...اعلانات...




للإعلان لدينا اضغط هنا

		بوابة النوكيا - بلوتوث - برامج - اغاني - العاب - فوركس - أخبار - حواء - جوال - فيديو - أفلام > منتدى كل الاعضاء-All Member Section > بوابة شباب وبنات-Boy and Girls Section
لقطات من حياة العزوبي

اجعل كافة الأقسام مقروءة

بوابة شباب وبنات-Boy and Girls Section

حش وسوالف ليل ونهار الشباب والبنات فقط...

هل تحب بوابة النوكيا ؟ إذا لا تبخل علينا واجعلها صفحة البداية لديك .. أجعلنا صفحة البداية لديك

::: فعاليات بوابة النوكيا :::

::: شاركنا برأيك :::
لماذا اخطاء الشباب طيش واخطاء الفتاة جريمة	كيف حملت لميس؟
الوااااااااااااااااســـــطــة!!!!!	الزواج عن طريق الانترنت؟؟ايش رايكم؟؟

الإهداءات
aboalbra2 من الكل يبارك لـ سكر حامض , chocolate , عسولة غيورة صارو شخصيات هامة مبرووووووووووك : KANE_H من المحبه : هلا غلا شبااب وينكم ؟؟ لحد يزعل مني يالغلا ومنورين جميعا chocolate من sad : i love you but you know.... the family KULTAN من من السفرة : (ذهب الظمئ وبتلت العروق وثبت الأجر ان شاء الله) KULTAN من من السفرة : اتمنا للجميع افطار شهيا وتقبل الله صيامك تذكرو قبل الإفطار هذا الدعاء (ذهب الظمئ وبتلت العروق وثبت الأجر عند الله) كريستالة من النوم : حبيت اصبح عليكم قبل مانام hamodi99 من الجوري : انـ ا أفتقدكـي ...99حموديــ البس البري من الاردن : كل عام وانتم بخير اعضاء المنتدى واهدائي الخاص لزوجي حمود سارووووووو من طيبة : مرررررررراحب .صلوا على النبي ..عليه الصلاة والسلام ايدوارد من مواضيعي : والله صعبه ارسل لكم كلكم ارجو من السادة الاخوة التوجه لقسم الفن التشكيلي والرد على موضوع مكتبة رسومات بيكاسو memo51 من سوريا العروبة : كل سنةوانتم سالمين وإنشاالله تكونوا مبسوطين DHUHA من الرياض : مبروك عليكم اول جمعه في رمضان جرح الايام من من جده : اللهم اغفر لنا ماتقدم من ذنبنا alharmi1 من القلب : كل عاام وانتم بخير لجميع الاعضاء وجعلكم اللة من صيامة .::. F.B.I .::. من الادارة : أسعد الله صباحكمـ يا آحلى أعضاء.. وجمعه مباركـهـ fatani من K.S.A : كل عام واعضاء المنتدى بخير وتقبل الله صيامكم سارووووووو من داخل قلبي : سبحان الله وبحمده سبحان الله العظيم ..تحياتي لكل الاعضاء والزوار سلوتر من السعوديه : كل عام وانتم بخير انا مره جيعان واستنى المغرب مـــــنـــــت فـــــاهــم من من السعودية : بباركم على الشهر كل عام وانتم بخير انا رورو من رورو : كل عام وانتم بخير إضافة إهداء

الإهداءات

aboalbra2 من الكل يبارك لـ سكر حامض , chocolate , عسولة غيورة صارو شخصيات هامة مبرووووووووووك :

KANE_H من المحبه : هلا غلا شبااب وينكم ؟؟

لحد يزعل مني يالغلا ومنورين جميعا

chocolate من sad : i love you but you know.... the family

KULTAN من من السفرة : (ذهب الظمئ وبتلت العروق وثبت الأجر ان شاء الله)

KULTAN من من السفرة : اتمنا للجميع افطار شهيا وتقبل الله صيامك تذكرو قبل الإفطار هذا الدعاء (ذهب الظمئ وبتلت العروق وثبت الأجر عند الله)

كريستالة من النوم : حبيت اصبح عليكم قبل مانام

hamodi99 من الجوري : انـ ا أفتقدكـي ...99حموديــ

البس البري من الاردن :

