ذكريات قناة السعوديه الاولى ..... من وحي الماضي

Mr-7azeen · 02-11-2007, : 04:31

بسم الله الرحمن الرحيم

السلام عليكم ورحمة الله وبركاته

يا هلا والله وغلا فيكم يالله ان تحييهم

المهم انا اليوم سالفتي ياطويلين العمر عن القناة الأولى

ياحبي لها بالتلفزيون السعودي ايام الطفولة والبراءة
:
:
:
يوم كنت صغير كنت أقوم مع العصافير

وأجلس قداام التلفزيون قبل ماتفتح القناة الأولى اشووف الألوان كانها فوطة الوالد الله يطول بعمره

هع00هع00هع00هع00

وبعدها أجلس أغني بصوتي العذب

مع السلام الوطني << ياعيني عالوطنيه

بعد السلام الوطني أجلس احتري القــرآن يخلص واذا خلص قلت صدق الله العظيم << هذا اللي حفظته

واذا بدا الكرتووون أرووح فيها وافتح هالكشره

وماسكرها الا اذا قطعوا علي الفيلم وقالو الإعلانات التجاريه

يرفعوووووووون الضغط

المهم انا اجلس اقلب لي مجلة ماجد الين تخلص هالإعلانات

المهم بما اني مدمن افلام كرتون ايام الطفووله ولي ذوقي الخاص << اقوول اعقل يالكبير

<< احلى ياذووووووق بس لاينط لك عرق

اخترت لكم بعض الافلام اللي حفظتها صم من كثر ما شوفها

(( الكابتن ماجد ))

مدري وشلون يتشقلب في الهوا كم قلبه وبعدها يسدد الهدف

ويطيح عالارض ومايجيه شي ماشاء الله<< مصدق

يلعن بليسه كل ماجيت العب كوره ابتشقلب مثله مايمديني ارفع رجلي الا واهبد عالارض

والا حركة التوأم منير وأنور اللي كأنهم قرووود هههههههههههههههههههههههههه

بس اللي مشينها اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم
يفوز

بس والله كنت اتحمس معه تحمس مو طبيعي واقعد ارفس اللي قبالي

((بشار))

هالفاهي اسميه ( بيض عيووون) جابلي الضغط وانا صغير

على كبر عيوونه امه تمر من جنبه ومايشووفها

وانا عاد من زود التحمس اصااااااارخ اقوله امك ياغبي التفت الي يشووفني يقول يسمعني

هع هع

هع هع

والله حلقه وهو يدووووور امه

((سـالـي))

عاد تجيكم سيدة الشاشه الكرتونيه سالي يالبلى قليبها
هالبنت قطعت قلبي

حته حته من تبدأ الحلقه ا لين تنتهي وانا صياح واهلي يجون يسألوني

وشفيك من طقك فيك شي يوجعك وانا مو يمهم دموعي اربع اربع

بس كانت تقهررررني بشي واحد

يهااوشونها وهي ساااكته ويكرفونها وهي منطمه

ولاعاد تجيكم بنت التسلب آنسه منشن ياكرهي لها هالنجسه

((هـايـدي))

عاد هاذي اللي صدق بعدو عني اذا جت اخش جووو بقووه

هايدي فتاة جبال الألب والعنزااات والخرفااان

ياحبي لها هي وبيتر

كلير <--- المشلوله الحمدلله ابشركم مشت

وجدها الشديد <-----<-----بس اخر الايام هجدت شياطينه صار حليل

وجدة بيتر العجوز المنتهيه

ولا تهون عنزتها ويكي

بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال

((عدنان ولينا ))

<<< ياعيني عالرومانصييييه يانااس

هذاا للحين عندي اشرطته من اول شي الى اخر شي

عدنان ذا الي من اول حلقه ماغير لبسه واخر حلقه تكشخ وجاب العيد

ههههههههههههههههههههههههههه

والا صديقه عبسي (للمعلوميه عيارتي يوم اني صغيره عبسي لانه هو قدوتي في تسريحات الشعر)<===امحق قدوه

ههههههههههههههههههههههههههه

وهو كشته وماغير دايم اصبعه بخشمه

<<<< ترى بهالشي مو قدوتي

هههههههههههههههههههههه

ولينا ذي الحساسه مو مثل بنات هالايام خاليات من الاحساس والدسم

وعلام الشرير

ياكرهي له هو وجهه المربع

والا احلى شي لما انطق عدنان بدل عبسي وحمًرت .....

الله يادنياا الحين كبرنا وصرنا نتابع الأفـلام وتوم كروز وأفـلام هنديه وشاروخ خان خخخخخ

مير الحين القناة الاولى مانقرب حولها (بس انا فيني وطنيه شوي احب اشوف الاخبار )

ههههههههههههههههههههههههههههه

المهم مالكم بالطويله بس حبيت اعيد ذكريات الماضي << احلا يالماضي

وايام الطفوله التي لنا انساها ولن انسى ابطالها

<<< لايكثر هرجك>>>

بـــس اللحين تطوورت وصــرت اتاابع mbc

وشكراً على حسن أستماعكم وأنصاتكم

و
ثوكرن

وفي امان الله وحفظه ورعايته

™ prience ღ lovers ™ · 02-11-2007, : 04:47

خخخخخخخخخخخخخخخخخخخخخخخخخخخخخ

الله يقطع ابليسك قطعت صدري من الضحك

بس انتبه لايجونك صاادوه رااجع الموضوووووووووع

تسلم ادياااتك

azoz-saud · 02-11-2007, : 05:20

آآآآآآآآآآآآآآآآآآآآآآآآآآآآآآآآآآآآآآآآه
والله أيام ما تنعاد
والله الطفولة أحلى مرحلة بالحياة وما تعرف هالشيء الين ما يروح منك

ذكرتني بمجلة ماجد
واله مقاطعها لي تقريبا سنة

** Ali-94 ** · 02-11-2007, : 11:16

مشكور الحزين ع الموضوع ...

والله من جد يا شيخ كابتن ماجد لما يبغى يشوت الكورة لازم يحكي قصة حياته ههه

فعلا " ذكريات مؤلمة " ...

في انتظار جديدك ..

تحياتي..

●օ مإلي بآلدنيأ سوآكـ օ● · 02-11-2007, : 11:48

هههههههههههههههههههههه

هههههههههههههههههههههه

ارحبو تسذا الفلهـ والا فلا ياسنايدي

اروح حمضيات ع خط القريات واروح ملح يالحزين وش هالحركتات ياختير

بس كانكـ نسيت روبن هود يسعى وحيداً بالغابهـ ههههههه

اذكر اني اخذ العودان حقت الاوصال واحط مغاط وانشبهـ فاقرب صلعهـ جنبي

تسلمـ هالايديات ياخيو

سي يو

medoo2000 · 02-11-2007, : 06:45

ههههههههههههه

يا سلام عليك جيت على الجرح ونسيت القناة الثانية الإجليش في الساعة أربعة كان لهم حركات حلوة ولا الأصفر المعمول من الصلصال ويدخل فيشة الكهربا لا وبعد البيونك 6 الفية السيارات والرجل الألي الشكلة زي البيضة يا سلام على الطفولة ذكرتني بأشياء فات عليها أكثر من 12 سنة أو أكثر