيدي جامعه مشهورة

وصلنا هناك الا اشوف العالم والبني وانواع ما يخليك تصد وخدودك حمراء واروح واسدد الرسوم واسجل تخصص برمجه زراعية واجل لي كم مقرر

مسحاة 405--- محش 520 --- رودس 440 --- زرع 202 --- زراعه وطيران 101

واطلع من الجامعه و اقعد ادور شغل عشان اضبط وضعي واحوس وادوس

والقى مطعم توتي بيروتي للمثلوثه طالبين موظفين >> موظفين هاه

كاتبين بالمدخل ارحب حبيب ألبي ( برضو دخلني الماء )

وانا اضبط لهم ذيك الكبسه يوم قبلوني على طول !! والقى عندهم سكن وانا اتجهز لاول يوم بالجامعه

حاولت انام عجزت قعدت اعد خرفان طقيت ارقام فلكيه مليون وستميه وحولها ومانمت

وانا امعط شعري لين خمدت

يوم طلع الصبح وانا ادعس على الجامعه بعد ما افطرت كورن فليكس >> افلقني ... طبعا الله يفشلني اول الايام

كنت ادخل عليهن بتكميله رياضه ويوم بدله وطاقيه ويوم تلقاني صروال سباحه وفنيله علاقي >> تسمع بالسبور

الكلاسات كانت روعه ودك تنام فيها هذي صورتنا بالكلاس




كانوا زملائي بالكلاس كلهم يحبوني واول ما يشوفوني مقبل عليهم يكعونها ضحك ===>> من دلاختك يالشبهه

بس كان فيه بنت بالذات تناظرني بشكل غريب وهي نانسي بنت عجرم



وكانت تطلع لسانها بشكل غريب زي كذا (

انا صراحه ضاق صدري منها قمت وشلت النعله ورميتها عليها

وقلت يابنت اللذين وش عندك اذا في راسك شي اطلعي برى

ماتت ضحك وزملائي ==>> ابو اللزقات ياشيخ ... كلهم تمزعوا ضحك ، بعد كم يوم جات وجلست
جنبي يوم انتبهت الا هي تشمشم فيني طلعت الضعيفه على قد حالها وجايعه وتشم ريحه الزفره حقت المثلوثه وخاشه جو )


الصراحه رحمت الضعيفه ===>> انت والله ترحم ...

الا الوضع يوم تطور لا جيت طالع من الجامعه طبعا اروح مشي عشان المشي رياضه ==>> الا والله القعاطه يالزيدي
الا هي وراي وخشمها طالع شبر قدام وصلت للمطعم الا هي يوم دخلت قلت : هلا بزميلتي نانسي استريحي اجيب لك على حسابي احلى مثلوثه===>> ابوك يالذوق

قالت : ولو ما بيصير قلت : اول مره تطبين المحل لازم حق وواجب

الا انتم يال عجرم من اي الحمايل ؟؟ ====>> ابوك انت واسئلتك اللي زي وجهك

قالت : كلك زوء قلت : ليش الغلط ما فيها شيء كلناعبيد لله


المهم البنت أكلت وسفت لبن الصافي بعد !!!

سئلتني : لمين المطعم ؟ قلت : لي انا اللي مسويه وش رايك بالشغل ؟ قالت : بيجنن

مرت السنين وجاء اخر سنه مرت نانسي للمطعم الا انا داخل اغسل الصحون واقصد: ازاعلك ايه اترك لا وامعصي

غسلت يدها مني يوم درت اني موصاحب المطعم مصلحجيه كانت مخططه علّي

وتركت الجامعه البنت وسرقت مني الكلمات وسوت الاغنيه واشتهرت

وبعضهم قال انها تركت الجامعه عشانها انصدمت فيك بس الصحيح انا ما كان بيني وبينها الا الاكل وكل خير عشان كذا اقول ان نانسي كانت من زملائي وزميلاتي

وان علاقتي بنانسي اشاعه