كل عام وانتم بخير اعضاء المنتدى واهدائي الخاص لزوجي حمود

سارووووووو من طيبة : مرررررررراحب .صلوا على النبي ..عليه الصلاة والسلام

ايدوارد من مواضيعي : والله صعبه ارسل لكم كلكم ارجو من السادة الاخوة التوجه لقسم الفن التشكيلي والرد على موضوع مكتبة رسومات بيكاسو

memo51 من سوريا العروبة : كل سنةوانتم سالمين

وإنشاالله تكونوا مبسوطين

DHUHA من الرياض : مبروك عليكم اول جمعه في رمضان

جرح الايام من من جده : اللهم اغفر لنا ماتقدم من ذنبنا

alharmi1 من القلب :

كل عاام وانتم بخير لجميع الاعضاء وجعلكم اللة من صيامة

.::. F.B.I .::. من الادارة : أسعد الله صباحكمـ يا آحلى أعضاء.. وجمعه مباركـهـ

fatani من K.S.A : كل عام واعضاء المنتدى بخير وتقبل الله صيامكم

سارووووووو من داخل قلبي : سبحان الله وبحمده سبحان الله العظيم ..تحياتي لكل الاعضاء والزوار

سلوتر من السعوديه : كل عام وانتم بخير انا مره جيعان واستنى المغرب

مـــــنـــــت فـــــاهــم من من السعودية : بباركم على الشهر كل عام وانتم بخير

انا رورو من رورو : كل عام وانتم بخير

إضافة إهداء

لقطات من حياة العزوبي

بوابة شباب وبنات-Boy and Girls Section

المواضيع المتشابهه
الموضوع	كاتب الموضوع	المنتدى
تعال شوف حياه العزوبي بكامل تفاصيلها	كتو موتو	بوابة شباب وبنات-Boy and Girls Section
العزوبي كيف طبخ الاندومي مره مضحك هههه	•»ذبحني غلاهــا«•	بوابة الصور العامة
":... تعالووو كلكم لا يفوتكم فضيحةواحد العزوبي يسوي أندومي هههه لووول ..::"	DiRecToR	بوابة شباب وبنات-Boy and Girls Section
محاوره رااائع بين العزوبي والعريس	بطه حلوه	البوابة العامة-General Section

أدوات الموضوع

إبحث في الموضوع

13-11-2007, : 03:04

المشتاق لك

(عــضــو فــضــي)

______________

الملف الشخصي

رقــم العضويـة:	105076
تاريخ التسجيل:	Dec 2005
مكان الإقــامـة:	متكي ورى الشمس
المشاركـــــات:	466
عــدد النـقــاط:	24040
قوة التـرشيــح:

لقطات من حياة العزوبي

سؤال لكل عزوبي .. يتسدح بالملحق ؟:568:
هل تنام على بطنك:z (64): ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ،
او تنام ويطلع سرك ستر الله سرك.

إذا كانت الاجابة بنعم فإن
كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".

عزيزي العزوبي : <<< عبارات اسبوع العزوبيه <<< على غرار اسبوع الشجره.:z (77):
لا تتخذ قرار الزواج إلا وانت
في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .
مع اني ما ادري عنك ونصفك الاول فما بالك بالنصف الثاني.
يا نصفي الثاني معقوله تنساني

ومن يوم تقول الوالده خلاص بندور لك ، تصير ذاك الشاب الحبيب الرحيب السمح اللي بااااله طويل.. ما يتأفف إذا وصلهم مشوار ، و يوصلهم للزواجات بكل رحابة صدر .. ويسألهم اول ما يركبون طالعين من العرس ومنتهية لياقتهم .. هاه بشروا ؟
عسى لقيتوا نصفي الثاني >>>>> تكفى يا وائل كفورى ..

قبل ان تتخذ قرار الزواج .. رح صلح شاهي وجب لك مركى وتعال اسمع وش باقول لك . لأن الموضوع طوووويل وانصح اللي فاتورتهم عاليه يقطع الخط ويقرأ .

