السلام عليكم ورحمه الله


في طريقه ممتازه اكتشفتها فى نوكيا 6280

وهى ان ممكن تعملها ثيمات بمنتهى السهوله والطريقه بسيطه
فعاوزين شويه تركيز


اول حاجه الموبايل اصلا موجود عليه ثيمات بامتداد nth
نزل اى واحد فيهم عالكمبيوتر وبعدين افتحه باى برنامج ضغط ذى winrar مثلا

وبعدين اعمل للثيم extract

هاتلاقى ان الثيم عباره عن شويه صور وايكوانت وملف اسمه theme_descriptor.xml

فعشان تعمل ثيم خد theme descriptor ده

وافتحه بالــ notepad او اى حاجه تانيه تقدر تكتب بيها

وهات الصور والايكونات اللى انت عاوز تحطها فى الثيم هاتلا ملف theme descriptor ده فيه كلام كتير كده هاتلاقى فى الكلام back ground & wallpaper وحجات من كده كتير وايكونات للحاجات اللى على الموبايل ذى music player & media وكل حاجه من الخلفيات والحاجات دى هتلاقى مكتوب قصادها اسم الصوره او اسم الايكونه

فانت تغير اسم الصوره او الايكونه اللى موجوده قصاد كلمهwallpaper&background & media or music player باسم الايكونه او الصوره او الخلفيه اللى انت عاوز تحطها


وبعدين تحط كل الصور والايكونات اللى انت استخدمتها وملف theme_descriptor.xml مع بعض فى مكان واحد وتضغطتهم باى برنامج ضغط بس لازم لازم لازم بامتداد zip وبعدين بعد ماتضغطهم تغير الامتداد وتخليه nth وطبعا تغيير الامتداد حاجه سهله

عشان تغير الامتداد افتح folder option وبعدين شيل علامه الصح من على hide extinsion وبعدين اعمل apply

وبعدين هايظهر الامتداد مع اسم الملفات تقوم انت تغيره وتخليه nth ذى ماقولنا

وبعدين تحط الثيم على كارت الميمورى بتاع الموبايل


وبس

وبكده تبقى عملتم ثيمات لــ6280 بمنتهى السهوله