بوابة نوكيا

29-08-2006, 09:44 AM

السلام عليكم ,,,

اعجبتني هذه الأبيات جدا"""

فنقلتهااااا لكم اتمنى ان تعجبكم ,,,,,,,

وش يصير ليا رجعنا وانتهى درب الخصام *a* وش يصير ليا كسرنا كلمة الراس العنيد

وش يصير ليا بديتي أو بديت أنا السلام *a* وش يصير ليا قدرنا نبتدي عهد جديد

قربي يمي وبجيلك حب واحساس وغرام *a* ادري في بعدك تعاني وأنا هم مثلك وحيد

لي متي وحنا نكابر وما جنينا إلا الملام *a* وليمتا وحنا نعاند بالنهايه شنستفيد

شوفي حالي ياحياتي شوفي حالك ياحرام *a* وشوفي كم مره قتلنا ضحكة القلب السعيد

وش جنينا وش خذينا قولي ضيعتي الكلام *a* آه كم مرة حكينا وللأسف نرجع نعيد

ياحياتي ياعيوني يابعد كل الأنام *a* ياغلاي وعين جدي وعمري وإحساسي الفريد

بس يكفينا تعبنا بس خلينا ننام *a* شابت عيوني وعيونك والسهر قاسي أكيد

مدي اكفوف التلاقي وبادليني بالهيام *a* وخلي أنفاس المحبة تجري في دم الوريد

مو غريبه الشمس تشرق بعد ما يجلى الظلام *a* صدقيني الورد يضحك لاظهر صبح وليد

لو تنازلنا شويه وابتدينا بالسلام *a* وشيصير إليا كسرنا كلمة الراس العنيد