ستقتصر الاستشارات على الشباب .. و يمكن ما اقدم استشارات للنساء خوفا من انكم تقولون ( ملكع ) وفيه ملا فيه ..
واتهم بالزندقه والدشاره بعد هالايام الواحد ياخذ حذره يقولون ان المشمش كاثر والطماط راخص. <<<<<< ما يحب السياسه.

فابركز على الشباب .. إلا اذا الحيتوا يا البنات اني اعطيكم استشاره مجانية.

اولاً : مرحلة ما قبل الزواج :
كيف تعرف انك استويت عزيزي الشاب وحان قطافك من بنت الحلال :
7
7

أ : علامات الرغبة في الزواج عند الشاب :
من خلال ملاحظتي للشباب والتغيرات الفسيولوجيه التي تحدث لهم خلال الفترات العمريه .. فقد سجلت الملاحظات التالية:

1 -
إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل في مؤسسة مباري للعرس على النوته

كذلك إذا صرت تتابع الفيديو كليب وتفتح فمك ولو يناديك ابوك ما ترد عليه.
2 –
إذا بديت تشوف الرجال طالع من الصيدليه ومعه كيس مو واضح اللي داخله وتقول بينك وبين نفسك ( اخ وش هو شاري للمدام ) يا حظه ؟ اكيد بيسون شيء:568: . >>>>>>> يمكن شاي صيني للتخسيس لا يروح بالكم بعيد.
فاعرف انك ( وصلت لمرحلة ) واستحقيت لقب
( اعزب رايح وطي )
بكل جداره .
3 –
إذا بدت تلفت انتباهك القدور والدلال وادوات المطبخ فاعرف انك ستكون زوج حبوب تغسل المواعين وتلبس مريله عليها صورة فيل.
4 –
إذا بديت تقول يا زين بيروت والـ إل بي سي والمستقبل ؟ فاعلم اخي الاعزب انك لو انتظرت سنتين ستصدّي صواميل ظهرك وتصير بلا مستقبل.:z (63):

5 –

إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( لحسه ) وشهار ما يقبلك ولا منتسب .:z (86):

6 –

إذا بديت تطلب من صديقك تلفون الباندا وتقول
( هاه فيه شيء جديد )
؟ << رسائل نصيّه .

فاعرف ان نظرك بدأ يضعف وتبي تثبت لنا انك تشوف بشاشه صغيره فتلاحق عمرك لا تصير المدام تقودك بالاسواق.
7 –
إذا بديت تعطّر بعطور نسائيه وتقول ما فيها شيء
( العطورات ليست حكرا على احد )
.. فاعرف انك بديت ( تخق ) لذلك اكرب عمرك واعرس.

لذلك عزيزي الشاب اذا ظهر عندك الاعراض اعلاه كلها او بعضها فاخطب وخلص امورك .. بس خلني اقول لك وش تسوي بالخطبة

ثانيا : اثناء الخطبة :

هناك بعض التكتيكات التي تساعدك على الظهور بمظهر جيد في عيون مدام المستقبل وعيون اهلها

1 –

انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.

2 –
لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم ، وتتكلف باللبس بحيث تظهر كأنك طايح من الجدار ومجبّص كلك.. صاير شاقص ومشصّب وما تلتفت إلا كلك كانك ضبعه في Discovery channal
لأن الخطيبة مصيرها تعرف ان السياره مو سيارتك وبالتالي تطيح من عينها .. يا اخي إن رضت فيك كما انت وإلا بكيفها .. تلقى نصيبك وتلقى هي نصيبها .. وخل عنك فلم احمد زكي
( أنا لا اكذب ولكني اتجمّل )
<<< تراه ودى ناس كثير بداهيه.

3 -

اثناء الشوفه لا تستحي ابدا و قز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم
" فلينظر اليها وتنظر اليه فأنه احرى ان يؤدم بينهما "

مع ان الشوفه ما هي إلا مؤشر للراحه النفسيه إلا انها ( لا تعكس) الصورة الحقيقية لشخصية الفتاة .
لأن البنت غالبا في الشوفه ما تتكلم وحتى لو تكلمت فهي تتكلم بتكلف .
وكما قال الشاعر
( لسان الفتى نصف ونصف فؤاده **** فلم يبق الا صورة اللحم والدمِ )
<<<< يضيع مع اللحم في الضحايا خصوصاً الكبده يا بعد كبدي..
لا يروح بالكم بعيد.

وإذا ماعجبتك البنت من النواحي الشكلية..لا تقول لنفسك " تزوجها والحمد لله ..
وإذا حسيت شيء بقلبك لا تجامل وقل لهم ما الله كتب .
4-
في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
وش تسوين ؟ انت على السرير وإلا في المقلط ؟ << يخرب بيت السؤال ؟
ليش تلفونك مشغول ؟ من كنت تكلمين ؟

لانك بعد فترة وجيزه بتطيح من عين البنت وانت تميلح . ويمكن تحسف انها وافقت عليك ، وتفسخ الخطبه.:z (47):

5 -

لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..

لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها
( شرّاب تكرونيه عند الحرم )..
لانك جاملتها في اختيارها وهي جاملتك واخترتوا ( حلول وسطيه ) وسويتوا
comprise تسويه ولهذا طلع الاثاث ملخبط .

وقبل ما تأثث قرر وش راح يكون ستايل اثاثك
( كلاسيك ) او ( مودرن ) او ( سعودي )
.. ولا تقعد تخلط بالاثاث .. كلاسيك مع سعودي مع مودرن فيطلع بيتك شوربة كوارع.
كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه
( حراج ابن قاسم )
من كل بحر قطره.
فتصير مثل اللي بيتهم طين وعندهم
( رولز رويس ).

خلى مستوى الاثاث كله متناسب مع بعض .. واسعاره متناسبة ايضاً ويمكن تأجيل شراء
بعض الامور إذا حسيت انك بديت
( تطفّر ).

6 –

اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ..
مو تصير حبيّب بالخطبة وصدام بعد الملكة.

ثالثا : ليلة الزواج :

ليلة العمر والليلة الوحيده اللي تحس فيها انك اهم واحد بالاحتفال :005:.. فلا تصدق عمرك ويكبر راسك.. خلك طبيعي مثلي
ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على
( الكوشه )
.. فجأه تقوم تقول بعد اذنك باروح الحمام .. صدقني
راح تقول البنت إللي هذا اوله ينعاف تاليه
.. فلنفرض انك قمت من الكوشه ؟؟
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟ بالعربي .. انت بتبلش بلشة ما بعدها بلشة

أما إذا رجعت بيقولون الحريم
( جاه اسهال من الخوف من المدام )
اجل إذا راحوا الشقة بلحالهم وش بيسوي هالخواف.؟
فتصير علك في فم الرايح والجاي وملطشه للصغير والكبير.

2 –
ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت.
<<<<<<< وش دراك؟

3 -

خلك ذوق واسحب يد البنت وحطها على
( القير حق السياره )

وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره :z (64):>>> لاحقين خير ان شاء الله .. لا تتصربع الله يسلمك..

واذا حطت يدها عليك لا تخاف .. ثم تقول لها
فكي وافك
7

4 -
إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته:005: اللي تهز اركان البيت .. ثبت الله اركانك .

رابعا ً : سواليف ليلة العرس :
يحتار الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :

1 –
انتبه تتميلح او تنكت اكثر من اللزوم لان الموضوع
سينقلب ضدك وبدال ما تصير وش زينك تصير
( كخا ).
2 –
انتبه تجيب طارئ ( أمك ) :r4:ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري ..
الله ياخذ بليسك انت وامك لا هالحين ادخل والسبك بالعقال
<<<<<<<< يعصب احيانا بدون سبب مقنع .. ما عليه رجعت طبيعي .. نكمل ..
مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.

3 –

امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه :z (36):انت وعيونك المغمصه ..
حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون
( الكذاب الصادق ) ..
فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .
4 –
انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك )
.. لانها مؤكد انها مو مصدقتك
( ما امدى بسم الله تحبها ).
بصراحه كثير من الشباب محروم من ( كل شيء ) <<< وافهموها .. عاطفيا و ...... .
واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .

خلك ثقل وخلي سلوكك هو اللي يقول للبنت اني احبك مو اساليب ( قردنه )
احبك بعدين تقول لها
( وش رايك نلعب عريس وعروسه )
؟
ترى هالحركات ما تمشي على البنات الحين .

معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة )
الغرفه.

خامسا : ملابس ليلة العرس :

1 -
بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الشعيرات اللي بصدرك .
تنظفوا ( لمتي ) اعلمكم ... همااااه ؟

بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاااااااااااااااااي شله )..
2 -
انتبه تصير قروي وتلبس سروال ابو حبل:z (64): ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك
( حمار وحش )
يتكلم عربي.

اختر اللبس المناسب لجسمك ..:z (10):
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
وفاجأها في الصباحية .
إذا كنت سمين البس ملابس فضفاضة شورت وفانيلة
X X X L <<<< انتبه ترى ما اقصد القناة .

3 –
للإحاطة فإن قمصان النوم النسائية ( مشققه ) وشفافه وكلها حركات:568: .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا بأأأأأأ عجرت اعلّم فيكم .

إذا لبست لك المدام ( قميص نوم راااايق ) ترى مو معناهاااا
( طب عليّ )
.. خلك ثقيل وإلا جيت هالحين أربط ثقالات برجليك.

ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
<<<<< احتمت ( كبدي ) يوم سمع القصة من القهر .

سادساً : الخطة المحبوكه للقاء الحميمي :

1 -
حذاري ثم حذاري وهذاني اقول لك ( حذاري ) .. تتحرش بالبنت جنسيا حتى لو كانت زوجتك .. فكما يقال
( احذر ان تبدأ حياتك الزوجيه بحادث اغتصاب ).
لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .
2 -
اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين )
همااااه .

3 -

اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس
( صنادق حمام ).
اركد وخلك طبيعي وإلا قالت البنت وش
( هالعومه ).

4 -

في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.
<<<<<<< آل يعني الثقافة مقطعه بعض .. طرّاه انه بيقرا مجلات وصحف في اول عزيمه بكافي شوب.

5 – اليوم الثالث :
حاول تسافر بها عمره بعدين لمدينة جده لسكان المملكة العربية السعودية .. او مدينة اخرى لسكان الخليج .. او
( لقريح وابو زنه لباقي الدول ).
6 –
انتبه تسافر بالمدام شهر عسل .. لا يلعبون عليك .. شهر العسل برأيي يؤجل إلى ان يتم دراسة المرأة هل هي تكانه وإلا
( برتكانه )
.؟؟
بعدين ممكن تصير مواقف بالسفر ما تلقون لها حل .. او سوء فهم فما يترقع بعد ما ترجعون .
شهر العسل اصلا بيكون كله مجاملات ولا تهمك الافلام الهندية تقعد تحسب انك تبي
( تدربي ) من فوق جبل وتمطر عليك انت وياها وانتم ترقصون.
ترى كله ( كوذاااااب × كوذااااب ) هيااااا سمعت مني وإلا .. لا ؟؟؟ اللللللله يستتتتتتورررر عليك.
<<< يجيد اللهجات المحلية.

وابدا بالمدام بالمدن القريبه ثم ابعد فابعد إلى ان توديها إلى ( هاواي )
إن بغيت .. هذا كله مثل ما قلنا إذا صارت تكانه ..
يعني ايش تكانه ؟ يعني ماهي علة وريد ، او لحوح لدرجة تقترب من صفات ( القراده ) او ( غيور وشكاكه ) لدرجة ان عيونها تلاقط في كل مكان.
إذا صارت احد الانواع السابقة فشقق جوازك وما جاك عندي .
6 -
اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك .
واللي ما يجي اليوم .. يجي بكرا ..

سابعا : خزعبلات ليلة العرس ومفاهيم لك عليها :

– الطحينية تقوي الجنس .. انتبه تأكلها لانها بتشب وتحمي ( كبدك )
وبتجلس تصبب من العرق عند المدام
من السعرات الحراريه.
2 –
اشرح لزوجتك كل اللي تحبه واللي ما تحبه ليلة العرس وفهمها كل شيء وعلمها الاصول ..
يا اخي لو انها موظف عندك ( كان ) استحيت اول يوم تقوله شيء .. فاول يوم يمكن تاخذه بجوله على اقسام الشركة .
فما بالك بالمدام لا تقعد توريها ( نجوم الظهر ) بانصاف الليالي .
3 –
انسب يوم للقاء الحميمي هو اول ليلة .. انتبه تتوهق بس وخلك رجال واعقل لا يلعبون عليك وتصير صعيدي .
4 -
الزواج ( شر لا بد ) منه >>>>>>> لا يلعبون عليك .. تراه زين وبادي يصير ازين وازين هالسنين التاليه
7
7
7

عزيزي الشاب اتمنى ان تكون استفدت من التلميحات السابقة ..
وعموما تظل هي رأي يعكس
... فقط ..
ان بغيت تستفيد من شيء منها وإلا اضرب بها عرض الحائط وما جاك عندي

واخيرا اذا اعجبك الموضوع فلاتبخل علينا بكلمة شكر

13-11-2007, : 04:27

ღ¸¸3li¸¸ღ

(مشرف بوابة الصوتيات)

______________

SMS	كـل عآم وأنـــتـــم بخـــــــيــر{:$}

الملف الشخصي

رقــم العضويـة:	152258
تاريخ التسجيل:	Aug 2006
مكان الإقــامـة:
المشاركـــــات:	5,299
عــدد النـقــاط:	164322
قوة التـرشيــح:
مهنتي:
مزاجي:
دولتي:
الجنس:

رد: لقطات من حياة العزوبي

الف شكر اخوي مشتاق لك على المعلومات المفيده

13-11-2007, : 05:07

medoo2000

(عــضــو فــضــي)

______________

SMS

الملف الشخصي

رقــم العضويـة:	40981
تاريخ التسجيل:	Jan 2005
مكان الإقــامـة:	في قلب أم الدنيا
المشاركـــــات:	386
عــدد النـقــاط:	5130
قوة التـرشيــح:
مهنتي:
مزاجي:
دولتي:
الجنس:
هوايتي:
جنسيتي:

رد: لقطات من حياة العزوبي

ماشاء الله عليك جيت بالموضوع من جميع نواحية ( من طقطق إلى السلام عليكم )

مشكور على الموضوع المفيد

13-11-2007, : 06:57

نظره قمر

(عــضــو مــمــيــز)

______________

الملف الشخصي

رقــم العضويـة:	519433
تاريخ التسجيل:	Nov 2007
مكان الإقــامـة:
المشاركـــــات:	131
عــدد النـقــاط:	3786
قوة التـرشيــح:

رد: لقطات من حياة العزوبي

ما شاء الله عليك كلامك والله يضحك

الله يهدي ها الشباب المساكين ويرزقهم زوجات صالحات

والبنات بعد المساكين الله يرزقهم ب الازواج الصالحين

وشكراً لك اخوي

13-11-2007, : 07:07

المشتاق لك

(عــضــو فــضــي)

______________

الملف الشخصي

رقــم العضويـة:	105076
تاريخ التسجيل:	Dec 2005
مكان الإقــامـة:	متكي ورى الشمس
المشاركـــــات:	466
عــدد النـقــاط:	24040
قوة التـرشيــح:

رد: لقطات من حياة العزوبي

ياهلا ويامرحبا

اتمنى هالموضوع نال اعجابكمـ

13-11-2007, : 11:44

الفارس_707

(عــضــو جــديــد)

______________

الملف الشخصي

رقــم العضويـة:	103188
تاريخ التسجيل:	Nov 2005
مكان الإقــامـة:
المشاركـــــات:	21
عــدد النـقــاط:	10
قوة التـرشيــح:

رد: لقطات من حياة العزوبي

مشكور اخوي مشتاق لك .. بصراحه حمستنا .. انا قررت قرار نهائي ..

16-11-2007, : 04:28

حسكو222

(عــضــو جـــيــد)

______________

الملف الشخصي

رقــم العضويـة:	154308
تاريخ التسجيل:	Aug 2006
مكان الإقــامـة:	هناااكـ
المشاركـــــات:	234
عــدد النـقــاط:	940
قوة التـرشيــح:

رد: لقطات من حياة العزوبي

مشكوووووووووووور ياغالي

وماجاك عندي
تحياتيـ